Yeɓannde moolalaande moolee dillinii worgo leydi Silii (Chili) Hoore-Biir 27 Colte. Ɓeto yeɓannde ndee e Seel Richter ena abboo e 8,8, hohooɓe ganndal kaaƴe mbiyi. Ko fuɗɗaa limteede e maayɓe ko 120 neɗɗo. Kono ena laaɓi e waktuuji garooji waasataa limoore ndee ɓeydoo sahnga nde ɓittiiɓe ley mahateeje puɗɗii yiyteede. Ko ɓuri hulɓinaade e ndee yerɓannde, ko ɓadaade yitere mayre haaɗngo Pasific, haa hannde kulhuli wampeƴƴere sunaamii ena mawni e falnde ndee kala.

Yytere yerɓannde ndee tolnii ko 200 km e nder haaɗngo, banŋge hirnaange worgo leydi Silii. Alla e yerɓannde ndee mawnude, nde tinaama e nder leydi Silii, Arsantiin e yoga e leyɗɗele ɓadiiɗe. Kuɓeeje e laamorgo Argentiin mbiyaama yoo njalte ko yaawi e hulde majje yande. Hooreejo leydi ndii hono sokno Michelle Bachelet hollitii wonde kuula fof ngoni ko e ɓameede ngal huccande faabaade yanaaɓe ɓee, kono kadi ngam hebanaade sunaamii tijjaaɗo maa yan e nokkuuji keewɗi, haa teeŋti e nduukon ngonkon e Pasifik. Haa e nder laamorgo Sañcaagoo, kuuraa kuppii, ndiyam roŋkaa heɓeede e geɗe goɗɗe ɗe yerɓannde ndee waɗi. Opitaaluuji keɓii ɓalɗeele mawnɗe nde ɗee geɗe kala puɗɗii ŋakkude. Kono bonannde ndee haaɗaani ɗoon. Gooto e pomuuji ɓurɗi mawnude jokkondirɗi rewo e worgo leydi ndii raañitiima, waawaa huutoreede. Boowal diwooje Sañcaagoo kadi ko ko uddaa gila yerɓannde ndee waɗi. Ko wuro Chilan ɓuri boomaade e ndee yerɓannde! Ko kaŋngo kadi yeɓannde bonnde bonnunoo e hitaade 1939.
Woni ngoƴa hannde ko sunaamii biyaaɗo ena waawi duƴƴaade e tufɗe kala e haaɗngo Pasifik, ena jeyaa heen Hawayii, Sapoo e Riisii. Farayse kadi hollitii wonde duuɗe mum gonɗe e diiwaan hee hono Polinesii ena jeyaa e kulaaɗe maa sunaamii maɓɓe e mum'en. Yerɓannde fotnde nih, annduɓe mbiyi, ena waawi addorde wempeccere waroore ummoraade hakkunde diƴƴe! E nder hoƴomaaji wonande nokkuuji ɓadiiɗi yitere yerɓannde ndee walla e nder waktuuji wonande goɗɗuɗi, wempeƴƴere ndee ena waawi duƴƴude e tufɗe. Kala hoɗnooɓe e ŋoal maayo haaɗngo Pasifik wiyaama yoo woɗɗito ndiyam kañum e ɓesngu e jawdi ngam dogde wempeƴƴere tijjaande ndee. Ko e padol wonaa e nokkuuji keewɗi. Wempeƴƴere tokosere wiyaama fuɗɗiima arde e won e tufɗe Silii. Nde wonnoo haaɗngo Pasifi ena yaaji sanne, bempeƴƴe ena mbaawi waɗde waktuuji hade majje yettaade e yoga e tufɗe.
Yerɓannde ndee-ɗoo ɓuri nde Haytii mawnude laabi 1000 sabu toɓɓere fof e limoore seel Richter enaɓeyda doole yerɓannde ndee laabi 64 e ko annduɓe kolliti. Hohooɓe Silii kollitii wonde kaɓirɗe e jeyi leydi ndii mbiniraama ko heewi. Wuro ɗiɗaɓo caggal Sañcaagoo, Concepcion boniraama laabi e kuɓeeje hay so wonaa toon ɓuri memeede. Sikke alaa e waktuuji garooji ɗii, teleeji, gite e hakkillaaji winndere ndee kala kuccata ko toon.

Kuɗol Ibraahiima SAAR

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

Tags : séisme, chili, santiago, tsunami, pacifique

Evaluation utilisateurs

   (0 vote)

Affiche 3 de 3 commentaires