NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


YONTERE AMG: Darnde Aamadu Maalik to bannge dawrugol (politik) Convertir en PDF Version imprimable Suggérer par mail
Dernière mise à jour : ( 25-05-2011 )
 

Ecrit par GEƊAA SILLAA, le 29-05-2010 16:38

Pages vues : 11307    

Publié dans : Les News, Amadou Malick Gaye


Image Aamadu GAY yiɗnoo ko fuutankooɓe yo nganndu politik ina nafa. So neɗɗo faamii ɗum, maa waaw addude ƴellitaare e ɓamtaare e wuro mum e leñol mum. Aamadu nde woni toon ndee, fedde mawnde jibinaama toon, wi’eteende Kawtal Ɓaleeɓe Afriknaaɓe Janngooɓe to leydi Farayse.
Aamadu wi’noo Politik foti ko jokkondirde yimɓe kono wonaa sarde ɓesngu e enɗam. Gila omo woni Farayse, o fuɗɗii daraade yo Afrik won, nde tawnoo omo anndi wonde ganndo fotaani wonde ɓellere gajjal: faya tan fayana hoore mum. Ganndo foti ko yuurnitaade caɗeele leydi mum, haɓanoo goonga, haɓanoo sariya, haɓanoo potal, ndimaagu e ɓamtaare.

deen miijooji ɓurnooɗi waawde layneede ko miijooji ɓurɗi abbaade yo laamu wonan miskineeɓe, doole paggorɗe e jeñtinirɗe fof yo ngon jey renndo ngoo; mo woni kala yo heɓ geɗal e fotde mum e dow laawol ngol renndo ngoo lelni.
Dillere heewnde noon waɗiino e nder duunde Afrik ndee: janngatnooɓe ɓee ina njokkondirnoo toon e pedle keewɗe daraninooɗe ndimaagu e potal. To wi’etee Alseri e hoore mum dilliino. Fedde wi’etenoonde ndee “FL” dilliino.
Aamadu en ina njotondirnoo e ndeen fedde to Farayse. Waɗataa, waɗataa haa duunde Afrik ndee fof laawii: to Ganaa, Kuwaamee Kurumaa en laawii, ndilli, mbi’: “Alaa e sago Afrik heɓa hoore mum”, Burgibaa, Bartelemii Boganndaa en, ekn.
Nde hareeji ɗii keewi, yi’annde ndee mawni, kamɓe ɓaleeɓe Afrik ɓee, ɓe mbi’ yo ɓe mbaɗ haɓɓere ngenndi darantoonde semmbinde miijooji meeɗen. Ɓe mbaɗi mooɓondiral mawngal. Ahmadu Maalik Gay ina tawtoraa ngaal mooɓondiral.
Ko ngaal mooɓondiral jibini “PAI” (Parti darantooɗo ndimaagu Afrik). Omo wondunoo e Masmuut Joob, Hammaat Dansoko e woɗɓe. Ko nih woni, ɓe ndarni lannda maɓɓe darantooɗo jeytaare. Ɓe ndaranii lannda oo no feewi to Farayse too, laamu ina haɓoo ɓe.
Nde Aamadu gasni jaŋde mum, arti, ɓe njokki golle maɓɓe no feewi hay so tawii ko e niɓɓere ɓe ngollotonoo. Jeyanooma e nder miijooji “PAI” haŋki: wuurtinde ɗemɗe ngenndi men. Hay jaaynde, ɓe mbaɗanii ko’e maɓɓe; ine wi’ee: jeyde leydi mum e wolof “Moom sa reew”, Hay so aɓe njeeya jaaynde ndee, ɓe cuuɗatnoo nde ko e nder wutteeji maɓɓe. Aamadu wonii e ndeen hare rimɗitinoore Afrik, rimɗitinoore Senegaal, rimɗitinoore leƴƴi men.
Itti mo toon ko tawde mo “PAI” nana fuɗɗoo bonde, yanti heen kadi, o tawi so o artaani e parti jogiiɗo laamu, o waawataa naftude yimɓe ɓee e ganndal makko e mbaawka makko.

Image

Mawɗo leydi ndii Seeŋoor ina anndunoo mo, ina mawninnoo mo. Ko ɗuum saabii o waɗii peeje keewɗe mbele Aamadu ina tawta ɓe e lannda “PS” o roŋki. Ko ceerno Seydu Nuuru Taal waawritini mo e Senngoor haa o arti e nder lannda “PS”.
Aamadu jaɓaani waɗde politik to Ndakaaru, kaŋko fof e waawnoode wonde ɗoon neɗɗo mawɗo to fannu politik. Ɓurnoo wonde ngoƴa makko tan ko ruttaade Fuuta makko, o waɗoyaa toon politik, o waɗda e banndiiko en.
Ahmadu arti e lannda “PS” ko e hitaande 1968. Artiri mo ko famminde fuutaŋkooɓe wonde ina mbaawi ɓamtaade e dow politik.
Nde Aamadu Maalik ari e lannda “parti” PS hee ndee, yi’annde makko e politik ina seerti e ji’anɗe woɗɓe ɓee. Ko ɗuum waɗi o ndañdii e maɓɓe caɗeele keewɗe, alaa fof ɗo ɓe kaɓaaki mo. Kaŋko yi’annde makko e politik wonnoo ko yoo yimɓe nganndu, yoo pin, yoo mbaaw jaɓde e salaade, yoo pewju golle nafooje ngolloo ngam mbaawana ko’e mum en. E tonngol kaŋko politik makko wonnoo tan ko politik Ɓamtaare.
E oon sahaa mba’di ciimtol “rappoor” fof ɓe mbinndii e makko ngam bonnitde mo. Kono Aamadu ina haawnii, sabu kala nde ɓe mbinndi e makko nde tawnoo ko kamɓe gondi, o seertataano e hollude ɓe lelngooji ciimti. O arat omo holla ɓe njuɓɓudi ndi ɓe poti ɗowtaade so eɓe njiɗi ciimtol ngol jaɓee. E oon sahaa ɗuum ina jaakni ɓe no feewi, aɗa haɓa e neɗɗo, ina wallu maa e njogitaari. Ko kaŋko tan nji’-ɗen wa’i noon.
Nde tawnoo yiɗde makko e falnde Podoor ina mawni, o jaɓataa wayrude ɗoo. So o ummiima Ndakaaru tan ko Fuuta o fa’i.
Aamadu  ardiima e nder lannda PS tuggude e hitaande 1974 haa 1977; nde o woppi Umaar Wele ƴettiti.

Geɗaa Sillaa

PIP, NJum

Image

Image

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : amadou malick gaye, pulaar, langues nationales, parti socialiste, Union Progressiste Sénégalaise, projet pip, centre bopp, dounghel


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 3 de 3 commentaires

golle moxxe nani kaalte caggal ma

Ecrit par: usmaan gaajo to gaboo (Invit ) le 29-05-2010 18:59

ko gannduzo nezzo waawi seetaade zum ngam ndee yontere on nganndini 6e nganndaano ciftinzon anndu noo6e hol gonnoozo aamadu maalik gay o birniizo gite mo wirnaaki e 6erze golle ze kersinaaki nani kaale caggal ma ko goonga maayde ina huuxi ñaamat teew xakka xiye kono golle eballe majjata maayata haa aduna gasa nezzo noon haalata zum ko golle mum pulaagu.com on njuuraama on mbeltanaam sabu golle mon paayo dinze yoo geno huur suura reena yaafuya za66aama

 

» Signaler ce commentaire l'administrateur

Gorko duungel

Ecrit par: ALIW KONTEE (Invit ) le 29-05-2010 21:08

Yontere nde moƴƴii;nde semmbii;nde semmbinii kala mo ƴiiƴam pulaagu dogata e ɗaɗi daande muuɗum,nde wonnoo dokkaaɗo yontere o,ko fuutaŋke dimɗinɗo fuutaŋkooɓe e nder ndakaaru,ngam woni dimo tam ko gannduɗo hoore mum,e ganndo caliiɗo ɗemɗe goɗɗe moɗaɗum,sabu ganndo so naftaani leñol mum tan;naftoyta ko leƴƴi goɗɗi,ɗuum woorii Aamadu maalik gay.,,,,,Eɗen ñaagoo banndiraaɓeɓe,nde ngetoɗen mbinndiin o nde wonata gooto,ngam ina walla en e faamondirde eko njiɗɗen gollaade ko,walla haalde ko.,Mi ñaagiima yakfuya.

 

» Signaler ce commentaire l'administrateur

Ceerno Aamadu Maalik GAY, seeɓa gite

Ecrit par: Sammba Cooyel BAH (Invit ) le 30-05-2010 00:32

Ceerno Aamadu Maalik GAY jaaraama. Tinno-ɗen mbele o weltoo e lelnde makko ndew-en e laawol makko he. Jooni hankadi bur-en wadde ko 
memotoo: sosde kaalirde e ayawirde e keblordi e jeeyirde e gollordi tawa ko e Pulaar. Innir-en Pulaar kala huunde. Gooto kala 
yo o fuddoro hoyre mum e galle mum e besngu mum e kala do woni e no woniri, ko suudii e ko weeji. kadi yo jaran dum heen kala huunde, hono no Ceerno Aamadu Maalik GAY nii. Ndeen ma o wiy o daccii dono.

 

» Signaler ce commentaire l'administrateur

Affiche 3 de 3 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
G96         LLI      
N Y    C    K F   H8Y
NOO   CFB   ADE      
3 A    2    Q W   QA3
7RG         2DY      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥