NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


TUMMBONDIRAL TABITAL PULAAKU Convertir en PDF Version imprimable Suggérer par mail
Dernière mise à jour : ( 23-08-2007 )
 

Ecrit par Saajo Bah, le 23-08-2007 17:46

Pages vues : 21738    

Publié dans : Les News, Pelle e dente


CIIMTOL DAƁƁOL TUMMBONDIRAL TABITAL PULAAKU NYNNDE 7-8 LEWRU MORSE (JULY) 2007, BRUSEL/BELJIK

Ko nii yahri Tummbondiral Tabital Pulaaku ngal:

Gila nyannde 3 lewru Morse(July) peŋɗe(delegates) ɗen fuɗɗii arude, no iwra leyɗe fow, nokkuuje fow, fii muraadu waɗeteendu nyannde 7-8 lewru ndun:

Afika: Senegaal, Gine, Mali, Burkina Faso, Caad, Nyaamo Afrika...Peŋɗe mum ari nootii...
Orop: Portugaal, Espaany, Faransi, Italy, Enngele, Holanndi, Otriisi, Almaany, Swiis...peŋɗe mum ari nootii
Amerik: Diiwe Rennduɗe Amerika(D.R.A/U.S.A), peŋɗe immorɗe diiwe seertuɗe wano New York, Filadelfiya... Peŋɗe mum ari nootii...
Peŋɗe no jokki hino ara haa kiikiiɗe nyannde 7-ɓere nedn, tawa ko woni e Beljik kon tawaaka. Hoɓɓe wernaa haa jipporde(hotel) nde heewi, jipporde goo kadi ɗaɓɓoyaa, ɗon kadi heewi, ka nder cuuɗi weernaa haa heewi tef. Ka ndaɓɓa, yimɓe ɓen arno haa woni guluuje, si golle fudɗaa wano yuɓɓiniranoo non.


Golle yahri wano yuɓɓiniraa non; tumbondiral ngal ko ka Jaaɓi-haaɗirde(university) Beljik fiɓaa, e mooɓorde(slle/hall) mawnde inneteende UlB salle Dupreel/Ixelles, gila bimmbi haa kiikiiɗe:

ImageHooreejo Tabital Pulaaku Beljik, Alhajji Alfaa Mamadu Jallo, ƴetti konngol toolni(bismii) seeniiɓe ɓen fow, wonaa oo maa oo, hay gooto ittitaaka, o holli weltaare makko e nootaango yimɓe ɓee, o holli kadi fiira ko yaltoyta e nder mooɓondire waaɗe wa nii, si ɗuum jokkondirii, kadi ko haaladaa kon siinaama...
O firtani nootiiɓe ɓee ko jogoraa waɗeede e nde nyalaande jammaande Nyalaande Pinal Fulbe:

Jeewte waɗeteeɗe ɗen e yewtooɓe ɓen, ka mooɓorde Dupreel ɗo, kono ɓaawo ɗuum ta yimɓe ɓen yejjitu kadi wonde hiirde no woodi haa janngo muuɗum...e nokkuure inneteende Molenbeek, naalankooɓe addaama ko welnana en hiirde nde haa wela ƴem...werlaaji(otooje) le no woodi ko naɓa yimɓe ɓen, nyaameteeji no woodi ko nyaamee haa lutta... O holli kadi wonde Tabital Pulaaku ko fedde nde wonaa-laamuyankoore, nde wonaa fii dawro(politik) maa diina, wonaa kadi leydi wootiri jey nde; ko nde fedde pinal e jokkere enɗam wonande kala yidɗo tawtoreede e tergal mayre, wonaa fii Fulɓe tan, kono ko fii kala giɗo Fulbe e giɗo pinal maɓɓe.
"...ko saɗi mooɗon ko tooli, bismilla mon, on iwii ka mooɗon on seenike ka moodòn, on jaɓɓaama...", o maaki...

On tuma Hooreejo Tabital Pulaaku Winndere/International, Alhajji Alfaa Aamadu Jallo(Kuuru) ƴetti konngol daɓɓol, o jaarni yimɓe ɓen e garal maɓɓe, immorde kala ka ɓe immori, o maaki no moyý´i ka Dr. Jibriilu Jallo, yeesojo penngal Mali, ka humpitata ɗo nootiiɓe ɓen hol no Tabital Pulaaku fuɗɗori haa hewti ka fewndii ɗo hannde, nde tawnoo ko e nder Mali ɗum rimanoo... kadi hannde heewɓe no ɗo, waawɓe saroyde ngoo miijo e leyɗeele ka ɓe imminiraa toon...
Kono laatii no woodi njuɓɓudi ndi Tabital Pulaaku Beljik faalaa jokkude, so wonaa ɗum golle ɗee jiiɓoto... ko noon acciraa haa Ceerno Tijjaani Mbaalo, Hoolaaɗo Kuuɓal Tabital Pulaaku Orop, rokkoyaa yeewtere e ko yowitii fedde Tabital Pulaaku, ko ndee lomtiniraa yeewtere makko nde o jogornoo wadde, tawa tonngol mum ko FINAA-TAWAA FULBE....

ImageKo ɓaawo ɗuum, Dr. Ceerno Jallo, ƴetti yeewtere yowitiinde e taariika Fulɓe, o yeewti ko yahta njamndi(leere) timmundi, fii maɓɓe, iwdi maɓɓe, e ko annduɓe woɓɓe haali e maɓɓe, fii iwdi e asli maɓɓe, e fergooji maɓɓe, gila dawaa dawi, haa hanndeere nde ka fergo feewndiingo hannde, e ɗuuɗude maɓɓe teŋtinii noon, e nder duunde Orop...
Taariika Fulbe ko ko jiɓi annduɓe fow, nde wonnoo tuugnorɗe(seedeeji) ɗe no seerti, kadi annduɓe ɓe e hoore mum, ɓulli ka ɓe ƴoogata ganndal maɓɓe ɗoon hino seerti kadi...
Kono o itti heɗiiɓe ɓen e kumpa, telen(bannge) wi'ooɓe Fulbe ko e Aaraɓɓe iwi, "...Wonde si en ndaarii ɗemngal nagl, e mbaadiiji lenyi ɗin ɗiɗi, Fulbe e Safalɓe, en taway wonde Fulbe wonaa ɓe iwɓe e Aarab-en..." Kono kadi si en ndaarii kuuɗe Safalɓe ɓee hannde e winndere nde en taway wi'ugol no iwi e maɓɓe wonaa hay ko mantortee fes...{fow kelli}...

Kala faalaaɗo humpitaade fii taariika/daartol Fulbe hIno waawi janngude deftere Dr. Abuubakrii Muusaa Laam, inneteende Sawru Ganndal...nde woodi kadi e Faransiire(de l'origine egyptienne des peul)...
Woodii ko Dr. Ceerno Jallo yeewti ko ɗuuɗi e ko hitti kono mi waawataa ɗum ɗo limtude...


´Bayri Dr. Ceerno Jallo gasnii, Ceerno Abdul Malal Joop, mo Abdulaay Wade(laamɗo Senegaal) immini oo yéttti konngol, o yeewti ko haa honto janngugol Pulaar feewndii e nder leydi Senegaal, o wii hannde ɗum no wuuri toon no selli ken, ngam kala ka yahuɗaa a taway Pulaar no janngee, haa yottike e nokkuure nde annduɗaa, teeŋtnii noon ko yowitii e diiwe ka Fulɓe ɓen hoɗiri toon, ɗa waawi wi'ude gooto fof no waawi winndude jannga Pulaar, hannde koko ɓeydetee e ɗuum woni e ɗaɓɓeede, ngam janngugol ɗemngal tun naɓirtaa ngal yeeso, o maaki: Hino haani ka waɗen eɓɓooje(projektuuji) ɓamtooje Fuutaaji men ɗii, hella ka faggo, renndo e baŋ-woo-baŋ, ko on tuma tun ɗemngal ngal ɓurata heɓude doole, sabuna ndeen yimɓe ɓen ko ka weliri woo yahrata ɗaɓɓere, mo arii le ka maaɗa maa o jannga ɗemngal maa, o jaɓa maa o saloo... O wi'i ɗum noon ko yimɓe aruɓe ɗaɓɓere e njananiri(diaspora) ɓee haani lelnude ɗeen eɓɓooje, nde tawnoo ko kamɓe woni hannde jeere nde ballal mum ɓuri hay laamuuji ɗin ko faatii e wallitagol ɓesngu Afrika ngun... O anndintini wonde, faljere enen ɓaleeɓe ko tawde kala jawle ko naɓteten e nder Afrika, koko nyaamee tan hawrata, yimɓe walleteeɓe ɓen anndaa jawdi koko wiltintee(invest), kamɓe ko ari woo koko nyaametee haa laaɓa, sugu ɗum naɓirtaa leydi, maa lenyol yeeso...

ImageO holli hittere senndindirgol fedde Tabital Pulaaku nde e golle diina, sabuna buy e yimɓe ɓen, hino huutora diina ngam senndindirgol lenyol ngol, fecca ngol, kadi buy no nyoyý´ira rewɓe ɓen diina, tawa golle maɓɓe fow ko jooɗagol e nder suudu, waɗataa golle ɓamtooje e wallitotooɗe naɓirgol renndo(jamaa) yeeso... Elle so rewɓe ɓee acciraama ɓaawo, ɓamtal heɓotaako ɗon fes...

O jaarni arɓe ɓen fow, o holli weltaare makko mawnde e golle Tabital Pulaaku hittuɗe ɗe, o jaarni kadi Abdulaay Wade imminɗo mo on, o anndintini wonde Tabital Pulaaku no wuuri selli ken e nder leydi Senegaal, tawi kadi laamu nguu no weltori ɗuum fota...

Yeewtere makko no waɗi fiira mawka, ka mi waawataa ɗo fow annditude...


´Bayri ɓe ɗo yewtii, naalankooɓe ɓen noddaa moni fow, yimi jimol gootol, ko kamɓe nih, mo kala e maɓɓe no laggii daande mum haa weli ƴem.
Maalik Paate Soh(Senegaal) fijanii seeniiɓe ɓen, nyande tumbondiral Tabital Pulaaku ngal, Brusel/Beljik, kanko e Mamadu Dem(Moritani), Dura Bari(Gine Konaakiri), Mohamed Bah(Sira Liyon), Sammba Diku(Senegaal), Iisa Soh(Moritani), Abdul Siree, e woɓɓe goo.
´Be welnanii men ndeen nyannde sanne.
´Baawo ɗum, yimɓe ɓen yalti nyaami soyý´aari, fowtii seeɗa, si ɓe naati tokkagol e jeewte ɗe.
Nde artanoo, Ceerno Tijjaani Mbaalo, Hoolaaɗo Tabital Pulaaku Orop ƴetti konngol, o yeewti holno Tabital Pulaaku Winndere jibiniraa, haa yottii ka woni ɗo... (kala faalaaɗo humpitaade fii muuɗum, miɗo waawi rokkude mo jokkorde oo Ceerno mawɗo, haa o humpitoo ko laaɓi pos, ngam ɗuum heƴataa ɗo winndugol wonande dumunol happaangol... )

ImageCeerno Sammba Jaamanka, mawɗo ganndo, jooɗiiɗo Faransi kadi ƴettuno yeewtere daɓɓere, o tari ɗon jimɗi Ceerno Ndane Seelenke Jallo, mo Gine Konaakiri, tonngol yimre nden ko: Fii Honɗum?, nde yimre no hitti nyannde woo nyannde, ko yimre dawro, yimanoonde ado Seeku Tuure mboomude...Mi winndoyay nde ka tonngol men inneteengol NO HOCCII KONO CIKKAAKI... ka BOUBAH.COM, hinde foti winndeede ɗon...

Hella ka jimɗi, sagata men inneteeɗo Ceerno Abdulaay Sih, waɗani en yimre hirjinoore fewndiiɓe ɓen e janngugol Pulaar... Fof weltii nofeewi(fota).

Nde oon ɗon gasni, ko Ceerno Njaay Kan, waɗi yeewtere ko faatii e jillondiral Fulɓe e nder renndo Beljik ngo, ngam kala ka neɗɗo yahi yoo eto noo anndira ko o haani wadde e leydi ka o woni ɗon, gila e fotddeeji makko ɗi o haani heɓude, haa e ko faawii mo waɗande ndiin leydi ka o weernaa ɗon. O holli hay gooto ta welsindo e ko nanndi e ɗum, ɓayri ko oon tuma tun o waawata heɓude fotdeeji makko ɗin no haaniri noon...

´Duum noon, yo fow janngu ɗemngal leydi ka ɓe woni ɗo, fii yo ɓe waawu janngude mecce goɗɗe ɗe anndu-ɗaa hino waawi wuurnude ɓe kala ka ɓe yahri e winndere nde, maa si aroyii ɓe hootude ka maɓɓe, wooday gannde ko ɓe neldori leyɗe maɓɓe ɗe. Taa ɓe yejjitu kadi hiɓe waawi wadde ɗo geɗe buy, hay daranagol fii laamuu e benngeeji goo...
Teddinen laabi leydi ndin, lamnditoɗen fii fotdeeji men ɗin, nguurndam ko jaaɓondiral golle e pehe...

Yimɓe buy yeewtiino ndeen nyannde, ko haani e ko hitti e nguurndam meeɗen, hiɗen toroo Geno nde ɗuum wontanta en fiira e peewal e ɓamtal, haa poomaa.

Kadi, defte ittiraama nokkuuje seertuɗe, kala faalaaɗo ndeen nyannde sooduno defte ko yonata, gila e selluka, conye/conyce, ganndal, taariika, filosofi, diina...

Nafoore mawnde heɓike e mum, yimɓe ɓen fow weltorii Tabital Pulaaku e golle ɗe ɓe jokki ɗe, e eɓɓooje jogoraaɗe waɗeede ɗe, wano:

-lowre Tabital Pulaaku
-Defterdu Pulaar/fulfulde
-Haalirde(rajoo) Pulaar/Fulfulde Winndere(International)
-Ayaawo-Haalirde(Telewison) Pulaar/Fulfulde
-Banki Pulaaku
-Fotnugol Pulaar/Fulfulde
-Janngingol Pulaar/Fulfulde
-Koolol winnderewol Fulɓe
-Moyý´ingol filmuuji paykoy/Naɓka(nate haalooje) ekwn...

Yoga e ɗee ɗoo eɓɓooje fuɗɗaama, goɗɗe no e laawol...Jonnindiren juuɗe gollen, yurmondiren, enɗondiren toowen...

Mi yi'i deftere nde mi nanaynoo fii mum gila neeɓii, haa mi sikki ko taalol, hinde innee Kavela e Fulɓeya...Miɗo weltori nde fota, hanndeere nde...

ImageJemma mum, min yahi min hiiroyi minen e ɓe naalankooɓe yarlitiiɓe, saliiɓe hay yoɓeede, ɓe maaki kamɓe ko lenyol maɓɓe ɓe woni egollnde, ɓe lamndaaki njoɓdi, min hiiridi e welo-welo enɗam e yurmeende, Alla ayniri men jam makko, haa weetii weres, ɓe no yima, no yimira gooto-gooto, e wonde ɓe yimida ɓe jaaɓondira, no weli no foti, hay gooto faalaaka yo lannu(gasu), kono tawi maa ɗum. Si ko weltaare, ko haa wa ɗo,jaka si goɗɗo no weltii panndi(ɓurti) o ɗaanataako. Balɗetati mi ɗaanaaki, woɓɓe koko ɓuri ɗuum...

Nyannde jeetati mum, min waɗi mbatu ka jipporde(hotel) Sheraton, minen e peŋɗe nootiiɗe ɗen, haaldaa yo mo kala eto tawtoreede e dente Fulɓe saakitiiɗe e winndere ndee, wano Tabital Pulaaku, etoɗen jogondiren gila e sera haa e sera, ɓamten lenyol men ngol itten ngol e tampere ka ngol feewndii ɗon, ɗuum noon gasataa e ɓaawo pottal, pottal le wonaa ko hoyi, koko saɗti sanne, ngaameelo e mawninkinaare darnataa pottal, naafitiri ngal yahra yeeso...
Mawɗo meeɗen inneteeɗo Alhajji Usmaani Bah, galo nafoowo, ardunooɗo e Hooreejo Tabital Pulaaku Winndere, Alhajji Alfaa Aamadu Jallo, galo nafoowo kadi, waɗi ka jipporde ɗon yeewtere fiirnunde sanne hella ko yowitii e Banki Pulaaku on...Fow mi waawataa winndude ɗo, kadi mawɓe maaki no woodi ko haaletee e luumo, no woodi kadi ko haaletaake e luumo(jeere)...

Fow neltaa faade e musiɓɓe men wonɓe e winndere nde , mo kala ka woniri yoo eto emmbere mbaawdi mum fii fottingol lenyol ngol, hara aamaali, hulaali feloore, mo kala kadi annda ɗum ɗo ko kafaaɗum, wota accire gooto, sabuna junngo wooto kelllataa, wullaango jemma accidataake e gooto...Kadi hawtuɓe senndoday... Ko lutti kon no waawa yewtoyeede Mali/Bamako, nyannde Yiilirde Tabital Pulaaku nden jooɗoyii toon, e nder nde ɗo hitaande, si Geno muuyii...

Fow saakitii e hoore weltaare, e kiram Pulaaku e enɗam lenyol...

Yoo wuuru Pulaar e Pulaaku e Afrikyankaagal, haa darngal daroo...
On jaaraama.  (Lire l'article en français)


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Commentaires utilisateurs  Fil RSS des commentaires
 

Evaluation utilisateurs

   (1 vote)

 

Affiche 22 de 22 commentaires

Prof. Universitaire

Ecrit par: Alassan Saidou Jallow (Invit ) le 30-08-2007 11:51

Je suis emu, content et fier de decouvrire votre site "pulaagu.com" Je suis gambien, mais je parle français courrament. Je crois que s'il y aura un jour une langue qui unira les Africains, particulierement l'Afrique de l'Ouest, elle sera le Poular. Bonne chance et bon courrage. A.S.Jallow.

 

» Signaler ce commentaire l'administrateur

A jaaraama Prof. Alassan S. Jallo

Ecrit par: Saajo Bahkaikai (Invit ) le 02-09-2007 18:43

Min weltike fota e winndannde maa nde, ko golle men en fow nii. Himin toro ma yo a aru wallondiren e gollal ngal, ngam leñol ngol no hatojini e wano maa. 
Thanks much for the comment.

 

» Signaler ce commentaire l'administrateur

Welcome to Pulaagu.com

Ecrit par: Ibraahiima SAAR (Invit ) le 04-09-2007 23:26

As my friend Saajo said, you and all the Pulaar community in the Gambia are welcome to visit and publish news from the Gambia (in Pulaar). We are lookin for people all over the continent who are willing to work with us to keep this project up and running. A jaaraama no feewi moodi.

 

» Signaler ce commentaire l'administrateur

eeraango goomu pinal itali

Ecrit par: botol ba (Invit ) le 12-02-2008 17:08

fulbe itali no njogori jabbaade tabital pulaaku to saare wicensa 23-02-08 e njubudi goomu pinal fedde fulbe itali.botol ba horeejo goomu pinal

 

» Signaler ce commentaire l'administrateur

Professeur et linguiste

Ecrit par: Mamadou DIALLO (Invit ) le 14-04-2009 13:13

Miijo-den doo: Fulbe ina Senegaal haa Ecopi, kono pulaar ina foolaa leydi do woni fof. Ngummo-den e njoodnde!

 

» Signaler ce commentaire l'administrateur

on jaaraama fulbe

Ecrit par: mohamed barrie (Invit ) le 26-12-2009 23:57

i am proud of my heritage and my people. also i never knew how should i be until i discovered the history of the foulani people all around Africa.i live foulah.

 

» Signaler ce commentaire l'administrateur

Maîtrisard en Anthropologie sociale

Ecrit par: Boukary SANGARE (Invit ) le 23-02-2010 11:50

Je suis un étudiant qui vient de décrocher sa maîtrise en Anthropologie. Pour me découvrir de plus, j'ai décidé de travailler sur les fulbé et la téléphonie dans le Haïré (Cercle de Douentza au Mali) comme thème de mémoire et je dois même soutenir dans un mois. Je suis vraiment comblé d'avoir passé trois mois de recherche dans un hameau peul (Serma) qui se trouve dans la commune de Boni (Douentza) en partageant le même mode de vie qu'eux et en découvrant ce que c'est que être peul. Le pullaku est la meilleure des cultures. Mon sujet c'est : "Fulbé et Mobilité dans le cercle de Douentza: l'espace social et la téléphonie mobile en question".

 

» Signaler ce commentaire l'administrateur

» 

AGENT DE VOYAGE DANS UNE AGENCE DE VOYAG

Ecrit par: DJAOUGA ABDOULAYE MARIAM (Invit ) le 04-03-2010 15:19

Je suis tres emue, contente et fiere de decouvrire le site "pulaagu.com" Je suis peul du Bénin, je parle peul courrament. Je crois que s'il y aura un jour une langue qui unira les Africains, particulierement l'Afrique de l'Ouest, elle sera le Poular. Bonne chance et bon courrage. mariam djaouga.

 

» Signaler ce commentaire l'administrateur

Bienvenue Mariam...

Ecrit par: Ibraahiima Saar (Membre ) le 04-03-2010 16:11

Merci Mariam pour ton commentaire. Oui Pulaagu.com est une fierté car étant le précurseur de la cyber-présence de la langue pulaar. Mais le pulaar a beaucoup progressé depuis quelques années grâce à des centaines de nos parents qui n'ont ménagé aucun effort pour hisser notre langue à un niveau académique. Il y a encore d'autres sites pulaar aussi intéressants à découvrier (voir les liens à droite du site...) 
Bienvenue et ne manque pas de nous faire connaitre au Bénin et autour de toi.  
A jaaraama

 

» Signaler ce commentaire l'administrateur

ko rennda naccittaake e gooto

Ecrit par: Aaliw BA (Invit ) le 15-03-2010 02:16

banndiraa6e esehilaa6e yoo jam e kisal woon e moon so yaadu yoonti jonnde ko ayiiba ko worotaakoma teddinde becce-mum 6uuri . demngal meen e ngenndi meen haygooto yellitantaamen ko alla wadi een af6e lenol kiirjineen so aro6e6e ngari cuusa waasa wonannde een feloore aduuna On jaaraama

 

» Signaler ce commentaire l'administrateur

caagal fulbe

Ecrit par: mahmoud mal hammad souka (Invit ) le 27-03-2010 10:40

mi sani kala mohaddata mantogo en

 

» Signaler ce commentaire l'administrateur

fier d'etre peul

Ecrit par: mohamadou arabo dahirou (Invit ) le 03-04-2010 18:01

je suis fier de lire tous les commentaires du courage je suis peul du cameroun

 

» Signaler ce commentaire l'administrateur

Secrétaire dans une Association des élev

Ecrit par: Diallo Binta (Invit ) le 09-04-2010 15:16

Je suis très très emue, contente et fière de découvrire le site "pulaagu.com que je cherchais depuis longtemps. Je suis peul du Niger. je ne parle que peul. je crois que s'il y aura un jour une langue qui unira les Africains( Africains peul) c'est le poular. 
Merci et bonne chance pour tous les peuls du monde entier. 
Diallo Binta Beidi

 

» Signaler ce commentaire l'administrateur

weltaare

Ecrit par: sow (Invit ) le 19-04-2010 14:28

Je viens de découvrir ce blog qui va,j'en suis convaincu,changer ma vie socio-culturelle. 
Merci et vive le pulaagu!

 

» Signaler ce commentaire l'administrateur

On njaaraama

Ecrit par: Ibraahiima Saar (Membre ) le 19-04-2010 15:32

Bienvenue à tous, ce site est le votre! Nous vous donnons rendez-vous donc pour discuter, lire, participer et soutenir le pulaagu. 
 
A Bineta: bienvenue le Niger, notre but est d'être le site de tous les fulbe de'Afrique. Ne manqez pas de nous faire connaitre autour de vous! 
Merci

 

» Signaler ce commentaire l'administrateur

TOPOGRAPHE

Ecrit par: DIALLO MODI MAMADOU (Invit ) le 19-05-2010 23:42

evidement on ne peut etre que tres content de vos initiatives c est tres noble rendez s ils vous plait a ce peuple son orgueils jadis faites qu il retrouve sa grandeur faites que cette langues soit ecrite et comprise par tout les peuls comprenez que l arabe a mille et une dialecte un marocain ne se comprend pas facilement avec syrien mais les arabes ont pallier a ce probleme en adaptant une langue ecrite qui est la synthese de toutes ces diallectes alors peuls faites la meme chose merci de nous avoir permis de rever

 

» Signaler ce commentaire l'administrateur

historien

Ecrit par: abdoul-aziz yaouba (Invit ) le 15-07-2010 08:10

bonjour, 
suis peul du Cameroun et content de découvrir ce site. Bon courage.

 

» Signaler ce commentaire l'administrateur

tiidnaare

Ecrit par: gaye thierno samba (Invit ) le 24-07-2010 20:29

caggal yettude alla e juulde e nabi ko yoo alla beydu pulaagu.aamiin

 

» Signaler ce commentaire l'administrateur

salam

Ecrit par: alpha oumar diallo (Invit ) le 08-01-2011 03:56

Allahamdoulilay mii yetii allah on landho mahwou dho mo kaf 
idh 
 
a gotti eh lamou mougoun koh wahdhimi djouldhe eh pouloh  
Hallo wo poular kho la guinee wonii ko mii iwe mii dho welti fotta 
wonna cedha mii dho fallah yoh allah itou kha lahmou makho 
Oh wahtidhirah foulbhe bhe foppe kha alljanah makoo eh horeh no nehoriy 
Ameen yarabhi allah fonthi din ehne wonen houdhe wotere yourmodireh 
Walidhiren fii ko mohdji salam peace be on as.

 

» Signaler ce commentaire l'administrateur

ecrit par hadja diallo

Ecrit par: diallo (Invit ) le 14-01-2011 17:21

slt je suis tre emue et fiere d etre par mis vous je vous encouage merci je suis peul de guinee

 

» Signaler ce commentaire l'administrateur

Minyettike

Ecrit par: Yahaya Bala (Invit ) le 19-03-2011 15:20

Alhamdullilhi fulbe meden khauta kore e bandirabe

 

» Signaler ce commentaire l'administrateur

salminaangho

Ecrit par: alphadjo barrie (Invit ) le 31-05-2011 18:44

awa haray mi salminii sibbhe e yibbhe woddhi woo bhadii woo dyuuti woo rabbhidhi woo toowi e dyoli rawni e bhawly bhay fow no ka musidal yo bhantal e polgal e kissal wonan en fowAMRI ALAA NDI HARNAALY YO KISSAL BHEYDANO EN WASSALAAMU ALPHADYO BARRY MAMOU GUINEE CKY

 

» Signaler ce commentaire l'administrateur

Affiche 22 de 22 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
IH4         BNN      
C      Q    8 E   XT2
WM4   EBI   6EO      
L H    L    E A   WNP
FY5         BMM      
   
   



mXcomment 1.0.7 © 2007-2018 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥