NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


GANNDE KESE: Abiword, juɓɓinirgal binndi e ɗemngal Pulaar arii ɗoo, haa yettiima ɗoo! Convertir en PDF Version imprimable Suggérer par mail
Dernière mise à jour : ( 08-04-2012 )
 

Ecrit par IBRAHIMA SARR, le 23-03-2012 16:55

Pages vues : 6571    

Publié dans : Les News, Gannde Kese


Image
M
usidɓe tedduɓe so oɗon keddoraa conndi seeɗa, payee gaɗa maayo sabu hannde en pellat! En pellat sabu golle tiiɗɗe ɗe keɓ-ɗen siynande renndo Fulɓe so yaltine jaaɓnirgal juɓɓinirgal binndi e ordinateer walla ngaadiŋke(programme de traitement de texte). Gila golle men puɗɗii e hitaande 2010, ɗo heewi rewaama, ɗo sukki, ɗo niɓɓiɗi, ɗo heyɗetee, ɗomɗetee, tampetee fof rewaama ngam yettaade ɗo wonaa hannde ɗoo. Baawɗe Alla, ganndal e yarlitaare ndewi heen ngaddii en haa e bayyinol gadanol hono ko wayi nih tawa ko e Pulaar ɓolɓolto, jillaani. Hol ko woni Abiword? Hol ko Abiword jogori waylude e ngonka jaŋɗeele Pulaar e ɓamtaare ɗemngal men? Banndiraaɓe udditee noppi.
Alaa gannduɗo ordinateer mo huutoraaki walla nanaani Microsoft Word. "Word" ko jaaɓnirgal nafowal sanne sabu kala jiɗɗo winndude defte, walla geɗe goɗɗe ko Word heewi huutoraade. Kono word wonaa Alla meho. Ena tiiɗi haa cekke njogii-ɗum (no taani am wiyatnoo nih!). Kadi Word ena teddi golloraade haa ɓurti. Kono won jaaɓnirgal woodi gila ko ɓooyi ena wiyee Abiword. Abiword nafata ko winndude e yuɓɓinde binndi foti ko jaltooji e ɗerewol (defte, jaayɗe ekn) walla ko mooftetee e mbaydi fiilde (Fichier). Abiword noon darjaani no Microsoft Word nih sabu alaa joom jawɗeele en ngoni caggal, kadi nih yeeyetaake, luɓretaake, ko Alla meho.

Hol ko waɗi Abiword wonde Alla meho?

Abiword jeyaa ko e jaaɓnirɗe biyeteeɗe Open Source. Ɗum firti ko Abiword, kala belaaɗo ena waawi aawtaade ɗum, huutoroo tawa yoɓaani sabu yeeyetaake. Enternet ena waɗi ujunnaaje jaaɓnirgal Open Source e fannuuji ganndal ngaanndi kala. Tawde yoɓetaake, hol ko gollotooɓe ɓee keɓata heen? Hay baɗte! Open Source wonaa ko yoɓata gollotooɓe ena topoo kuutorɗe, alaa. Ko yarlitiiɓe ujunnaaje wonɓe e winndere ndee kala mballondirta ngam gollaade e eɓɓo. Kala baawɗo waɗa, doole ndenndinee, njeñcinee. Ko ɗum waɗi golle ɗee naamnaaki yoo gooto kala hippo heen duuɓi. Heewɓe so ngolliima seeɗa tan heewii...
Ngarten e Abiword!

Ko huutortooɓe Linux ɓuri anndude Abiword sabu Linux jeyaa ko e Open Source. Kala jogiiɗo Linux ena heewi ardude e Abiword e nder pakketaaji mum. Kono Abiword e Windows ena yaaji hannde sabu ko kañum ɓuri toppiteede, gam ordinateeruuji ɓurɗi heewde e winndere ndee ko Windows dogata e mum'en. Abiword heɓaani ɗo Word walla OpenOffice heɓi ɗoo tawo, kono won geɗe ɗe tawataa e Abiword, ɗeen ngalaa ɗum'en. Hol ko waɗi Abiword wonde jaaɓnirgal moƴƴal?
- Aboword ena doga e juɓɓe kala: GNU/Linux, Mac OS X, Windows, FreeBSD, NetBSD, BeOS, QNX!
- Abiword ena yaawi! Ena waawi dogde e ordinateer mo alaa doole noon fof, hay so ko ɓooyɗo. Kadi jogiiɗo ordinateer beelno maa yiy Abiword nawataa doole ɗee fof woppa jaaɓnirɗe goɗɗe ɗee e ɗomka tesko walla doole.
- Abiword ena waawi juɓɓinde, udditde walla yaltinde piille e mbaykaaji keewɗi: RTF, HTML, MS Word (.DOC), LaTeX (le TEX) yantude e mbayka OpenDocument (.odt) gontuɗo bayka ISO gila 2006. AbiWord ena huutoroo kadi ciirol XML (fiilde .abw), hono OpenDocument walla MS Office nih.

Hol to Abiword heɓetee?

Ngaawto-ɗee Abiword ko leelaani ɗoo e lowre men! Ndee yamre Abiword ko yamre ƴeewndo, walla Betaa. Firti ko yaltinanaa ko renndo annduɓe Pulaar ngam ɓe ngadda heen jiyanɗe maɓɓe, saato maɓɓe, caggitte maɓɓe! Ɗoo e dumunna, gooto kala kuutortooɗo ndee yamre, ena jogii fartaŋŋe addude heen ko miijii e kelmeendi Pulaar ndii. Kadi yoo faame wonde golle ɗee ko puɗɗotooɗe, wona ko wortaa. Min puɗɗu golle tan, renndo ngoo jogii hakke ƴeewtaade, wasiyaade, hiñtude haa miijooji keewi, renndinee, ko moƴƴi ɓeydee heen, ko yahdaani e nafoore woppee! Ɗum noon kala jiɗɗo miijooji mum kiisee ena foti winnditaade e ƴeewtotooɓe ɓee. Jiɗɗo winnditaade fof yoo neldu ɓataake to [abiword @ pulaar-fulfulde.org], naamnoo naatde e goomu ƴeewto e saato Abiword.
Caggal nde bayyinal timmungal yalti, ma min puɗɗo ekkinde mo woni kala no Abiword huutortee. Alaa e sago noon kelmeendi ndii janngee sabu ko ɗum woni hoore laawol. Miɗo hebla oo sahaa deftere ekkitorde e ɗemngal Pulaar jogornde yaltude hakkunde ɗoo e hitaande 2013 ndee
 
 

Winndito/Momtito e doggol Jakka Abiword e Pulaar

* Ena waɗɗii



Ngol doggol nafata ko wostondirde baɗte Abiword ngam gooto kala adda heen ballal walla miijo mum.
Mbinndito-ɗaa e keewal onon yiɗɓe jeyeede e goomu ƴeewndotooɓe!
 
Kuɗol Ibraahiima SAAR


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


JAKKAA FULƁE

* Ena waɗɗii










Hollir e Facebook


* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.



   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : abiword, traitement de texte, open source, logiciel pulaar, localisation, word


Commentaires utilisateurs  Fil RSS des commentaires
 

Evaluation utilisateurs

   (0 vote)

 


Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
DB9         53H      
O N    N      S   T2R
LN5   AS3     1      
  T    F      9   B5A
9LF           J      
   
   

Aucun commentaire post



mXcomment 1.0.7 © 2007-2014 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥