NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


SENEGAAL: Seek Tijjaan Gaajo siynii ceergal mum e Ablaay Wadd e PDS! Convertir en PDF Version imprimable Suggérer par mail
Dernière mise à jour : ( 09-05-2010 )
 

Ecrit par IBRAAHIIMA MALAL SAAR, le 09-05-2010 10:34

Pages vues : 9324    

Publié dans : Les News, Dawrugol



ImageKo sooynetonoo yettiima! Caggal luure keewɗe jolɗe hakkunde Ablaay Wadd, hooreejo leydi Senegaal e joogorgal mum kalfinangal geɗe caggal leydi, Seek Tijjaan Gaago fettitii yaɓɓude e koyɗe Makki Sal, o sosii lannda makko! Ko ñalnde 4 Seeɗto o winndi wowlaandu juutndu pamminoowu hol ko ummini-mo, hol ko woni fayndaare makko kaŋko e wonndiiɓe makko. Eɗen etoo faccirde ko soomii e girñitannde gooto e joogarɗe ɓurnooɓe booydude e Wadd.

Eɗen ciiftora ko e lewru Yarkomaa 2009 Seek Tijjaan Gaajo tellii e jappere mum to Jaagorde halfinaande geɗe caggal leydi. Oon sahaa haala heewi ngam anndude so tawii ko o jowtaaɗo walla ko o gedduɗo! Kono ena laaɓi caggal ko heɓi Makki Sal, Ablaay Wadd ena wayi no ko jokkuɗo e yiɗde woɗɗaade kala mo nanondiraani e eɓɓo makko lamminde ɓiyi makko Karim Wadd. Ko ɗum ñuumbetenoo e Senegaal, kono hannde, daaɗe ko dow gila e jaayndeeji haa e rajooji, hay gooto suuɗaaki!
Seek Tijjaan Gaajo jaggiranoo ko hono gooto e ɓurɓe waawde jotondiral hakkunde leyɗeele. O wonii e joɗnde makko ko ɓuri duuɓi sappo hade makko seertude e Wadd. Hol ko bonni hakkunde Gaajo e mawɗo leydi ndii? Hannde, kala nde Wadd ƴeerii wiyi ena fiya, ena tuumee wonde o haɓantoo ko ɓiyi makko. Ɗoo kadi ena wiyee wonde ko Karim addi caɗeele hakkunde makko e Gaajo. Sahnga nde Wadd heblata batu toowngu leyɗeele Lislaamyaŋkooje (OCI), o resndi golle ɗee ko ɓiyi makko e heeso jaagorde geɗe caggal leydi fotnoonde ɗowde heblo batu nguu. Oon sahaa, wiyaama wonde Gaajo woytiima hol sabaabu jaagorde mum resndaaka golle ɗee sabu ko kañum heedi e jotondiral hakkunde Senegaal e leyɗeele goɗɗe. Yanti heen, Gaajo meeɗaa yahdude e ndonu laamu ngu Wadd fewjanta ɓiyi mum ɗii duuɓi kala, gila e suuɗnde haa waɗti haaleede e weejnde.
Caggal ɗum, Wadd e wonndiiɓe Karim njanaama bonngo e deftere nde jaayndiyaŋke hiñiyaŋke Abdul latif Kulibali yaltini e hitaande 2008. En ndeen deftere, Latif ena hollita jawdi ngujjaandi, bonnaandi e keblugol toowngu OCI ngol Karim Wadd e Generaation du Concret ndesnnanoo. O hollitii heen wonde ko heewi e ko ANOCI bayyini e ciimtol kopporeeje wonaa goonga. Ndeen deftere dillinii Wadd e wonndiiɓe karim no feewi sabu mayre addude dalillaaji cuuɗinooɗi e seedantaaje celluɗe. Ko ndeen Wadd (ena ñuumbee) tuumi ko Seek Tijjaan Gaajo habri Latif Kulibali ko suuɗinoo walla nih, hokki-ɗum kaayitaaji cirlinɗi ɗi potaano yande e juuɗe tumaraŋkooɓe goomu ANOCI.
Kaan haala gasaani, Gaajo ena tuumee kadi woni ko e feewnude innde mum to caggal leydi ngam haɓaade ndonu laamu ngu Wadd eɓɓata nguu. Ena anndaa ko caggal leydi innde laamɗo ɓuri yaawde bonde! Etee Gaajo ena jogii jokkondire tekkuɗe caggal leydi. Ena wona tawa Wadd ena huli wonde so o heddiima e jaagorde caggal leydi, omo waawi heede Karim Wadd e naange, o haɗa ɗum anndeede walla anndireede no feewi.
Ko waawi heen wonde goonga fof, hannde wontii Daartol. Seek Tijjaan Gaajo diwrii bibje mum keeriiɗe ngam ɗaɓɓude hoolaare ngenndi Senegaal e eɓɓannde "ngenndi" nde o eɓɓani renndo ngoo. E ɓataake juutɗo mo ɓe caakti e yontere ndee, Gaajo e wonndiiɓe mum cosii Mouvement politique citoyen (MPC). Ko adii fof, lannda kaa hollitii wonde woni darnde mum ko "yettinde ngenndi Senegaal eɓɓo waylitde yuman saɗiiji leydi ndii" ngam ƴellitde demokaraasii e nuunɗal laamu e nder leydi ndii. Kono hay gommbal o falaani e ñiŋde "eɓɓannde ndonu laamu" ngu Ablaay Wadd fewjanta leydi ndii, hay so o innitaani Wadd walla Karim e binndol makko. E eɓɓannde dawrugol maɓɓe, o wiyi noo yiɗannde"enɗam" woppe, lomtinee yiɗannde "ngenndi". Ena heewi e dawrugol Senegaal nde jiidugal ardii goonga e ɓiyngenndiyaŋkaagal e geɗe laamu. O noddii wonde yoo beldital e maslahaa artire ko yaawi hakkunde Kaasamaas e laamu Senegaal tawi fawii ko e goonga e paamondiral.
O wiyi lannda makko ena ɗaɓɓa beldital "ɓerɗe e hakkillaaji" hakkunde Senegaalnaaɓe, hakkunde fedde dawriyaŋkooɓe. Ngal beldital rewata ko e cosgol sarɗiiji suɓngooji peewɗi, nanondiraaɗi e Salaare yo sarɗiiji loke jamma e ñalawma ngam humtude haajuuji keeriiɗi.
Seek Tijjaan Gaajo hollitii haa laaɓi wonde o darii ko e seŋngo lanndaaji luutndiiɗi sabu makko yettude darnde Bennoo Siggil Senegaal (dental luutndiiɓe) haɓantooɓe heftude laamu e juuɗe Ablaay Wadd. En mbaawaa waasde siiftorde hare hakkunde Makki Sal e Ablaay Wadd wuftunde e jippogol Makki e hoore Suudu Sarɗiiji Senegaal cosgol lannda APR-Yaakaar. Hay so ko renndini-ɓe Wadd ena seerti, gooto e maɓɓe kala yoɓii haa timmi salaare mum ƴukkaade e yeeso ɓiyngel Ablaay Wadd. Ena ñuumbee hannde e NDakaaru wonde rewi e doggol layyanteeɓe Karim Wadd ko Ablaay Joop... Ngati mbar Senegaal ena jogori heddoreede yontaaɓe jogorɓe ɗowde leydi ndii janngo e jam?

Kuɗol Ibraahiima Saar

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : sénégal, Cheikh Tidiane Gadio, anoci, karim wade, latif coulibaly, Mouvement politique citoyen (MPC)


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 8 de 8 commentaires

yo jogoro jam

Ecrit par: ALIW KONTEE (Invit ) le 09-05-2010 21:47

Seek tijjaani so waɗii lannda ndaw ka foti,sabu koo neɗɗo ganndo,koo neɗɗo koolaaɗo,koo neɗɗo nuunɗuɗo,kadi koo ganndaaɗo e Aduna hee fof.ngam o woni jaagorgal caggal leydi(ministe eteraase)fotde duuɓi 10,hay ella gooto yiyaaka e makko.ɓesngu senegaal ina mniyamo,lannda moo waɗi o, yoo jogono ɗum-pellital e muñal e cuusal timmungal.anniya mo njogiɗaa e leydi senegaal o, yoo geno walle-haa njettinaa ɗum,ngam mbiy-ɗaa,mbaɗirɗaa lannda o,ko addude potal ɓiɓɓe leydi senegaal fof,e ittude joote e caɗeele e nder leydi he;ɗeeɗoo toɓɓe ɗiɗi,koɗee ɓiɓɓe leydi senegaal fof ngoyata hannda.hamin mbiy-maa yaa jogoro jam,yoo Allah won ballo.

 

» Signaler ce commentaire l'administrateur

Binndoowo

Ecrit par: Sayku Umar BAH (Invit ) le 10-05-2010 09:11

Mi riiwtaani ko minyi am Aliw KONTE haali e nuunzal e ganndal Seek Tijjaaane GAAJO ko. Kono, tawde ko enen pulaariyankoove kaalata, ezen poti xeewde so won ko o nafi e hare men nde, e ko suuzii, walla e ko feenyi ? 
 
E miijo am, hannde kala mo ezen povvana, yoo taw ko nafoowo en!!!!!

 

» Signaler ce commentaire l'administrateur

yiyande am

Ecrit par: yaya Ba (Invit ) le 10-05-2010 17:30

mbido yidtnoo hollide heen miijo am wonande jaagorde laamu senegaal, tawa noon ko ful6e 6ee. So tawii wontii jinngere so hare arii moni kala jinnganta ko bandum. So goonga ina haale noon, Kam6e fof hay gooto e ma66e nafataa! so wonaa laamiido fof ina huutoroo6e. 6e liggantoo kam6e fof ko jaybaai ma66e, kadi 6e kulaani 6e kersaani wujjude. So wontii moni e ma66e kala ko maa (wooteeje) njonta tan 6e ku66a 4x4 duuji ma66e 6e ngara e6e penana miskinee6e. So tawii on ngootanii min maa min mbadan on fooras,jeynge, iwii jeeri faytii gerteeli. Deedoon gede kala potaani fokeede e wooteeji. Neddo oo ko foti gollaade ko o gollad dum tan, kono wuurde tan e fenaande tan haa laamdo natta weleede diine ma ittuma e jappeere mah, caggal duum mbiyaa ada ninga dum! Yo6e nganndu ko wonno ndeen ko nattii ha laa6i, miin deh e yiyande am baawdo e ma66e wonde fof yahtaw ko 6ural e nafoore leydi naatni dum lannda, kono wonaa fiyeede haa yejjita pade mum jooni ina haalana jim6e ko paamata. Laamuuji Afrik noon kadi fof woddondiraani so tawii a wonaa penoowo, gujjo,cuusdo gacce, a 6ooyata e jappeere muk.

 

» Signaler ce commentaire l'administrateur

ndaw goonga

Ecrit par: Haadii Aan (Membre ) le 12-05-2010 00:47

Windannde ina reggii, mi alaako beydat-mi heen, kono miijo ceerne yaya ba ina moxxi moni kala faama zum, ko en jiggoove tan kono fulve ina keewi jaagorze e leydi senegaal, ma wonii ve gulata tan taw ve cuwwaa wonde walla ma ve ngitee yeruuji zi limotaako ko zum wazi mbizo wiya no Baaba Maal wiyatnoo tiiznee so ezen piila piilen mo nganduzen piilen mo koolizen sibu zii laamuuji ala e majji nafzi-en

 

» Signaler ce commentaire l'administrateur

Namdal

Ecrit par: Yahya kan (Invit ) le 15-05-2010 22:55

Yaya bah aa haali fof ajaarama.oo makki sal hay huunde oo wadanani leñol gol e sahaa de oo wonee laamuhe Oon hol ko waawi wadde wa wadf :?

 

» Signaler ce commentaire l'administrateur

DILLANNDE JAAMBARAAGAAL

Ecrit par: camara (Invit ) le 28-05-2010 23:12

so jaambaraagal ena yi'ilee,yi'itetee ko yimɓe saliiɓe fenaande,woni suusde ko waawde salaade fenaande,kono yo en mbaɗtu hakkilleeji e koye men so dawrugol leydi ena haalee,yoo hakkilleeji men njowito e ko ɓamtata leydi,en potii yawtude jiŋngol e leñamleñamaagal e geɗe jowitiiɗe e dawrugol,neɗɗo foti jiŋngirande dawrugolyaŋke tan ko ngam eɓɓo ngo joomum holliri ngam waylude nguurndameeje hoɗɓe he ndiin leydi,e ɗowgol geɗe renndoyaŋkeeje e dow potal,kono so wontii ko heedi heeda ngam jiidigal walla koɗdigal,ɗuum nawrataa leydi yeeso,so leydi yahraani yeeso yimɓe wonɓe he nder ndiin leydi mbaawataa yahrude yeeso,BAABA MAAL (wi'i so eɗen piila piilen mo paamɗen,so eɗen piila piilen mo kooliɗen, sabu laamu rewii ɗoo reftii ɗoo kono waylaani gonal men he oo aduna)oo njaaraama,ko ɗum tan woni ko njiɗnoomi layde.

 

» Signaler ce commentaire l'administrateur

Hay leelde vuri haatude

Ecrit par: Bacca Bah (Invit ) le 05-06-2010 23:33

Ko Seek Tijjan Gaajo wazi koo ko ko haani. O fotiino yaltude e laamu wadda ko adii hannde, kono leelede vuri haaytude. havde e Wadda hannde ko ko wazzii, wonaa tan e bivve leydi Senegaal, kono kadi e denndaangal yimve ve ngannduzaa ko yizde nuunzal e potal. Hoto Wadda fawi yizde lamminze viyum?

 

» Signaler ce commentaire l'administrateur

leydi men

Ecrit par: tall (Invit ) le 06-06-2010 14:42

Senegal ina sokli hannde hono gadio walla macky ngam no njiiru den golle ma66e e ko 6enni ko ko 6e nuundu6e ko6e goongiyankoo6e e kadi e6e nganndi hannde kala ko woni nder laamogo too duum noon yoo Allah wallu6e e kadi waasde yejjidde lenyol ngol ko huunde tiinnde en hannde

 

» Signaler ce commentaire l'administrateur

Affiche 8 de 8 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
4           CTC      
T 7    Q    2     XRR
DP7   AKW   YT5      
  M    6    F H   6EG
  X         AY6      
   
   



mXcomment 1.0.7 © 2007-2018 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥