NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


DD AMERIK: Barak Obaama toɗɗoraama kelle yoo darano lannde Democrat e laamɗoyaŋkooje Convertir en PDF Version imprimable Suggérer par mail
Dernière mise à jour : ( 28-08-2008 )
 

Ecrit par IBRAAHIIMA MALAL SAAR, le 28-08-2008 00:33

Pages vues : 7736    

Publié dans : Les News, Dawrugol


Image
Woote dowlaaji ɗii

Ɓalli mooƴii ñalnde Njeslaare to Denver, laamorgo Dowla Koloraado caggal nde moovondiram mawngal renndi ngam toɗɗaade darantooɗo lannda Democrats e toɗɗe laamɗoyaŋkooje garooje e lewru Jolal 2008. Ɗee balɗe ɗiɗi, delegeeji kawrii e nokku mawɗo ngam hollude wonde Democrats ena ndenti ngam toɗɗaade Obaama. Gila renndo ngoo hawri, howhowɓe ena ndeggondira e haalirde ndee ngam joopaade moƴƴe Obaama, ngam ñiŋde Buus, gonɗo hannde laamɗo leydi ndii. Senaateer Hilariy Kinton, pooɗodiiɗo Obaama e toɗɗo darnde laamɗoyaŋkooje ɗee, arii hollirde wonde hannde o woni ko caggal Obaama. O wiyi, hannde ko ñalawma mo yejjittaake sabu ko hannde leydi ndii fuɗɗotoo waylaade. O hollirii wonde Joon Makkey, daraniiɗo lanna Republicans, jogoraani addude ko ɓuri ko Buus addi e duuɓi jeetati ɗi ardii leydi ndii.

Image
Senateer Obaama arii kikiiɗe to Denver

Caggal nde daaɗe mbeddaa, ɓe payi e toɗɗe ɗee . Dowla kala noddaa, haali woote ɗe delegeeji mum addi. Ko ɓuri heewde e woote ɗee ko Obaama nawi, haa o yettii  hedde 1500 daande. Eɗen nganndi maa daaɗe ɗee keɓe 2200 nde gardiiɗo oo toɗɗee. Caggal nde dowla Niw York noddaa, ko Hilariy Klinton ɓami koŋngol ngam hokkude woote dowla mum. Ko ɗoo o heɓɓitii o wiyi: "Miin Hilariy Klinton, miɗo ñaagii yoo woote ɗee njowe. Miɗo ñaagii yoo Senaateer Obaama toɗɗe jooni jooni tawa ko e hello wooto, ko aldaa e woote, aldaa e guli. Ko ɗoon gulaali ngulli. Gardiiɗo toɗɗe ɗee naamnii mbele renndo ngoo jaɓii, ɓe ngulli!

Ko ñalnde Naasaande 28 Juko Barak Obaama fadaa e mooɓondiral ngal. Omo jogori wiyde so o jaɓii ko o toɗɗaa koo. Caggal ɗum, o wowla eeraango makko e yeeso delegeeji ɗii kala. Ena tijjaa jaɓgol makko alaa sikke sabu ko ɗum o daraninoo gila o fuɗɗii fooɗondirde e Hilariy Klinton. Klinton-naaɓe ɓee kala ena toon, e gardogol Bill, laamɗo leydi ndii duuɓi jeetati hade Jorj Buus. Bill Klinton ena jogori wowlude eeraango mawng, fadaango Njeslaare jamma to Denver. Barak Obaama wonti hannde daraniiɗo lannda oo e toɗɗe laamɗoyaŋkooje 2008. Ɓalli mooƴii, bojji e weltaare caakiima e renndo ngoo. Ko meeɗaa waɗde waɗii hannde. Mbele Obaama ena jogori wonde laamɗo e lewru  Jolal? Haa yeeso.

Kuɗol Ibraahiima SAAR


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : Convention démocrate, Obama, élections américaines, John McCain, Denver


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 5 de 5 commentaires

njoorto woniii e obama lewru jolal

Ecrit par: jibi kebe (Invit ) le 28-08-2008 06:46

seydi saar, oodo gorko obama omo wondi kawisa mawdo, 
lamaade amric we6anaani 6aleejo, sabu ndi ngannduɗa woƴee6e ine 6uri keewal 6alee6e,kono tan hawri ko yim6e leydi ndi fof,puɓɗiima hutaade, landa gonƴo e laamu ngu fodde wonde duuɓi jeetati, ɗuum ne waawi wonnde sabaabu,ƴaleejo laamo amric,leydi amric hande ine sokli laamdo tawa wonaa laamɓo harbiyanke,sabu mayri hannde heewde cadeele,mine moduuji ko kartal gootal min njogii, min tattat obama,wonaa tan noon sabu ko 6aleejo, ko sabu lannda ma66e ine moyyi laamu, yoo alla wallu obama walla democarte

 

» Signaler ce commentaire l'administrateur

haala

Ecrit par: demmbe wan (Invit ) le 28-08-2008 12:08

ie na weltiini nofeewi sabu ma wodeebe nganndu hakkille e ganndal e jawdi  
alla rokkaata ndeke alla serndaani tagoore mum ko tagoorende serni hoore mum. yo alla wallu barak obaama walla kal jiddo bantaare e dow googa. 
mbodo kkito firde barak obaama nde. 
 
b o ko balloowo. 
a o ko artirde. 
r o ko renndinde. 
o o ko owlinde mo fewnaani liggey mum. 
b oy ko barninnde tonyoowo. 
aa oy ko artirne yimbe e bantaare 
yo alla won ballo

 

» Signaler ce commentaire l'administrateur

Association des etudiants

Ecrit par: Méré CHABI BOUM (Invit ) le 08-09-2008 10:28

Juste je voudrais échanger avec toutes les associations des étudiants fulbé Je suis le président de l'association desétudiants fulbé du Bénin Merci pour la confiance.

 

» Signaler ce commentaire l'administrateur

weltaare

Ecrit par: Tijjaani Mbaalo (Invit ) le 09-09-2008 09:29

Ceerno Ibrahiima Saar, ɓiɗɓe leñol ngol fof ina njetta maa no feewi he gannde ɗe ndokkataa sukaaɓe leñol men. Yoo en nganndu hannde en ngalaa ko ɓuri winndude he ɗemngal men, coñceendi yilaaji ɓiɗɓe leñol ngol yoo winnde saaktee he ndeer renndo men, mi weltiima mi jaariiima jokku, mino tami binndanɗe maa mi waɗ feere mi nelda maa ɗe a yettaama Tijjaani Mbaalo.

 

» Signaler ce commentaire l'administrateur

Bisimilla cerno Tijjaani Mbaalo

Ecrit par: Ibraahiima Saar (Membre ) le 10-09-2008 16:47

Mi weltiima no feewi sabu ko a gooto e gollodiiɓe am gila hannde araani. Hakkunde Pari, Bordoo, Orliyaa, Mantu, Etamp... alaa ɗo ñallaaka walla ɗo waalaaka ngam ɓamtude Pulaar/Fulfulde... 
Lowre Pulaagu.com ko lowre fulɓe fof! So a neldii binndanɗe, maa yaltu so Alla jaɓii... Kadi so a heblaama, aɗa waawi naatnude binndanɗe maa aan e hoore maa. Mi salminii Bordoo fof: Aamadu Baalnde en, Yusuf en, Mammadu MBaalo en e musidɓe fulɓe kala!

 

» Signaler ce commentaire l'administrateur

Affiche 5 de 5 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
EC1         ESN      
C 5    H      K   3WO
KDK   HE2     1      
  B    D      Q   A33
2TQ           X      
   
   



mXcomment 1.0.7 © 2007-2018 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥