Ñ

alnde alkamiisa 24 lewru Juko 2010, doosgal laamu kaɗtugol njelaari e nder mbeddaaji ndakaaru darnaama. Ɗum saaktaa ko e ɓataake laamu oon ñalawma, tawi saakti ɗum ko jaagorgal kalfinaangal geɗe nder leydi.  Hollitaama e oon ɓataake:  ko heddii heen koo, kala jiyaaɗo ina yelo e nder mbeddaaji ɗii, maa kuulal caɗtungal fawe e dow mum.

Kuulal ngal laawɗinaa ko e batu hakkunnde jaagorɗe (Conseil Inter-Ministeriel) yuɓɓinaangu ɗoo e Ndakaaru, wuro laamorgo Senegaal, e gardagol Me SULEYMAANI NDEENE NJAAY mawɗo jaagorɗe laamu Senegaal.  Tiitoonde ndee wonnoo ko: "Ƴeewde peeje ngam haɓde e gollingol  yimɓe ". Ina tawtoranoo batu nguu ardiiɓe pelle teelɗuɗe kam e pelle ballitooje koporeeje (Sociéte civile et balleurs de fond). E  tuugnaade e ɗeen caɗeele, ɓuri heen teskeede, ko ina wona ujjunnaaje njeetato (8 000) almuudo jahroowo e duubi ɗiɗi haa duuɓi sappo e joyi njelotoo e nder mbeddaaji Ndakaaru .

hakke ujjunnaaje njeetato (8 000) almuudo jahroowo e duubi ɗiɗi haa duuɓi sappo e joyi ena njeloo e Ndakaaru

Ceerno e almuɓɓe mum

Yahiino nih haa wallitooɓe, joom’en kopporeeje ɓee njogii sikkitaare wonde laamu Senegaal waawataa  darnude doosgal kaɗtowal njelaari ndii ender mbeddaaji ɗii.  Teskaama tigi-rigi, ko buri heewde e yelotooɓe ɓee ko sukaaɓe almuɓɓe  janngooɓe Qur’aana ummiiɓe e nder diwanuuji Senegaal  arduɓe e seerenɓe mumen ɗoo e wuro laamorgo ngoo. Wonaa sukaaɓe ɓee tan ngoni yelotooɓe, aɗa yiya,  nder mbeddaaji ɗii, rewɓe mawɓe fotɓe jooɗaade e nder galleeji mumen pooftoo, kono ɓurani ɗum'en ko yahde ina nduñondiree e mobelaaji ; walla nih njiyaa seemeɓɓe e boomi ina njeloo haa pecce jamma ; walla nih worɓe sagataaɓe ina moorii jubbi juutɗi (Baay Faal’en) naata haa e nder galleeji walla nih ina paddoo yimɓe e mbeddaaji.

Cukalon tokoson e laabi...

So en ngartii e sukaaɓe almuuɓɓe ɓee, heewɓe e maɓɓe ko jiknaaɓe mumen ndokkata ɗum'en  ceerno mbele ina jannga, kono jiknaaɓe ɓee ndewindotaako jaŋde maɓɓe walla nih mballittaa ceerno oo hay huunde. Ceerno oo neh, so yahii hurjo, yahda e almuudɓe ɓee ko wayno gure teeru, yamira almuuɓe ɓee, nde pini kala, yo njah njeloyoo maaro e suukara.  Woon e seerenɓe ɓee ɓuri hatojinde ko e kopporeeje. Heen sahaaji aɗa fotta e almuudo ina yeeya suukara walla comci, ina waɗta ɗum kaalis sabu tawa o suusa nawande ceerno oo ɗeen geɗe; woni heen e maɓɓe, so ndañaani  ko nawani ceerno kulat hotde to mum, keewi ko dogde majja. Heewii ɗoo e Ndakaaru  nawaaɓe polis tawa ina mbaɗti wuijjude walla simmaade simme ɗaaynoowo walla soomde tekkere ina ɓuucoo tawa ko e asid suubaa.

So en ngartii e doosgal lelnangal ngal won e seerenɓe  kollitii heen mijooji mumen, woni heen ina njahdi e doosgal ngal ko wayno seerenɓe wonɓe to diiwaan Koldaa, kono ɓe kolliti wonde alaa e sago laamu nguu wallita duɗe janngirɗe Qur’aana ɗee. Woni heen kolliti tan ko : yoo njelaari ndii reftinee laawol haa yuɓɓa tigi-rigi. Ko hono noon ne, ardiiɓe Egliis en mbiyi wonde diine maɓɓe yamiraani riiwtude neɗɗo, kono so njelaari ndii yuɓɓinaama, laamu nguu naatnii heen junngo mum tan njelaari ndii reftat laawol ha yubba no haanirta nih. 

Pulaar ina heewi wiyde addunoo njelaari ko baasal. Eɗen nduwoo: Yo Allah ndaɗndu juulɓe e baasal, e barke nduu lewru teddundu!

 Umar Barka Baal
Jaayniyanke Pulaagu.com, Senegaal

* * * * *Reentino e tummbitagol binndanɗe jaltooje e lowre Pulaagu.com * * * * *

Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

Tags : sénégal, mendiants, mendicité, pauvreté, talibés, marabout

Evaluation utilisateurs

   (0 vote)

Affiche 1 de 1 commentaires