NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
168 Nduu lewru
Cakkitiiɗo: elhadj

Widewooji maantaaɗi..


Lamtooro
Moyenne:
Clics:2375
Baaba Maal - Acoustic Live
Moyenne:
Clics:18621
Clandestin - IWDI PULAAGU
Moyenne:
Clics:5227
Pulaar film : BON VOYAGE
Moyenne:
Clics:2688
mariama - fac alliance
Moyenne:
Clics:2674

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!

. . . : : : : : | | | | | | K A B A R U U J I - T E S K I N Ɗ I | | | | | | : : : : : . . .

Click on the slide!

RENNDO: Ɓataake feewde e Yaay Sinna Baydi Ñaŋ (1939-2009)

News >> Société

Ko adii fof, mi juuriima annoore maa, miɗo ñaagoo Alla nde oo ɓataake tawata maa e aljannaaji ɗi Alla resani…

Suite...
Click on the slide!

DIINA: [Yontere Ceerno Maajakatee Kah] Ziyaara hikka oo ko tesketeeɗo, tugneteeɗo!

News >> Religion

Geno yettaama kadi, tuma mo Ziyaara Ceerno Maajakatee hokki en fartaŋŋe yuɓɓinde ndee yontere e lowre Pulaagu. Geno yettaama kadi…

Suite...
Click on the slide!

DIINA: [Yontere Ceerno Maajakatee Kah] Jubbannde e nguurndam Ceerno Maajakatee

News >> Religion

Holi ceerno Maajakatee Kah? Sikke alaa, e ɗii ñalɗi keewɗi nafoore to bannge ganndal golle e balle ceeno Maajakatee Kah,…

Suite...
Click on the slide!

DIINA: [Yontere Ceerno Maajakatee Kah] En puɗɗoriima innde Alla!

News >> Religion

Musidɓe tedduɓe, Fulɓe e leƴƴi kala gonɗi e Fuuta, haa Dakaar, e gure Senegaal kala, mi salminii on calminaali tedduɗi.…

Suite...
Click on the slide!

GANNDE KESE: Jaaɓngal waktuuji Njuulu "Muslim Pro" yaltii e ɗemngal Pulaar!

News >> Nouvelles technologies

Ko e weytaare ɓurnde mawnude kabraten renndo ngoo wonde jaaɓngal waktuuji njuulu Lislaam Muslim Pro yaltii e ɗemngal Pulaar.…

Suite...
Click on the slide!

SUNAARE: Mammadu Buubu Ñaŋ, gorko mo Aram woppii en e yeeweende...

News >> Société

Hol no ɗum wonirta? Naamnal nana yirloo e hakkille am tan, ena horii jaabawol. Mi horiima goongɗinde sabu ɓernde ndee…

Suite...
Click on the slide!

TIGILDE KELME: Ngaree so oɗon ñikla ngaanndi mon e ndee toosnde!

Langue et linguistique >> Coftal ngaanndi e pije

Musidɓe tedduɓe, Fulɓe yontaaɓe e ɓe ngonaa Fulɓe nanooɓe ngal, onon fof on calminaama kadi teddungo. On nduwanaama moƴƴe…

Suite...
Click on the slide!

DEMNGAL: Italinaaɓe cosii lowre e fedde ena wiyee HOOKII: "Nagge hookii kono maayaani..."

News >> Organisations et associations

Musidɓe tedduɓe enen fof waastaa tawa eɗen ciftora winndannde fattamlamiire yaltunoonde e jaaynde anndaande e aduna oo fof ena…

Suite...
Click on the slide!

TIGILDE KELME: Lewru Juko nduu addii kadi fertunde e tigille!

Langue et linguistique >> Coftal ngaanndi e pije

Musidɓe Fulɓe, ndado-ɗee! Tigilde men hesere ndee arii, yettiima ɗoo. Ngol-ɗoo laawol kam, soklaani ko miɗo ɓetana-on toosgol mayre, oɗon…

Suite...
Click on the slide!

GAACI: Njillu Baaba Maal e leydi Maalmaalɓe

News >> Musique

Alhajji Baaba Baydi Maal e Daande Leñol njuɓɓinii kiirɗeeli ɗiɗi pattamlami, ɓooyooji daarteede, ñalnde 24 e ñalnde 25 lewru kawle(octubre)…

Click on the slide!

GANNDE KESE: Tappirde Pulaar Android bayyinaama hannde!

News >> Nouvelles technologies

Musidɓe Fulɓe, en ɓooyii tijjaade oo kabaaru pattamlamo! Hannde eɗen njaɓɓoo gootal e kuutorɗe ɓurɗe hatojineede e gannde kese wonande…

Click on the slide!

GANNE KESE: Cinndel e taable e ɗemngal Pulaar nattii wonde koyɗol!

News >> Nouvelles technologies

En ɓooyii hoyɗude ɗum, hannde arii haa yettii ɗo men ɗoo sabu ko e yontere maaynde ndee keɓ-mi yeru cinndel…

Click on the slide!

DEFTORDU: Pulaagu.com woni caggal daarol natangol (Bande dessinée) "JELIYAA Tokosel" e ɗemngal men

News >> Langue et linguistique Pulaar

Fulɓe ena mbaawi wiyde hannde "en ndañii belaa"! Pulaagu.com wonnoo ko e eɓɓude ɗii lebbi fof yaltinde daarol natangol (bande…

Frontpage Slideshow (version 2.0.0) - Copyright © 2006-2008 by JoomlaWorks

. . : : | | | | Widewooji kesi - Nouvelles vidéos - New videos ... | | | : : . .

Muritani: Gartol mooliiɓe e leydi mum'en
 

Ecrit par IBRAAHIIMA MALAL SAAR, le 17-09-2007 15:45

Pages vues : 10086    

Publié dans : Les News, Renndo


Laamɗo Muritani Siidi Mohammed Wul Seek Abdallaahi weddiima noddaango fayde e Muritaninaaɓe e  koŋngol makko fayde e leydi ndii e puɗɗogol koorka. Omo nodda kala ɓoɗɗo leydi ndii yoo dado, daroo e hebaade jaɓɓaade kala moolinooɓe caggal leydi yiɗɓe artude e leydi ndii. O hollirii e koŋngol makko wonnde lewru dariindu nduu ko lewru ballondiral, jokkere enɗam e leuwru nuunɗal. Waɗɗii kala Muritaninaajo, ko wallude artooɓe e leydi mum'en haa mbaawaa jooɗtaade caggal nde mbayri leydi ndii duuɓi! Ɗum kadi, e miijo mawɗo leydi ndii, maa addan leydi ndii tiiɗtinde ngootaagu mum e deeƴre e kisal leydi Muritani. Ko ɗum Alla yamiri, ko ɗum woni ko foti reweede.
Image
Siidi Mohammed Wul Seek Abdallaahi
Gila e hitaande 1989, ko ujunnaaji capanɗe-jeegom (60 0000) neeɗɗo njaltinaa e galleeji mum'en, ɗawaa jawɗeele mum'en, won heen mbaraa, ɓeya leptaa bonɗe! Caggal nde laamu hesngu nguu jooɗii, caggal nde pelle caggal leydi, haa e pelle leydi ndarii ena kaɓee mbale ɓiɓɓe Muritani riiwaaɓe e nokkuuji mum'en ena ngarta, laamu ngu nana heboo jaɓɓitaade ɓiɓɓe leydi artooɓe. Fedde ONU toppitiide mooliiɓe (Haut commissariat aux Réfugiés), weddiima noddaago feewde e kala ɗo doole keedi, ngam kopporaaje ko ena abboo e dolaruuji 7 milioŋ ngam yuɓɓinde gartugol riiwanooɓe e moolinooɓe to Senegaal, Maali e leyɗeele goɗɗe!
Jennifer Pagonis, tammbiiɗo koŋngol HCR wiyi "won e mooliiɓe ɓee wayruɓe galleeji mum'en ko ena abboo e duuɓi noogaas". Ko ɗum waɗi darnde ena foti dareede, e miijo makko ngam renndinde doole mbele caɗeele jolngo e laawol gartol mbaasa heewde no feewi. Ko hakke ujunnaaji noogaas e nay neɗɗo tijjaa gartugol mum'en e leydi Muritani. Kaŋko Jennifer Pagonis e hollitii gartol ngol jogori fuɗɗaade ko ñalnde 17 yarkomaa 2007. Ena sikkaa ko e nder  lebbi sappo e jeeɗiɗi golle ɗee njogori wordteede. Ɗum nawii en haa e lewru Mbooy 2009!
Fedde HCR ndee fuɗɗiima wallude mooliiɓe to Senegaal gila e hitaande 1995. Hakkunde 1996 e 1998, hakkke capanɗe-tati ujunere neɗɗo hooti Muritani e dow ballal fedde ONU ndee. Caggal nde Muritani toɗɗi laamu kesu nguu, nde innii ko ƴiyal dawrugol maɓee wonnde artirde mooliiɓe ɓee kala e nder leydi mum'en. Caggal nde ɓe ngartiraa, laamu nguu ena eɓɓidi e HCR njuɓɓudi ngam wallude-ɓe no ɓe njooɗtorii gila e koɗorɗe haa e gollorde.
Image
Maawiiyaa, haa jooni haala makko haalaaka!
HCR ko kañum jogii kisal, nguura e cellal maɓɓe haa nde jooɗnde maɓɓe fuɗii feewde kala. Ko ɗum waɗi fedde ONU ena darni eɓɓo asde boyli capanɗe-tati e joy (35), mahde dispaaseeruuji 20, duɗe jaŋngirɗe. So ɗum ɓennii, hoore kala maa hokke hakke lebbi ɗiɗi nguura, kaɓirɗe ndema e aawdi. Fedde PAM (Programme Alimentaire Mondial) ena darni njuɓɓude addande-ɓe nguuraa ko ena wuurna-ɓe lebbi tati.
Heddi hannde ko naamnde tati ɗe cuwaa towa jaabeede! Hol no hakkeeji  waraaɓe ɓee njooltirtee? Hol to waɗnooɓe bonanndeeji ɓee ngoni (waerɓe, wujjuɓe, leptuɓe)? E dow ɗum kala, hol ko waɗi Maawiyaa ena nuɗɗinii haa jooni haala mum haalaaka?
Kuɗol Ibraahiima SAAR
Vos Commentaires Citer cet article sur votre site Favoris Imprimer Envoyer à un ami Enregistrer sur del.icio.us Articles similaires Lire la suite...

Sira Liyon: Ko honto Fulɓe hikkori e laamu hesu ngun?
 

Ecrit par Saajo Bah, le 16-09-2007 14:26

Pages vues : 9858    

Publié dans : Les News, Dawrugol


Image
Alajji Aamadu Booy Jallo yeewtidii e saaktooɓe kabaruuji
Alhajji Aamadu Jallo mo NDA (National Democratic Alliance) ko 17,000 Hito o heɓi e nder suɓngo arano ngon. Ka rogere sakkitorde o haɓɓondirii e Solomon Berewa mo SLPP (Sierra Leone People's Party) e yaakaare foolugol Ernest koroma mo APC (All people's Congress), e nder rogere sakkitorde nde.
Kono ɓaawo hitooji ɓurɗi ɗuuɗude ɗin e suɓngo sakkitiinde nde, ñannde 8/09/07 limtaama, yilaaji hollii wonde fedde Salaare APC nde no heedi yeeso fedde laamiinde nde, SLPP, ittiri hitooji heewɗi, si yaarii non, ko laamu APC darotoo hikka, ko Liyonaaɓe faaliraa non!!!
 
Kono holto Fulɓe hikkori e ngu laamu hesu?
E nder fedde laamiinde nde, SLPP, gila e hitaande 1996 haa 2007, Fulɓe heɓii heen geɗal mum timmungal, ngam jaagorɓe Fulɓe no heewi e laamu ngu, hakkunde jaagorɓe njowo haa njeeɗiɗo, gila fedde SLPP nde laamii e hitaande jantaande dow nde...Fulɓe faɗaali kadi geɗe goɗɗe wano yaakitorɓe (ambassadors) ngam hiɓe jeyaa e naɓiraaɓe e lesɗe ɓurɗe himmude, wano Sulaymaan Tijjaan Jallo to Ameriki (U.S.A.) e ko nanndi e makko...
Wi'aama si APC ƴetti laamu Fulɓe heɓataa ko ɓe heɓi koo e heen, tawde ko e fedde SLPP nde ɓe ɓuri doolnude, kono fahin no anndaa wonnde Fulɓe heewɓe hitanaaki SLPP hikka wano Liyonaaɓe luttuɓe ɓen waɗri non, nde wonnoo SLPP e giiɗe Liyonaaɓe, nde gollaali ko nde fodunoo ko, yimɓe ɓen no heddii e tampere. Kadi Fulɓe ɓen e hoore mum no feccii hikka e nder hitagol ngol, hay si tawii muuyɗe maɓɓe ɗen ko gootum, ngam hay Alhajji Aamadu Jallo, yeesoojo fedde NDA nde, e hoore mum, heɓaali hitooji Fulɓe ɓen no o hoolornoo non. No laaɓi wonnde yoga e Fulɓe hitanike SLPP, woɓɓe APC, woɓɓe NDA, woɓɓe kadi PMDC (People's Moɓement for Democratic Change), no gasa woɓɓe goo hitanike pelle goɗɗe ko wonaa ɗee ɗoo. Zee pelle ɗoo fof no jogii e mum Fulɓe kelɗuɓe, waawuɓe fooɗude hitooji Fulɓe, wano Alhajji Dr. Ibraahiima Tijjaan-Jallo, cukko yeesoojo fedde PMDC, maa Abuu Bakar Jallo, wonooɗo cukko yeesoojo fedde APC e hitaande 2002, himo heddii haa hannde ko o doosal manngal e nden fedde, hay so tawii o wonaali cukko fedde nde hikka e ngo ɗoo suɓngo, doose Fulɓe wonɓe e fedde laamiinde nde kay limotaako, koɗum waɗi ɓe dañi jaagorɗe e yaakitorɓe heewɓe e nder laamuuji SLPP saaliiɗi ɗii, haa hanndeere ndee...
Hari non, Fulɓe annduɓe dawro leydi ndi, wano Dr.Alfa M. Bah (jooma deftere mawnde inneteende:Fulɓe Presence in Sierra Leone...) holliino gila law wonde: "Wonaa hay fedde wootere jeyi Fulɓe", Fulɓe hitanto fedde nde ɓe yiɗi fow, yo taw non hooreeɓe nden fedde yoolataa fotdeeji leñol ngol, jogaade Fulɓe e fedde kaariire tan yonataa yo Fulɓe hitano nde, ko maa Fulɓe wonɓe e nden fedde kame kala jagge nden fedde, no haani daranaade leñol ngol e fotdeeji mum...Fulɓe wonaa hoɓɓe e nder leydi Sira Liyon, F. A. J. Utting, e nder deftere makko, The Story of Sierra Leone/Taalol Sira Liyon ngol (1993), o wii wonde Fulɓe ko jagge cofte njeeyguyankooje wonnoo, e nder Freetown, ko adii hitaande 1721, alaa ko haali ka nder dowri. Fulɓe ñiiɓiino Sira Liyon ado 1808 (crown colony), ɓe ñiiɓiino Sira Liyon ado 1896 (creation of the Protectorate of Sierra Leone). Kala humpaaɗo yo janngu deftere Dr. Alpha M. Bah, jantaande dow nde...
 Ko men anndi tun, woni Fulɓe no tawaa walla tawaaka e laamu hesu aroowu ngu, laamu-woo-laamu, gooto kala yo anndu leñol ngol daɗii yoolaade e nder leydi Sira Liyon, lutta non, si tawii Fulɓe luttuɓe ɓe hoɗɓe e leyɗeeele goo, hino goongini ɗum malla ɓe goonginaali, ngam hino heewi ka men yeddotirata e Fulɓe musidɓe amen ɓe, e goodal Fulɓe e nder leydi Sira Liyon. Nde wi'uɗaa ɓe ko Sira Liyon iwɗeaa fof, ko ɓe wi'ooɓe :Pullo alaa Sira Liyon, men wiay ɓe aree ndaaron, janngon taariika leydi ndi, ko on tuma tun hoolotoɗon ko men haali kon...Anndee non, ko onon rokkata men doole, si o wi'ii Pullo alaa Sira Liyon, haray on wallaali men, nde wonnoo wñɓe amen ɓe no waawi huuwtorde ɗin konnguɗi mon, fii tampingol men...Fulɓe ko leñol tataɓol e nder leydi Sira Liyon, no geloron, yo banndiraaɓe tedduɓe...
Fulɓe wano Liyonaaɓe fow, no lamndii waylaare e ɓamtal e yeesoyaagal, gila jooni haa yeeso.
Yoo wuuru ɓaleeɓe haa cay...
Kuɗol/ Saajo Bahkaikai.
Antwerp/Beljik.

(proposer une traduction en français), submit a translation in English)

 


Tags : News, Dernières news, Sira Liyon: Ko honto Fulɓe hikkori e laamu hesu ngun?
Vos Commentaires Citer cet article sur votre site Favoris Imprimer Envoyer à un ami Enregistrer sur del.icio.us Articles similaires Lire la suite...

Toɗɗagol Senaa Senegaal
 

Ecrit par IBRAAHIIMA MALAL SAAR, le 05-09-2007 22:31

Pages vues : 9062    

Publié dans : Les News, Dawrugol


PDS ɓoftii 34 e jooɗle 35 ɗaɓɓetenooɗe!
Lannda PDS mo Hooreej leydi Senegaal Abdulaay Waadd, heɓii jooɗle 34 e Senaa caggal nde toɗɗotooɓe toowɓe mbeddii karte mum'en ñalnde dewo to Senegaal.
Caggal nde Senegaal artiri Senaa e ndee-ɗoo hitaande, ko Abdullaay Waad jogori suɓaade 65 jooɗotooɓe woɗɓe , hawra jooɗle teemedere. Hooreejo Senaa oo jogori wonnde ɗiɗiɓo e mawɓe leydi ndii so Abdulaay Waadd ɓennii. Paap Joop, ena jeyaa e sikkaaɓe maa ngardo Senaa toɗɗaaɗo oo.

Image
Paap Joop
Hakke sappo e ɗiɗi ujunere dipiteeji cuɓiima jooɗotooɓe Senaa. E jooɗle 35 ɗaɓɓetenooɗe, ɓe labaniima heen 34 lannda PDS. PDS ɓoftii jooɗle ɗee e nokkuuji kala ɗo cuɓle ɗee njuɓɓinanoo haa heddi Welingaraa (Diiwaan Koldaa). Ko lannda And-Jëf mo Lanndiŋ Sawanee nawi jooɗnde wattaande ndee.
34 toɗɗaaɓe ɓee so njantii e 65 ɓe Abdulaay Waadd jogori suɓaade ɓee, hawra 99 neɗɗo wonanɓe Hooreejo leydi ndii. E miijooji heewɓe e nder leydi Senegaal e Jaayndeeji leydi ndii, Waadd heɓii ɗoo no siyniri eɓɓooji mum kala tawa alaa palotooɗo. Yoga e ɗiin eɓɓooji naworaani daaɗe yimɓe leydi ndii kala.
Ngannden ɗee-ɗoo toɗɗe (cuɓle) lanndaaji pooɗondirooje e PDS ɗee kala caliima jeyeede e majje, no ɗe calorinoo jeyeede e toɗɗe dipiteeji e lewru Korse 2007.
Ko Abdu Juuf sosnoo Senaa e hitaande 1999 hade mum iwde e laamu. Nde Abdulaay Waadd arie laamu, o fusi Senaa oo e hitaande 2001. Ko Waadd kadi artiri Senaa hikka e dow cimmitaali annduɓe e jaŋnguɓe leydi ndii, sabu, e miijo maɓɓe, Senaa alaa ko nafata hay fus, kadi ena yoola kopporeeje keewɗe ɓaawɗe heƴde e leydi ndii sabu ena cokaa e fannuuji goɗɗi ɓamtaare leydi ndii.
Kuɗol Ibraahiima SAAR


Vos Commentaires Citer cet article sur votre site Favoris Imprimer Envoyer à un ami Enregistrer sur del.icio.us Articles similaires Lire la suite...

Cuɓɗe Sira Liyon
 

Ecrit par Administrateur Pulaagu.com, le 04-09-2007 12:10

Pages vues : 8675    

Publié dans : Les News, Dawrugol


Suɓngo hooreyaŋkeewo e suɓngo mbatirduyaŋkeewo
Fooɗondiral lefol laamu; laamɗo leydi e batulaaɓe 112.

E nder fiɓere (decade) timmunde, wolde musidal no huɓɓi e nder leydi Sira Liyon, heewɓe waraama, heewɓe jukkinaama, ko ɗuuɗi dogii yaltii leydi ndin. Haa e hitaande 2002, si wolde nde dartii, kono haa hanndeere nde kulol no heewi e ɓerɗe yimɓe, ko yowitii e fuɗɗitagol wolde nde, waɗde haa jooni tampere e laamu mbonngu no saakitii e nder mayri. Ngaluuji leydi ndi no wujjee, jeere mayri no tampa, jooni ɓurii ado wolde nde fuɗɗaade e hitaande 1992, ɗum ɗoo no jeyaa e ko huɓɓinnoo nde, on tuma.

Image
Ernest Koroma
E hitaande 1996, suɓngo hooreyaŋkeewo yuɓɓinanooma, fedde SLPP(Sierra Leone People’s Party/Fedde Jeere Sira Liyon) fooli, e ardagol Ahmed Tijjaani Kaba. Vayri wolde nde gasii e hitaande 2002, Kawtal Leyɗe Fottuɗe(KLF/UNO) yuɓɓini suɓngo hooreyaŋkeewo, fedde SLPP nde laamtii kadi. Kono gila ndeen, Liyonnaɓe yi’aali jam e ƴellitaare fodanooɗum on tuma ɗum, haa dumunna laamagol Ahmed Tijjaani Kaba gasii, huunde siinaaka. Jooni maa leydi ndi heɓa hooreejo keso…Kono hikka ko Sira Liyon e hoore mum yuɓɓinta cuɓɗe ɗe: suɓngo hooreyaŋkeewo e suɓngo mbatirduyaɗkeewo, nde tawnoo mooɓɗe KLF ɗe(UNAMSIL) yaltiino gila e hitaande 2005, ɓaawo ɗe heblude konu ngu e canndokaaɓe ɓen ko reena hoolaare leydi ndin. Ko ɗum waɗi hikka ko ndaarndal(test) wonande Liyonaaɓe, anndugol ko haa toy(holto) ɓe waawi tammbitaade fiyakuuji maɓɓe, maa ko yowitii hollugol renndo winndere ngo, wolde huɓɓitataa e nder leydi ndi hankadi, yonto wolde musidal nde saalii nde artataa haa nde darngal, kadi donɗe maɓɓe ɗee, hiɓe waawi ɗe ronndaade tawa njanano tawaaka…Ko si ɗe cuɓɗe feƴƴii e jam, nde anndeten Liyonaaɓe ko fotduɓe e hooleede…
Nde 11 Juko(August) maayndu non, jiiɓoldu woo waɗaali, hay si waɗii wonaa ko bonnata yilaaji yimɓe, hari yimɓe ɓe fow le no huli fota wota leydi ndi rutto e feetere maɓɓe woownde nde. Gila e sera haa e sera pocci hitotooɓe(wotooɓe) deeƴi haa hitagol gasi, ko hulɓinii waɗaali, kadi ayninaaɓe cuɓɗe ɗe, Liyonaaɓe e ɓe wonaa-Liyonaaɓe hollii wonde ɗum feƴƴirii no laaɓiri, e no nunɗiri…Pelle fooɗondirooje laamu ɗe holli hikka gardal ɓenndugal e nder nde rogere aranere ɗo, ɓe holluno non gila adan, bammbanooɓe ɓee wonde, ko jam e deeƴere leydi ndi woni dow muraaɗi fow. Zum hollanooma ado suɓngo 11 Juko ngon yottaade.
Image
Solomon Berewa

Pelle jeeɗiɗi fooɗondirooje lefol laamu e julle mbatirdu 112, heen pelle tati ko mawɗe: SLPP e ardagol Solomon Berewa, kanko woni Cukko Hooreejo leydi Sira Liyon, kanko kadi woni yeesoojo nde ɗoo fedde, APC(All People’s Congress/Dental Jeere Fow) e ardagol Ernest Bai Koroma, PMDC(People’s Moɓement for Democratic Change/ Dillere Jeere Fii Waylaare Potalyaŋkoore) e ardagol Caals Magaay, nde ɗo fedde ko saltaande e fedde SLPP, Caals sinci nde e hitaande 2005 ɓayri o galdii e terɗe SLPP goɗɗe, kono o naɓori ɗuuɗɓe e bammbanooɓe mayre, ɗum addanii SLPP loore mawnde, gila on tuma…
Yeesoojo fedde waawataa wonde Hooreejo ka suɓngo rogere aranere ɗoo gaanin heɓugol 55% Hito, si wonaa ɗum yesooɓe ɗiɗooɓe aranɓe ɓee, maa tun ɓe fooɗondiroya kadi e rogere ɗiɗmere, kakkunde maɓɓe, toon non, kala e maɓɓe heɓuɗo ɗuuɗal newiingal(simple majority) ɗum woni 50+1%, ma ɓuri ɗum haray o fooli lefol ngol; ko kanko laatoto lamɗo.
E nde ɗoo, Ernest Koroma mo APC, no hikki yeeso, tawde o heɓii 44%, o fooɗii hitooji ɓurɗi heewde, kadi o fedde makko nde,APC, fooɗii 59 julle mbatirdu(parliament) e nder julle 112 fooɗondirteeɗe. Heedi e makko ko Solomon Berewa mo SLPP, o heɓii 38%, Caals Magaay mo PMDC heɓii 14%.
Rogere ɗiɗmere maa yuɓɓine nde 08 lewru Siilto, hakkunde Ernest Bai Koroma e hikkiiɗo e makko o, Solomon Berewa. Nde wonnoo Caals Magaay wontidii e Ernest Koroma, yaakaare mawnde woodanii APC fooɗoygol hitooji ɓurɗi ɗuuɗude ka suɓngo rogere ɗiɗmere, ko APC woni fedde Salaare ɓurnde mawnude fewndo nii e nder Sira Liyon, haawnaaki ka nde heɓtoya laamu ngu e junngo fedde laamiinde nde, teeŋtinii non nde wonnoo, laamiinde ndee siinaali fodaari mum ndi e duuɓi feƴƴuɗi ɗoo fof, wonaa laawol moƴƴol, ndiyam laaɓɗam, maa ndaygu ko huɓɓina leydi ndin, ɗum kadi no jeyaa ko Liyonaaɓe ɓee waɗti yilaaji e mum hikka, waɗi ɓe hitanaaki nde, wano woowiri non…
Kori rogere ɗiɗmere nde, laaɓiroyay wano aranere nde laaɓiri nii? kono ko adii fow kori suɓngo ngo feƴƴiroyay e jam e deeƴere wano rogere aranere nde feƴƴiri nii? Nde 08 Siilto ko ko mawni, ko ko hitti sabbiɗen, yo Geno ɓeydan en jam, o addana en laamɗo ittoowo en e nde ɗoo tampere ittunde neɗɗaŋkaaku, e ndimaaku e men. Ko jam tan yeliɗen…
Kuɗol Saajo Bahkaikai.
Antwerp/Beljik.


Vos Commentaires Citer cet article sur votre site Favoris Imprimer Envoyer à un ami Enregistrer sur del.icio.us Articles similaires Lire la suite...

Daartol am e Pulaar: njokken yeewtere
 

Ecrit par IBRAAHIIMA MALAL SAAR, le 23-08-2007 22:07

Pages vues : 20359    

Publié dans : Les News, Langue et linguistique Pulaar


Yeewtere men fuɗɗinoo ko ɗoo Image

ImageBanndiraaɓe caggal nde alkule tafaa haa njoni, rafi gonndanooɗo oo yahrii caggal. Adii huwtoraade alkule tafaaɗe ɗee oon sahaa ko jaaynde men Koŋngol Kawtal.
Ko ndeen feere addi-en haa saanga nde Geese fuɗɗii naatde e nokkuuji men, koɗorɗe men e gollorɗi men. Nde pulaar waɗtunoo winndeede e defte tan woni ko e yawtude; nuldude imeeluuji e waŋngaade e geese yonta mum arii haa yettii ɗoo. Ko adii, heewɓe e men ndañaani caɗeele winndude ɓatakeeji e geese saɓu nde ɓe nduƴƴunoo e caɗeele yaynude alkule men ɗee tan, ɓe nduttii e alkule "Keer" ɗee. Kono, nde wonnoo so aɗa yiɗi yahrude yeeso, a ruŋotaako laawol, mi meeɗaani jaɓde ruttaade e ɗeen alkule goppaaɗe haa njejjitaa, ko rafi peeje goɗɗe tan waɗi-ɗe huwtoreede haa jooni.

Ko adaa waɗeede woni yuurnaade e leƴƴi goɗɗi jogiiɗe alkule ɗe ngonaa alkule 'lateŋ" (Latin) ɗee. Ɗeen alkule ngoni ko wayi no alkule "sinuwaa", "gerec", "heboro" walla "aarabere". Ngati caɗeele ɗee, ko ɗee ɗemɗe ngadii duƴƴude heen. Kono alaa e majje gopuɗe huwtoraade geese, walla nduttii caggal sabu yolnde saɗtude!
Hol ko waɗi eɗen njaɓa warde ɓalli men eɗen mbiya: en mbaawaa ɓennude, ndutto-ɗen? So en nduttiima caggal, hol no njayraten e jamaanu hannde, e gannde kese? Ko ɗii ngoƴaaji addani-min reɗɗude pafti amen e nadorɗe, min ƴurii e wiɗto! Mo anndi wiɗto ena laaɓa wayi ko hono laawol niɓɓere nih. A yahat tan haa nduƴƴo-ɗaa e ko a sikkaano! Kono, aɗa anndi fayndaare maa, aɗa anndi ɗo doole maa kaaɗi. Woni ko a anndaa ko mbele maa yiytu ko njiyloto-ɗaa walla a yiytata!
Alla ko moƴƴo wonaa ɗemngal pulaar tan woni e winndere ndee. Kadi leyɗeele ɗee kala ena ndeeni ɗemɗe e binndol mum'en. Kala nde caɗeele ngari heen, ɗe ndaroo ɗe ñawnda-ɗe haa yuɓɓa. Kono, pulaar alaa leydi ndaraniindi ɗum, alaa fedde mawnde jogiinde ngalu, yuɓɓo sellungo tawa ena waawi daraanaade ñawndude caɗeele pulaar. Nafi en ko pelle denndinɗe leyɗeele toppitiiɗe ɗemɗe mum'en ɗee, ena njaɓa wallude e dissnondirde e kala toppitiiɓe ɗemɗe mum'en, haa teeŋti e ɗemɗe gonɗe Afrik. Caggal leyɗeele kala ena njiɗi huwtoraaade bindi mum'en e geese, gooto e maɓɓe kala wonno ko e teelal ena golloo peeje mum baŋnge. Nde yahnoo haa peeje keewi, nganndi waɗti dañde caɗele happaade ɗeen peeje fof. Ngati faamaama law, ngaanndi waawataa naatnude ɗeen peeje kala, so wonaa peeje ɗee ndenta ngonta wootere!
Ko oon saha sosaa fedde e na wiyee Consortium Unicode. Hol ko woni Unicode?
Uni = gooto code = dokkol; ko ngoo miijo woni ngooroondi golle Unicode. Ɗum firti ko lelnaama kuwgal nganndiyaŋkeewal wiynde: tuggude hannde alkulal goodngal kala e winndere hokkaama toŋngoode heeriinde tawa yuɓɓooji ngaanndi kala ena keftina ngal alkulal. Ko ndeen alkule Unesco ɗe kuwtorto-ɗen ɗee keɓi tangooɗe mum'en. Yeru toŋngoode alkulal "men" "Ɓ" ko "U+0181", alkulal men "ƴ" woni toŋngoode mum ko "U+01B4". Kala ɗo ɗee toŋngooɗe naatnaa e ngaanndi, foti ko wona Pulaar walla ɗemɗe goɗɗe, ɗe njaltinta ko "U+01B4" = ƴ; "U+0181" = Ɓ. Ndeke, gooto fof ko fitotonoo baŋnge mum koo tawaama ko fiyde silama e ndiyam!
Pulaar ɓuri famɗude caɗeele hakkunde ɗeen ɗemɗe. Alkule nay tan ngoni ɗe ngalaa e ɗemɗe Orop ɓurɗe huwtoreede e Afrik. Ko ɗum waɗi, ruttaade caggal faytude e peeje goppaaɗe wonaa ko min njiɗani leñol ngol. Kadi, wonaa binndugol alkule tan min cooynii e gannde kese. Min njiyi ko jaŋde ma ƴellito, jokkondiral ma weeɓtu, humpito maa saro e geese haa mo woni kala heɓa-hen tawa tampaani. Ko ɗum waɗi ɗee toŋngooɗe nay toɗɗiiɗe alkule men Ɓ, Ƴ, Ŋ, Ɗ (yanti e ɓ, ƴ, ŋ, ɗ) ɓurani min muudo kaŋŋe!
Hol no min ngaddiri dokkol "Unicode" e nder golle pulaar?
Caggal nde min paami alkulal fofof ena hettanaa toŋngoode yoo heeroro, yo heftinire e winndere ndee kala, min maɓɓi ndeen feere ko leelaani. Min pirti dokkol (codage) alkule gonɗe e Windows ɗee. Toŋngoode hokkatnoonde "z", min pirti min mbazi heen "U+0257". So a tappii "z" e Tappirde maa, nde nulda "U+0257" to tesko ngaanndi too, yaltina "ɗ". Yeru goɗɗo, so a tappii "V" e tappirde maa, de nuldata ko "U+0181" to tesko (mémoire) nganndi too, Ngaandi neltira "Ɓ" e yaynirde ("écran"). Ko noon kadi aluke keddiiɗe ɗee mbaɗiraa.
Heddii jooni, ko kala ɗo alkule ɗee kuwtortee, so geese, imeel walla tafirɗe ngaandi (lojisiyel) ala e sago ɗiin yuɓɓooji ɗooftoo kuwle UNICODE hade majje waawde yaltinde alkule ɗee. Haa jooni keewɗe e kuwtorɗe gonɗe e ngaanndi cuwaa tawo naatneede UNICODE. Ko ɗum waɗi, so a tappii alkule ɗee, goɗɗum yaltata.
Ko fayti e baŋngorɗe walla peerorɗe (navigteurs) geese, yaltinde heen alkule UNICODE ena naamnii waylo no ɗe njyanirta alkule ɗee. Miɗo winndi heen winndannde e geese men Pulaagu.com e suɓorde "Le pulaar">"Binndol".
Heddi tan haŋkadi ko yo en peewnu pappirde men heeriinde tawo ko tappirde pulaar. Ena woni e yaakaare amen oon ñalawma, so ena woɗɗi neh, ko lofu ngootu yettinta-min e makko!
Cemmbinee Pulaagu.com, Ummo-ɗen e jamaanu kiiɗɗo, jamma niɓɓo, ceeken henndu eɗen tiindii gurel goɗɗungel, ena wiyee ƴellitaare!
On njaaraama!
Kuɗol Ibraahiima SAAR


Tags : pulaar, alphabétisation, unicode, caractères peules, clavier peul
Vos Commentaires Citer cet article sur votre site Favoris Imprimer Envoyer à un ami Enregistrer sur del.icio.us Articles similaires Lire la suite...

<< Début < Précédente 41 42 Suivante > Fin >>

Résultats 698 - 702 sur 702

HANNDE WONI...

..::||HAATUMEERE||::..


« < MBooy 2019 > »
A M N N M H D
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

JOLJOLE FULƁE

Pas d'événements

JELIYAA TOKOSEL (BD en Pulaar)

NEWTO DOKKOL MEN QR

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


My status

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥




Ibrahima%20SarrQuantcast

TWITTER TOLBEC!


TIGILLE ƁENNUƊE

TIGILDE KELME: Min ɓeydii tooke ɗee, haalande ladde!

News image

...

TIGILDE KELME: Ngaree so oɗon ñikla ngaanndi mon e ndee toosnde!

News image

...

SINNAA BAYDI ÑAŊ

Tele Pulaagu


Le Blog du Pulaagu

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥