K awren toownen Pulaagu! Ko ngol konngol woni takkordi
fayande sagginaande e oo kikiiɗe ɗoo e Librewiil. Nguu ñalngu
maantiniingu e daartol Fulɓe, hono no Najiiru Hammee Sih, ɗowɗo hiirde
ndee wowliri nii, woni ñalngu ɗiɗaɓu ngu Tabital Pulaagu Winndere Catal
Gaboo e gardogol Siree Soh yuɓɓini ɗoo e wuro laamorgo, hono Liberwiil.
Ina jeyaa e ko teskini e oo kikiiɗe ko ngol cormitogol ŋarɗungol ngol ɓiɓɓe Fulɓe kolliri, hay so tawii yoga e tijjanooɓe ngaraani ko wayi no Abdul Malal Joop, Debo Lemmbo leydi Senegaal ɗoo e Gaboo kam e Kaadiri Yahyaa, oon gorko Pullo laaɓtuɗo e darnde mum ngam toownude Pulaagu.
Kono tan oo kikiiɗe heɓii fartaŋŋe e tawtoreede Generaal Iile Siisee omo wondi Hooreejo Tabital Pulaagu Leydi Gine Ekwaatoriyaal.
Haa jooni ina jeyaa e ko e maantinii e oo ñalawma ko Goomu Ngataamaare hollitɓe e jime mumen ko doole ngoni dental, ɓe njirwini tawtoraaɓe ɓee no haanirta nii.
Kono tan banndiraaɓe golle ɓurɗe faayodinde ɗee, jirwingol ɓurngol battinde ngol ko Duɗal Kaadiri Yahyaa. Kamɓe kala e wonde sukaaɓe heccuɓe (woobuɓe) eɓe njooɓnaa nule mawɗe paayodinɗe feewde e leñol ngol. Eɗen mbaawi nande e daaɗe maɓɓe belɗe : Hayyoo ! Haayyoo naange Pulaar feeñii, Ngummee gila en ndaɗaaka, Kawren, toownen Pulaar, Pulaagu ko dental, ñaagiɗen ko kawral
ko ɗemɗe men ngoni nafoore men, njogitoɗen peeje e karallaagal, gadden mo woni kala docatal, mbaɗen dental, caloɗen cereal e ko wonaa ɗii konngi cemmbinooji e dow ɓoggol wammbaaɓe ŋanaa, ina koɗa "jamma jenngii".
Caggal ɗuum ko Hoohooɓe e annduɓe woɗɓe ndokkaa konngol ko wayi no Ceerno Suleymaani Jeeri Soh e Tijjaani Lih garɗo lomtaade Fedde Fuuta e wondude e sete mum. Kono mo woni kala e maɓɓe holliti ko dental woni doole, feere ndee ko kawral e dow nanondiral. ɓe mbasiyii yoo Fulɓe ittu keeri hakkunde mumen sabu mo teeli kala sonngee. Ndenten! Ndenten! Ndenten!
Mammadu Saalif Mbaay, Pulaagu.com Liberwiil Gabon
HELLO AMEN E FACEBOOK - Yantu e yiɗɓe Pulaagu.com to Facebook!
Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!
.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..
Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...
ON NJAARAAMA FULƁE...
* * * * *Reentino e tummbitagol binndanɗe jaltooje e lowre Pulaagu.com * * * * *
 Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.
|
|
|
Commentaires utilisateurs  |
|
Evaluation utilisateurs
 (0 vote)
|
|
Ajouter votre commentaire
|
© 2001-2012 PULAAGU.COM - Tous droits réservés -
Jokkondiral: Tel: +33 977 218 258 - Fax: +33 981 706 575 - contact(at)pulaagu.com - Skype: PULAAGU.COM - PULAAGU.COM e Facebook