Ko taatannde bonnde heɓi diɗɗal fuku Alaseri hannde to Luannda caggal nde ɓe kaɓaa mawnde e haraaji to Omndurman e lewru Jolal 2009! Hay gooto sikkaano maa ɓe njan e tuufo ngo Malaawi tuufi-ɓe e ngal kawral ɗo Alaseri faaytii hoore mum. Malaawi ɓamii hoore taƴre ndee e yeeso Anngolaa e Maali (waɗduɓe joɓɓi dawaaɗi 4-4 haŋki). Alaserinaaɓe keɓaani heɓɓitaade e ngal kawral sabu nde rogere adannde gadi, Malaawi ena yahra e gayi ɗiɗ (2-0).

Ko e hoƴom 17 Banda, e uditannde Kayenda heɓi fuuntude duuñtooɓe Alaseri Bougherra e Chouchi ɓe nanondiraani; o faafi fayde e Mwafulirwa. Mwafulirwa maj-majnaani, o wiyi bal e lajal sokku! Alaserinaaɓe ɓamti koyɗe ngam memlinde alluwal ngal, kono ko Malaawi ɓuri hulɓinaade haa e hoƴom 35 nde Kafoteka  jaɓɓii junnital korneer, o luujii ngaallo wiyi e caggungol sokket! Malaawi fuɗɗiima gooɗinde ena waawi fiyde Alaseri. Ɗum hokki-ɓe coftal haa kadi kartaali maɓɓe ɓeydii luggiɗde e seŋngo Alaseri. Ngaari tataɓiri ena uura gila e hoƴom nde rogere ɗiɗaɓere ndee fuɗɗii. Leelaani Kafoteka udditani Banda e baŋnge ñaamo, deenoowo Alaseri Chaouchi yalti ngam riiwtude bal oo kono arti e koyɗe Banda, luujii fiyannde, bal sokkii e gacculi alaseri. Tati e mehre!
Malaawinaaɓe pettii fetto ittungo sabu hay sahaa gooto Alaseri faaynaani-ɓe so wonaa nde Abdelmalik Ziaya woofi naatnude bal e lajal Malaawi e hoƴom 66. Ko heddii e kawral ngal ko wanngo Malaawi ngam ɓeydude alluwal ngal sabu Alaseri horiima haɓtaade haa woni. Nguu njangu diɗɗal Alaseri ko muusngu no feewi sabu haŋkadi woodanaani-ɓe so wonaa ɓe ndartoo ngam fiyde haɓdiiɓe maɓɓe arooɓe ɓee. Kono ena wiyee wonde Alaseri heewi yaltinde fetto mum ko nde ñoolaa! Eɗen cabbii ko arata.

Ibraahiima SAAR

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

Tags : can 2010, algérie, malawi, coupe d'afrique, angola, football

Evaluation utilisateurs

   (0 vote)

Affiche 1 de 1 commentaires