NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
149 Nduu lewru
Cakkitiiɗo: elhadj

Widewooji maantaaɗi..



Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


EJIPT: Hosnii Mubarak woppinaama laamu caggal seppooji mawɗi e laabi Keer! Convertir en PDF Version imprimable Suggérer par mail
Dernière mise à jour : ( 16-02-2011 )
 

Ecrit par AMADOU NDIAYE (Zorro), le 11-02-2011 19:09

Pages vues : 8525    

Publié dans : Les News, Dawrugol


Image
Ñ
alawma tesketeeɗo daatol Ejipt e leyɗeele aarabeeɓe! Ko hannde waɗti balɗe sappo e jeetati filñitaare ɓesngu Ejipt fuɗɗii. Konngol ko gootol e kunuɗe teemedde ujuneere neɗɗo saliiɓe ummaade e boowal Tahriir gila ndee: Mubarak yoo yah! Kono gardiiɗo laamu Ejipt ɗii duuɓi 30 meeɗaa hollude yeeso jogorɗo tellaade e jappeere gila filñitaare ndee fuɗɗii. Kono seedaama wonde Kooniŋkooɓe leydi ndii caliima gila adan fellude ɓesngu mum'en. Ko ɗum waɗi cuusal ɓeydii e deedi sepooɓe ɓee haa oo ñalawma teskinɗo e daartol Ejipt mo Mubarak riiwaa e laamu.

Ko ñalnde Naasaande 10 Colte sikkanoo maa Mubarak woppu laamu sabu hakke miloŋ aadee hawrii e boowol Tahriir ngam naamnaade tellogol makko e jappeere! Yaakaare ñalli oo ñalawma caggal nde habraa maa Mubarak wowlu konngol e tele leydi ndii. Alaa ko ɗaminaa naneede e nduun wowlaandu so wonaa omo habra wonde o woppii laamu. Kono ɗaminaare bonii caggal nde o yalti e tele o wiyi wonde omo jogori jooɗaade e laamu haa lewru Siilto, kono o ɗaɓɓaani gorlal goɗngal ngam heddaade e hoore laamu. Ko ɓuri teskinde e kuule ɗe o ɓami ko "weeɗde doole laamu" cukko makko biyeteeɗo Umar Suleymaan.

Image

Nduun wowlaandu saaynii ɗaminaare haa seppooɓe haŋkadi puɗɗii faayde sabu Mubarak salaade ɓosde! Kono, ena anndaa won ko fuɗɗii yerɓude e laamu makko caggal nde o habri wonde maa kuule keewɗe e sarɗiiji leydi ndii mbayle ngam nootaade njoƴaaji yontannde leydi wonnde e laabi hannde ena ceppa. Ngati Mubarak ŋatii seeɗa, wuttii seeɗa ngam etaade danndude ko heddanii-mo e laamu makko. Kono jaayndeeji winndere ndee kala kollitii wonde seppooɓe ɓee njogoraani yahrude caggal sabu ɓe paamii doole maɓɓe no poti hannde. Ko ɗum waɗi addi hokkiraa wonde yoo Keernaaɓe fof kawru hannde Mawnde 11 Colte, ñalngu diine e njuulu aljumaa, ngam haŋkadi hollude Mubarak wonde feere alanaa-mo so wonaa weeɗde jappeere laamu nguu ɓesngu Ejipt ndariingu e laabi gila ñalnde 25 Siilo.

Image

Aadi ɓamaaɗo oo tabitii haa wooroo Alla e yimɓe heewde e boowol Tahrii ñalnde Mawnde 11. Ko ɓuri milioŋ! Sahnga nde Dhowr juulaa, habraama wonde Hosnii Mubarak ummiima Keer fayde Sharmal-Shek, takko keerol maɓɓe e Israel. Ko toon Galle Laamorgo ɗiɗaɓo oo woni. Kono jaayndeeji keewɗi mbiyi wonde ko o dogɗo! Wonaaji hojomaaji habraa wonde maa laamu yaltin bayyinaango "tiiɗngo, heñoraango" ko leelaani. Hakkillaaji fof haŋkadi ngoni ko e jaynirɗe teleeji. Ko sahnga waktuuji 16: Umar Suleymaan wowli tolbec e tele wonde "Mubarak fellitii woppude jappeere laamu..."!  E oon hojom kabaaru oo wonti diiraango wooto e boowal Tahrii: ɓesngu Ejipt ngonngu e laabi ɗee jonte tati hiinii poolgu mum, weytaare saakii e nder seppooɓe e boowal ngal. Teleeji aduna ɗii kala kuccini kameraaji mum'en to boowal ɓurngal lollude hannde e Ejipt: Tahriir...
Mubarak, gorko doonunooɗo, tamnooɗo ɓurndi doolnude e leyɗeele aarabeeɓe, tuuɗaama e laamu ngu o jooɗinoo duuɓi cappanɗe tati, ngu o ɗamininoo weeɗde ɓiyi makko Gamal Mubarak! Ɗum ena foti finndinde laamuuji mbaawgu diiŋiiɗi hannde e leyɗeele aarabeeɓe, kono kadi laamuuji ɓurɗi ɓadaade-en... Hay so mi ɗosaani-on yiytere... on paamii.

Kuɗol Ibraahiima SAAR

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.



   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : moubarak, ejipte, révolution, place tahrir, caire, elbaradei, omar souleiman


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 3 de 3 commentaires

ndaw ko foti won'de

Ecrit par: Aamadu bookar sih (itali) (Invit ) le 11-02-2011 21:08

so wonaano ko koyeera hosni mubarak yiylino  
so joyyinbe mbiyma nadtii yoneedema e kuubal 
fotaani ko ada sonto duubi capantati(30ans) 
wonaa balde tati yo allah aynu reena

 

» Signaler ce commentaire l'administrateur

jamma jamma dacca ceedu

Ecrit par: corera (Invit ) le 11-02-2011 21:21

ko mojji gasi saka ko mojjani fof ma gas haa waya no meeda waade alaa ko heddoto so wonaa laamu geno.ko kewi hannde to leydi egipt ko haawnaaki koko haani. sibu fenaade booyi kono goonga ari riwi cemte.dogde gila ina jogi koyde buri joodaade ha wonta boofo mo moolayru mum weebata.yoo henndu jay haa baleeri afrik fiddito.firnito laawo sernda goonga e fenaande.to tobo iwri fof yo yuus tan.nemmbude yonti maataw.jeytaare taji bogi to tinis haa keer.hol ko padden.gedal amen min naamndi.dogdu dow hubeere juutata.abdel aziiz mo muritani koy maa fayaa heblo sibu ko nawi hono maa en ko daccatama .illa noon potal ngoogdinaa.fenaande ndugodaa.jam e leydi ngartira.baleejo e bodeejo ponnda tawa wonaa e haalatan laato e nder golle.jey baaba amen dacca.min mbiima hol hamme hol hoore weendu.

 

» Signaler ce commentaire l'administrateur

Ko yim6e lamminta.

Ecrit par: Ousseynou Ba (Invit ) le 15-02-2011 23:31

Kala cikkudo wonde ina waawi hamyude yim6e mum laamu haa tampa, totta 6iyum juumi. Ko Mubaarak ko ina foti finndinde hooreejo leydi Senegaal, homo Ablaay Wadda. Oo doo sikkata omo waawi soodde Senegaalnaa6e fof, o lammina 6iyiiko. So tawii won 6e o waawi soodee, won rim6e 6e waawaa soodde haa cay. Omo foti anndude wonde wonaa kanko lamminta, ko Senegaalnaa6e lamminta.

 

» Signaler ce commentaire l'administrateur

Affiche 3 de 3 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
KO6         M1P      
C L    1    M X   28C
3TM   LCB   A W      
  7    2    E 7   ECS
JDE         HWB      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥