COFTAL NGAANDI: Tigilde Kelme adannde e ndee hitaande yettiima ɗoo!
Dernière mise à jour : ( 29-01-2017 )
 

Ecrit par Ibraahiima Malal Saar, le 29-01-2017 11:17

Pages vues : 3438    

Publié dans : Pulaar e ganndal ɗemɗe, Jeux de mots et d'esprit


Image
H
itaande 2017 dariima, yoo darano en jam, kisal e ɓamtaare! Onon kala no ndiidorino-ɗon, oɗon nduwanee e mayre moƴƴere huuɓtidinnde, kañum e duwawu Alla nde haajuuji kumtotoo, golle newoo, jawkal ɓeydoo. Kono hoto puuntee koye mon, addi-mi ɗoo ko ñiklude ngannde mo woni e mon kala, kañum e muusnude koye e ndee tigilde nde tooke mum meeɗaa yiyeede tawo e lowre men! Ko miin teyi kadi, mo welaaka fof yoo ngemmbo haɓa e mayre! Njaafo-ɗon mi alaa poɗɗe pasooje noon...

Tigilde kelme alaa ko woni so wonaa tan ciifti, gaanti e ko nanndi heen tawa ko e mbaydi binndol. Ko e hitaande 1982 puɗɗii-mi waɗde ɗum e Pulaar, kono mi ɓooyii jiñtude tigille e Farayseere , gila tuma nde njeeyatnoo-mi jaayde (lomtaade kaaw am gooto sahaa sahaa). Nde ordinateeruuji njoli, keɓ-mi miijo haŋkadi waɗde tigille ɗee e majje.Ɗo adan ɗoo ena saɗti maa natiraande junngo maa. Kadi ndee nde waawaa waɗeede e Enternet, ko e ɗerewol tan. Hannde aɗa waawi waɗde ɗum e Enternet, danndude ɗum so a gaynaani, kadi ngartaa njokkitaa. Kono mi naatnaani oon fannu tawo ngam heewde golle. Faandaare men ko waɗde jaaɓngal (App) tawa ena waɗi tigille keewɗe, jom mum wona e jiɓtirde no weliraa. Mbaɗee heen duwaawu!

Ɗum weli-mi sanne etee ena ɓeydantunoo-mi ganndal no feewi. Woorti ɓeydude ceeɓeendi hakkille, tigilde kelme ena adda fannuuji ganndal fof gila e coñce, daartol, ganndal koode, wertaango, dawrugol... Ena wasiyaa sahaa kala nde neɗɗo jiñtata tigille so e teelal walla kañum e sehilaaɓe, almuɓɓe e wondiiɓe. Ko ɗum yeewtere, ko ɗum ganndal. Wonande ɓe nganndaa no tigilde jiɓtirtee, miɗo waɗi ɗoo widewoo pamminoowo no yahrata. Oɗon mbasiyaa yo on njuurno-mo walla kollonèɓe woɗɓe!

Tigilde ndee njñtetee ko e ordinateer (ɓuri weeɓde) walla cinndel (ena saɗti sabu famɗeende yaynirde (écran) ndee. Kono oɗon mbaawi winnditaade (muulde) e ɗerewol ngam waɗirde junngo. Musidɓe tedduɓe mi yettii kadi kala e mon dariiɗo e waɗtude Pulaar ɗemngal toowngal, coomngal gannde, kadi jahdungal e jamaanu.

Kuɗol Ibraahiima Malal Saar

Tigilde ndee nani ɗoo:

Image

Image  


 

Oɗon mbaawi yaltinde tigilde ndee e ɗerewol ngam jiñtirde junngo.

Vous pouvez imprimer la grille pour la résoudre à la main.

 


 

 

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...


 

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.



 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Commentaires utilisateurs  Fil RSS des commentaires
 

Evaluation utilisateurs

   (0 vote)

 


Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
 Q          54K      
KS     D    3 Q   RST
 O    FM1   Y 3      
 L     E    X X   BXG
B26         TXE      
   
   

Aucun commentaire post



mXcomment 1.0.7 © 2007-2017 - visualclinic.fr
License Creative Commons - Some rights reserved