DIINA: [Yontere Ceerno Maajakatee Kah] Ko janngo woni Ziyaara 25So Ceerno Maajakate Kah to Siwol
Dernière mise à jour : ( 21-04-2018 )
 

Ecrit par IBRAAHIIMA MALAL SAAR, le 20-04-2018 08:59

Pages vues : 2564    

Publié dans : Les News, Diina


Image
K
o hikka waɗata duuɓi 25 ko ceerno Maajakate Kah waɗantee ñalɗi mawɗi diine e dewal All toon to wuro men Aañam Siwol. Ko ñalnde Hoore-Biir 21 lewru Seeɗto nduu ziyaara oo waɗetee hikka. Ko goonga hikka ena lewɗi seeɗa sabu ko ɓaawo nduu lewru heewnoo waɗeede. Kono lewru Duujal nduu hawrude mum e koorka waɗi ñalngu nguu dirtinaa ngam waasa fawondirde e ñalngu koorka.
E wiyde ceerno Hammee Ceerno, hitaande fof njuɓɓudi ndii ena hesɗita to bannge wutte et to bannge mbaadi haa ɓeydoo yuɓɓude, haa ɓeydoo feewde. Kadi ena hesɗitinee haa ɓeydoo yahdude e jamaanu tawa koko yaltaani diine, luurdaani e Sunna.
Image
Aañam Siwol, 2017

Ko ñalnde Mawnde ndee, hono aljumaa 20 lewru nduu njuɓɓudi ndii fuɗɗotoo. Caggal nde jumaa juulaa e weleede Alla, jamaanu oo fof hawroyta ko to jamaa dental Said Alhajji Muhammadu Saydu Bah (Rahmatullah Aleyhi). Ko toon dental ngal fof waɗoyta "Asratul Jumu'ati" oo. Caggal ɗuum, hiirde mawnde ndee waɗee, tawa kala ko haaletenoo e ko duwetenoo e ko yeewtetenoo jeewte lislaam e jeewte jamaanu oo fof ena waɗee e mayre. Banndiraaɗo juulɗo fof waawa heen saattaade diine mum e fiɓnde mum. Waawa kadi dañde njooɓaar, annda no wonirta e no yahrata..
Image
Ceerno Hammee Ceerno
Ñanlde subaka Hoore-Biir ndee (woni Aset) ko ndeen denndaangal hoɓɓe  e daahiraaji ummotooɓe nokkuuji limlimtinɗi e winndere ndee njaɓɓetee. Caggal waktuuji ɗiɗ (14:00) nde yimɓe njuuli Tisubaar ngayni, ko jooɗnde laawɗunde ndee jooɗotoo (cérémonie officielle). Ko e mayre denndaagal nulaaɓe laamuuji ngara tawtoreede.
Ko ɗoon jogiiɓe konngol ceerno ɓee ɓamata konngol, ndutta njooɓaari to kala e maɓɓe arnooɓe mawninde oo ñalawma. Joom mum'en kadi keɓa e njooɓaari ndi ɓe poti nawtude, no ɓe poti wuurdude. Kala ko ummii ɗoon ɓe nawta ngam naftoraade.
Njuɓɓudi ndii fof jogii ɗum ko denndaangal almuɓɓe ceerno Maajakatee jannginnoo gila 1968 haa jooni. Caggal ɗum, laamu e sarwisaaji mum'en ngara haa ɗoon e Siwol ngam huunde fof rewa laawol, waasa waɗde ŋakke walla cugge. Alla wallii gila ko ɓooyi so wonaa ko ɓeydii, alaa ko ŋakki.
 
Kuɗol Ibraahiima Malal Saar
Image 
Ziyaara 2017 (2STV)
 


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...


* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.




   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : thierno madiakhaté ka, maajakatee kah, agnam civol, aañam siwol, diine, madiina gunaas, madina gounass, matam, samassa


Commentaires utilisateurs  Fil RSS des commentaires
 

Evaluation utilisateurs

   (0 vote)

 


Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
GTH          H       
7      R    88    LMG
14U   B3F    6       
  M    6     Y    H37
5QE         W9D      
   
   

Aucun commentaire post



mXcomment 1.0.7 © 2007-2018 - visualclinic.fr
License Creative Commons - Some rights reserved