NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion

Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


J A K K A A - P U L A A G U . C O M
Accueilvue en cascadeRèglesAide
Bienvenue, Invité
Merci de vous identifier ou de vous inscrire.    Mot de passe perdu?
Re : WINNDANNDE NDE YALTINAAKA TAHO (1 lecteur(s)) (1) Invité(s)
Aller en bas Répondre Ajouté aux favoris : 0
SUJET: Re : WINNDANNDE NDE YALTINAAKA TAHO
#100
Saajo Bah (Utilisateur)
Messages: 16
graphgraph
Personne n'est hors ligne Cliquez ici pour voir le profil de cet utilisateur
Re : WINNDANNDE NDE YALTINAAKA TAHO Il y a 11 Années, 10 Mois Karma: 0  
NDEE &#039;DOO WINNDANNDE KADI YALTINAAKA, GILA E MAWNDE SAALIINDE 18 SIILO 2008.<br /><br />Gine: Maanditaare jaambareeve men.<br /><br />Fecco (4)<br /><br />Haa jooni ko e ndee Haftaare dillinnde winndere fow, wonzen e muuzum, wano wiirunozen non ka adan, hino woodii ko jantee fii mayre haa lutta, sabuna ko ko mawni wondi e teddungal waznoojokken maanditagol jaambareeve men, yo tarotoove pulaagu.com tedduve.<br /><br />Kulol&nbsp; wolde musidal fettude e nder Gine<br /><br />Hari lasindotoove (obserfoove) zuuzve e nder winndere ndee no huli fota, wolde musidal huvvude e nder Gine fewndo haftaare nden wazi nder lebbi Siilo e Cole, 2007, wano no ve hulirnoo non fergitugol deexere dawroyankoore hevoriinde karahan,&nbsp; e nder&nbsp; Sira Liyon, Labiriya, Kodduwaar kam e Gine-Bisaaw, leyze zen ruttoo e jiivere. Musaa Solaano Jaagaro Hoolaare e Kisal kam e yoga e koohoove laamu Gine goo, holluno wonde, ko foozotiro tonooji leyze janane sertuze, hella ko yowitii e nebbam e oogirze&nbsp; aseteeze goo, e nder leydi ndin, ko&nbsp; zum fow woni e irbitude nammbaraaji zin, e nder Gine.<br /><br />Kono hay si zum zon no tawaa e ko tagi nammbaraaji zii, mezen hoolii, tawtude&nbsp; e tonooji zi leyze janane zee foozondirta zin e nder leydi ndii, ko anngal laamu nunzungu, fotnungu hakkunde yimve lexxi leydi ndii, e saakaade Coodtaari ko heewze e leyzeele Afriki anndiraa koo, e anngal yiilo fagguduyankeewo kelzungo e gozze goo ko zum fow hawtiti wazi haa tampere vittinii yimve ven e mbaadi ndi waawataako munyeede hankadi. <br />Kala hooreejo leydi Gine yo anndu leydi ndii e heewude ngalu mum, si yiilo sellungo gollitiraaka, nunzal wazaaka hakkunde Ginenaave fow e seertude lexxi muuzum, sukaave ven wallitaaka heblanagol janngo mavve,&nbsp; wano Mammadu Jan Jallo mo minyo mum waraa e heewve luttuve woni e wullitorde non, haa hannde e fii cukaagu mavve, kadi si bonnuve addaaka ka nyaawoore, haa yiee ve nyaawaama; kuugal fawaama e hoore mavve, fii wota sugu zum wztu nyannde goo, kadi zum wonana luttuve ven fiinannde nde yejjitataake haa foroy, fannii sugu zum zon fow wazaali,&nbsp; maa waztanaaka yiila e mum, haray hizen foti anndugol wonde zavvitoygol deexere e jam wonande Gine ko ko wirnii, vayri yimve luttataa tun munnyaade haa munycitoomunyal kanyum kadi no mari keerol.<br /><br />Gine -wano leyzeele Afrik goo buy- hino hatojini e xellitude evvooje selluze fii vamtugol leydi ndin,&nbsp; zavvita vulli kesi tippude e ko leydi ndii mari kon, fii hevugol jawle wallooje dillingol leydi ndi faade e xellitaare, no haani fuzzoreede vulli wonzi e nder leydi ndii, gila e oogirze haa e yimve gaynoove haaju, ve laamu nguu poztini too, kadi e Ginenaave jooziive ka njananiri, fow no haani walliteede no tammbitora leydi mavve ndin, gunndol wallugol vee ka njananiri ngol ko nder zoo woni: Tagugol&nbsp; sabuuji kelzuzi e nder leydi ndin, sabuuji moxxuzi wano hoolaare, e kisal, e ndaygu, e ndiyam laavzam, e zate moxxe, on tuma yaltuve fow hevay beelol artugol addora jawle e gannde muuzum zen, ve wallitora leydi ndin, sabuna hay gooto yizaa yahude haa cay, hara artaali ka muuzum.<br /><br />Koohoove Gine no zavviraa gollangol daawal (transition) demokrasiyankewal, ve walla renndo ngon e feddeeji dawroyankooji zin denndaangal, ko aldaa e paltoore. E nder mum, hive haani hevude&nbsp; ballal winndere nden, fii reentagol haftaare goo wazoyde&nbsp; e nder leydi ndin, nyannde goo. Leydi ndin no loi hannde haa hulvinii wota tiindondiral e rufo xiixam waztu e mayri. Haftaare addunde Lansana Kuyaate ka laamu nden no wazti yiila fota e golle jokkaaze zen. No hulvinii kadi wota Konte e yirde mum nden xettitu&nbsp; deenal (control) leydi ndin wazta e juuze muuzum, waa wano wonirnoo aranum non, ado Kuyaate lammineede senndodee baawe laamu ngun, sabuna taway vawre yiltoraama embaadi saztoyayndi jivtugol, teqtinii si annditii emmbere tampere ko yimve navi e nden haftaare.<br /><br />Hooreejo Jaagorve wano Kuyaate no zavviraa hollugol soobeende makko fii ittude noone no laamu ngun woni e laamorde non&nbsp; yimve ven, itta kadi noone jokkondiral kaanungal wongal hakkunde feddeeji dawroyankeeji zin e laamu ngun, lomtina zon jokkondiral kelzungal fawiingal e teddungale&nbsp; enzondiral wonande cenze zen fow, kadi wonande lexxi zin fow, woni ko feddeeji Salaare zin maazum laamu ngun, fow ardina nafoore leydi ndin e renndo Gine ngon yeeso, ko adii kala faandaare goo. <br />Fii yo zum waawu laataade, nogasa himo hatojini kanko Kuyaate e ballal waaalde fugguduyankoore nde hiirnaange Afriki, inneteende ECOWAS, ballal Dental Afrik (AU) e ballal renndo winndereewo ngon.<br /><br />Arugol Kuyaate wonno weltaare mawnde ka aranum wonande Ginenaave foppet, kono zum lomtiniranooma hutaare, nde tawnoo o ronku hollude gila o laamii wonde ko o wonirzo xettude fehre fii sortagol e yovvo Konte ngon, o hittina fii jivtugol sazteendeeji fagguduyankeeji e renndoyankeeji tonnguzi leydi ndin, sazteendeeji zi annduzaa ko sabu ittugol zin addi mo zon e laamu, wonaa gozzum goo.<br />Fewndo koninkoove ven wari hedde 230 nezzo, ve barmini hedde guluuje zizi yimve e pawdi, e nder ndee haftaare, baztinoove ven sikkuno ve hevii poolal hittungal, vayri Konte javii lamminde hooreejo jaagaro (HJ) keso, kono hannde ve hodaama, sabuna Kuyaate vannginaali soobeeyaagal makko iwgol vaawo Konte e nyaa laamu mum ngu o jokkunoo gila o joozii ka jappeere e hitaande 1984. <br />Jooni non Konte no hakkili fota xettugol nden zon hutaare nde Kuyaate addani hoore mum o feccira ardiive potte vurve hittude ven, fii no o hevtira baawal timmungal wano no wonirinoo non ado Kuyaate lammineede, teqtinii non hizen anndi ko kanko woni hooreejo joom baawe on, wano holliraa non ka tuugnorde (constitution) leydi ndii, himo waawi dartinde Kuyaate no newori hara fus qaanyaaki. Kono Kuyaate tigiri na anndi holno o ardi e laamu, si o woopii wazgol ko yimve vee lamminiri mo kon, maazum Konte salike o waza golle defiize mo zen, zum yo o anndu himo haani follaade, on tuma yimve vee ronkataa ko ve waza Konte e laamu mum ngun,. Ko woni tun, on haanaa joozaade zon tawa o alaa e&nbsp; siinande yimve vee ko ve maayani kon. Si wonaa zum haray o tawaama e janfotoove, wano Konte en. Si o hattanaa, si o gaynataa ko yo o immo fes gozzo goo ara, sabuna ko maayeele temezze jaambareeve addi mo zon. Wonaa ko fijirtee nih. Himo anndi wonaa kanko tun tawanoo ka doggol (list) limtanoove yo wonu hooreejo jaagorve. Awa, si o waawaali, haray wozve goo kadi etoto haa nyannde waawzo hevii woo. Ko pellet no woodi hattanve<br /><br />Kuzol Saajo Bah (www.pulaagu.com)
 
  L'administrateur a désactivé l'accès public en écriture.
Revenir en haut Répondre
Développé par FireBoardObtenir les derniers messages directement sur votre PC

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥