NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
149 Nduu lewru
Cakkitiiɗo: elhadj

Widewooji maantaaɗi..



Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


PAƊƊONDIRAL 2010: Hol jogorɗo toɗɗeede jontaaɗo fulɓe e Farayse? Convertir en PDF Version imprimable Suggérer par mail
Dernière mise à jour : ( 17-06-2010 )
 

Ecrit par IBRAHIMA SARR, le 07-06-2010 19:24

Pages vues : 11564    

Publié dans : Les News, Pelle e dente


Image

H
akkillaaji fof hannde keedi ko to sukaaɓe Fulɓe Farayse nde fayaa e toɗɗagol "Miis" (jontaaɗo) fulɓe ñalnde 12 Korse 2010 to Suudu Mooɓondire Montorey (Palais des congrès). So laaɗe kayii hakkunde sukaaɓɓe rewɓe ɓurɓe yooɗde e leydi ndii, hol kogorɗo nawde raay? Pulaagu.com meeɗaa luuteede dille bayɗe hono ndee-ɗoo. Hikka kadi ma min ngaddan renndo ngoo kabaruuji, humpito e ayawooji ciimtooji hiirde ndee.

Ko e hitaande 2009 miijo yuɓɓinde kayga laaɗe (paɗɗondiral) hakkunde rewɓe fulɓe jolani fedde Pinal fulɓe Farayse (ACPF) e gardgol Faati Feƴooe, deɓɓo AAñam goli gonɗo ɗoo e Paris 19. Eɓɓannde ndee lollinaama sanne e laylayte ronndoyaŋkooje hono Facebook sabu ko heen yontannde ndee waɗti diŋiral mum. "Ngel kawgel waɗiraa ko yoo ƴellit pinal men, anndina ngal e renndo Farayse ngam hollude njooɗndam e silaade rewɓe fulɓe", Faati Feƴoor, maɗo fedde ndee wiyi. O hollitii wonde leƴƴi keewɗi ena mbaɗa paɗɗondire hono nih kono fulɓe keɓaani tawo yuɓɓinde kewu mawɗo kolliroowo pine men.
Kono, e wiyde hohooɓe fedde ndee, Paɗɗo fulɓe e Farayse fotaani wonde tan njiiytotooɗo e mbaadi mum, o foti ko daranaade pulaagu e finaa-tawaaji mum, o daranoo hollirde moƴƴe men e renndinde fulɓe kala yoo ngon gootum.
Ko 54 suka debbo jeynanoo e suɓngo adiingo ngoo. Kamɓe fof ɓe njokkindiraa ngam suɓaade heen 16 jogorɓe taweede daawal ɗiɗaɓal ngal. Hannde, heddii e maɓɓe tan ko 12. Ko ɓee njogorri fooɗondirde "raay" oo ñalnde Hoore-Biir garoowo oo to Paris.
"Paɗɗo" toɗɗaaɗo oo ena jogori halfineede golle mawɗe sanne so wallondirde e ACPF ngam yuɓɓinde dille e balle fayde e ngonka rewɓe fulɓe; fayde kadi ko wayi no caɗeele cellal, jaŋde walla pine e nder renndo fulɓe!

Image

Fedde ndee maa resan pelle fulɓe 3 maantinɗe jubbannde e kopporeeje jogorɗe heɓeede e jamma oo. Ɗeen pelle ganndiraaɗe sabu darnde mum'en e renndo, balle e pine ngoni: « Un geste du cœur rend un ɓillage heureux », Tabital Pulaaku e AFPAt (Association des Femmes Peules Autochtones du Tchad)
Hiirde mawnde ndee jogori yuɓɓineede ko Hoore-Biir 12 hakkunde w18:30 e w05:00 subaka e tawtoreede sukaaɓe fulɓe ummoriiɓe baŋ-yoo-baŋ e Farayse, Belsik, Itali, Afrik. Njuɓɓudi ndii fecciraa ko nih: hakkunde fuɗɗoode e w00:00 (feccere-jamma) ko toɗɗagol paɗɗo fulɓe, rewi heen hakkunde w0:00 e w05:00 subaka dooro naalaŋkooɓe noddaaɓe ɓee.
Fooɗantooɓe raay oo maa ñaaƴ e diŋiral ngal laabi joy:
- ñaaƴo adango eɓe ɓoornii comci Afrik yonta hannde
- ñaaƴo e comci Afrik haŋki
- ñaaƴo e comci mbasaŋ dimo, ɓe ngowla konngi fayde e dental ngal
- ñaaƴo e comci "sari" (Enndo)
- ñaaƴo e comci "Waxi"/robbo fedde ndee, ko ndeen kawɗo oo noosetee.
So ɓe ngowlii konngol maɓɓe, ma wood naamnal ngal ɓe naamnaa ngam anndude miijo maɓɓe e yoga e ko toɗɗii nguurndam leñol ngol.
Ko Aamadu Sakke e Jinndaa Soh ngonata to sawtawol e oo jamma mawɗo! Ndananeeɓe mawɓe ena tijjaa e hiirde ndee; Mammadu Ñaŋ mo OM (Cempeŋ), Alpha 5.20, Thiam Thiof Mamadou, Makobé, Amy Bushy, et woɗɗitiiɓe...
To baŋnge caaci e naalaŋkaagal, hiirde ndee ena renndini ko heewaani yiyeede e dente men! Ena jogori dillinde diŋiral ngal: Kanel Joop, Jam Min Tekki, Wooz l’Enfant Peul, Usmaan Gannge, Daande Maayo 76, Skorpa, Iisaa Dikel Cubbu et heewɓe ɓe en mbaawaa limtude!

Pulaagu.com ena jogori ardude toon doole awɗe sanne! Amin njogori ñiɓde toon wejirde (Stand) ngam hollirde e anndinde golle men. Ena jeyaa e ko min njogori adude njeeygu ɓoornateeri e binndirɗe, nate e ko nanndi heen. Oɗon ñaagaa nde ngarat-on hawritde e amen ngam welnude, lamminde e anndondirde!

Pulaagu.com jokkondirii e Binta Jallo, gooto e yontaaɓe fooɗantooɓe kawgu ñalnde hiirde ndee. o yahrata ko e duuɓi 22. Omo hoɗi leygal Sarsel e diiwaan Pari. Binta ko jogiiɗo pinal oo feewi e ko min paami e haala maako e nehdi makko. O jibinaa ko Gine, kono ko e Farayse o mawni.

Naamnal amen gadanal ko hol no o yiyri dille nde ACPF yuɓɓinta hikka. "Miin dey to baŋngal am, ko huunde mawnde yuɓɓinde hiirde renndinoore fulɓe kala ngam hollude winndere ndee holi enen, hol ko woni pulaagu e hol ko fulɓe ndaranii. Ena heewi ko gonndu-ɗen tan e ko'e men tawa en njillondirtaa e woɗɓe! E miijo am eɗen poti yaltude e ko'e men, njahen, tawten leƴƴi goɗɗi, njillondiren, ngollondiren e maɓɓe! Ko weltaare kadi mawnde miin e hoore am jeyeede e ɗaɓɓooɓe raay njooɗdam fulɓe sabu ko leñol belngol jiidude. Fulɓe kala to ngoni ko gootum hay so tawii haala mum'en ena waasa nanndude no feewi. Miin kaalat-mi ko pulaar Fuuta Jaloo, kono miɗo faama ko heewi e ko fulɓe Tooro kaalata. Maa taw dente bayɗe nih ena mbaawi mbattinde ngaddinaaji men ɗii so en nduumiima e rentude e jillondirde".

Binta Jallo hollitii kadi hakkunde maɓɓe kamɓe ñaaƴooɓe ɓee, hay fompondiral walla kiram ngootam alaa sabu kamɓe fof ko ɓe miñiraaɓe e mawniraaɓe. Eɓe pijja, eɓe njala, sabu ɓe njaggiri ko'e maɓɓe ko ɓiyɓe yumma!
Kono Binta Jallo reentinii wonde kawgal ngel maa hittu no feewi sabu kamɓe sappo e ɗiɗo ɓee kala eɓe njogii mbaawka faɗɗude ñalnde heen. "Ko waawi wonde fof, so poolgu ena waɗa ko fulɓe fof poolata sabu ko renndo ngoo naftortoo golle ɗee so ɗe moƴƴii. Hay so miin e hoore am mi toɗɗaaka, ñalnde heen, njeyaa-mi ko e foolɓe sabu ko renndo ngoo fof nawi raay. Miɗo duwoo nde Alla hokkata'en fartaŋŋe suutude araaraay oo, kono so banndi am goɗɗo kadi nawi raay, mbaawat-mi tan ko weltaaade".

Kuɗol Ibraahiima SAAR

Musidɓe tedduɓe yontaaɓe fulɓe ɓee nani!

 

 Anne Diary  Ba Houleye Barry Mariame   Ba Mariama

AAN Jaari, duuɓ 26

(Senegaal)

TRAPPES 

 BAH Huley, duuɓ 26

(Senegaal)

L'HAY LES ROSES

 BARRY Mariame, duuɓ 20

 (Gine)

LIMAY BREVANNES

 BA Mariama, duuɓ 22

 (Senegaal/Gine)

LILLE

 Dia Dioulde  Diao Hawa  Djinde Mariame  Seck Khadidiatou

 JAH Juulde, duuɓ 20

(Senegaal)

LE PRE ST GERVAIS

 JAW Hawa, duuɓ 26

(Gammbi)

PARIS

 JINNDE Mairam, duuɓ 23

 (Senegaal)

CHATILLON

 SECK Kadiijatu, duuɓ 23

(Senegaal)

AUBERVILLIERS

 Sow Fatimata  WELE_Rougui  DIALLO_Binta  SAM_Ramata

 SOH Fatimata, duuɓ 21

(Muritnai/Maali)

ST-DENIS

 WELE Rugi, duuɓ 20

(Senegaal)

MANTES-LA-JOLIE

 JALLO Binta, duuɓ 22

(Gine)

BONNEUIL

 SAM Raamata, duuɓ 20

(Senegaal) 

SARCELLES,

 

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...

 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : élection miss peul 2010, acpf, pulaagu, pulaar, mannequiins peuls, association culturelle des peuls de france


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 7 de 7 commentaires

mbelamma

Ecrit par: NIANG (Invit ) le 07-06-2010 21:47

haa dañee ɓamee ko,onon jey soh fulɓe mbaɗii paɗodiral allah waɗii kohaani kalamo,ene nodditoo e toɓere ngenndiyanke ene foti tawtoreede a jaraama kodi seydi saar golle maa fewi

 

» Signaler ce commentaire l'administrateur

ndaw ko yooɗii

Ecrit par: ALIW KONTEE (Invit ) le 08-06-2010 10:31

Mo wiy ina suɓoo ɓurɗo yooɗde e leñol fulɓe,ñande heen ɗekkiiji keewaɗ,ngam saayaarii baŋnge ɓalewol;mbiyaa ko kamɓe paɗɗi fof,saa ruttii baŋnge boɗewol;mbiyaa jooɗ alaa e Aduna he so wonaa kammɓe,ko geno hokki leñol ngol oon fartaŋnge.eskey ngol boɗewol fino Alla,taaree ngol ɓalewol fino Alla,sukaaɓe ƴoƴɓe ɓe hakkillaaji mumen ndiiwtaani ballal timmungal e ɓamtaare leñol fulɓe,sabu wiy'de-ɓe,oo ñalawma wonaa suɓaade ɓurɗo yooɗde(mbaadi)alaa min suɓotoo ko ngenndiyaŋke baawɗo daranaade leñol ngol e ɓamtaare;katante keftinaaɗo e darnde mum;e balle mum moƴƴe fay-de e leñol ngol,ko bayɗo noon suɓetee;o yanta e daraniiɓe fedde nde,golleɗe ɓeydoo yahrude yeeso.sikke alaa kamɓe fof pellital maɓɓe e yiɗde daranaade leñol ngol timmii,to baŋngeeji fof,to baŋnge pellital,to hakilantaagal,to baŋnge ganndal,to baŋnge yiɗde leñol mum,to baŋnge mbaadi e jimme timmuɗo.heddii tan soko laawol juutii,alay sago daña gardiiɗo ɗum.ɗuum noon kaaɗo jamma; hay gooto hoto maŋku taweede e ɓiɓɓe leñol ngol,ngam ko jamma ɓeydaare leñol ngol,ko jamma weltaare leñol ngol,ko jamma mawnin'de pinal leñol ngol.pulaagu.com weltanaama;e faastande en ooɗo kabaaru belɗo no limmbam.A jaaraama Ibiraahiimaa saar.,,,,,,,mbiɗo maŋki yi'de heen ñiiɓirde nokku ɗo jamma ka waɗetee ɗo,(edeseer)on njaaraama.

 

» Signaler ce commentaire l'administrateur

A jaaraama Aliw Kontee

Ecrit par: Ibraahiima Saar (Invit ) le 08-06-2010 19:01

Ceerno Aliw fof a haalii. Mbaydi ena woodi tigi e fulɓe! Kono maa uahde e yiɗde hoore mum e wonde ngenndiyaŋke. oo jamma maa wel sanne! Ma mi ɓeydu heen ñiiɓirde ndee!

 

» Signaler ce commentaire l'administrateur

woyyo 6i66e soknaa6e

Ecrit par: usmaan gaajo (Invit ) le 08-06-2010 20:10

aduna oo 6ooyi yonteede yahata kono yiilo mo alla totti fof noon yee6e kono kam ezen laa6a yontu de e yonteede jiida ko mawzum ful6e mbaasaani yooz6e eyontaa6e nde tawno ko feccere nde ngeno fecci zum leñol men aada e finaa tawa conce e ñeeñal ganni ko cinkaari leñol men njoondam yoni e oo cosaana mo lexxi fof ñemmbata oo jamma weli tawtoreede kono ko mawzum min zawetaake ngam pulaagu.com ina dadi e6e ndari ngam humpitde

 

» Signaler ce commentaire l'administrateur

mbelamma

Ecrit par: debbo pullo (Membre ) le 08-06-2010 20:57

caggal nde calminden banndiraa6e teddu6e 6e,hannde ko welamma mowdo ne wayno ko haletene ko fof banndiraado teddudo oo hali haala ka fof hono;aliw konte,hala ka fof o hali :) en mbeltiima;en pulaagu.com

 

» Signaler ce commentaire l'administrateur

ko weltaare

Ecrit par: koulibaly (Invit ) le 09-06-2010 10:57

calminaaliam teddudu faade moodon bebbe fulbe fof do ngoni e les asamaan oo min beltiniima pulaagu . com inawadifaayiida nofeewi on njaaraama

 

» Signaler ce commentaire l'administrateur

mi mohamadou bah mi dodovelti begalpular

Ecrit par: mohamadoubah@13mail.kom (Invit ) le 17-06-2010 18:49

 

» Signaler ce commentaire l'administrateur

Affiche 7 de 7 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
SN6         AH4      
E      X      C   25T
FPI   435     W      
  4    M      B   J8C
9NO           9      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥