NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
149 Nduu lewru
Cakkitiiɗo: elhadj

Widewooji maantaaɗi..


Djembe : Fulani Troupe
Moyenne:
Clics:7555
Baasdo Alla Gido et o Dunya
Moyenne:
Clics:48771
Jaliibe dunyaa
Moyenne:
Clics:2720

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


FALASTIIN: Mbar maa Mahmuud Abbaas waɗtu Falastiin dowla 194ɓo Dental Leyɗeele UN? Convertir en PDF Version imprimable Suggérer par mail
Dernière mise à jour : ( 21-09-2011 )
 

Ecrit par IBRAHIMA SARR, le 21-09-2011 18:06

Pages vues : 9981    

Publié dans : Les News, Dawrugol


Image
F
alastiinnaaɓe no ndiidorinoo, e semmbinɓe ɗum'en e horsinɓe ɗum'en kuccitti hannde ko to jooɗorde Dental leyɗeele UN to Niw York! Hol ko woni mujiibe dille nanaaɗe toon ɗee balɗe kala hakkunde yiɗɓe e añɓe Falastiin? Ko mawɗo leydi ndii hono Mahmuud Abbaas fellitii yettinde DL (UN) ɗaɓɓugol dowla Falasteen wontude dowla 194ɓo fedde adunaŋkoore ndee. Falastiin haaɓii wonde leydi calanaandi huunde kala ko leyɗeele goɗɗe ɗee njaɓanaa: jogaade leydi mum'en ndimɗundi kala njiimaande Israel, wontude dowla keftinaaɗo e nder dowlaaji. Ndee-ɗoo yontere ko yontere tiiɗnde e dawrugol fuɗnaange-ɓasiiɗo haa teeŋti e Falastiin. Kono Israelnaaɓe mbiyi tan ko "wonataa" eɓe njaɓa Falastiin ena wonta dowla!

Eɓɓo ɗaɓɓude keftingol Falastiin haŋkadi wontii goonga e ɓerɗe Falastiinnaaɓe kala haa teeŋti e gadano e maɓɓe hono Mahmuud Abbaas. Ko ñalnde Mawnde 24 lewru nduu o jogori wowlude ɗaɓɓannde leydi makko yoo wontu dowla keftinaaɗo e Dental Leyɗeele. Leyɗeele keewɗe kollitii maa keftin Falastiin ñalnde batu mooɓondiral DL to Niw York. Kono Dowlaaji Dentuɗi Amerik kollitii wonde njaɓaani yoo Falastiin wondu dowla. Ena anndaa gila ko ɓooyi wonde ɓe ngonndi ko e Israel e nder goonga e fenaade fof! Kono eɓɓo Mahmuud Abbaas ngoo, hay so wuftaani e martaba Falastiin, ma weejnu dawrugol Dowlaaji Dentuɗi ngati Barak Obamaa wiyiino wonde "Falastiin ena foti heɓde hoore mum wonta dowla hono Israel nih, dowlaaji ɗiɗi ɗii ngollondira, kormondira, e dow goonga, jam, e ɓamtaare leƴƴi ɗii ɗiɗi". O haalnoo ɗum ko to Keer, Ejipt e wowlaadu makko lollungu o wowlunoo toon e hitaande 2008. Kono hooreejo Dowlaaji Dentuɗi ko ko halfaa, alaa dawrugol waawi ɓemde tawa ena luurdi e nafoore Israel. Gila dawaa dawi, kala nde kuugal ɓamaa yiɗde rewnude Israel laawol, ko kamɓe keewi wiyde ɓe ngalaa heen. Barak obamaa waɗii no laamɓe Amerik mbaɗatnoo: weddaade "wetoo" mum ngam haɗde Israel rewneede laawol.

Image
Obamaa: Inta Aaaniinde?

Hol no woote ɗee poti yahrude ngam Falastiin heftineede? Ko adii fof, DL jogii ko jooɗle ɗiɗi keeriiɗi: Goomu Waggino Kisal (Security Council) e Mooɓondiral (General Assembly). Ɗaɓɓannde wontude dowla foti rewde ko e Goomu Waggino Kisal, jogiingu terɗe 15. Heen terɗe 5 ko terɗe ñiiɓɗe, njaltataa goomu nguu. Sappo keddiiɗe ɗee ko toɗɗaaɗe duuɓi ɗiɗi, so gorlal majje timmii, ɗe ndokka terɗe goɗɗe. Paamen wonde ter joyi ñiiɓɗe ɗee ena njgii ko ena wiyee "wetoo". Firti ko so gooto e terɗe ñiiɓɗe ɗee weddiima wetoo maɓɓe, kuwgal fof riiwtaama hay so terɗe goɗɗe ɗee fof njaɓii ngal. Hade Falastiin wontude dowla so rewaama doosɗe Goomu Waggino Kisal, maa terɗe 9 e nder 15 ngootana jaɓgol mum'en. Kono tawa kadi alaa tergal piiɓngol weddii wetoo mum!

Kono hay so ena laaɓi maa Obamaa waɗ heen wetoo mum, Ameriknaaɓe ena kuli huutoraade wetoo oo maa bonnu hakkunde maɓɓe e leyɗeele keewɗe haa teeŋti e oo sahaa mo Arabeeɓe ngoni e waylude ngonka mum'en wonande dawrugol e ɗowgol leyɗeele mum'en. Kadi maa aduna oo fof seedo wonde Barak Obamaa alaa konngol sabu makko wiynoode to Keer wonde Falastiin ena fori jeytude hoore mum, heɓa dowla mum. Ko ɗum waɗi Ameriknaaɓe na baɗa feere fof hoto Mahmuud Abbaas yettin haala kaa to Dental Leyɗeele toh. Kono tawde Abbaas wiyi ko pellitɗo, jooni ɓe njiɗi ko waɗde feere mbele terɗe jeegom ena ngoota "alaa" ngam ɓe mbaasa huutoraade wetoo maɓɓe, ɓe ndaɗa ñiŋooje winndere ndee. Kono ena sikkaa heɓde wootooɓe njeegomo ena saɗti no feewi hay so Docclannda e Kolommbi ena njayaa e jogorɓe wiyde "alaa".
 
Image
Abbaas e Ban-ki-Moon
Ngati en paamii ngol laawol jogoraama feewande Falastiin sabu ena laaɓi wonde maa Dowlaaji Dentuɗi pal wetoo mum'en kuugal ngal. Hol ko woni feere wonɗnde nde Falastiinnaaɓe keddortee?
Kono Mahmuud Abbaas wiyi haŋkadi ko pellitɗo: hay so Goomu Waggino Kisal fedde ndee jaɓaani yoo Falastiin wontu dowla UN, maa o naatnu kadi ɗaɓɓannde to Mooɓondiral Dental ngal ngam Falastiin jaɓanee wonde dowla bismaaɗo tawa wonaa tergal  hono no Vatikan nih wall Swiis hade mum wontude tergal e hitaande 2002 E oon fannu, Falastiin ena yenanaa ma heɓ keewal sabu Mooɓondiral fedde ndee alaa wetoo.
Ko waawi wonde kala, Falastiin e Israel ngoni hannde ko e laabi celi. Kono Barak Obama woni ko hakkunde toɓo e ilam: kala ɗo o wuuroroo, maa woode ko o boniraa hay so ena laaɓi mo woni kala ko to bannge Israel wonata. Heddii ko yoo leyɗeele bayɗe hono Siin, Riisi e Afrik Bŋ Worgo naatna doole mum'en fof e yiɗde waɗtude fedde Dental Leyɗeele ndee fedde goonga, nde wonaa tan fedde wuuroriinde bannge heewɓe doole tan!


Kuɗol Ibraahiima SAAR

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...




* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.



   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : palestine, 194ème état, nations unies, état palestinien, ɓéto, israel, conseil de sécurité,


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 3 de 3 commentaires

NJETTOOR

Ecrit par: Hoodere pinal bah (Invit ) le 22-09-2011 06:51

Yoo Wuur Pulaagu.com

 

» Signaler ce commentaire l'administrateur

ndaw ko haani

Ecrit par: koreera (Invit ) le 23-09-2011 18:46

palestiin holliri ene yidi jeyeede e fedde anuniyankoore wiye alaa?ko fede leydeele jeyeede koyemumen walla ko fede wadoobe ko mbelaa? aduna o yettima nokku kala ko siifondiranoo gila-e-gila foti ko yuurniteede? mbele yontani fuunti momte;fenaande firte;goonga haale;!!!!!!! jamma oo jut tan kono weetat.

 

» Signaler ce commentaire l'administrateur

Fenaande ndee haaɗi lamɗam!

Ecrit par: Ibraahiima Saar (Invit ) le 23-09-2011 19:51

Ceerno Isaaga a haalii fof. Ngati laawol rewaaka, rawaa tan ko bellanteeje joom doole en. Woni e fenaande tan ko Amerik sabu ko kamɓe kaɗi UN rewnude Israel laawol. Leyɗeele men ɗee kala haŋkadi poti ko fiyde womre e taabal mbiya "fenaande yoo nattu". Ko toon fayaa sabu haŋkadi Oropnaaɓe ko lofiiɓe e caɗeele. Yoo Alla ummin leyɗeele cuppittooɗe jooni ɗee hono Cayna, Afrik B Worgo, Beresiil, Ruusi e ekn....

 

» Signaler ce commentaire l'administrateur

Affiche 3 de 3 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
87K          I       
B      F    XL    I4X
K1C   8JG    2       
  1    O     G    8TE
2CN         TA8      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥