Lewlewal -11-05-05 - So fuɗɗanooma yejjiteede,Abuubakar Tiiti Kamara pettannooɗo e ekipu mawɗo mo Gine suɓaama yo ardo dawrugol oon ekipu. Ko laamɗo leydi ndii hono Muusa Daadis Kamara holliri ɗuum.
E ñalawma hannde oo ko huunde haawniinde banndiraaɓe waɗi to e leydi Gine Konakiri. Sibu hono pettannooɗo fuku hono Abuubakar Tiiti Kamara suɓaama hooreejo kala ekipuuji leydi Gine. Ɗuum caggal nde Morlaay Sumaah noddaa yoo ar walla hono Robert Nouzaret, toppitiiɗo ekipu mawɗo oo. Jooni ko Tiiti noddaa oyo ar, kañum woni gardiiɗo dowroowo, direktoor oo.

E wiyde heewɓe ooɗoo fannu meeɗaa woode e Gine, ko mawɗo leydi oo tan, Muusa Dadis Kamara tan tafi ɗuum e miijo mum. Ɗuum waɗi Ginenaaɓe ene naamndoo hol ko ɗuum jogori nafde. E wiyde jaaynde « Aminata » Tiiti suɓaa ko e nder batu ; huunde haawniinde !
To e Gine heewɓe njiɗaano Tiita ardira niihenna sibu hakkunde makko e Sumah meeɗaa welde, hay sinno Titi Kamara alaa ko waɗanaani leydi Gine e doole e oole mum. Jooni maa Ttii weltoo sibu fedde fukuyaŋkoore nde Gine haɗiino mo jeyeede e suɓngooji mawɗo fedde nde. Jooni a artii hay so ɓe mbelaaka!

Usmaan (Makka) Lih www.lewlewal.com

Evaluation utilisateurs

   (0 vote)