alnde Hoore-Biir 19 Duujal 2012 Kolommbus, Ohayo jaɓɓiima bandiraaɗo
deɓɓo fuutaŋke Tooro Aysata Taal Saal, garnooɗo tawtoreede piirgol
ɓingel mum e duɗal Boston. kono nde tawnoo, fulɓe wuurɓe e Dowlaaji
Denduɗi Amerik ina kuuñƴunoo e yiyde mo e yewtitde e makko, yeewtere
yuɓɓinaama Niw York e gardagol Pulaar Speaking. Aysta Taal Sal, mo lannda PS ko gooto e ɓurɓe lollude e fannu dawrugol e laawol e nder Senegaal.
itaande 1962 haa hitaande 2012 ko daawal nguurndam gooto he firlitɓe cagataagal mum en he ɓamtaare leñol Fulɓe to leydi Senegaal he hiirnaange Afrik. Banndiraaɓe, on calminaama, en peccii sunaare ngam duttagol jaambaaro men biyatenonooɗo Maymuuna CUUN mo wodɓe nganndiri Huley CUUN ñalnde njeslaare 9 lewru 5 hitaande 2012 to Ndakaaru he leydi Senegaal.
iirde Fuutaŋkaagal (La Nuit du
Fouta) jeyaa ko e dille mawɗe ɗe Fedde Gaynaako Ñeeñal (Begers des
Arts) yuɓɓinta hitaande kala. Rogere hikka ndee ko fattamlamiire e
njuɓɓudi mum, e ŋanaagal naalŋkooɓe ɓee no potiri. Ko ñalnde Hoore-Biir
12 lewru nduu ɗum waɗi to CAC Gorges Brassens to Mantu, Farayse. Fedde
ndee ardii ɗum ko Mammadu Sek, gooto e waali Mantu en daraniiɗo ƴellitde
ñeeñal wonande sukaaɓe naalaŋkooɓe wonɓe ɗoo e Farayse. Fedde ndee yiɗi
ko ñiiɓde e pine fuutaŋkooje tawa kadi ena udditanii pine goɗɗe e
wiyde Mammadu Sek tuma nde yeewtidi e Pulaagu.COM. Ena sawndii Mammadu
Sek e ɗee golle, baniraaɗo debbo Mayram Woon, yantude e gooto e sukaaɓe
yontaaɓe pulaagu hannde biyeteeɗo Jamila Taal.
abaaru oo yanii gila kikiiɗe wonde Fran¨ois Hollande hawii Nicolas Sarkozy (51,9 - 48, 1) e lofu ɗiɗaɓu toɗɗe laamɗoyaŋkooje Farayse. Kono hay gooto yamiraaka saaktude walla haalde njaltudi ndii e mejaaje faraysenaaje. Ko goonga sonndasuuji ena ndokkunoo-mo kawgu gila kampaañ oo fuɗɗaaki, kono Nikolas Sarkozy wonnoo ko e artude ena sukki e makko haa sikkaa ma o hefto-mo. Kono Hollande ena toowondiri e mkko to toɓɓe e ko sonndasuuji mbaayini ɗee jonte kala. Ngati heftaade ndee yolnde wonaano ko newii e nder balɗe daɓɓe hay so Sakozy haɓaama tigi.
usidɓe tedduɓe, en ngartii e duu lewru e golle men e yiɗde ɓeydude ganndal ɗemngal men. En mbayrii addude tigilde sanne kono ko waasde jogaade yaajeende tan. Kala sahaa, miɗo hatojina e heblude hono ɗee geɗe tawa boje taraaɗe ɗee ena keewi ha ɓurti. Ɗee paya nano, ɗeya paya ñaamo, mi roŋka jaggude heen hay wootere! Ngati jo jooni paam-mi ko wojere wootere tan terat-mi laawol gootol so mi yaɗaa horhortude!
ammee Lih ko gooto e annduɓe Fulɓe ɓurɓe seeɓde wonande coñce e miijtiyaŋkaagal. O jeyaa ko leydi Senegaal, wuro ena wiyee Mbooyo (Fuuta-Tooro). Hammee golliima e rajooji haa e teleeji. Ko e 2STV, calol tele ɗiɗaɓol leydi Senegaal o gollotoo hannde. Golle makko e jaŋde makko e jaayndiyaŋkaagal haɗaani omo daranii ƴellitde coñce e wiɗtude fannuji mum ɓurɗi wirnaade. Ko gooto e ɓe njogi-ɗen yaakaare mawnde to banngal ubbitde gannde toowɗe e ɗemɗiyaŋkaagal Pulaar.
Fartaŋŋe mo PULAAGU.COM heɓi yeewtitde e makko oo saabii ɗum ko jaltugol lefol jime ngol o bayyinie lebbi ɓennuɗi ɗii. Ehey, Hammee Lih ko yimiyaŋke ŋanaajo mo wonaa puɗɗotooɗo jooni sabu en njiyi leppi makko ɓennuɗi e Youtube walla e fannu ojoo. So golle beyɗe hono nih teskinde njaltii, kadi ko e kuɗol makko e daande makko njaltinaa, alaa e sago min ndennda ɗum e Fulɓe no ndiidorinoo, teeŋti noon e yilliyaŋkooɓe lowre men... Keɗto-ɗen ceerno Hammee...Ahaa, miɗo reentina-on noon: Pulaar oo ko tekkuɗo sanne hay so ko hunuko Lihdo yalti...
lowre
© 2001-2012 PULAAGU.COM - Tous droits réservés -
Jokkondiral: Tel: +33 977 218 258 - Fax: +33 981 706 575 - contact(at)pulaagu.com - Skype: PULAAGU.COM - PULAAGU.COM e Facebook