NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


NJALNIIKA: Sayku Umaar dañii permi, baawɗo fof yoo reen raŋalde mum!!! Convertir en PDF Version imprimable Suggérer par mail
Dernière mise à jour : ( 27-08-2009 )
 

Ecrit par ALMUUDO NGAY BAH, le 19-08-2009 12:24

Pages vues : 7250    

Publié dans : Les News, Renndo


Image
Hay so diiraani, ena doga!

Aloo durwel, gauche-droite, ar mi nawormaa haa Elysee wolla nii haa Palaas d’Alcatrez! ñekkel ko jaartel, beɗel ko denku dotel; puusan am haa mi ruñnja, walaŋ am ɗoofiima, fereŋ am ɗuggitiima, tottu am palal mi guufoo, weeɗu am jullaare mi marñoo heen; ina weli mi ina ñiklinii mi, ina yettee hah! So mi duɗɗaaki e tulde Euro, mi denkoo e raŋalde Kummba miña. Abdu Juuf wii ɗum mbarass, ATT noddiri ɗum fendere, Sarkosii (yar gosi) wii ɗum petit pagne: bonnataa laawol, ñawlintaa naange.

 Caggal duuɓi 42 jaŋde no werlaa ɓuƴirtee e mbeddaaji Farayse fof no woorunoo, baaba Sayku Umaar Bah hortinii durwel mum. Alhajji waasooru tamii taasannde e pofal eeri. Wonaa ɗay, wonaa domo ɗay ɗay; tas yoo tas-tas ko maa ladde yaynoo!!!!
Mi woondiree caapuute Kodooy miñam, Aminata, mawni amen dañii jam e kisal, sabu jooni hay lamɗam ko baaba Sayku soodoyta.
 
Miin, Almuudo Ngay hoore am, miɗo yananaa huunde wootere: mo yiɗaa rotere mum ɓoltoo fof yoo reeno weger-ger baaba Sayku bun Umaar Kattaab, sabu mo jokkii e jaŋde ɓuƴngo werlaaji duubi 42, waasataa ɓuƴde maa ɓuƴora heen Muudo mo alaa paas. Mbaɗee e ladde werlaa baaba Sayku nana ara e senngo laawol.
 
Baaba am, mawni am, sehil am, giɗo am, giƴi am, Baaba Sayku, kala ko yimɓe mbaawii Wide, yoo a jogoro jam haa rewtee (jammaa reetee) sabu hono maa alah e waawde gilli aduna e yiɗde hoore mum sabu ko yiɗde woni ŋatde, etee ko ŋatde woni dañde. Mi yiɗiima ɗo mi añcataama: Wollaay maa mi sondan ma weger-ger.

Almuudo Ngay Bah

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 8 de 8 commentaires

hahahahhhaha

Ecrit par: lurel (Invit ) le 19-08-2009 15:35

:grin worooooooooo, almudo ngaye warii cheikh oumar....hahahahha :grin :grin :grin :grin :grin

 

» Signaler ce commentaire l'administrateur

haɗtee

Ecrit par: kan (Membre ) le 19-08-2009 17:00

eey aan almuudu ngay ko mbinndu-ɗaa koo waɗii faayiida 
ɗum wonaa njalniika kono ko faandaare leñol kuurngol 
woni he nder winndan nde maa ndee::sayku noon ko sayku mo 
kala;mo waabi ɗemngal leñol oon wammbii fof sayku ko bammbuɗo 
fof*oo oto noon yoo laato fuɗɗorde tawa o wonaa woortorde 
mi weltii ma noon e nde winndande nde njaggirɗon njalniika

 

» Signaler ce commentaire l'administrateur

ko jaambaaro dey

Ecrit par: geelel kontee (Invit ) le 19-08-2009 21:37

tawii ko ceerno walla ko a almuudu nganndu mi tan kam ko a jaambaaro so dikkaade seyku umar bah ndeke ɗii bawɗi ina njogori welde ndeke , sabu ɗaminaaki so ceerno am seyku umar ina ɗaccir maa nii

 

» Signaler ce commentaire l'administrateur

Sayku dañii baawzo zum

Ecrit par: Almuudo Ngay (Invit ) le 21-08-2009 16:13

Sayku yoftotonoo ko tawa o mo waawi yan'de e baaba mum Almuudo Ngay hono Bullaay Fallii (Gujjo mo nanngetaake) kono Bullaay hay biskalel waawaa dognude saka saret mbabba. So wonaa tawa o mo yanoya e Baabayel Jallo to Farayse wolla Ceerno Kane to Cincinnati

 

» Signaler ce commentaire l'administrateur

binndoowo

Ecrit par: Sayku Umar BAH (Invit ) le 24-08-2009 09:38

Onon fof on njiyii. Mbezen zaccii Almuudo Ngay, tan na leewoo e dinqiral he, na haala, na jaabtoo hoore mum. Maa mi fiymo sawru, ndu alaa zaalde. 
Livatmoo mi ko ngu alaa guli. Haa yeeso ko laawol. 
Permi am oo noon ko ari ko ko jaljalve tan kuutorii zum tawo; Alhajji Jallo, Abuu Jallo, Baabayel Jallo. Heddii tan ko Mawzo mavve o Katante Lenyol. Almuudo Ngay kay fotnoo ko wiyde veezoo ne, ko yoo njangoy, hay so ina leela hevde. Geelel Konte, xeewdu min tan. kadi ngandon Almuudo Ngay ko nezzel tokosel, ngel alaa darnde, alaa teewu, alaa xiixam, miin waawi zum e caddal, waawi zum e poomnal, waawi zum e nyiddal. So min ndawdii, mi dazat zum casol, so min teendoyii mi vurat zum waare, so min ndogdii kadi, mi dazat zum.  
Oo Almuudo Ngay kay, alaa ko woni so wonaa bolonqel haala, etee so arii zo, yoo taw Ibraahiima SAAR, walla Aliw KONTE, na njoganiimo mobel.  
So zum alaa koyze makko, haa galle njaatigi makko. Haa mi heva mo. SAyku Umar BAH, joom permi keso, mo hulaani joom kiizzi en. Piip, oto am arii, woto ndeenozee. Almuudo ngay fenat, mi zigginii etee yettaaki, duuvi o wiyi zi. Diwaa zoo, zakkaa zoo.

 

» Signaler ce commentaire l'administrateur

Hare seeza vuri yah mi accidii ma e Alla

Ecrit par: Almuudo Ngay (Invit ) le 25-08-2009 14:45

Zalee baaba Sayku Umaar Bun Kattaab biwoo ko o dañzo ko Jallo Sammba Koliyaajo dañaani

 

» Signaler ce commentaire l'administrateur

ZUM KO RUSO...

Ecrit par: KATANTE LEÑOL KAN (Invit ) le 25-08-2009 19:18

Almuudo ngay, a jaaraama. Hikka hewilii, mo wuuri vura. 
Sayku Umar, ustu doole maa, anndu ko almuudo ngay tan fuzzii haalde, kono ceerno oo araani tawo. 
 
Min koolaaki Geelel Kontee, ngati omo nanndi e jizzo jinngan'de ma. 
So tawii areenaaki , min kaalana yimve vee ko naatni Yero Bah he naalankaagal, no Alhajji Banal fiiliraa lefol haaliyankaagal e no ngamri wanngo fentiraa to Madiina gunaas Ceerno Aamadu Tijjaani Bah Madiina gunaas. 
Min nduwaniima almuudo ngay ngam golle mum joozze.Hoto o hul gaalde goonga. Sayku Umar jogi tan ko gubbaali voli etee min kaalanaama no perme zee keviraa. 
Sayku, yo a jogoro jam. Anndu noon werlaa wonah tan wujjiroyde nafata.

 

» Signaler ce commentaire l'administrateur

Katante: ullundu mofetaake

Ecrit par: almuudo.ngay (Membre ) le 28-08-2009 20:46

Ngay ko ullundu dey, wollaahi tallaahi tallajiina, mi dikkoo ceerno alaadu, mi wakkoo talkuru jiiba, mi dadoo baajol kupampami, mi haddoo gaccungol, maa a rewtu zo a za waaña ngayyel tawa Baaba Sayku ina fezzita jaleeve. 
Almuudo Ngay (alaa teew saka xiixam; lappotaako woppotaako)

 

» Signaler ce commentaire l'administrateur

Affiche 8 de 8 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
H8B         5L4      
  L    8    1 R   D4U
TJF   WYC   5U8      
  9    9    P 9   9KB
J67         TUM      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥