NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


GABOO: Cufal Hooreejo Fedde Senegaalnaaɓe, Demmba Jah Liɓii Yagal Gey Ngattu Convertir en PDF Version imprimable Suggérer par mail
Dernière mise à jour : ( 07-10-2011 )
 

Ecrit par AMADOU NDIAYE (Zorro), le 07-10-2011 10:01

Pages vues : 10115    

Publié dans : Les News, Pelle e dente


Demmba Jah
Demmba Jah
D
ewo hoore biir 18 lewru septaamburu 2011, ko ñalnde ndeen senegaalnaaɓe wonɓe PortGentil wuro laamorgo fagguduyankeewo leydi Gaboo noddanoo yoo cuɓo potɗo ardaade ɗumen ɗo e duuɓi tati garooji ɗi caggal nde musidɗo men Umaar Jaw to Jammel ardii nde ko ina tolnoo e duuɓi jeegpm pawɗi gila 2004 haa 2011. Fooɗondirtunoo oon martaba ngardiigu ko Demmba Jah to Namarel e Yagal Gey, caggal nde ɓe ñalli wootde gila puɗal haa mutal ko musidɗo Demmba Jah kisa fiyi ɓiyi baaba mum Yagal Gey ngattu ngu alaa guli, e nder teemedde joyi e capanɗe jeegom (560) binndiiɗo ko teemedde tati e capanɗe jeenayi jeegom ngari weddaade karte, e nder ɓeen sufooɓe sehil men Demmba Jah gonnooɗo cukko hooreejo yiilirde ɓennunde nde soñi ko teemedde tati e sappo e nayi (314) cufoowo, e nawliiko Yagal Gey meeɗnaa tan ko capanɗe joyi e nayi (54) kartal, heen capanɗe tati e go’(31) cufal mu’en yettaaki maa so tawii en kaalii tuubakoore mbiyen bulletins nuls.

Ciftinen Umaar Bah mo Namarel ina jeyanoo e kanndidaaji ɗi kono nde tawnoo kanko e Demmba Jah ko ɓe fulɓe tee kadi ko denɗiraaɓe hilifaaɓe diine wuro ñaagii yoo woppir Demmba sabu ɓooyii teŋkude lefol ngol, ko ɗum saabii o haaktii ƴamal makko o ubbi e leydi o woppidi Yagal Gey e Demmba dingiral. Caggal nde goomu ngu haljiti rokkirde njeñtudi woote ɗe, hooreejo goomu hono musidɗo Magey Ñaŋ ƴetti konngol yetti goomu ngu e golle mum dewɗe laawol, o yettii kadi ƴamooɓe ɓe hono Demmba Jah e Yagal Gey o wiyi fiilaaɗo yo o jogoro jam, kono kadi o felii ɓe sabu e wiyde makko ɓe mbaɗaani hirjino (campagne) mo ɓe potnoo waɗde o, ngati so a ƴeewii ko ina abboo e 31 gootoowo, woote mu’en yettaaki, ɓe ƴettu awolopaaji ɗi ɓe koli no binnduɗo ɓataake nii, tee ina ngannda to bannge woote so neɗɗo waɗii noon woote mum hiisetee ko ndiga. E nder ɗum o hollitii kulhuli makko e ngoon senngo sabu ko e cufal hooreejo leydi pay-ɗen so hitaande nde maayii. Ɗum firti tan e yiyannde makko ko partiiji politik gonɗi e wuro ngo ina poti waɗde hirjinooji mbele woote hooreejo leydi garoowo ina waasa wayde no o ɗo woote nii. Musidɗo Ñaŋ ñaagiima yoo kanndidaaji ɗiɗi ɗi ndokkondirde juuɗe uurnondira kollira Senegaal ko leydi ngootiri tee hay gooto liɓaaka e ka ɗo lammba, poolgu ngu ko Senegaal fof teddiniraa ɗum.
Nde hooreejo goomu rowi ko Yagal Gey liɓaaɗo o ñaagii konngol yetti terɗe goomu, holli weltaare mum e woote ɗe, o duwanii Demmba Jah hooreejo keso o yo jogoro jam, Allah rokka ɗum cellal e coftal no heɓiri payndaale toɓɓaaɗe ɗe.

O teeŋtinii kadi yoo senegaalnaaɓe ngon neɗɗo gooto, caloo ceeraagu,  njoña leñam leñamaagu, hinndaagu, diiwanaagu e diine.  O yettii Umaar Jaw gonnooɗo hooreejo fedde nde, kadi o wasiyiima yimɓe ɓe nde tiiɗnotoo mbaɗta fiyde e fedde nde, ngoppa ko ɓenni ko, sabu hay gooto e men alaa ko ɓuri goɗɗo oon. Demmba Jah hooreejo keso pul o yettii kaaɗdi njettor denndaangal senegaalnaaɓe rewɓe e worɓe ƴettuɓe hoolaare mu’en pawi e dow hoore makko, o yettii kadi banndiraaɓe makko namarelnaaɓe wa’ɓe no ɓiyi neene makko Saydu Jallo e kaaw makko Baydi Bah jagganɓe mo gila hanki tawi hannde araani, o yejjitaani Umaar Bah biynooɗo ina dikkoo lefol ngol o, o wiyi ko kamɓe ɓuri jiydude ɗo gooto e maɓɓe tawi goɗɗo oon ina sippiree fof ɓoorat wutte mum naamndotaako ko addi bone.

E wiyde makko ɗum firti tan ko fedde nde waawaa seerndude ɓe hay sahaa gooto. Demmba Jah ruttii njettoor guurɗo fayde e Umaar Jaw e galle mum sabu o qiriima so tawii hannde o, o fiilaama hooreejo fedde musidaagal senegaalnaaɓe PortGentil ko Joomiraaɗo ina welaa kono kadi e Umaar Jaw e galle mbonaani heen nde tawnoo o seeraani e rokkude wasiyaaji moƴƴi.
Woote ɗe waɗi ko e yeeso teddungal kodduwaarnaajo Mammadu Jaabi hooreejo fedde ARCAOM (Association des Réssortissants des Communautés Africaines de l’Ogoouée Maritime, Umaar Jaw gonnooɗo hooreejo fedde senegaalnaaɓe PortGentil gila 2004 haa 2011 e denndaangal banndiraaɓe e sehilaaɓe arnooɓe tawtoreede caaktugol njeñtudi cufal ngal. E batu maɓɓe kuuɓtidinngu tawa ko ngadoraangu ñalnde 31 lewru morso 2011 yiilirde yaltunde nde woppii e booñ ko ina tolnoo 2 564 760 fcfa. Ngol ɗo ciimtol fagguduyankeewol firti tan ko senegaalnaaɓe nootaaki maa piyataa e fedde nde yeru nde Umaar Jaw heɓi labangal fedde nde e juuɗe jolfo Umaar Gey e hitaande 2004 wonnoo e gafakke fedde nde ko 2 548 520 fcfa. So tawii ɓe ɗoftiima njuɓɓudi lelnaandi ndi, Demmba Jah jogori jooɗaade e jappeere mum hooreejo fedde ko ñalnde 2 lewru Octobre arooru ndu, ngal ɗoon piilngal wiyaa jogori waɗde ko e yeeso teddungal debolemmbo (ambassadeur) Senegaal ɗo e Gaboo hono musidɗo Abdul Malal Joob e denndaangal hilifaaɓe e jooɗaniiɓe laamu leydi Gaboo ɗo e wuro Portgentil ngo. Pulaagu.Com Gaboo ina wiya musidɗo men Demmba Jah yoo jogoro jam, Allah ardoo ndewen heen.

Amadou NDIAYE Zorro Pulaagu.Com/Gabon.  


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : gabon, port gentil, ressortissants, sénégal, Demba Dia, Yagal guèye


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 2 de 2 commentaires

jokkondiral

Ecrit par: mbow demba (Invit ) le 11-10-2011 01:49

mosiɓɓe tedduɓe mii salminii on noo fewe sanne. 
ƊAƁƁANNDE KO JOKKONDIRAL.e kala banndiraaɗo,jarlitiiɗo saggetde mii sagge am e binndiin fulfulde. 
 
ON JARAAMAA KO ADI 
MOSIƁƁO MON

 

» Signaler ce commentaire l'administrateur

weltanaade futankoobe

Ecrit par: elhadji mamadou sow (Invit ) le 11-10-2011 19:24

micalmini on min jourima on sowanaa tan emin belti e pulaagu he kadi caaktugol kabaruudji ndi ena laambi

 

» Signaler ce commentaire l'administrateur

Affiche 2 de 2 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
YSE         N5G      
  U    J    O M   93B
6KM   TTT   A J      
T      H    I 5   8YD
QUT         PP9      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥