C

apanɗe tato hooreejo Leydi Afriknaajo ina denta e batu mumen 15ɓiire, ñande dewo 25 morso 2010, to Ugannda. Caggal boomaare sowiinde jibinnoonde 76 maayɗo,ñande 11 lewru ndu ngonɗen nduu, e nder wuro laamorgo ngoo Kampalaa, laamu Ugannda jaɓɓiima batu nguu e dow ndeenka mawka. Batu nguu noon jogori udditde dame mum ko e dow faayre mawnde, wonaa tan nii to bannge ndeenka, kono kadi luure mawɗe ina ndooki njuɓɓudi toɗɗiindi eɓɓo tafde Dowlaaji Dentuɗi Afrik, eɓɓo tiiɗngo e Kolonel Kaddaafii.

Kala sikkunooɓe damal Kaddaafii meƴƴaama  gila lewru janwiyee ɓennudnu ndu to Adis-Abeba njuumii! Kolonel Kaddaafii ubbaani miijo mum e rentinde Dowlaaji Afrik. E ngol, o waawii renndinde 29 leydi e semmbinde kam e gemmbude miijo makko, ɓeen ngoni Dental Leyɗeele sahel-sahariyankooje, dental ngal o fentiri juuɗe makko. Ɓee 29 wonndiiɓe Kaddaafii pellino, e batu Njamana, sagginaare fawaande e eɓɓoore rentinde leyɗeele Afrik, ɓe kirjinii nde njuɓɓudi njooɓnaandi mbaawka e hattan e dow leyɗeele hettetee. Laamɗo Kaddaafii yiɗi ko yo ɓe taf ko yaaƴtii ministeeruuji afriknaaji: njokkondire hakkunde leyɗeele, konu e ndeenka  kam e njulaagu.
Leyɗeele Afrik worgo e ɗe fuɗnaange kañum en, banndiraaɓe, njahdaani e ngoon miijo, eɓe ŋati e falaade Kolonel Kaddaafii. Ɗeen jaggondire puɗɗiinooma seedeede gilɗ e batu jaagorɗe. Gooto e jaagorɗe caggal leydiwal gooto e leyɗeele Afrik bannge worgo, weddiima bakkagol mum ko feewti e oon ministeer afriknaajo ndeenka jorɗo tafeede, o wi'i: "Holi jogiiɗo hattan arde rokka mawɗo konunkooɓe amen yamiroore".

Mawɗo sete, Jan Pingi ina foti hollude ƴoyre mawnde kam e karallaagal toowngal ngam falaade hade jeewte ɗee pusdengal dental ngal suwaa yiyde aduna tawo. Sikke alaa, ngol ceekol hakkunde yiɗɓe e añɓe dental leyɗeele Afrik e
leydi ngootiri ina jogori suddude naamnde goɗɗe ɗee peewtuɗe e Somalii, kono kadi hay tiitoonde batu nguu so reenaaki jogori ko marɓeede ɓurtungal.  

Tiitoonde Batu nguu kañum kala e himmude: "cellal yumma kam e tiggo afriknaajo" maa mbiyaa jogori wonde meeftal, Allah e ɗeya toɗɗe doolnude.
Yeewtere feewtunde e Somalii ndee ina wayi no ko hawraande nii. Hawroyooɓe toon ɓee kala ina cemmbini miijo falaade laawol Shebab'en.  Nguu batu 15ɓiiru ina joortaa maa tabitin miijo ɓeydude junngo kam e doole Dental Afriknaawal to Magadisoo, Amisom.

Yoo Allah faabo Afrik!

Mammadu Saalif Mbaay
Cet e-mail est protégé contre les robots collecteurs de mails, votre navigateur doit accepter le Javascript pour le voir
(sewnde: RFI)

Tags : union africaine, sommet, kampala, terrorisme, politique africaine

Evaluation utilisateurs

   (0 vote)