NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


PINAL: Doordooro Baaba Maal to Podoor (Festival Blues du Fleuve) Convertir en PDF Version imprimable Suggérer par mail
Dernière mise à jour : ( 26-04-2008 )
 

Ecrit par IBRAAHIIMA MALAL SAAR, le 26-04-2008 08:17

Pages vues : 21994    

Publié dans : Les News, Pinal e Ñeeñal


ImageKo haŋki 25 Seeɗto Baaba Maal hurmini doordooro naalaŋkooɓe innitaande Festival Blues duu fleuve. Ko ngoo woni tataɓo yuvvinaade e nder Fuuta-Tooro caggal adannde waɗaande to Duweyra wuro Njaak Buubu e ɗiɗaɓere waɗnoonde to Maatam. Doordooro ngoo noddi ko naalaŋkooɓe winndere nde kala kono ko pulaagu mawnintee. Woni fayndaare dillere ndee ko wuurtine nokkuuji men tawa ko to baŋnge pine, faggudu e ɓamtaare; ndeke wonaa gaaci tan ummini arooɓe tawtoreede. Leyɗeele falnde men Afrik baŋnge hirnaange kala ena tawtoraa, arani ɗum'en ko ɓe Baaba noddi yoo ngar pijana renndo ngoo, kolla pine mum'en. Pine Fuuta ena taƴanaa heen geɗal ngal famɗaani. Subalɓe kala ena nootitoo, ngadda laaɗe mum'en ena ciŋkaa yoo yooɗi araaraay leydeele catiiɗe maayo men: Muritani e Senegaal e ko ɓuri heewde. Ɗee laaɗe kala ena pooɗondira ɓuraa yooɗde, kono diɗɗe ɗee pooɗondirta ko ɓuraa waawde awƴal, ɓuraa yooɗde daaydaayre!

ImageHikka, noddaaɓe ɓee ena mbaɗi faayiida no feewi. Binta Lali Soh woni gooto e jogorɗo huɓɓude diŋiral ngal sabu ko o jaalal e nalaŋkaagal fulɓe. O ummotoo ko leydi men, nokku men Fuuta-Jalon to Gine. ena yanta e makko Oumou Jabate ena arda e makko ummoraade kadi Gine. Oumou ko naalaŋke lolluɗo toon to Gine sabu o ummii ko e galleeji awluɓe ɓurɗi daraade to baŋnge pinal mum'en. Ena yanta e maɓɓe, ummoraade Senegaal naalŋke mawɗo jolfo mo faaytetaake hono Umar Pen e Paap Juuf. To baŋnge pulaagu, Baaba meeɗaa yeebaade ittande-en geɗal haa timma. Ko mawɗo men, naalaŋke men towɗo pinal fuuta gila hannde araani, yimi Deliyaa, toƴƴi daande jamma e ñalawma wiyi "Farmata Hawwa, woy baayo": oon woni Siidi Baylel Caam. Ena jeyaa e mbumbaay hee Ngaari Ŋawle, Pekaan Suley Maal, Pekaan Sammba Suley, Baaba Ganŋnge e woɗɓe ɓe limtotaako. Baaba ena noddii kadi rapppooɓe Podoor kala yoo ngal ndillina diŋire ɗee.

Doordooro ngoo fuɗɗortoo ko wejoodu (Foire) golle ndema e ngaynaaka ñamndeMawnde 25 Seeɗto 2008 e subaka kala ñalɗi dewwɗi heen ɗii. Ñalawma oo ñallta ko jeewte toɗɗiiɗe ɓamtaare rewɓe, cellal sukaaɓe e kala ko noddi ngurrndam Fuuta. Kikiiɗe kala hirndotoo ko daaydaayre (parade de pirogues) e maayo men maayo Fuuta. so jamma dariima, takke pooli kootataa e eɗɗe, ɓiynfel mbonno woyataa yeewaaka, maayo ngoo ena woɗɗa deeƴde, hay so ena wela lummbaade. Hol ko addi ɗum? Ko ndeen naalaŋkooɓe naatata diŋiral, kuɓɓa jaynde hakkunde leydi e aamaan ngam dillinde ɓerɗe men, weltinde piɗtaali men e mawninde pine men.

ImageAan Baaba Baydi, Baaba Debbo, Baaba Ayda Sammba Waddu, gooto e neene am -en ɓe korsinnoo-mi, njettor ɓeeɓataa fayde e maa aan e daraniiɓe lollinde nokku men Fuuta, pinal men Pulaagu e ɗemngal men pulaar . Eɗen nduwoo nde ngoo doordooro ɓurata ɓennuɗe ɗee yuɓɓude e lollude. Eɗen nduwoo nde Baaba Baydi e Daande Leñol ɓooyata daranaade naalaŋkaagal fulɓe e leƴƴi Afrik kala. Aamiin

 

Kuɗol Ibraahiima SAAR


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : Festival Blues du Fleuve, Baaba Maal, musique sénégalaise, Fouta, Podor, Daande Lenol


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 4 de 4 commentaires

seydi maal

Ecrit par: Geelel (Membre ) le 26-04-2008 09:50

Ka ñalawma dey soofaani so baaba noddii nootete ,sabu ko hoodere jaayre.Ko a jiɗaaɗo no gawri,korsuɗo no nguurndam,aɗa wayi e leñol maa no laalo wayi e lacciri ,no lamɗam wayi ñaamdu.So a alaano e leñol ngol;ngol tekman.

 

» Signaler ce commentaire l'administrateur

pinal

Ecrit par: barry (Membre ) le 26-04-2008 18:36

baba mall ko naange fulbhe hande .ko duantedho,walleteedho,nyenbete edho, fii naamungun e dhengangal,Tentinii pulaaku ngun.Andudho ka yahata maddyatta.Baba pulel no holla en laawol, kono fulbhe buy no e maddyere.on dyaarama.

 

» Signaler ce commentaire l'administrateur

ko woni doorodooro?

Ecrit par: almaami (Membre ) le 27-04-2008 19:19

ñande fof saarel ina adda kesum  
min mbeltiima e kabruuji maa

 

» Signaler ce commentaire l'administrateur

Baaba Maal

Ecrit par: Mamadou NIANG (Invit ) le 01-05-2008 01:58

Darnde, golle e yiDde Baaba Maal fayde e lenol ngol alaa faayoore. Naalanke Bur Domo ina saDi hannde e nder Afrik. CaDeele Baaba tan koko fayti e "professionalisme" wonande yimBe taariiBemo Be. Cehilaagal ina woodi ko Alla waDi, kono gollotooBe ko fayti e "image" neDDo, "gestion" ngalu paatungu e "investissement" ina foti waDDe yimBe mum. "Les Blues du Fleuve" cakkitiiDo o waDaama "critiqués" e ko fayti e "organisation" mum e "professionnalisme" mum. Ko Bamtaare Baaba tan min ndaarata, Fuuta ina wasoroomo. Yo Alla yaaniu "les blues du fleuve" haa anndee e nder aduna he. Baaba yoo Booy

 

» Signaler ce commentaire l'administrateur

Affiche 4 de 4 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
AP4         S18      
  2    A      6   9E8
  S   Y9F   XDG      
  2    S    5     3TX
  B         BKJ      
   
   



mXcomment 1.0.7 © 2007-2020 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥