So tawii Ciloñ soowirtee ko salndu fuuta,ndeen so salndu yanii fuuta lappoo kono tawde sagataave saliive vureede nani njibinaa e ngoo wuro yaakaare gasaani sabu dental vuri huunde fof.Ndee fedde wonnoo e hitaande 1968 booñ wuro Ciloñ tawi ko vivve wuro ngoo wuurnoove e leydi Farayse haa oon booñ wonti fedde e hitaande 1984 inniraa T.A.D(Thilogne Association Dévelopement):fedde vamtaare wuro Ciloñ.Tuggi hitaande 1984 heewve ngardiima fedde ko wayno Sammba buuzi(lebbi 6),Dawaa Mbooj  duuvi 10,Almaami Bookum duuvi 3;refti heen Mammadu Sammba Sall e Abdullaay Ngoom,ñande 16 lewru colte 2008 teddungal artii e juze Maamuudu Njaay hannde ko kanko ardii fedde ndee.Fayndaare mavve ko artirde jam e nanondiral e terze fedde e jokkude vamtude wuro ngoo

Paamen tan fedde yummaare ndee woni ko to Ciloñ kono cate zee ina layi haa Farayse Gabon;Amerik ,Konngo e Itali.Catal heen fof ko yeru fedde timmunde e leydi ndi woni ndii ngam waawde hevtineede (kaayitaaji).

Teskaama tan mawve wuro Ciloñ fuzzunoove zee golle hannde nimsaani gila to wontoo yimve 7 haa limoore artii e teemedde ko waynoo Moodi Haawo en.Kono biyeteezo Mammadu Ummul Jah jogiima booñ jogogal peewngal fotde duuvi etee hay huunde bonaani heen.

Yoo allah artir nanondiral e fedde Ciloñ sabu ko faaro fuuta fof.

Mammadu Lih

Evaluation utilisateurs

   (0 vote)