NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


DOWLAAJI DENTUƊI: Suudu Sarɗiiji lesiiru wootii baylital reentordu cellal Barak Obamaa Convertir en PDF Version imprimable Suggérer par mail
Dernière mise à jour : ( 23-03-2010 )
 

Ecrit par IBRAHIMA SARR, le 23-03-2010 17:35

Pages vues : 10076    

Publié dans : Les News, Cellal


Image
Obamaae Biden
Gasii, Dowlaaji Dentuɗi Amerik keɓii reentordu cellal ɓurndu ñiiɓde e jokkere enɗam jamma Dewo 21 MBooy. Ko poolgu mawngu ɗo Barak Obamaa, hooreejo DD Amerik caggal nde baylital makko reentordu cellal ɓenninaa e suudu House of Represenatives. Ɗerewol ngal heɓii daaɗe 219 nde 212 calii ngol. Ngati hare mawnde fuɗɗiinde gila nde Obamaa ena woni e kampaañ toɗɗe laamɗoyaŋkooje. Ko ngal baylital wonnoo hoore e gaadondire ɗe o daraninoo.
Gootgol baylital cellal e nder Amerik ko huunde heddotoonde e taarik leydi ndii Alla e mum wonande Obamaa martaba mawɗo! Yoga e laamɓe adiiɓe-mo etiima waylitde cellal e nder leydi ndii kono koriima haa woni. Duuɓi hannde teemedere pawɗi Amerik ena woppi milioŋaaji e ɓiyɓe mum e baasal reentordu cellal. Ngal baylital ena jogori addude kesum e ɓesnguuji pamarɗi doole sabu ko heewi e kuule lommbiiɗe e baylital ngal maa mbeeɓnan ɗum'en safaara.
Ko dii fof, hol ko waylotoo jooni jooni e yuɓɓo cellal leydi ndii? Ko goonga en mbaawaa limtude ko jogori waylanaade Ameriknaaɓe to bannge cellal fof; kono ko ɓuri 32 milioŋ Ameriknaajo mo alaano reentordu cellal maa mbaaw ɓamde ɗum. Fayndaare Obamaa ko huurde 95% Ameriknaaɓe ŋakkuɓe duuɓi 65. Ngati ɓurɓe duuɓi 65 ɓee fof ena kuuraa to bannge cellal e reendordu laamu ena wiyee Medicare. Ko ɓuri teskinde e ngaddiin baylital ngal ko hay gooto waawaa salaneede reentordu sabu wonndunoode e ñawu haa teeŋti e sukaaɓe rafaaɓe ñawuuji duumiiɗi. Kadi ko wayi hono gollorɗe ena keɓa balle ngam toppitaade safaare gollotooɓe mum'en. Teritooɓe law yahrooɓe hakkunde 55 e duuɓi 64 maa ustane teddeendi njaru reentordu mum'en haa mbaawa danndude won e jawdi mum'en nde wonnoo ɓe naataani tawo e Medicare (duuɓi 65) kadi ɓe nattii gollaade. Ena heewi kuule goɗɗe kese gonɗe e nder baylital ngal Obamaa heɓi ɓenninde ɗo laamɓe Amerik heewɓe korii.
Hare hakkunde wonanɓe e saliiɓe baylital ngal ɓooyii, muusii. Kono Barak obamaa hollii kadi cuusal e karallaagal mum e waawde haalde jaɓanee.

Kuɗol Ibraahiima SAAR


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!



   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : réforme santé, couverture médicale, barack obama, chambre des représentants, sénat américain,


Commentaires utilisateurs  Fil RSS des commentaires
 

Evaluation utilisateurs

   (1 vote)

 

Affiche 5 de 5 commentaires

haalde wads wee6aani

Ecrit par: abou jaan (Invit ) le 23-03-2010 19:04

cerno ibraahiima sar ajaraa ma e golle maa de mbadan daa lenyol ngol gam huppit de min ko faatee mowdo leydi amirik honoo barako abomaa yakaare ina jagaa e makko sabu kalo ko halnoo o mbon etoo wadde dum kadi o wadii ko hew6e jidnoo wadde ndonki kanko alla new na niimbo dum kadi kalo ko wiinoo amrik naa6e tumu nde oyamat lefol laamu ombon etoo wadde sabu kadi ina dami naa o wad goddum so geno haajii

 

» Signaler ce commentaire l'administrateur

Obamaa heɓii wune mo gasataa...

Ecrit par: Ibraahiima Saar (Membre ) le 23-03-2010 19:40

Seydi Jaañ, mi salminii-ma ko adii fof. Ko goonga haalde ko waawi waɗde wonaa dawriaŋkooɓe keewɗen nande ena kaala. 
Obamaa hollii wonde ko miskineeɓe e famarɓe doole poti walleede nde wonnoo ko kamɓe ɓuri hannde heewde! Ngati en nduwiima, en mbeltiima e wune mo o heɓi oo.

 

» Signaler ce commentaire l'administrateur

albarke ina 6adi hunuko kono hi6irtaake meere meer

Ecrit par: USMAAN GAAJO TO GABOO (Invit ) le 23-03-2010 20:38

seydi saar nguura ko heewi sabu nguurndam ma ko nafoore yoo geno ndwnane haa anne njoozo za e jappeere dowla muritani ete so geno haaji ko ko wazata hotomo luuta o ñalwma mo njogorza daraade e hakkunde yeeso 6esngu leydi ma tawo yogay hooree6e maw6e leyzeele ina ngari seetaade zi goongaji zi njogorza ligo raade ndi leydi ko zoon tigi annde te so won haaloo6e mbaasa wadde ittata won haaloo6e mbaza ceerno ibraahiima saar koy wazoo6e he njeyza woto tikku woto heppu ñalwma oo koko tozza gargol mum koko yamira yaafuya za66aama kuzul usmaan gaajo mo gudduze nduyet6e

 

» Signaler ce commentaire l'administrateur

Ceerno Usmaan Gaajo..

Ecrit par: Ibraahiima Saar (Membre ) le 24-03-2010 07:47

Mi salminii-ma sanne! 
Miɗo sikki ko a paayduɗo-mi e Ibraahiima Moktaar Saardawriyaŋke to Muritani. Miin ko mi Ibraahiima tokosel, guurɗo hannde to Farayse! Ngati sahaa kala amin paaydee kono wonaa kaŋko woni ɗoo e Pulaagu.com kono ko miñi makko e banndiiko goɗɗo: innɗe ɗee tan kawri. 
A jaaraama

 

» Signaler ce commentaire l'administrateur

WUNE

Ecrit par: ALIW KONTEE (Invit ) le 26-03-2010 11:21

Ibraahiima saar a salminaama a juuuraama;ndee winndannde ko wad nde faayiida,sabu ko nde winndannde ganndal e fammin'da besngu fulbe ko kewi hannde to Amirik.barak oboma dañii wune,ndee moyyere roŋkanoonde yoo won e nder leydi Amirik fotde duubi 100,konko o arii e nder hitaande wootere o wadii dum,geno hokkiimo wune,kala jurmotoodo be ngalaa doole won'di koy Alla,kala ngon'du e Alla,koo ummini fof,Alla wallamo,barak oboma won'di koy Alla.bee saaliibe ngoodo miijo moyyo,koburi heewde e mabbe ko jom jawdeele en,caloo miijo ngo wona,ngam ciibaade jawwdeele miskineebe. onon heedbe e deedo lowe odon ñaagaa nde paccirton kabaruuji baadi ni, e demngal pulaar fulfulde. mbido jaarnoo on,no feewi. on njaaraaka.

 

» Signaler ce commentaire l'administrateur

Affiche 5 de 5 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
F           CE3      
T D    8      7   NDR
JF6   T5K   4TC      
  2    X    G     2BG
  8         WOP      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥