NODDATEERI: Njaajee, Nokia 3310 naattii e dingiral cinnde!
Dernière mise à jour : ( 19-03-2017 )
 

Ecrit par IBRAAHIIMA MALAL SAAR, le 19-03-2017 19:10

Pages vues : 1036    

Publié dans : Les News, Gannde Kese


Image
K
oko janngaa, mbir ƴeeŋɗo so artii e lammba heewi haaɗde ko e kombaa gooto! Ngati yonta oo jeelaani sabu ɗo o woppunoo ɗoo wonaa ɗoon o tawata. Doole njehii, goɗɗe keɓɓii. Aduna koko yahata! Kono mbir gooto ena woodi e senngo noddirɗe cinnde, jahnooɗo haa maayi, umitii. Ko oon woni cinndel darjunoongel ndeen e sahaa ena wiyee Nokia 3310! Alaa mo huutoraaki ngel. Alaa mo nanaani ngel. Nokia 3310 woni baban cinnde e wiyde rewindiiɓe oon fannu kala.Hol ko suuɗii caggal gartugol cinndel jahnongel haa yejjitaa?
Kala baɗtunooɗo hakkille e fuɗɗorde kilaate 2000 ɗee ena teskoo cinnde no mbaynoo. Ko cinndon tokoson, alaa goobe (noone) kadi waɗi ko butoŋaaji sabu ɗiins ahaaji, jaynirɗe cuwaano tawo wonde memtol walla mbiyaa "tactile". E ɗeen cinnde, ena teskanoo cinndel Nokia 3310 ngel ɓurnoo heen darju! Hakke 126 miliyoŋ yeru yeeyaama e oo telefon korsinaaɗo. Wonaa yooɗde walla yuɓɓude kuutoragol, ngel wonndunoo tan ko tiiɗde ɓernde. Alaa waawi yaɓɓude, pooɓno-ɗaa, caddaa, piyaa e leydi, feere alaa, ngel helataa, ngel ñifataa! Yanti heen kadi, ko noon ngel waawnoo ɓooydude e batiri!Ena hawraa e aduna hee ko kaŋngel woni ɓurngel yaajde e ɗiin jamanuuji. Wadde Nokia fellitii artirde ngel e dingiral, duuɓi sappo e jeeɗiɗi caggal nde 3310 oo yalti. Artirde cinndel ɓooyngel ena waawi jalnude yoga kono Nokia tafi ko cinndel kesel pul tugnaaɗo e 3310 gaadanteejo oo.

E kawral mawngal biyeteengal Mobile World Congress baɗowal to wuro Barselon, Espaañ, Nokia bettii heewɓe so habrude wonde baban cinnde mum hono 3310 enaImage arta e jeere e mbaydi kesiri e hitaande 2017 ndee! Wonnoo ko ñalnde 26 Colte 2017. Ko toon to Barselon tafiyaŋkooɓe cinnde e kala ko toɗɗii karalle cinnde kawrata ngam hollirde ko jogori yaltude e geɗe kese e oon fannu. Nokia, eɗen nganndi ko tafiyaŋke mawɗo wonnoo e ɗiin duuɓi ɗi marke maɓɓe ardii e jeere ndee. Kono caggal nde cinnde smarfon ɗee njoli, golle maɓɓe puɗɗii yahrude caggal sabu maɓɓe leelde rewde e kesamhesamaagu ngu ɗeen cinnde ngaddi. Kisa ɓe konaa haa ɓe puɗɗii yande. Ko ndeen kadi ɓe pelliti waɗdude junngo e faandu e Microsoft so huutoraade Windows Phone. Kono Android haŋkadi wafoyii, woppii Windows ɗo woɗɗi. Ɗuum kadi wonani Nokia nimsa mbonka haa yeeyaa. Fellitde artirde Nokia 3310 oo ummii ko e sikki wonde martaba ɓooyɗo oo maa artir huutiyaŋkooɓe e marke Nokia ɗee e kuuɓal.

Oo sikki ena wayi no wontii goonga e jaati Alla e renndo adunayaŋkoore ndee kala jaɓborii kabaaru gartugol Nokia 3310 e jeere ndee. Kala meeɗɗo jogaade walla anndude ngel-ɗoon cinndel summbanii kabaaru oo. Kadi ko cinndel tugnagel e miijo e tafngo ɓooyngo, kono ngel addorii geɗe ɗe ngoodaano oo sahaa e cinndel gadanel ngel.Image

Ko adii fof Nokia 3310 mo 2017 oo ɓuri hoyde e ɓeppiɗde. Kadi o ɓurata nanndude ko e cinnde hannde ɗee hay sinno tafngo ngoo tugnaa ko e afo maggel. Yaynirde ndee ko kuloor walla mbiyaa goobuure tee omo jogii seŋirde jack ngam seŋde heɗorde walla kaske. Aɗa waawi huutoraade ceŋateeri 2G ndii ngam feeraade e Enternet. Omo waɗi Bluutoos e potirgel ngel 2 megaapiksel. Kono ko ɓuri teskinde e ɓure maggel, ko batiri biyaaɗo gasataa oo! Eey, lewru huuɓnde a sarsaani so cinndel ena e dooyo (veille/sleep)! Ñalawma kuurɗo aɗa haala batiri gasaani, so wonaa kaawisa ko woni?

Nokia 3310 keso oo ena jogori jarde hedde $49, woni hedde 30 000 CFA walla 17000 UM (Ugiya). Ko cinndel cuusngel “coono”, etee ena moƴƴa e wayɓe hono Umar Malal Saar, bonirteeɗo cinndel yontere kala!


Kuɗol Ibraahiima Malal Saar


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...


* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : nokia, 3310, cinndel, mobile world congress, telefon, noddirde, noddateeri, ibraahiima saar, smartfon


Commentaires utilisateurs  Fil RSS des commentaires
 

Evaluation utilisateurs

   (0 vote)

 


Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
H3N         66J      
  9    4      H   A8D
NUT   KFI     F      
  A    3      L   XKB
EL3           J      
   
   

Aucun commentaire post



mXcomment 1.0.7 © 2007-2017 - visualclinic.fr
License Creative Commons - Some rights reserved