 Fettiyaŋke fuku Italinaajo hono Materazzi saaktii koŋnguɗi mettuɗi o wiynoo ngaari fuku faraysenaajo Zinedine Zidane. Enen fof eɗen ciiftora ngaallo huɓɓungo o luujinoo Materazzi ñalnde wattan Kawgel Dowlaaji Winndere 2006 to Berlee. Palotooɗo diɗɗal Italy oo jooɗiima ko juuti jaɓaani haalde ko o wiy-noo Zidane haa ɓernde mum huɓɓiri nih. oon saha, ndaanaan faraysenaajo oo wiyi-no ko o ƴattiiɗi yumma makko e baniiko deɓɓo e haali e mum'en haalaluuji cewɗi. Zidane meeɗaani nimsitde ngaallo ngoo hay so o yaafniima jinnaaɓe e sukaaɓe yeeɓannooɓe wattan oo ñalnde 9 lewru Morso 2006. Materazzi yeewtidii e saaktooɓe kabaruuji e yontere ɓennunde ndee. O wiyi ko kaŋnko tigi ƴattii banum debbo Zidane. O wiyi addi ɗum ko kaŋnko jaggunoo o mayoo Zidane e nder gallol fuku ngol, ndee, Zidane ƴeewi-mo ƴeewki wiyi-mo: So yiɗii mayoo oo =, mi rokku-maa so saro ngoo gasii". Materazzi mettini e koŋnguɗi hee no feewi, heɓɓitii wiyi-mo: "Ko bane debbo ɓurani-mi". Oon sahaa tan Zidane ɓernde mum huɓɓi, ari haa hettii-mo tan wiyi-mo ngaallo tan tut, o fukkii!! Ndeke Zidane haaliino goonga nde saaktooɓe kabaruuji lamndii-mo ko addaanoo-mo laaworaade nih. Materazzi ena anndiraa yiɗde bonanande e huɗeede! Kono ñalnde heen o hawri a mo jaɓataa yawaare. Miin deh to baŋngal am, miɗo weltii weltaare ñalnde heen ena fakiti!
Kuɗol Ibraahiima SAAR
|
|
|
Commentaires utilisateurs  |
|
Evaluation utilisateurs
 (0 vote)
|
|
Ajouter votre commentaire
|
