NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
239 Nduu lewru
Cakkitiiɗo: elhadj

Widewooji maantaaɗi..


Issa Sow - Maalik Paate
Moyenne:
Clics:1396
Jey Baaba
Moyenne:
Clics:1873
Pulaar film : LES CHAMPIONS
Moyenne:
Clics:1046

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


GINE: Lofu ɗiɗaɓu toɗɗe laamɗoyaŋkooje ɗee ena dawree ñalnde 19 Siilto 2010 Convertir en PDF Version imprimable Suggérer par mail
Dernière mise à jour : ( 17-08-2010 )
 

Ecrit par AMADOU NDIAYE (Zorro), le 17-08-2010 13:20

Pages vues : 2382    

Publié dans : Les News, Dawrugol


Image
Konnde e Jallo
C
aggal nde Suudu Ñaawirdu Toowndu rokkiri njeñtudi cufal lofu ngadanu Cufal Ho’reejo Leydi ɓiɓɓe ginenaaɓe nganndii hankadi fotɓe yahdude e lofu ɗimmu ngaroowu ngu. So Tawii jam walla deeƴal ina woodi jogori hiwondirde e ngal ɗoon daawal politik ko Alhajji Mammadu Sellu Daleen Jallo mo UFDG e surga nayeejo politik hono Pr Alfaa Konnde mo RPG.
Ñalnde altine 9 juko Hooreejo laamu luɓal hono Jeneraal Sekubah Konaate, goomu tamnaangu cufal e kanndidaaji ɗiɗi ɗi keɓii nanondirde walla jaggude ñalngu 19 Siilto 2010. Ko ndeen so tawii Allah hoddirii ɓiɓɓe ginenaaɓe maa wootooɓe ɓee njogori nodditteede laawol ɗimmol yoo cuɓo hakkunde Sellu Daleen Jallo (UFDG) e Pr Alfa Konnde (RPG).

Haalooɓe pulaar mbi’i : "mo yettaani sabaabu yettataa Allah"! Ginenaaɓe so njettii Allah ina poti kadi yettude Beles Kompaawore hooreejo Burkina Faaso e Met Abdullaay Waadd mo Senegaal sabu ko kamɓe paɗɗii paɗe maɓɓe, ɓe njaɓɓi toon koyɗe jamyame, ɓe njoɗɗini dillooɓe e politik ɓee fof ɗo gootel, ɓe mbaajii mo woni kala e darnde nde foti daraade haa Gine feƴƴa oo-ɗoo pooɗee-nduure dawriyankeejo e dow jam.
Kono eɗen mbaawi wi’de wasiyaaji maɓɓe naatii koye maɓɓe, sabu ko balɗe seeɗa tan pawtii heen, ñalngu lofu ɗimmu ngu dottaa. Pulaar wi’i : "yahrude seese haɗataa yetaade", yimɓe heewɓe kuliino kono ina sikkaa hankadi Geno maa wis heen diƴƴe ɓuuɓɗe ginenaaɓe ndokkondira juuɗe, laaɓondira deedi, njoña leñam-leñamaagu bannge, ngolloo leydi mu’en mbele ɓamtaare nde ina fuccitoo deeloo e leydi hee haa tacca keeri. Ciftinen janngiyankooɓe ɓee tan ko Kuulal maa Doosgal Ngenndi leydi Gine ngal tonngoode 28 ɓetnoo kiwondiral (kampaañ) cakkitiingal ko kalnde 3 Lewru Juko 2010.  E jiyanɗe fannuyankooɓe politik oonɗoon pooɗee-nduuree baɗɗo hikka e dawrugol leudi ndii meeɗaano waɗde e Ginei gila ummaade e laamu Mohammed Seku Tuure baaba mum jeytaare (1958) haa heɓi Jeneraal Laasana Konte cankiiɗo e maayirɗe hitaande 2008.  Hakkunde Alhajji Mammadu Sellu Daleen Jallo e Pr Alfaa Konnde piilaaɗo heen fof yoo jogoro jam, kono Fulɓe Winndere nduwiima yoo poolgu hoot to Fuuta Jaloŋ, sabu pulaar wi’i : "yiɗande ho’re mum wonaa añande banndi mum".

Image
Cello D Jallo, keedɗo e poolgu.

“Alla 'na Waawi Pr Konnde Sakkoo Sellu Fawoo Dow!"

Hiirii, hiirii jamma Allah koy, Allah ina waawi Konnde sakkoo Sellu fawoo dow !
Hoto mo yahdi heen caggal balɗe buklet baklet lanndaaji politik Gine nanondirii wonde ko ñalnde 19 Siilto ginenaaɓe rewɓe e worɓe potata nodditeede hoore boowal ngam suɓaade hakkunde sellu Daleen Jallo mo UFDG e Pr Alfaa Konnde RPG. Allah ina waawi koɗo sakkoo, waali fawoo dow, oo-ɗoo duwaawu maa jimol pullo fof ina foti ngol yimde waɗdora heen hello wuurngo saata ɗum Sellu Daleen Jallo mbele ma o heɓ semmbe fooɓnaade Pr Alfaa Konnde haa weeya o fiya ɗum mbarwaru!
Haalooɓe pulaar mbi’i: "ko leeli fadaani jam”, kono e ngol ɗo laawol ina sikkaa pergitte keewɗe keɓaama joñeede mbele taate lofu ngadanu ngu ina mbaasa waɗtude e ngu-ɗoo lofu ngaroowu ñalnde 19 Siilo 2010.
Caggal nde Suudu Ñaawirdu Toowndu rokkiri njeñcudi woote ɗee, Alhajji Mammadu Sellu Daleen Jallo ɓeydoraama toɓɓe tati goɗɗe, Pr Alfaa Konnde ustoraama toɓɓe ɗiɗi.
So tawii Allah jaɓii ko kamɓe ɗiɗo ɓee njahdata e lofu ɗimmu ngu ñalnde 19 lewru arooru nduu. E nder ngal-ɗoon cufal lofu ngadanu Sellu Daleen Jallo weddanaama ko ina tolnoo e 720.496 kartal hawra (43,67%) e Pr Alfaa Konnde weddanaa maa sufanaa tan 332.406 (18,25%). Tesko-ɗen keewal tawtoreeɓe cufal ngal e ho’re mum telliima ɗo wonnoo 77%, artii haa e 52%.  Ciftinen banndiraaɓe fotde 24 kanndidaa ina jeyanoo e cufal Hooreejo leydi baɗnongal ñalnde 27 lewru Korse maayndu nduu.

Image
Kompawore

E wi’de Goomu kalfinaangu woote ɗee ardii lofu ngu ko gorko pullo biyeteeɗo Alhajji Mammadu Sellu Daleen Jallo. O heɓi ko 43,67%, rewi e makko ko surga nayeejo dingiral politik leydi ndi Pr Alfaa Konnde o soñi ko feccere ƴamoowo Sellu maa mbiyen ko 18,25%, rokkaa jooɗorde tataɓiire ko Sidiyaa Tuure (15,25%) e nayaɓo ko Laasana Kuyaate (8%). So tawiino Goomu ngu luunndanooki kuulal ngenndi ngal walla waylaani sawru mbaggu, Lofu ɗimmu ngu fotnoo waɗde ko ñalnde 3 walla 8 lewru Juko ndu ngon-ɗen nduu. Eɗen nganndi lofu ɗimmu ngu fotnoo waɗde ko ñalnde 18 lewru Morso kono nde tawnoo ƴamooɓe heewɓe ngullitiima mbinndi ɓatakeeji ŋeñaaɗi ɓaarni e e Suudu Ñaawirdu Toowndu leydi ndii, golle ɗee nduudii no feewi. Haalooɓe pulaar mbi’i: ”yahrude seese haɗataa yettaade walla laawol jam woɗɗataa”.
E jooni jooni oo, ina wayi no e nder noogaas e nayo ƴamooɓe ɓe fof ko nayo ɓe limtu-ɗen inɗe mu’en ɓee tan keɓi heen soñde ko faayodini, noogaas heddiiɓe ɓe fof alaa ko keɓi so wonaa muuɗde punndi maa mbiyen ɗoftude kaawiraaɓe maa esiraaɓe mumen. Ciftinen banndiraaɓe e oon woote baɗnooɗo ñalnde 27 lewru Korse ɓennundu ndu, ko ina abboo e miliyoŋaaji nayi pawɗi mbinndinooma e doggi cufal ngal ngam toɗɗaade potɗo totteede Galle Seeku Tuure yoo jogoo kuccam leydi ndi, caggal duuɓi capanɗe joyi e ɗiɗi (52) laamu ndool-ndolaagu Mohammed Seeku Tuure e Jeneraal Laasana Konte maayɗo ko ɓooyaani.

Image
Sidiyaa Tuure e Dalein Jallo

E wi’de Nulaaɓe arnooɓe huufde woote ɗee, teskaama wonde cufal ngal feññinii leƴƴi leƴƴiyankaagal no feewi, sabu Fulɓe mberlanii karte mumen ko pullo hono mu’en Mammadu Sellu Daleen Jallo, Malenkooɓe ɓe ne ndokki hoolaare mu’en ko nanndo mu’en Pr Alfaa Konnde. Fannuyankooɓe politik heewɓe cikkatnoo haade wonii Sidiyaa Tuure ko e leñol ɓurngol fawɗude ngol jeyaa, haawnaaki o jogoo semmbe honde sufooɓe fulɓe walla malenkooɓe ɓe ndewa e makko.
Kono ellee ɗum fof laataaki e ngu ɗo lofu, lofu ɗimmu ngu nii kadi so reentaaka ɓurata bonde, sabu pulaar ina heewnoo wi’de: “bannde ñaama tuuta, ɓuri goɗɗo ñaama dola, ɓe nduttii kadi ɓe mbi’I teenɗo waare mawnde fukkoyta ko galle baaba mum”.

Aamadu NJaay Zorro, jaayndiyanke Pulaagu.com/Gaboo

Cet e-mail est protégé contre les robots collecteurs de mails, votre navigateur doit accepter le Javascript pour le voir

Hollir e Facebook

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...

JAKKAA FULƁE

* Ena waɗɗii









   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : cellou dalein diallo, alpha condé, sidya Touré, blaise compaoré, élections guinéennes


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 2 de 2 commentaires

miijam

Ecrit par: welainde (Invit ) le 17-08-2010 22:51

Seydi Njaay a jingii no feewi.Yo ALLA wallu Sellu e wondiiɗe mum, poola e dow jam e kisal.Gine ko leydi mo ALLAHU rokki ngalu, kono no Ibrahiima Moctar Sarr wiiri e nder jimol mum nih: 
LIGGOTOOƁE NDI MBAYLAANDI NDI WAYLATAA JOOTE. 
Yo ALLAHU wallu Gine ha yaltaa e joote. 
YOO WUUR GINE 
YOO WUUR SELLU JALLO E GOOMU MUM.

 

» Signaler ce commentaire l'administrateur

Goonga jinngotaako fenaande jinngantaako

Ecrit par: Mouhamadou FADEL (Invit ) le 22-08-2010 10:42

YOO WUUR SELLU JALLO E KALA JIDDO BAMTAARE PULAAGU HAADO FULFULDE HAADI. YOO PULAAR FOOL YAA BARKA ALLA ....

 

» Signaler ce commentaire l'administrateur

Affiche 2 de 2 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
622          G       
1      U    FE    U8W
3WE   WIW    F       
I X    2     F    ALG
HDE         ODB      
   
   



mXcomment 1.0.7 © 2007-2014 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥