NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
168 Nduu lewru
Cakkitiiɗo: elhadj

Widewooji maantaaɗi..


Rugaya
Moyenne:
Clics:1647
babba sa´adou (samira)
Moyenne:
Clics:1693
Sunaare Jibinat Nimse 2
Moyenne:
Clics:5396

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


DOWLAAJI DENTUƊI: Ñalngu ngu DSK, Fulɓe e Niw Yorknaaɓe njejjittaa haa cay! Convertir en PDF Version imprimable Suggérer par mail
Dernière mise à jour : ( 25-08-2011 )
 

Ecrit par IBRAHIMA SARR, le 25-08-2011 14:14

Pages vues : 12142    

Publié dans : Les News, Renndo


Image
DSK e Aan Sinclair
P
ulaagu.com tawtoraama haŋki 23 Juko ñaawoore woɗnde ɗoo e Niw York hakkunde Nafisatu Jallo e mo o takki ko ko ƴeeɓii-mo e suudu otel Sofitel gonɗo to Niw York. Pulaagu.com heɓi ɗoo ko fartaŋŋe moolanaaɗo so jillondirde e jaayndeeji aduna ɗii kala ngam siimtande Fulɓe ko joli toon ñalndee heen. Jooɗnde hannde ndee noo wonaa bettere e hay goo ko woni muujiiba mum: woppuyowtude de takkere wonde e dow Dominik Sroos Kaan, goto e hohowɓe Farayse gardinooɗo IMF (Booñ Kopporeeji Hakkundeleyɗeejo). Ko goonga lowre men meeɗaa haalde e kaan haala nde wonnoo jeddi keewii baɗte goongɗingol walla waasde goongɗinde tuumamuuya gonɗo e DSK oo. Kono ɓurnoo yooɗde e gite amen ko waasde haalde heen ko anndaa, haa wooda ko laaɓi ko yalti, min ngaddana Fulɓe.

Image
Jaaymdiynkoobe

E nulaango Pulaagu.com to Niw York, mi heɓii fartaŋŋe mawɗo so naatde haa ɗo jaayndiyaŋkooɓe winndere ndee kala ngoni, ngam addude humpito labaango feewde e Fulɓe, feewde e Afriknaaɓe wonnduɓe e ngoƴa mawɗo no oo fitina oo jogori gasirde. Ko ɗum waɗi ñalnde 23 Juko, ɓamɗe fiɓnde yahde haa Manhattan ngam tawtoreede golle ɗee. Sanne huunde ndee newiima tigi sabu mi yettiima ɗo Galle Ñaawirɗo Niw York (Criminal Court) sahnga 9:00, tawi DSK araani tawo. Nde njettii-mi ɗoon ɗo 100 Center Sreet ɗoo, ko adii waɗande-mi kaawisa ko teemedde teemedde jaayndiyaŋke ena ɓuña hakkunde kameraaji, lampaaji, ɓoggi e kaɓirɗe goɗɗitiiɗe. Gooto e maɓɓe kala ena memboo, ena ƴeewtoo, ena sabboo tuma keeriiɗo mo DSK foti arde ummoraade to galle mo o hoɗi oo gila caɗeele ɗee puɗɗii. Alaa Tele walla rajo walla jaaynde mawnde e winndere nde yiyaaka toon. Pulaagu.com hokkaama yamiroore yoo naat to lowre jaayndiyaŋkooɓe toh gila njettii-mi e nokku oo. Ko ɗoon haŋkadi puɗɗii-mi ɓamde nate yahooɓe ena ngarta, jaaydiyŋkooɓe sabbiiɓe haa teeŋti e arɓe seppude ngam semmbinde Nafisatu Jallo walla kadi arɓe ñiŋde-mo, yennude e ƴattaade-mo bonɗe!

Mi heɓii yeewtidde toon e yoga e ɓaleeɓe Ameriknaaɓe arnooɓe seppande ndimaagu Nafisatu Jallo. Eɓe mbaayna alluuje maɓɓe e beywe maɓɓe ena mbinndaa eeraali yoo kuugal muusngal waɗe e DSK oo "jaasɗo, ƴeewotooɗo, battam-boniijo"! Kono hay pullo gooto mi yiyaani ɗoon ñalnde heen ena seppa walla ena semmbina Nafisatu. Njiy-mi toon ɓaleejo Afrik ena seppa ko debbo gooto Senegaalnaajo, nehiiɗo Cees. O wiyi addi-mo ko wullude mettere makko e Nafisatu Jallo mo o yenanaa ko "penoowo". O wiyi wonde "so neɗɗo ɓamii tergam mum waɗii e hunuko am, mi ŋat-maa haa ngullaa walla haa taƴa"! Ngati e yiyannde makko, gila kaa-ɗoo haala yalti, omo anndi Nafi no haaldi nih yahraani noon.

Kono Nafisatu heɓii yimɓe seeɗa arɓe daranaade-mo. Ko Ameriknaaɓe ɓeleeɓe e woɗeeɓe. Ɓe nganndi alluuje maɓɓe, bawɗi maɓɓe, ena konnga. Sahaa kala, ɓe toƴƴa daaɗe kadi eɓe njaŋtoo DSK ko hunuko waawaa reftude!

Image
Kenneth Thompson

Sahnga waktuuji 11:00 werlaa 4X4 moolanaaɗo Alla joofi e damal Ñaawiedu nduu: DSK e joom suudu mum Aan Sinclair njalti, eɓe ñaantii haa ɓe mbaɗti ɗelkude. Werlaa goonooɗo caggal maɓɓe oo, awokaaji maɓɓe ɗiɗo ɓee njalti heen, ngati catiimo kaŋko e Aan. Jeese maɓɓe ena uddii, kono ɓe nanndaani e faayɓe. Ko ndeen ɓe puɗɗii ŋabbude e taaɓorɗe ɗee ɓe payi nder... Ko ɗoo falaasuuji natirɗe jaayndiyaŋkooɓe ɓee ngonti majaango wooto... DSK e wonndiiɓe mum naati e nder Criminal Court toh. Ooon sahaa, arnooɓe seppande Nafisatu ɓee ngoni e wullude, ena mbeddoo konngi mettuɗi fayde e DSK. Eɓe ooloo mette maɓɓe ko Cyrus Vince jogori naamnade ñaawoowo oo yoo woppit DSK koo!

Image
Michael Gray

Jaayndiyaŋkooɓe ɓee kañum'en ne laawii, ɗoo e ɗoon, jooto e maɓɓe naati e jokkondiral tolbec fayde e tele mum. Ɓee ko Sapoo, ɓee ko Kolommbi, Ɓee ko Dotclannda, e ummiiɓe Orop haa keewi. En ceediima toon Associated Press, Reuters, CNN, ABC, Novellas, AFD, iTele e BFM TV ummiiɓe Farayse! Kono, musidɓe tedduɓe, ko ɓee-ɗoon fof alaa e maɓɓe jogorɗo winnndude winndannde e ɗemngal ngal Nafisatu Jallo muyni ngal. Ngati ko ɗum waɗi darnde Pulaagu.com e nguu ñalngu wonde darnde mawnde nde Fulɓe poti faarnoraade. Mi yeewtidii e jaayndiyaŋkooɓe leyɗeele keewɗe ngam anndindeɓe ɗemngal Fulani ngal (Pulaar/Fulfulde) ko janngeteengal, binndeteengal etee jaayndeeji mum ena ngoodi. Mi wostondirii e heewɓe e maɓɓe karte jokkondiral so tawii eɓe katonjini e anndude Fulɓe tigi, ɓe njokkondira e Pulaagu.com.

DSK ɓooyaani to nder Ñaawirdu toh... Wonanni cappanɗe tati hoƴom, o yalti. Hade ɗum, minen jaayndiyaŋkooɓe ɓee fof sahaa kala min mbiyee omona ara: min puɗɗoo fiilde, ɓeya kebla natirɗe mum'en, ɓeya too naata e tolbec e teleeje mum'en. Kadi ɗum arta, ɗum deeƴa. Nde min cooynii werlaa 4X4 maɓɓe oo udditaa, ɓadinaa yaltirde Ñaawirde ndee, ko ɗoon min laaɓaa wonde jooni o ara! Wonaani dumunna, DSK e wonndiiɓe mum, awokaaji ɗiɗi ɗii ena catiiɓe, njalti, kamɓe fof ɓe tiindii to werlaa too hay huunde ɓe mbiyaani. Jaayndiyaŋkooɓe mbeeɗi-mo mikkorooji ngam heɓde e makko konnguɗi gadani caggal nde o heɓti ndimaagu makko, kono hay gootol o dartaaki walla o yeeƴii. Kamɓe fof ɓe mbiyi e werlaaji ɗii meƴƴu, ɓe payi galle DSK sara ɗoon. Ko oon tuma woni nde min tellii min payi to yeewtere jaayniende ndee waɗetee toh. Mikkorooji teemedere ceŋaama e kameraaji, ndarnaa yeeso ɗo kamɓe waɗdooɓe ɓee njogori arde, gooto e maɓɓe fof haalanamin hujja mum e yiyannde mum e ko joli hannde koo. Ngati joli hannde 23 Juko 2011 ko Dominik Stroos Kaan wiyaama nattii tuumeede ƴeeɓagol Nafisatu Jallo haa haŋkadi o hokkitaama ndimaagu makko.

Image
Teleeji winndere kala ena tawaa

DSK ɗaccitaama kono seertaani tawo e Nasisatu Jallo. Awokaaji Nafi ko laawiiɓe caggal nde DSK laɓɓinaa e ndee bonannde. Kenneth Thompson, mawɗo awokaaji Nafi oo wiyi wonde hannde "laawol saliima hisnude debbo tunwinaaɗo, laawol wiyi darantaako rewɓe men, sukaaɓa men, neeniraaɓe men". Kono awokaaji DSK, nde ngari e haalirde hee, mbiyi ko laawol rewii ɗo foti rewde ɗoo sabu DSK meeɗaa ƴeeɓaade Nafisatu Jallo hay sahaa! Ɓe njuutnaaki e haala sabu eɓe poti ruttaade galle DSK ngam manwninde poolgu maɓɓe e ngal joljolal ngal aduna oo fof rewiwndii gila lewru Duujal. Miin, ne, ko ɗoon naatmi e Manhattan ngam yillaade won e nokkuuji lolluɗi bayɗi hono Ground Zero... Kono nde njahmi haa keɓmi Wall Street tan, njiymi ujunnaje neɗɗo ena ndoga ena njalta kuɓeeje toowɗe Manhattan! Wiyaa ko leydi ndii ko ko yerɓi yerɓannde 5,9 e ɓeto Rischter... Ko ɗoon tan ɓam-mi natirgal am, ngon-mi e ɓamde nate gollotonooɓe e birooji mum'en ena njalti ena moolii e laabi wuro ngoo... Ma en ngatu e yerɓannde ndee so Geno haajii...

Kuɗol Ibraahiima Malal Saar

Nulaaɗo dariiɗo Pulaagu.com to New York Criminal Court (Manhattan)

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...

{mosloasposition facebook}

{mosloasposition disclaimer}


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : dsk, nafisatou diallo, sofitel, kenneth thompson, viol, new york, anne sinclair


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 1 de 1 commentaires

weltaare

Ecrit par: amadou tall (Invit ) le 28-08-2011 20:24

Seydi Saar on mbeltanaa-ma no feewi ngam neɗɗo alaa ko ɓuri banndum hay so tawii wayaani no njiɗirno ɗen nii kono onon kam on tiiɗnii-ma yoo Allah yoɓ on moƴƴere amiin minen emin cokli e kala e sahaa kabaruuji mooɗom

 

» Signaler ce commentaire l'administrateur

Affiche 1 de 1 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
MOE         CCF      
8 S    2    6 1   UJ9
X 1   2XA   5 7      
2 B    M    2 R   33D
O7S         5TI      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥