M

usidɓe tedduɓe en ngartii hannde addande huutorɓe Firefox e yiɗɓe janngude no huutortee fof doggol ayaaje widewoo tawa ena tinndina fannuuji Firefox ɓurɗi maantinde. Ɗee tinndinooje baɗaaɗe e ɗemngal Pulaar ko duttorɗe ɗe ngalaa nanndo wonande kala jiɗɗo janngude, jiɗɗo faamde e huutoraade Firefox no ɓuri weeɓirde. Ɗoo e jaltugol yamre sakket Firefox, eɗen ɗaminii yaltinde leppi goɗɗi ɓurɗi seeɓde loowdi haa mo woni kala waawa waɗtude huutoraade Firefox kuutorgol ganndal e faamamuuya.

Tinndinoore men adannde toɗɗii ko toɓɓe ɗiɗi: aawtagol e aafgol Firefox e ganndi loowaandi Windows. Waɗi-mi suɓaade Windows ko ɓurde ɗum heewde huutorɓe e winndere ndee kono ena woodi Mac OS e Linux fof. Nde wonnoo mi alaa ordinateer Mac mi waawataa hollude aafgol e Mac kono kuutoro Mac fof maa waaw aafirde Firefox no jaaɓnirɗe ngoowi aafireede e Mac nih.
Kala ko njiy-ɗon heen ko on paamaani, ko cikku-ɗon ena ŋakki feewde, sellude walla yuɓɓude, konngol mon fayde e amen ena bismaa sahaa kala. Oɗon mbwaawi kadi yowde onngi mon e Youtube.Tinnidooje ɗee fof mooftetee ko to calol Pulaagu.com e Youtube: Youtube.com/user/pulaagu

Kuɗol Ibraahiima SAAR

IWDI YOUTUBE

IWDI lowre PULAAGU (dobito/double-clic ngam yaajnude)

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

* * * * *Reentino e tummbitagol binndanɗe jaltooje e lowre Pulaagu.com * * * * *

Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.

Tags : firefox, pulaar, ibrahima sarr, fula localization, navigateur, mozilla, pulaagu.com

Evaluation utilisateurs

   (0 vote)