oomu Pulaagu ena jogii weltaare mawnde habrude renndo Fulɓe no diidorinoo wonde Mozilla yaltinii wanngorde mum wiyeteende Firefox e ɗemngal Pulaar! Ko ñalnde 5 lewru Korse nduu Mozilla habri-min jaltugol Firefox betaa (yamre ƴeewndo) e ɗemngal men. Mozilla hollirii weytaare mum e njettoor mum fayde e Goomu Pulaar-Fulfulde gollodiiɓe e maɓɓe e ndee eɓɓoore moolanaande. Yoo Fulɓe nganndu ko teddungal e heftineede ɗemngal mum'en soomii e gollotiral hakkunde Mozilla e ɗemngal men. Firefox woni hannde wanngorde ɓurnde huutoreede e geese!
ande 23 duujal 2012, fedde huutortoonde ɗemngal farayseere e nder winndere
ndee (francophonie) yuɓɓinii kewu mawngu to Kinsasaa (laamorgo Konngo)
ngam rokkirde njeenaari Kadimaa hitaande 2011, Tawii faatundi e
ɓamtugol ɗemɗe afriknaaje heɓi ɗum ko Aliw Muhammadu.
Aliw Muhammadu ko ɗemɗiyaŋke kuɓɓuɗo, kooniŋke ɗemngal pulaar,
jannginoowo dowrowo to duɗal « INALCO ». Ngal ɗoo duɗal, ko duɗal
ngenndiwal ɗemɗe e finaa-tawaji fuɗnaangeyaŋkeeji to Pari. O jannginta e
maggal ko celluka Pulaar. Ko kanko laatii e maggal hannde jaalal
pulaagu, caggal nde Alfaa Ibiraahiima SOH wirnii. Omo walla
winndiyaŋkooɓe heewɓe muulde defte mumen, gila e Pulaar noon haa e ɗemɗe
goɗɗe afriknaaje.
ajo kassataya (www.kassataya.com)
ena bismii-mi e yeewtre ganndal nganndi (informatique) lewru kala
laawol gootol. Bismotoo yeewtere ndee ko musidɗo men Khaly Thiam gonɗo to Memphis, Dowlaaji Dentuɗi. E nduu lewru Korse du ngon-ɗen yeewtere men ko ñalnde
Dewo 3 Korse 2012. Woni toɓɓere yeewtere ndee ko jaltugol wanngorde
Firefox (yamre betaa) e ɗemngal Pulaar tijjangol e yontere aroore ndee.
jillu hitaandeyaŋkoore CNCR waɗaama to hotel WSD mbo Daara ñanlde
Hoore-Biir 19 lewru Duujal. Fedde CNCR (conseil national de concertation
et de coopération des ruraux) ndee daranii ko e fannuuji tati ɓurɗi
mawnude e golle dowriyaŋkooɓe: ndema, ngaynaaka e awo.
oɗoo suka gorko ko majjirɗo koreeji mum ko ɓooyi, yiytaaka. O wiyete ko Aamadu Hammadi Jallo walla Mbaay Jallo. Omo yahra hannde e duuɓi 33.
O jeya ko wuro men Fuuta-Tooro ena woiyee Wuro Moolo,moolo, Maatam, Senegaal. O wonnoo ko Nuwasoot gila hedde hitaande 2004. Gila ndeen alaa kabaaru makko heɓaa. O yiyaaka haa joon. Ce jeune homme a disparu depuis 2004. Il était à Nouakchott à l'époque. Depuis aucune nouvelle. Si vous avez des informations le concernant, prière de contacter sa famille au Sénégal sur les numéros ci-dessous.
Kala keɓɗo kabaaru baɗte makko yoo noddu: 775760003 walla 775203656 walla 775663429. Foto ngo noon ko ɓooyngo ina ŋakki laaɓtude.
alnde Hoore-Biir 19 Duujal 2012 Kolommbus, Ohayo jaɓɓiima bandiraaɗo
deɓɓo fuutaŋke Tooro Aysata Taal Saal, garnooɗo tawtoreede piirgol
ɓingel mum e duɗal Boston. kono nde tawnoo, fulɓe wuurɓe e Dowlaaji
Denduɗi Amerik ina kuuñƴunoo e yiyde mo e yewtitde e makko, yeewtere
yuɓɓinaama Niw York e gardagol Pulaar Speaking. Aysta Taal Sal, mo lannda PS ko gooto e ɓurɓe lollude e fannu dawrugol e laawol e nder Senegaal.
PULAAGU.COM ko golle yarlitaare e yiɗde ɓamtude ɗemngal men. Ballal mon ena soklaa nde wonnoo huunde fof ko e jaybaaji amen yaltata. Min mbaawaa waɗde geɗe keewɗe sabu ŋakkere ngalu. Kala balluɗo, walli ko Pulaar, walli ko Fulɓe. On njaaraama!
JOLJOLE FULƁE
Pas d'événements
JELIYAA TOKOSEL (BD en Pulaar)
NEWTO DOKKOL MEN QR
Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!
© 2001-2012 PULAAGU.COM - Tous droits réservés -
Jokkondiral: Tel: +33 977 218 258 - Fax: +33 981 706 575 - contact(at)pulaagu.com - Skype: PULAAGU.COM - PULAAGU.COM e Facebook