Ceerno Saydu Nuuru Bah

Ñalnde 06-03-2010  saanga  waktu 14ɓo, naatii laamorgo dowla Muritani ganndo Alla, giɗo Alla, hoodere e jammanu mum hono ceerrno Saydu Nuuru mo Alhajji Mammadu Lamin Bah mo Paate Galo. Omo wonndi e sete timmuɗo. Ena e oon sete ceerno Kabiiru Mammadu Lamin Bah (miñum ceerno Saydu Nuuru Bah), Siddaat Sal Almuudo jimoowo madhu nabi (S-A-W), e woɗɓe yonnɓe sanne, gila e jiidaabe enɗam, almudɓe, musidɓe woodondiraabe, ekn.

O jippii ko leegal ina wiyee ILOT K (résidence la case), oon nokku yeewtii e ɗeen balde nde tawnoo ko katojinaaɗo jippii ɗoon. Kala bannge mo kiccit-ɗaa ko werlaaji e yimbe adduɓe haajuuji, maa arɓe seerde e nanalla: yonii ɓeen tan fawde e makko yiytere. To tolni-ɗaa fof ko ɗii konngi ngartata e noppi ma: "Ɓee koy ɓooyii nder, ellee ɓe nganndaa won fadɓe!". "Gila hanki mbodo ara kono mi ronkii yiyde-mo". "Muñee tan onon fof ma on njii-mo".
Ceerno Saydu fof e famduɗe keɓal waawii yettaade won nokkuuji woon: ñalnde 08-03-2010, saanga waktu 15ɓo o yahii leegal 5 bal (5ème arrd), salminoyde e juuroyaade sehil makko, giao makko, giɗo leñol fulbe e kuubal,tampanɗo  ƴellitaare pinal e demngal, ceerno Yaayaa Ɓaas. E ngal jokkondiral be mbaawii siynude ñalngu ngam ceerno Saydu Nuuru ara yuɓɓina yeewtere ɗoon e leegal he ñalnde alkamiisa 11 lewru ndu.
Jeeyngal wadaama, Nuwwasot fof tindii yeewtere Ceerno Saydu Nuuru ena waɗa to leegal ceerno yaayaa Baas en. Gila saanga waktu nayaɓo kikiide tawi leegal heewii muuyaaɓe yiyde e heɗaade Saydu Nuuru e yeewtere mum. Ko saanga waktu 18ɓo Ceerno Saydu naati nokku oo.
Caggal salminaadu e bismaango, ginol golle yaabanaa:
   1. Jaŋde Qur'aana ngam udditde hiirde ndee. (Daande gooto e almubbe nootii6e)
   2. Konngol Ceerno Yaayaa Ɓaas (e Daande Gise Maamuudu Mammadu)
   3. Konngol Elimaan jumaa leegal ngal Mawɗo Aamadu Tuure
   4. Konngol Almameeɓe Nuwaasot (e Daande Ceerno Baal)
   5. Bebtinirgol Ceerno Saydu Nuuru Bah (e Daande Gise Maamuudu Mammadu)
   6. Yeewtere Ceerno Saydu Nuuru Bah
Saydu Nuuru e yankinaare mum, Saydu e  ganndal mum, Saydu e softeende mum gite fof kuccii e  Ceerno Saydu Nuuru; noppi koɗii e heɗtaade ndee yeewtere  nde tiitoonde mum woni "Diine e pinal". Hay gooto yiɗa hiira saka jamma ara gila yeewtere fusaani kono seeda usti mette yimbe e gasgol hiirde nde tan ko wiyeede ñalnde aset omo waɗta yeewtere ndee to nokku mawdo ganndaado e nuwaasot (La Case).
Nde Ceerno Saydu ummii galle Ceerno Yaayaa en,  o tiindii ko otel Novotel ngam salminoyde mbir leñol, jaalal leñol, sehil makko gila hanki hono El Haaj Baaba Maal garnooɗo oon kikiide e Nuwaasot nootaade fedde Tijjaani Aan Bamti Leñol. Ko  adii nde ina ɓenna Nuwaadibu nootoyaade fedde Kawtal Pelle Nuwaadibu (ma en ngartoy heen).
Ceerno Saydu yeeyniima  Nuwaa balɗe 09 keewde kiikiiɗe (souvenirs) e ɓerde nuwaasotnaabe.
 
Kuɗol Gise Maamuudu Mammadu.

Ceerno Saydu e Ibraahiima Moktaar Saar

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

Tags : paté galo, saïdou nourou ba, marabout, cheikh, religion, fouta

Evaluation utilisateurs

   (0 vote)

Affiche 5 de 5 commentaires