GANNDE KESE: Jaaɓngal waktuuji Njuulu "Muslim Pro" yaltii e ɗemngal Pulaar!
Dernière mise à jour : ( 30-11-2017 )
 

Ecrit par IBRAAHIIMA MALAL SAAR, le 30-11-2017 17:17

Pages vues : 1083    

Publié dans : Les News, Gannde Kese


Image
K
o e weytaare ɓurnde mawnude kabraten renndo ngoo wonde jaaɓngal waktuuji njuulu Lislaam Muslim Pro yaltii e ɗemngal Pulaar. Ko ɗemɗe sappo e jeetati tan ngoni heen, Pulaar waɗti sappo e jeenay! Hannde e oo ñalawma.Mawluuda tedduɗo, ko njeenaari toowndi renndo Fulɓe keɓi ummoraade e Bismedia Pte Ltd, kompoñe jooɗiiɗo to Sinngapuur. Muslim Pro ko jaaɓngal dokkowal Juulɓe waktuuji njuulu ceeɓɗi ɗo ɓe mbaawi wonde kala tawa ena tugnii e nokuure wonaande ndee. Ngal aawtaama ko ɓurii laabi 45 milioŋ e leyɗeele 226.
Hakke milioŋaaji 10 ena kuutoroo ngal. Ngati ko jaaɓngal gonngal e ɓeydaade lollude ñalnde kala. Woorti waktuuji njuulu, Muslim Pro ena waɗi fannuuji goɗɗi keewɗi teeŋti e yiytorde Ĝibla, Haatumeere Lislaam, Duwawuuji e Hiisorde Asakal.
Ko e lewru Morso 2017 jokkondiral heɓaa e Bitsmedia ngam ɗaɓɓude gollodaade e maɓɓe e jaaɓngal Muslim Pro ngal. Eɗen nganndi keewal Fulɓe e winndere ndee fuɗɗiima anndeede tigi e nokkuuji pewjorɗi toowɗi geɗe gannde kese e kumpite. Yanti heen kadi Fulɓe ena nganndiraa wonde juulɓe kañum'en fof e kuuɓal, hay sinno ena nanee seeɗa won ɗo ɓe ngonti katolik en! Haɗataa, so a wiyi Pullo tan, ko Lislaam woni diine mum.
Bitsmedia ɗaɓɓii wonde yoo jaaɓngal mum ɓurngal lollude waɗte e Pulaar. Golle ɗee meeɗaani saakteede kono ko heen wonanoo ɗii lebbi fof. Tawde en ngonaa fannuyaŋkooɓe diine, ballal ɗaɓɓaama e galleeji e hohoowɓe diine ngam golle ɗee ñiiɓa e cellal kam e saarɗiiji diine oo. Ko heewi e firooji, ko diisnondiral e maɓɓe weeɓtini ɗum'en. Ɗum noon hay so en limtaani inɗe maɓɓe, ɓe njettaama kaaɗdi, kadi ɓe teddiniraama jaltugol jaaɓngal ngal e Pulaar.
Baɗtugol Muslim Pro e Pulaar wonaa ko weeɓi sabu Pulaar alaa tawo e Android e iOS fof. Wadde, so a yiɗii waɗtude Muslim Pro maa e Pulaar, a yahat to teelte toh,.cuɓo-ɗaa ɗemngal Pulaar (Teelte>Ɗemngal>Pulaar).
Golle jaaɓngal ngal e Pulaar ena wayi no jooni puɗɗii nih. Eɗen cokli firo Qur'aana timmungo ngam ɓeydee e maggal. Kadi, sahaa sahaa maa yiye ko wonaa e Pulaar, waɗata noon ko Android walla iOS alaa e Pulaar tawo. Ko toon huccaa noon so Alla jaɓii.
Musidɓe huutortooɓe ɗemngal Pulaar, ko enen njeyi ɗee golle. Oɗon ñaagaa nge ngaawtoto-ɗon jaaɓngal ngal e keewal to Play Store (Android) e App Store (iOS). Hoto njejjitee kadi waɗde toon yowre e no njiyru-ɗon jaaɓngal ngal, nfokkon-nde koode joyi so ena henanii on.
So ɗum ɓennii, miɗo hokkira koduuji keewɗi ngam daaƴtude yamre Premium ndee, kayre ɓuri heewde fannuuji. So ɗum alaa neɗɗo ena waawi soodde. Waɗɗaaki soodde sabu Muslim Pro ko dokkal. Jiɗɗo fannuuji ɓurɗi heewde e himmude ɗii foti ko heɓde yamre Premium ndee. Kala binnduɗo yowre ɗoo e Pulaagu, lollini winndannde ndee e Facebook maa jeye e kuraaje ɗee ngam heɓde kod daaƴtirɗo fannuuji Premium ɗii.
Mawluuda malaaka fayde e mon!
Kuɗol Ibraahiima Malal Saar
Hooreejo Pulaagu.com


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...


* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.





 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : muslim pro, diina lislaam, application islam, horaires de prière, waktuuji njuulu, prayer times fulfulde, pulaar prière


Commentaires utilisateurs  Fil RSS des commentaires
 

Evaluation utilisateurs

   (1 vote)

 

Affiche 1 de 1 commentaires

Jaaraama

Ecrit par: Barouly (Membre ) le 02-12-2017 07:39

A jaaraama Saar, maa min ndogan toon so weeyo amen jaɓii, yoo Alla sellin semmbina

 

» Signaler ce commentaire l'administrateur

Affiche 1 de 1 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
TCF         W4U      
F W    9    F     2ME
1U4   OMA   KD6      
R X    D    T U   KID
W7R         9BT      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved