awral gonnooɗo jaagorgal kalfinangal taariindi nder laamu Abdulaay Wadd, hono Jubo Leyti Kah e Aynaaɓe Jolofnaaɓe waɗanooma nder wuro Daraa Jolof ñanlde 23 korse 2012 to Galle Sukaaɓe mbo Daara.Kalfinanooɗo geɗe taariindi e nder laamu ɓennungu nguu, Jubo Leyti Kah, yeewtidii e maɓɓe baɗte caɗeele ngaynaaka leydi ndi, haa teŋŋti e Jolof. Yimɓe heewɓe ngariino nootitaade  ngoon noddaango, sukaaɓe e mawɓe, rewɓe e worɓe ummiɓe e nder wuro Daara ngoo, kono kadi gure catiiɗe wuro ngoo keedaano heen caggal.

Ngonndirɗon hannde ko jomanuuji kampaañ wona, haa ɗuum waɗi won heen kala to yimɓe ena kawrita ena cofta taweede toon, ngam yiilaade ko ɓe mbaawi toon dañde ko ena nafa yimɓe maɓɓe. Nder ɗuum yimɓe dowrowɓe tonnge dawrugol haa e laamu ngariino e ñalaande ndee.

ko hedde saaga waktuuji sappo jeetati (18:00) o aroyi. Ccaggal nde golle paayodinɗe ngaynaaka waɗata nder leydi senegaal, haa are nder Jolof. ko goonga  tigo o haali huunde e caɗeele ngaynaaka, ko nanndi e caɗtugol nguura jawdi ndii hannde, coodgu "rippaas" jamma e ñalawma, aynooɓe ena poti heen walleede. Kadi  holliti wonde ngalu keewngu ngu Ngaynaako, Ndema e Awo naatnata hitaande nder leydi ndi, kono haɗaani laamuuji men ena njaltina miliyaaruuji jonɗi ngam jiggoyaade ɗee geɗe: kosam conndi, beer e kosam ngoɗɗam njoyɗam. Nde o joofni e ɗuum, o jokki ko huunde e dawrugol, o eeriima dental ɓe njaggarata ɗum'en, sabu donngol ngol "Beno Bok Yaakaar"  waɗi Makki Sal ala heen, kala beddaniiɗo ɓe kartal mum, firti Mustafa Ñas cuɓi-ɗaa. Nde dental fusi ndee, heewi hollirɓe yimɓe dawrugol ena kaawni, so ɓe njooɗiima e jappeere ɓe njejjat koreeji maɓɓe, kono heddiɓe ɓe mbi'i so o wallatno ɗum'en, o wallata-ɓe ko gila e mbo woni laamu! Maa taw mbiyen tan ɓe keɗiima ɗum kono ɓe kawraani e yi'ande makko ndee. Ɗum noon keɗo ɗen Jubo Leyti Kah.