ande 27/06/2012 Batu mawngu waɗanooma to galle cafrirɗo mbo Daara ( District sanitaire Elisabeth DIOUF de Dahra). Wonno sabaabu nguun batu ko ŋiimaade golle baɗanooɗe ko faati peccugol harkilaaji ɗi, nder jonte ɓennuɗe ɗe, Tesko: ko ena tolno e capanɗe jeenay ujunere harkille peccaama e yimɓe he (90.000). Paamen ɗiin harkilaaji fof ngarno e ko alda e caɗeele. Golle ena yiilatno ɗum galle cafrirɗo mbo Daara, kono e ballondiral galleeji cellal gonɗi nder renndo dowri ngo (Les Postes de Santé communeutaires) hono mbo Mbuula, Deyaali, Ɓulal, Ɓulel...

Ɗowatno yeewtere nde ko doktoor Buuna Naay mbo Daara. Galleeji callal dowri ɗi, njooɗinooma ngam hollirde no ɓe njiliratno golle mum'en. Caggal ɗuum galle cafrirɗo heen fof holli weltaare mum e keɓagol yimɓe satunde noddi kala, kutorgol mum'en harkilaaji ɗi  no yamira nih. Ɓe ciftaniri wonde yimɓe ɓe ena kuñi tigi rigi geɗe kaɗaaɗe huutoraade tuma nde ɗiin harkilaaji ena nguppe woni Omo, Ordasawel, Madara... Caggal nde ɓe njoofni, ko Doktoor Buuna Njaay ƴetti konngol ngam jaarnude gollodiiɓe mum'en ɓurɓe ɓattaade ɓe: galleeji cellal dowriyankooji ɗi, kono kadi e Meeri mbo Daara e Joorɗe renndooji dowri ɗe, jaggol maɓɓe e golle he. O heertinani njettoor faade Jaagal kalfinangl cellal nder leydi ndi, kono kadi Usaid e Network, wi'i so tawi yimɓe golliima, nolniima ɗo ena moƴƴi nde ɓe njooɗtotoo, ɓe ƴeewa hol ko yuɓɓi heen e ko yuɓɓaani fof anndee gila law: Ko yuɓɓi koo sembinee doolne, ko yuɓɓaani ko ndaaranee peeje.

O Yetti jayndiyankooɓe ɓe e darnde mum'en nde moƴƴataano wasde waɗede haa arte Rajo FERLO FM ballodiiɗo mum'en keɓtinaɗi (partenaire officiel). O ñaagunde mum o faarni ɗum ko woni faandaare golle waɗeede: hitaande huurnde tawa hay gooto liɓaako jontinooje. O wi'i "mbeɗa ñaago denndaagal ko waɗaa ko fof, nde wona sabaabu basgol heɓeede yimɓe jontinooje nder ndee hitaande, sabu harkilaaji keɓaama caɗeele ngala, safrooɓe ndariima haa pecci ɗum no haarirta nih, rajo kaali kirjani, yimɓe nootiima e keewal, ko ñaagaade geno nde waasata soynude tampere ndee". Keɗoɗen gooto e Jooɗoniiɗo ɗoon diiwaan mbo Luga, kam e Doctoor Buuna Njaay ɗowat-nooɗo golle ɗe.