SUNAARE: Alhajji Buubakar Balde gootal e jaale Tabital Pulaaku ruttiima
Dernière mise à jour : ( 10-07-2014 )
 

Ecrit par IBRAAHIIMA MALAL SAAR, le 10-07-2014 18:03

Pages vues : 17643    

Publié dans : Les News, Renndo


Image
K
abaaru muusɗo yanii nde saŋkaare Alhajji Buubakar Balde nanaa ñalnde Mawbaare 8 Morso 2014 to Dakaar, Senegaal. Ko ñalnde heen habraa wonde o ruttiima caggal nde o rafaa rafi daɓɓo. EN kawriino e makko tuma nde njah-ɗen to Senegaal kaŋko e fedde darinoonde ngam yuɓɓinde yeewtere men to UCAD (Duɗal Haaɗtirde Seek Anta Joop). Oon sahaa omo nanndi e kaarɗo cellal. Kono nguurndam e maayde ngondi, sabu kala nde balɗe ngasi, joom mum waynoto. Kabaaru maayde jaalal potngal hono makko alaa e sago muusa renndo ngoo sabu alaa ko ɓuri-mo yiɗde yoo leñol ngol ɓamto, etee haaɗaani tan e yiɗde kono ko darnde nde alaa fooftere.
Alhajji Buubakar Balde wonnoo koolaaɗo jokkondiral hakkunde leyɗeele fedde Tabital Pulaaku Winndere. Alhajji Buubakar Balde jeyaa ko e leydi Fuladuu e nder ngenndi Gammbiya. O wonii jaagorgal e laamu Gammbiya laabi keewɗi, haa teeŋti e jaagorgal Yontannde e coftal ɓalli tuma Daawuuda Jaawara ardii leydi ndii.
Caggal nde Yaayaa Jamme folli laamu Gammbi, o jookoyii to Dakaar ɗo hohowɓe njaɓɓorii-mo teddungal kisa ndokki-mo moolaare e leydi ndii. Ko e hitaande 2006 Alhajji Buubakar Balde ari e fedde Tabital Pulaaku. Ko ndeen teskaa wonde ko o karallo tigi to bannge kumpital, jokkondiral. "Daraaki sabu peertugol makko hakkille, juumtugol makko miijo, coftal makko e wonde mo joom geɗal laaɓngal, ittanaaɗo nemsa teeŋti e nde fedde ndee dañi caɗeele, nuunɗal makko, jaamburaagal makko e jaambaraagal, o naati e denndaangal ɓerɗe terɗe yiilirde siynoore Tabital Pukaaku hakkunde leyɗeele, o hoɗi haa o battini e hakkille hooreejo fedde ndee hono Alhajji Alfaa Aamadu Jallo. Nii woni, o waɗaa kalfinaaɗo jokkondire hakkunde leyɗeele, juknaaɗo konngol fedde ndee, diisnondirɗo e koolaaɗo keeriiɗo hooreejo oo" e wiyde Njaay Saydu Aamadu gooto e terɗe fedde ndee to Muritani.
Njaay Saydu Aamadu hollitii wonde "Hannde Tabital Pulaaku fof woni ko e sunaare mawnde. Yolnde nde o ɗacci caggal ndee ko yolnde nde weeɓaani sukkude. Donngal ngal o rootii ngal ko mettungal dañande doondtotooɗo e tekkere, kono Alla meeɗaani woɗɗude. Yo Alla lomto, lomtina ko hawrani hakkillaaji e ɓerɗe".
Alhajji Buubakar Balde jibinaa ko to wuro Mansajang Kunndaa to leydi Gammbi. Ko toon o anniyinoo wirneede. Sete werlaaji nawii-mo haa Welingaraa, kisa ɓe ummii ɗoon faawde Mansajang e nder Gammbi. Kono nde ɓe ngari to keerol hakkunde Gammbi e Senegaal, ɓe kaɗaa naatde leydi ndii. Hakke teemedere kooninke ena padi-ɓe, mbiyi yo ɓe ndutto sabu ko Galle Laamorgo Yaayaa Jamme yamiraani yo o ubbe to wuro maɓɓe. Kisa ɓe nduttii ɓa payti Welingaraa. Ko ndeen nanondiraa wonde yo o ubbe Madiina Gunaas, to leydi ceerno makko Ahmadu Tijjaani Bah, mo o woni almuudo mum jaɓɗo.
Alhajji Buubakar Balde nana lelii hannde Madiina Gunaas. Eɗen nduwoo nde neydi ndii ɓuuɓanta-mo sabu ko ndi leydi nduwanaandi. Kadi ko maleede o wondi nde Madiina Gunaas ɓadii nokku mo o yiɗnoo ubbeede, takko taaniiko Muusaa Molo Balde.
Ma en kaɗto Alhajji Buubakar Balde no feewi sabu yiɗnoode gollondaade e makko tigi caggal nde min kawri to Dakaar. Ko Alla woni mo hoddiraani, kono eɗen nduwoo nde o hokkata en semmbe ɓamtude golle ɗee jaale jahɗe yontaani.


Koɗol Ibraahiima Malal Saar
Hooreeji Pulaagu.com


 



HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...


* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.



 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : boubacar baldé, tabital pulaaku, mansajang kunda, gambie, pulaar, state house


Commentaires utilisateurs  Fil RSS des commentaires
 

Evaluation utilisateurs

   (0 vote)

 


Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
M           1H7      
9 T    Y      8   IJ3
TET   68N   YI9      
  4    2    Y     37I
  W         9N9      
   
   

Aucun commentaire post



mXcomment 1.0.7 © 2007-2017 - visualclinic.fr
License Creative Commons - Some rights reserved