NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
149 Nduu lewru
Cakkitiiɗo: elhadj

Widewooji maantaaɗi..



Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


TOOWNGU G-20: Obama wasiyiima leyɗeele G-20 yoo ngon neɗɗo gooto! Convertir en PDF Version imprimable Suggérer par mail
Dernière mise à jour : ( 25-04-2011 )
 

Ecrit par IBRAAHIIMA MALAL SAAR, le 01-04-2009 19:58

Pages vues : 9241    

Publié dans : Les News, Faggudu


Image
G Brown e Barak Obamaa
S
ikke Alaa, Barak Obamaa, mawɗo Dowlaaji Dentuɗi Amerik toɗɗaaɗo e hitaande maaynde ndee woni jontaaɗo batu Toowngu leyɗeele ɓurɗe alɗude faggudu e winndere ndee. Ko Gordon Brown, Mawɗo Jaagorɗe Angalteer jaɓɓii batu nguu hikka tuggude e hannde Naasaande 1 Seeɗto 2009 e wuro laamorgo, London. Hikka, batu nguu jooɗotoo ko e weeyo mettungo caggal nde faggudu Amerik e leyɗeele Orop puɗɗii naatde e reemtoodu (recession). Hono ngoo murɓito wayrii e winndere ndee sabu ɗii duuɓi cakkitiiɗi kala, hay so faggudu winndere ndu wonnoo ko e ɓamtoodu, ndu diwaani 2 walla 3%! Kono gila e hittande 2006 caɗeele puɗɗii naatde e seŋngo hoɗordu. Ngati baŋkeeji ñamlatnooɗi kopporeeje mbaɗtii kadi baatirde kaalis ngam ƴeñcinde e nder Burse. Tawde ñamlatnooɓe nattii yaltinde kopporeeje, faggudu Amerik fof ko heen fawi, caɗeele njanii e paggorɗi kala, mbaylaandi werlaaji puɗɗi horfinaade Alla e ŋakkere ɗereeji.

Batu hannde nguu ko etotoongu weñcitde weeyo wonaango ngoo ngam loftude faggudu winndere ndee haa reemtoodu nduu daroo! Hade maggu jooɗaade, leyɗeele keewɗe ɓamii kuwle ngam heɓɓitaade baŋkeeji e lisinaaji haa teeŋti e Dowlaaji Dentuɗi. Barak Obamaa, gila toɗɗaa gardiiɗo leydi ndii, hollii pellital mum e haɓaade reemtoodu nduu ngam artirde hoolaare hakkunde ñamlotooɓe e ñamlooɓe. O ɓamii kuwle mawɗe e ballondiral Congress leydi ndii ngam heɓɓitaade ko wayi hono mbaylaandi werlaaji General Motors, Chrysler ekn. O yaltinii ko ena abboo e 17 miliaar dolaar ngam heɓɓitaade-ɓe kono ɓe mbiyi kadi eɓe cokli ko ɓuri ɗum: GM ena hatojini e 13 miliyaar goɗɗi, Chrysler, 5 miliyaar. Kono Obamaa wiyi ɓe njaɓaani dartinde yuɓɓo golle maɓɓe ngam ustude fereeji maɓɓe walla ittinde kopporeeje maɓɓe.
Obamaa ena anndi Amerik tan waawaa yaltinde winndere ndee kala e ɗee ƴaɗeele. Ko ɗum waɗi kuwle keewɗe ɗe o ɓami to Dowlaaji Dentuɗi toɗɗii tan ko faggudu Ameriknaaɓe. Aduna oo ko gontuɗo ɓooɗde wootere. Kala ko joli jeeri, maa tine e waalo. Ko ɗum waɗi diisnondiral hakkunde leyɗeele ɓurɗe alɗude faggudu ena waɗɗii ngam ɓamdude kuwle kuuɓtidinɗe baawooje ƴellitde faggudu e kopporaaje. Wonaa leyɗeele ɗee kala nanndi jiyanɗe. Obamaa ena luurdi e Orpnaaɓe e hol ko ɓuri heñoreede e ɗeen kuwle. Oropnaaɓe, haa teeŋti e Nikolaa Sarkosii njiɗi ko yoo cuuɗi kopporeeje ndewne laawol haa natta yeebaade kisal kopporeeje aduna ɗee. Kono to baŋnge Amerik, Obamaa wiyi ko hannde alaa ko waawi ummitinde faggudu nduu so wonaa kopporeeje keewɗe naatnee e nder mayru. Haala makko ena jaaɓdi e golle makko sabu o yaltinii kaalis keewɗo  ngam sosde 5 milioŋ liggeey sabu hannde heewɓe e roŋkuɓe yoɓde ñamaale mum'en ko waasnooɓe golle mum'en. Liggeyaaji so ngalaa, faggudu, e jiyle Obamaa waawataa ɓamtaade. Ko ɗum waɗi heewɓe ena kuli maa ɗee luure kaɗ-ɓe siifde nanondiral hakkunde maɓɓe. Sarkosii fuɗɗinooma nih wiyde so kuwle nafooje ɓamakka, ko geddoowo batu nguu. Kono Sarkosii woyanta ko hoore mum sabu omo wonndi e caɗeele mawɗe e nder leydi makko. Senndikaaji nana ceppa jamma e ñalawma ngam haɓaade ɗowgu makko. Kuwle ɓurɗe hatojineede hannde, e wiyde haralleeɓe faggudu ko:
- deeƴtinde wosto wosto kopporaaje mbele ɓesnguuji e njulaagu ena mbaawa taccude tooke reemtoodu nduu.
- Waylitde e tiiɗtinde yuɓɓo kopporeeje e faggudu e kuuɓal ngam artirde hoolaare e cuusal
- Waɗtude faggudu nduu e laawol mbele ɓamtoodu duumiingu ena yalta heen.
Kaŋko Gordon Brown, Mawɗo Jaagorɗe Aŋgalteer, o wiyi omo jogii njoorto maa kawral ngal waɗan winndere ndee ngartam so gooto e howhowɓe ɓee fof ardinii pellital, kellifaagu e woƴeede ɓamtaare leydi mum.

Kuɗol Ibraahiima SAAR

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...

disclaimer


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : Sommet G-20, Obama, Gordon Brown, recession, crise financière, relance économique, économie mondiale


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 3 de 3 commentaires

hellifee de we6aani

Ecrit par: abuu jaan (Invit ) le 02-04-2009 14:28

ko/ adii fof mi salmi niima an ibraahiima sarr ,e . ndarnde elenyol ngol mbodo nyaa goo alla ndo sellin doole maa .an,e,denndaangal darinii6e lenyol.ngol so dum 6ennii jaagor.gal angalteer o haali haala mowka e,weedi hooree6e ley deele gooto ema66e fof so ardini kelli faagu maa foggudu nduu dara kelli faagu nguu woni calee hannde oo ,

 

» Signaler ce commentaire l'administrateur

woman yatta qillaaha yaja allahuu mahar

Ecrit par: souleymane (r) (b) (Invit ) le 04-04-2009 20:26

cagga yettude allah e juulde e nelaado sallallaahu aleyhi wo sallam e yettude on jokke golle allah wih oon mo huli allah wowadana dum jal tir gal wo aldina dum llah mumnaaki ndanaaki omo anndi ko yaate koo fof 6e dentaani leydeele juul6e nana bonne juul6e nana bare jumaaji nana bonne 6e kaalaani co faggudu 6e kaalata faggudu ko allah yanndini dum kadi ko kagko tan waawi 6amtude ko almuudomon souleymane bassoum to thilogne gondo dakar wossalaam

 

» Signaler ce commentaire l'administrateur

Jam ñalli e renndo Pulaagu

Ecrit par: Umaar Tokosel (Invit ) le 06-04-2009 22:13

Mi ar yillaade e juuraade ndee lowre haantornde, Yoo Geno sellin doole, hokka sago Musiddo Ibrahima Sarr

 

» Signaler ce commentaire l'administrateur

Affiche 3 de 3 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
U           GX6      
9 5    O    F     E52
62S   3TB   GA3      
  T    P    K P   711
  B         D5Y      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥