NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
213 Nduu lewru
Cakkitiiɗo: elhadj

Widewooji maantaaɗi..



Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


FARAYSE: Pelle Mantu-Laa-Jolii SDL e Kawtal ndentii ngam duwanaade MBasu Ñaŋ Convertir en PDF Version imprimable Suggérer par mail
Dernière mise à jour : ( 01-08-2011 )
 

Ecrit par IBRAHIMA SARR, le 01-08-2011 13:56

Pages vues : 8435    

Publié dans : Les News, Renndo


Image
S
o Mantu-Laa-Jolii wonii haŋki kadi nokku renndo Fulɓe wonɓe e leydi Farayse, wayii tan no wayatnoo sabu darnde pelle wuro ngoo ñiiɓde e kala ko ɓemtata walla mawninta Pulaagu. Caggal saŋkaare gooto e jaale men hono MBasu Ñaŋ ñalnde 26 Korse to Dakaar, Senegaal, fedde Sehilaaɓe Daande Leñol (SDL) e fedde Kawtal janngooɓe Pulaar Fulfulde (KJPF) kawrii ngam yettinde renndo ngoo duwaawu mum'en fayde e ɓesngu MBasu. Noddaango ngoo saraama e renndo ngoo jonte hade ñalngu nguu, ɓee ko e Enternet, ɓeya ko e telefon, hay gooto wiyataa tinaani so tawii ko Alla. Pulaagu.com ne fellitii nelde toon Hooreejo goomu mum hono Ibraahiima Saar, jayɗo nawori koyɗe ɗiɗi: ngal-ɗoo koyngal ko koyngal juulɗo, musidɗo jeydaaɗo e renndo, ngala ko koyngal jaayndiaŋke ngam artirande renndo ngoo ko yiyaa e ko nanaa toon.
Pulaagu.com ko adii fof heɓɓi yeewtidde e hooreeɓe pelle juɓɓinɗe duwaawu nguu hono Saydu Bah, mo NDulumaaji Demɓe, hooreejo Kawtal, kañum e Maamuudu Aaw, mo Cempeŋ, Hooreejo SDL. Gooto e maɓɓe fof jubbanii-en e ko woni muujiibu eɓe njuɓɓina nguu ñalngu juulde e duwaawu.
Saydu Bah hollitii wonde MBasu ko gooto jaale leñol mo nganndu-ɗaa kala ko o gollotoo, o huccini ɗum ko e leñol Fulɓe, foti ko to bannge njimri, naalaŋkaagal e natiyaŋkaagal. Ngati hay alluuje ɗe o natata ɗee kala woni heen ko almameeɓe Fulɓe, walla nokkuuji pine Fulɓe ekn. O golliima kadi golle tiiɗɗe ko feewti e defte pulaar gadane ngati defte muulaaɗe e Senegaal e Muritani ena heei heen tawa ko kaŋko gollii nate gonɗe heen ɗee. Kaŋko Saydu Bah o hollitii kadi musidal makko e Mbasu no wayi tiiɗde gila nde ɓe nganndondiri haa jooni. Gooto e maɓɓe fof woni njaatige goɗɗo oon e nokku mo hoɗi oo.
Maamuudu Aaw, kañum ne hollitii sunaare mum e bettere mum e wirnaare MBasu sabu, e wiyde makko, MBasu wonaa Fulɓe tan Mbaasi ɗum kono ko leƴƴi Senegaal fof. Mbasu daraniima pine, lammbaaji e jaayndiaŋkaagal etee ko kaŋko woni sabaabu geɗe keewɗe ƴellitooje Fulɓe e Pulaagu. O wiyi ñalgu nguu yuɓɓiniraa ko sabu koorka haŋkadi heedi, kono eɓe njiɗi so ñalawma oo artii hitaande faynde ma ko ɓuri mawnude ngam mawninde oo goorko mawɗo mo mbaas-ɗen.
Caggal ɗum, ko sahnga waktuuji 16:00 golle ɗee puɗɗii. Heewɓe e yontaaɓe renndo men e diiwaan Paris haa caggal mum ngarii tawtoreede. En ceediima toon garaangol Katante Leñol Kan, Demmba Njaay NDillaan, Mammadu Aamadu Lih, mo Faandu Almuudo, Sammba Hawoli Sek, Babbaa Dem, Abbaas Jallo mo Miiroo, Diye Faal, Jamaal Soh, Mammadu Dem mo Kisal Senegaal, Daawuuda Sammba Jeey e woɗɓe ɓe en mbaawaa limtude ɗoo haa hawra. Hade duwaawu oo fuɗɗaade, gooto e tawtoraaɓe ɓee fof weddiima konngol baɗte ko anndi e MBasu walla ko yiyi e golle Mbasu ko ena foti jaŋtaneede renndo ngoo e ko fayi arde. Mammadu Dem mo Kisal Senegaal juutniima e siimtande yimɓe hakkunde makko e MBasu en, Baaba Maal en sabu ɗo ɓe ummodii ɗoo ena woɗɗi sanne. Kaŋko Mammadu Dem, o anndondirii e Mbasu en gila nde ɓe ngoni janngooɓe to wuro See Luwii (NDar). Oon saha, ko ɓe sukaaɓe kono ɓe puɗɗiima hirande leñol ngol e darnude pelle e dente toppitiiɗe ƴellitaare pinal men. Caggal ɗum, Diye Faal en, Mammadu Aamadu Lih en e kamɓe arnooɓe ɓee fof ɓe kaali haalaluuji jooɗɗe kolitooji moƴƴere MBasu, kiram mum joganinoo leñol Fulɓe, darnde mum darinoo ngam fedde Daande Leñol suuroo, haa teeŋti noon e wonde-mo mo yiɗaa ñaamde gooto, jogiiɗo kaysiraagal ngal alaa ɗo haaɗi.
Kisa yonti nde duwaawu foti hokkeede. Gooto fo wiyaa yoo janngu Faatiha laawol gootol e Salaatul Faatiha laabi sappo, duwoo nde Alla yurmotoo, yaafoo MBasu Ñaŋ. Ko sahnga waktuuji 19:00 yimɓe ɓee caaki...
 

 


Kuɗol Ibraahiima SAAR
Nulaaɗo dariiɗo Pulaagu.com to Mantu-Laa-Jolii

 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : mbassou niang, sdl, kawtal, daande lenol, baaba maaal, kisal senegaal, kjpf


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 2 de 2 commentaires

weltaare

Ecrit par: sammba deede (Invit ) le 01-08-2011 17:59

Yoo Alla sellin doole! En nduwiima e duttagol Mbasu.

 

» Signaler ce commentaire l'administrateur

njettoor feewdeyubbinbe duwaaw o

Ecrit par: alioune ba (Invit ) le 02-08-2011 03:13

en nduwaniima lenol ngol duttogol umaar niang en njettii ngenndiyankoobe tawtoraabe duwaaw o yoo alla sellin doole

 

» Signaler ce commentaire l'administrateur

Affiche 2 de 2 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
Y           2HB      
4 O    H    Q T   1IL
TN2   KQ8   4G1      
  7    W      1   HPQ
  A         BPF      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥