NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


PULAAGU.COM: Lowre men woni ko e heblude yeeyirdu geese (e-commerce) Convertir en PDF Version imprimable Suggérer par mail
Dernière mise à jour : ( 12-04-2010 )
 

Ecrit par IBRAHIMA SARR, le 12-04-2010 11:27

Pages vues : 13769    

Publié dans : Les News, Lowre men


ImagePulaagu.com haa jooni ena jokki e darnde mum addande fulɓe eɓɓanɗe kese, miijooji e juɓɓule nawrooje ɗemngal men yeeso. Ko goonga haa jooni wonde yiɗde men ko ɓosnude kadi renndo ngoo, nawra-ngo yeeso no keew-ɗen waɗde nih. Kono tan, en njiɗii ummaade e yarlitaare tan walla ittude e jaybaaji men. Ko ɗum waɗi eɗen eɓɓa udditde yeeyirdu ɗoo e lowre ndee ngam renndinde ngalu mbaawngu ittude-en ɗo njahrat-en ɗoo.

Eɓɓaanɗe Pulaagu.com ena keewi limotaako! Gila lowre ndee fuɗɗii golleede e hitaande 2001 (e sutura mawɗo!) fayi jooni, won eɓɓanɗe ciyaaɗe haa timmi. Kono ko ɓuri mawnude, ko ɓuri teeŋtude, ko ɓuri ŋarɗude e heewde nafoore kowi ko yeeso men. En teskiima noon kala nde eɓɓanɗe mawɗe ngummanaa, ena naamnii karallaagal, yarlitaare kono haa teeŋti e ngalu! Yiɗde mehre mahataa huɓeere, ko tuufeeje e ɓakke mahata! Kono tuufeeje ɗee heɓata-ɗum'en ko ngalu. Enen fof eɗen teskii nde Pulaagu.com eerii rokkooɓe nde mballata-en e ngalu ngam eɗen ɓeyditoroo. Kono e nder hitaade, hay mbuuɗu wooturu naataani ummoraade e kala kattanɗo! Kono haa jooni alaa baasi sabu neɗɗo waɗata tan ko ko hattani. Hannde, eɗen njiɗi ummaanaade naatnude ngalu e booñ Pulaagu ngam huurde yoga e eɓɓanɗe men garooje.
Pulaagu.com maa uddit ngel bitikel kakurleeje e dokke ngam wallude ustude fere eɓɓanɗe amen keewɗe ɗe min ngollanta leñol ngol.
Hol ko jogori yeeyeede e bikikel men? Ko adii fof ko simisaaji, kasketaaji, saakuuji, binndirɗe, ekn, jelaaɗi logoo Pulaagu.com haa njooɗi. Fayndaare men ko yaltinde ŋeñaali kesi sahaa kala tawa ena toɗɗii nguurndam, ngonka e pine fulɓe.
Naamnaade balle tan wanaa ko min njiɗi tawa alaa ko min ndokki to baŋnge amen. Ko ɗum waɗi min tafde ɗee dokke jooɗɗe, ŋarɗuɗe ngam jaarde on e ballal mon. Soodde e bitikel men ko addude ballal mum e ƴellitde ɗemngal e pinal fulɓe.

FRANÇAIS (FR) - Pulaagu.com a ouvert cette petite boutique de gadgets et produits de promotion pour aider à financer nos nombreux projets. Au lieu de demander des dons, nous avons décidé de vous offrir de très beaux cadeaux en échange de votre générosité pour joindre l'utile à l'agréable. Acheter nos produit est un geste de soutien pour la promotion de la langue pulaar/fulfulde! Merci de votre soutien.

ENGLIDH (EN) - Pulaagu.com opened this little shop of gadgets and promotional products to help fund our many projects. Instead of asking for donations, we decided to offer you great gifts in exchange for your generosity to combine business with pleasure. Buy our product is a gesture of support for the promotion of the pulaar fulfulde language! Thank you for your support

Image

Kuɗol Ibraahiima Saar, Hooreejo Pulaagu.com

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

 

 

 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : t-shirts, promotion pulaagu, accessoires, vente, gadgets, cadeaux


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 4 de 4 commentaires

ndaw ko haani

Ecrit par: abuu jaan (Invit ) le 12-04-2010 13:53

cerno ibrahima sar ajaraama no feewi ngodo miijo ko miijo wadngo faayiida ko miijo ngo min de mbodo goon,dini ngoodoo miijo kolo ko ena waawi walludi lowre ndee haambawen he6de do fayaa doo ina moyye duum hamin padi pitek oo nde o uddita jooni hamin mbatta hen wanngaa de

 

» Signaler ce commentaire l'administrateur

wulaango jamma zalde taake gooto

Ecrit par: usmaan gaajo to gaboo (Invit ) le 13-04-2010 00:31

jawkal aduna ko lu6al aade e hoore mum ko nulal e aduna ko en ho66e en ngona hoz6e paamen taarik hannde ko jango winndoyte 6i66e etaani raa6e koko njantoyto jango men ndeke calozen maayde majjen ñookten 6erze men haala men wonnday golle men njolbinen juuze men mbaasen jagitaade haa 6urta ko goonga ku6eeje e otooji joozzi wonko nafata kono woto 6uran en ngal men sabu nezzo ko zemngal mum so zemngal ma wuuri awuuri so zemngal ma maayi amaayi won6e jawkal aduna jaranaani haa 6uran zumen ngal mumen ko wayno pulaagu.com 6ee ngollani leñol heddi ko leñol ngol ne gollana6e ko wona emin mbelti tan ko goonga weltaare leñol fof ina moxxi kono yoo jaran alzu6e maggol emiskinee6e maggol eyontaa6e maggol njurmondira mbalo ndira paamen kadi sago jol6e laana fof ko joofoyde seydi saar atinndi adaari amaandini yoo geno rokku en no paamirzen njaafozon ko miijam kaalmi so won pergite mba puujooje ngoni heen njaafo don sabu binndowo timmaani saka binndi mum kuzul usmaan gaajo mo gudduze nduyet6e

 

» Signaler ce commentaire l'administrateur

bdddddj

Ecrit par: gidu pular (Invit ) le 09-05-2010 16:33

a sonbadi onbadan komojji

 

» Signaler ce commentaire l'administrateur

erangoo

Ecrit par: samba kane jookee (Invit ) le 15-08-2010 20:06

wulango walla erangoo a sukabe jookee nabe fof kala to mbawudon hedde yo jamn e kisal won emon mbiyatmi on tan ko neddo wonna haydara so daranaki galle mum walla wurro mum walla lenol mum dumnon enen fof ngonene dolle gote cuten jookee yo allah bamtu jookee bamta pulaagu fof

 

» Signaler ce commentaire l'administrateur

Affiche 4 de 4 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
K           KOW      
P A    D    3     7I9
D55   GGK   4E4      
  4    Q    6 Y   G1T
  N         CYP      
   
   



mXcomment 1.0.7 © 2007-2018 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥