NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
213 Nduu lewru
Cakkitiiɗo: elhadj

Widewooji maantaaɗi..


Poular 5
Moyenne:
Clics:3127
Daby Balde - Kaye Waxma
Moyenne:
Clics:3516
Monza Mauritanie
Moyenne:
Clics:3936
Aby  Ndour Fouta.mp4
Moyenne:
Clics:3580

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


Daartol am e Pulaar: njokken yeewtere Convertir en PDF Version imprimable Suggérer par mail
Dernière mise à jour : ( 27-08-2007 )
 

Ecrit par IBRAAHIIMA MALAL SAAR, le 23-08-2007 22:07

Pages vues : 12345    

Publié dans : Les News, Langue et linguistique Pulaar


Yeewtere men fuɗɗinoo ko ɗoo Image

ImageBanndiraaɓe caggal nde alkule tafaa haa njoni, rafi gonndanooɗo oo yahrii caggal. Adii huwtoraade alkule tafaaɗe ɗee oon sahaa ko jaaynde men Koŋngol Kawtal.
Ko ndeen feere addi-en haa saanga nde Geese fuɗɗii naatde e nokkuuji men, koɗorɗe men e gollorɗi men. Nde pulaar waɗtunoo winndeede e defte tan woni ko e yawtude; nuldude imeeluuji e waŋngaade e geese yonta mum arii haa yettii ɗoo. Ko adii, heewɓe e men ndañaani caɗeele winndude ɓatakeeji e geese saɓu nde ɓe nduƴƴunoo e caɗeele yaynude alkule men ɗee tan, ɓe nduttii e alkule "Keer" ɗee. Kono, nde wonnoo so aɗa yiɗi yahrude yeeso, a ruŋotaako laawol, mi meeɗaani jaɓde ruttaade e ɗeen alkule goppaaɗe haa njejjitaa, ko rafi peeje goɗɗe tan waɗi-ɗe huwtoreede haa jooni.

Ko adaa waɗeede woni yuurnaade e leƴƴi goɗɗi jogiiɗe alkule ɗe ngonaa alkule 'lateŋ" (Latin) ɗee. Ɗeen alkule ngoni ko wayi no alkule "sinuwaa", "gerec", "heboro" walla "aarabere". Ngati caɗeele ɗee, ko ɗee ɗemɗe ngadii duƴƴude heen. Kono alaa e majje gopuɗe huwtoraade geese, walla nduttii caggal sabu yolnde saɗtude!
Hol ko waɗi eɗen njaɓa warde ɓalli men eɗen mbiya: en mbaawaa ɓennude, ndutto-ɗen? So en nduttiima caggal, hol no njayraten e jamaanu hannde, e gannde kese? Ko ɗii ngoƴaaji addani-min reɗɗude pafti amen e nadorɗe, min ƴurii e wiɗto! Mo anndi wiɗto ena laaɓa wayi ko hono laawol niɓɓere nih. A yahat tan haa nduƴƴo-ɗaa e ko a sikkaano! Kono, aɗa anndi fayndaare maa, aɗa anndi ɗo doole maa kaaɗi. Woni ko a anndaa ko mbele maa yiytu ko njiyloto-ɗaa walla a yiytata!
Alla ko moƴƴo wonaa ɗemngal pulaar tan woni e winndere ndee. Kadi leyɗeele ɗee kala ena ndeeni ɗemɗe e binndol mum'en. Kala nde caɗeele ngari heen, ɗe ndaroo ɗe ñawnda-ɗe haa yuɓɓa. Kono, pulaar alaa leydi ndaraniindi ɗum, alaa fedde mawnde jogiinde ngalu, yuɓɓo sellungo tawa ena waawi daraanaade ñawndude caɗeele pulaar. Nafi en ko pelle denndinɗe leyɗeele toppitiiɗe ɗemɗe mum'en ɗee, ena njaɓa wallude e dissnondirde e kala toppitiiɓe ɗemɗe mum'en, haa teeŋti e ɗemɗe gonɗe Afrik. Caggal leyɗeele kala ena njiɗi huwtoraaade bindi mum'en e geese, gooto e maɓɓe kala wonno ko e teelal ena golloo peeje mum baŋnge. Nde yahnoo haa peeje keewi, nganndi waɗti dañde caɗele happaade ɗeen peeje fof. Ngati faamaama law, ngaanndi waawataa naatnude ɗeen peeje kala, so wonaa peeje ɗee ndenta ngonta wootere!
Ko oon saha sosaa fedde e na wiyee Consortium Unicode. Hol ko woni Unicode?
Uni = gooto code = dokkol; ko ngoo miijo woni ngooroondi golle Unicode. Ɗum firti ko lelnaama kuwgal nganndiyaŋkeewal wiynde: tuggude hannde alkulal goodngal kala e winndere hokkaama toŋngoode heeriinde tawa yuɓɓooji ngaanndi kala ena keftina ngal alkulal. Ko ndeen alkule Unesco ɗe kuwtorto-ɗen ɗee keɓi tangooɗe mum'en. Yeru toŋngoode alkulal "men" "Ɓ" ko "U+0181", alkulal men "ƴ" woni toŋngoode mum ko "U+01B4". Kala ɗo ɗee toŋngooɗe naatnaa e ngaanndi, foti ko wona Pulaar walla ɗemɗe goɗɗe, ɗe njaltinta ko "U+01B4" = ƴ; "U+0181" = Ɓ. Ndeke, gooto fof ko fitotonoo baŋnge mum koo tawaama ko fiyde silama e ndiyam!
Pulaar ɓuri famɗude caɗeele hakkunde ɗeen ɗemɗe. Alkule nay tan ngoni ɗe ngalaa e ɗemɗe Orop ɓurɗe huwtoreede e Afrik. Ko ɗum waɗi, ruttaade caggal faytude e peeje goppaaɗe wonaa ko min njiɗani leñol ngol. Kadi, wonaa binndugol alkule tan min cooynii e gannde kese. Min njiyi ko jaŋde ma ƴellito, jokkondiral ma weeɓtu, humpito maa saro e geese haa mo woni kala heɓa-hen tawa tampaani. Ko ɗum waɗi ɗee toŋngooɗe nay toɗɗiiɗe alkule men Ɓ, Ƴ, Ŋ, Ɗ (yanti e ɓ, ƴ, ŋ, ɗ) ɓurani min muudo kaŋŋe!
Hol no min ngaddiri dokkol "Unicode" e nder golle pulaar?
Caggal nde min paami alkulal fofof ena hettanaa toŋngoode yoo heeroro, yo heftinire e winndere ndee kala, min maɓɓi ndeen feere ko leelaani. Min pirti dokkol (codage) alkule gonɗe e Windows ɗee. Toŋngoode hokkatnoonde "z", min pirti min mbazi heen "U+0257". So a tappii "z" e Tappirde maa, nde nulda "U+0257" to tesko ngaanndi too, yaltina "ɗ". Yeru goɗɗo, so a tappii "V" e tappirde maa, de nuldata ko "U+0181" to tesko (mémoire) nganndi too, Ngaandi neltira "Ɓ" e yaynirde ("écran"). Ko noon kadi aluke keddiiɗe ɗee mbaɗiraa.
Heddii jooni, ko kala ɗo alkule ɗee kuwtortee, so geese, imeel walla tafirɗe ngaandi (lojisiyel) ala e sago ɗiin yuɓɓooji ɗooftoo kuwle UNICODE hade majje waawde yaltinde alkule ɗee. Haa jooni keewɗe e kuwtorɗe gonɗe e ngaanndi cuwaa tawo naatneede UNICODE. Ko ɗum waɗi, so a tappii alkule ɗee, goɗɗum yaltata.
Ko fayti e baŋngorɗe walla peerorɗe (navigteurs) geese, yaltinde heen alkule UNICODE ena naamnii waylo no ɗe njyanirta alkule ɗee. Miɗo winndi heen winndannde e geese men Pulaagu.com e suɓorde "Le pulaar">"Binndol".
Heddi tan haŋkadi ko yo en peewnu pappirde men heeriinde tawo ko tappirde pulaar. Ena woni e yaakaare amen oon ñalawma, so ena woɗɗi neh, ko lofu ngootu yettinta-min e makko!
Cemmbinee Pulaagu.com, Ummo-ɗen e jamaanu kiiɗɗo, jamma niɓɓo, ceeken henndu eɗen tiindii gurel goɗɗungel, ena wiyee ƴellitaare!
On njaaraama!
Kuɗol Ibraahiima SAAR


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : pulaar, alphabétisation, unicode, caractères peules, clavier peul


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 4 de 4 commentaires

Weltade

Ecrit par: KEBE (Invit ) le 07-11-2007 13:35

Bonjours, c'est avec un grand plaisir que j'ai appris la création du site PULLAAGU.COM! 
Permettez moi de me présenter pour les lecteurs du site, je m'appelle KEBE Amadou, je vis actuellement en France depuis Janvier 2003, je suis économiste de formation, j'ai fait des recherches doctorales sur la micro finance en Mauritanie! 
La culture hallpoularen reste pour moi un élément fondamental de notre identité, de notre patrimoine génétique! Nous avons la responsabilité morale de l'entretenir, de la développer, de la diffuser!! 
La création de ce site permettra la diffusion de foutankagal

 

» Signaler ce commentaire l'administrateur

» 

njettooru

Ecrit par: Siley Sal lollirdo Saydu Kello (Invit ) le 13-10-2009 21:51

Ibraahiima Saar Alla jaaraama e daartol ma paayidinngol; naftowol lenyol. Njokkee golle wizto wallitoowo vivve lenyol ngol ve njannjaani so wonaa zemngal Pulaar ngal.

 

» Signaler ce commentaire l'administrateur

njettoor!

Ecrit par: Aamadu Sileymaan Gey (Invit ) le 08-04-2010 17:38

Sikke alaa darnde ma e katantaagal ma seedaama e nder renndo ngo. yo Alla sellin doole, yettina anniyaaji!

 

» Signaler ce commentaire l'administrateur

tatki bowe

Ecrit par: salif gassama (Invit ) le 20-12-2010 23:20

pular ko ndemngual belngual woto mbo fijir dum

 

» Signaler ce commentaire l'administrateur

Affiche 4 de 4 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
PHN         4        
  F    Y    I D   NR1
JUI   CBL   JAK      
2      X      1   TFP
57J           R      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥