NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


BURKINAA: Jaayndiyaŋkooɓe puɗɗiima jaŋngineede binndol ɗemɗe ngenndiije. Convertir en PDF Version imprimable Suggérer par mail
Dernière mise à jour : ( 21-04-2010 )
 

Ecrit par IBRAHIMA SARR, le 18-04-2010 21:32

Pages vues : 7282    

Publié dans : Les News, Renndo


ImageHakke jaayniyaŋkooɓe 30 keblaama e binndol ɗenɗe tati kaaleteeɗe e leydi Burkinaa Faaso. Ɗeen ngoni Moore, Jula e Fulfulde (pulaar). Nggon heblo ena yahdi e gannal jaŋde mawɓe. Kamɓe jaayndiyaŋkooɓe ɓee kala ɓe ngummii ko e lollinirɗe laamu e ɗe ngonaa ɗe laamu. Gooto e maɓɓe kala yaltii e ngoo heblo ena ɓeydii mbaawka mum e ɗii fannuuji. Ko ballondiral hakkunde jaagorde toppitiinde Pinal e Kumpital e jaagorde Jaŋde leslesre.

Joganinooɗo heblaaɓe ɓee konngol hollitii wonde nde feere ena foti hesɗitineede kadi ndee yaajnee fayde e haaliyaŋkooɓe rajooji renndo dowri leydi ndii. Ƴellitde ɗemɗe ngenndiije ko ngoota e ngoƴaaji ɓurɗi teddude e laamu Burkinaa. Ko ɗum jaagorgal kalfinaagal jaŋde hono Huseyni Tambura wiyi wonde laamu nguu maa waɗ feere fof ngam semmbinde ganndal jaayndiyaŋkooɓe e ɗemɗe kaaleteeɗe e leydi ndii. Tawde ko ɓuri heewde e Burkinaanaaɓe njaŋngaani ɗemɗe tuubakooje, rajooji e teleeji ena poti hokkude ɗemɗe ngenndiije fotde mum'en haa timma! Kadi cosgol tele renndo dowri tawa ko ɗemɗe ngenndiije tan kaaletee heen ena naamnii yoo jirwinooɓe e jaayndiyaŋkooɓe jogorɓe gollaade heen keble.
Kamɓe jaayndiyaŋkooɓe ɓee, ɓe kolliitii eɓe katojini e ñalɗi heblo goɗɗi, yanti heen eɓe njiɗi yuɓɓinde ɗanɗe jaŋde sabu maɓɓe yiɗde ɓeydaade faamde renndo ngo ɓe kucciita golle maɓɓe. Kamɓe tawanooɓe heblo ngoo fof ɓe nkokkaama seedamfaagu uddal heblo ngoo.


Fulo Ibraahiima Saar (Iwde FasoZine http://www.fasozine.com)

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : Burkina Faso, langues nationales, alphabétisation, journalistes, radios rurales


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 3 de 3 commentaires

kabaaru belɗo

Ecrit par: ALIW KONTEE (Invit ) le 19-04-2010 10:10

Burkinaa adiima e ngesa ɓamtaare ɗemɗe ngenndiije Afirik,ngal kuulal ina faamnii e hakkillaaji ɓesngu Afirik,ngam saa yiɗii huunde a hollirat-ndokkaa ɗum fotde mum haa timma,Aduna o annda ko kaalataa e ɗemngal ko, ina selli e ɓernde ma.kaa laamɗo gardiiɗo leydi,aɗa wiya ɗemɗe leydi fof poti e maa to boowal,tawa to nder ma sellaani hay seeɗa-e fonndude ɗemɗe leydi ndi,ko ɗemngal maa tan pawɗaa e dow keddiiɗeɗe,sabu tele e rajo aadaaji e jikkuuji e dawrugol,fof mbiy-ɗaa ko-yoo haale e ɗemngal ma,ɗemɗe keddiiɗe fof, hoto ciiftore e ɗii nokkuuji ɗi leydi renndi,mor maa ɗaayɗo mo anndaa jam.burgina fasoo ɓooyi e wiy'de yoo Afirik rutto e jey muuɗuum,ngam gila e nguurndam tomaa saŋkara,omo wiyannoo,so Afirik ina yiɗi ɓamtaade,alay sago ruttoo e pinal mum,, e jikkuuji mum, e ɗemɗe mume,e ɓoornungal mum, e aadaaji mumn,nduttoo dañje nguura e leydi mum. burginaa hollirii hannde ina yiɗi ɗemɗe Afirik ɓamtoo,dow nuunɗal e potal ɓiɓɓe buginaa fof, tawa koy karallaagal timmungal,jaadu ngal e renndo ngo,tawa kala keɓlaaɗo ina liggoo,ina waawi wuurde heen.yoo geno hokku laamɓe Afirik fof ,faamde ɗuum,e ñemmbude ɗuum,e faarnoraade ɗuum,e golloraade ɗuum.birginaa wonii daarodgal Afirik e ndiiɗoo mbaadi kesiri,so en ƴeewi yeru birginaa o,maa en taw ko yeru laaɓɗo,sabu hannde e leyɗeele Afirik ɓaleeɓe,fotde 60%nanataa ko rajooji ɗi e teleeji ɗi kaalata e nguurndam leyɗeele mume,eko yahta e ADUNA HEE KO,ngam haaletaake e ɗemɗe maɓɓe.yoo geno on ballo.A jaaraama seydi saar.

 

» Signaler ce commentaire l'administrateur

sankaraa sankaraa

Ecrit par: Abdullaay Yerel Soh (Invit ) le 19-04-2010 14:09

golle sankaraa e66unoo ko jooni jenytudi mum en woni e arde, ko TOMAS fuzzi jangde zemze ngenndiije e burkina. hol nde laamu moritani yu66inta ko way hono nih tawee?! soko aset neh wonataa faande!

 

» Signaler ce commentaire l'administrateur

Ndaw ko haani!

Ecrit par: MbaayoGalo (Invit ) le 19-04-2010 18:54

Mbiy-mi ndaw ko haani, so leydi afrikiyankoori ko ndi waawi wonde fof etiima yuɓɓinde hono ɗii heblooji, e ɗemngal afrikiyankeewal baawngal wonde kala.  
 
En tampataa siftinde wonde Afrik ƴellittaako so ruttaaki e jannginde ɗemɗe mum neeniije. Ko kannje ngoni sodorde ɓurnde yaawde yettinde feewde e ndeen ɓamtaare nde Afrik ɗomɗi. Woni ko riiwtaa ko ñoƴƴude woon e ɗemɗe woon leƴƴi heeda ɗumen e naange, wiya kaandaani heen ngam hulde hoto ngool leñol fawtaade dow, wiya kadi ina ñoƴƴa leƴƴi keddiiɗi ɗii e janngude ɗemngal mumen alaa sago, hono no laamu kesu Muritani addiri jooni nii. Ko ɗuum waɗi, ɓayde ko ko ñoƴƴaa hay so jannginaama waɗetaake barke. Safalɓe Moritani nii wonndi ko njaggataa, so neldude janngooɓe jaaɓi haaɗtirdi caggal leydi nduttee, maa koroo jokkude jaŋde mumen sabu teppogol ɗemngal. Ndaw ko weñondiri, so ledi Moritani ruttaniima jannginde ɗemngal Arab weli metti, ɗoon ɗo leyɗeele hono Burkinaa faami, suɓii ɗemɗe keewɗe ngam heblude jaayndiyankooɓe mum.  
 
Ko hono ɗee golle mbele ñemmbude, waasa tan kadi haaɗde e fannu go'to, huuɓtodina fannuuji keewɗi ko ndeen nafoore mum yaawata yiyeede. 
 
Ndeke mbaawaten tan ko foɓɓande leydi Burkinaa, hay so oo nanalla bettaani. 
Seydi Saar, aan ne, a jaaraama!

 

» Signaler ce commentaire l'administrateur

Affiche 3 de 3 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
 C          EPE      
P8     H    A U   5N4
 4    RQB   9 T      
 E     S    D H   QSC
IE3         6E7      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥