Mammadu Ñaŋ

P

ooɗondiral leyɗeele Afrik e fuku koyngel hitaande 2012 (CAN 2012): Barooɗe teddungal ngartirii tedddungal, e ɗii ñalɗi udditirɗi pooɗondiral leyɗeele Afrik, so hawde diɗɗal Cewɗi RD Konngo loggi nayi e ɗiɗi (4 -2). Heen loggi tati, ko gorko mo Cempeŋ Mammadu Baydi Ñaŋ yowi ɗumen e nder gacculi Konngonaaɓe.  Adii ferde laawol ko Muusa Sow e nder hojomaaji 12 garwani ɗii, caggal ɗuum Mammadu Ñaŋ loggi ɗiɗaɓol, tataɓol haa e nayaɓol ngol. Loggol nayaɓol e dow daande diɗɗal Cewɗi Konngo ngol noon ko penaltii.

So tawii ɗiin loggi kiisaama e toɓɓe, eɗen mbaawi wiyde diɗɗal Barooɗe Senegaal ndañii toɓɓe tati, caggal ko ɓe petti caggal leydi. Ko ɗum ngartam mawɗam e yaakaare mawnde gila nde goddi taƴi to pottital Mali 2002, Koree , Amerik , haa yettii Afrik gannge worgo 2010.

Amara

E ngal ɗoo pottital, ko wayri yiyeede seedaama sabu  diɗɗal Barooɗe Senegaal yaltinii takke mum, holli mbaawka  mawka. Kono ɗo wattan ɗoo, ɓe ɗesii yeebaade, kono Allah ko moƴƴo; sahaa kala gorko mo Cempeŋ ina ruttoo caggal ngam wallitde falotooɓe ɓee kam e wonɓe e hakkunndere ndee. Teskaama kadi, e pottital ngal, hay nde diɗɗal konngonaaɓe njowi loggol mumen nde, ko juumre deenoowo diɗɗal Barooɗe Senegaal, hono Khaadim Njaay wonnoo. Ko kanko kadi woni sabaabu haa diɗɗal Cewɗi RD Konngo loggi loggol mumen ɗiɗaɓol ngol.

Hawraama kam, gila e annduɓe haa e yeeɓooɓe fuku koyngel, miijo ko wooto, ko Mammadu Ñaŋ woni jaalal diɗɗal Barooɗe Senegaal, caggal nde o fiila joom paɗe kaŋŋe (soulier d’or), lefol ngol fedde jaayniyankooɓe coftal ɓalli ANPS piilnoo mo e nder hitaande 2009. E oon sahaa, o naatnunoo ko ɓoggi tati, o teskaa e ɓurɗo wonde ŋanaa, ɓurnooɗo heewde ko naatni to diɗɗal Marsey; ɗum wonnoo ko hitaande 2009-2010.

Ko ɗuum waɗi e nder daartol diɗɗal Barooɗe Senegaal ina teskini wonde ko kanko tan waɗi ɗuum, hay so tawii golle Jule Faransoi Bokannde oon wonnoo ɓurɗo heewde loggi (buts) njejjitaaka. Kanko Bokannde, e nder hitaande 1986 kam e hitaande 1992, o naatnii loggi ɗiɗi. E siftinde, Mammadu Ñaŋ adii naatnude tawii omo ɓoornii wutte goobu Senegaal ko ñande 27 lewru mbooy 2002, tawii diɗɗal Barooɗe Senegaal ina hawri e kippu dowla Boliwi.
Caggal ko kippu Senegaal fiyi diɗɗal Cewɗi Rd Konngo ko heewi nani e yeeso coftinoowo cuɓotooɗo ngenndiire, oo on woni: Amara Taraawore.  E oo ɗo sahaa e nder goomu E, ko diɗɗal Barooɗe Senegaal ngal ardii  kam e diɗɗal Barooɗe Kameruun,  caggal nde ɓeen piyi diɗɗal duunde MORIIS tati e gootel (3-1). Diɗɗal Barooɗe Senegaal kawrata e diɗɗal duunde MORIIS ko e lewru arooru, ɗoo ender wuro Ndakaaru, ñalwma ɗiɗaɓo  (2ème journee), so Allaahu laamɗo Oo jaɓii.

Pooɗondiral ngal ko nii lelorii e ñalawma gadano oo (woni première journee):

Umar Barka Baal, Pulaagu.com  Senegaal

* * * * *Reentino e tummbitagol binndanɗe jaltooje e lowre Pulaagu.com * * * * *

Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

Evaluation utilisateurs

   (0 vote)

Affiche 1 de 1 commentaires