NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


GAACI MEN: Hiirde maanditaare 12ɓere Demmba NJaay NDillaan to Mantu-Laa-Jolii Convertir en PDF Version imprimable Suggérer par mail
Dernière mise à jour : ( 06-10-2009 )
 

Ecrit par IBRAHIMA SARR, le 06-10-2009 18:12

Pages vues : 14925    

Publié dans : Les News, Pinal e Ñeeñal


ImageÑalnde Hiire-biir ɓennuɗo oo, 3 Yarkomaa, dille mawɗe ndillii to diŋiral Chaplin to wuro Mantu (Dept 78, Farayse). Hol mo yontanoo? Goɗɗo alaa so wonaa gooto e naalaŋkooɓe men ŋanaa, ngenndiyaŋke, cubiiɗo golloraade concal e ñeeñal mun ngam ɓemtude pulaagu e fuutaŋkaagal.

Won ko neɗɗo nanata e gaaci Demmba Njaay ko nanataa ñalnde kala: ko duƴƴo woŋngo jirwuɗo, dillinoowo sukaaɓe, laawa mawɓe! Ko fedde yontaaɓe Mantu hono SDL (Sehilaaɓe Daande Leñol) njuɓɓini hiirde ndee ngam lollinde duuɓe sappo e ɗiɗi darnde NJaayel e nafoore mum e leñol ngol.

Ko goonga hiirde ndee waɗi ko ñalnde teddungal Saydu Kan to wuro Pari, kono haɗaani yimɓe nngarii e keewal hay so saal oo heewaani haa ɓitti! Kaŋko Demmba NJaay NDillaan o fuɗɗorii hiirde ndee ko yettude tambiiɓe-mo gila hannde araani, wonɓe sabaabu oo jamma e wiyde makko, ɓeen ngoni sukaaɓa SDL e gardagol Maamuudu Aaw. "Mo yettaani sabaabu, yettaani Alla", Demmba wiyi renndo ngoo e dow kelle garɗe! O hollitii kadi kaŋko alaa ko o woni hay huunde so yanta oo daranooki, sawndii-mo ena pawi-mo ɗo o woni hannde ɗoo. O toriima nde Allah teddinta kala beltotooɗo e golle makko haa teeŋti e arɓe e hiirde ndee.
Caggal nde o jaari arnooɓe, gaaci ɗii nduƴƴi e tuŋngo Aamadu NJaac gorko mo Madiina NJaacɓe! Baawo Siisoko daasi karlaaɗi kooraa mum, bawɗi piyi, Demmba Njaay toƴƴi welnde mum, hiirde hurmii tigi ndeke! So Alla alaa e baaruuji makko lolluɗi ngal o memaani ngam weltinde kala gonnooɗo e diŋiral ngal. o yimii kadi ndaananeeɓe naalaŋkooɓe arɓe tambitaade mo: Maalik Paate Soh, ummii ko haa Briksel ngam addude ballal mum e hiirde ndee. E diɗɗal ngal o ardi, ena seedaa heen Muusaa Joŋ, Muusaa Wan, Ablaay Sih, musidɓe e fiyoniiɓe makko. Maalik jah mo Boolumbal, Iisaa Dikel Cubbu, Usmaan Gaŋnge fof ngarii tawtoreede hiirde ndee. kamɓe kala ɓe ŋabbii e diŋiral ngal ngam weltinde piɗtaali arnooɓe e wallude Demmba NJaay e darnde mum. Ena teskaa kadi tawtoreede hiirde ndee Usmaan Sarr, hooreejo fedde Avomm, fedde daraniinde ɓesnguuji waraaɓe to leydi Muritani.
Gooto e sahaaji ɓurɗi welde e hiirde ndee woni nde fedde SDL noddi Mamma Talla ɓurɗo anndireede Cuks, yoo ŋabbu e diŋiral ngal. Cuks Talla wonii mawɗo fedde ndee hakke duuɓi jeenay! Fedde ndee noddiri-mo ko yoɓde mo ñaamgolluuje makko e sirŋinaare nde o holli ngam yoo fedde ndee tabit. Kelle poɓɓaa haa haaɗi, Cuks fiilaa wutte moolanaaɗo! Maamuudu Aaw, gardiiɗo fedde ndee hannde, fiilaama wutte joɗɗo timmuɗo sabu darnde mum. Ɗum fof ko SDL ena hokka wune ɓee worɓe tiiɗniiɓe e golle mayre. Awluɓe tawtoraaɓe ɓee ngulli, kelle kadi toɓi e hiirde ndee.
Ko sahnga miniwii baar battano oo fiyaa haa weli. Yimɓe ɓee kaftii poɓɓani Demmba NJaay e wallidiiɓe mum, haŋkadi puɗɗii yaltude diŋiral ngal. Hiirde ndee, so Alla welii, jirwii, amaama, wullaama, foɓɓaama!

Kuɗol Ibraahiima Saar


Image

Image

Image

Image

Image

Image


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 9 de 9 commentaires

YEEWTI...

Ecrit par: KATANTE LEÑOL KAN (Invit ) le 06-10-2009 19:15

Dingiral men veydiima yeewtude. Hannde ndee vernde Baaba Maal vuuvii , ngati o hevii wallidiive he felo jam ngo o yavvi. 
 
Demmba Njaay Nillaan wonanii hannde seede. Ndillaan , jokku golle , ko ngollataa koo ena hawrani renndo ngoo. 
on njaaraama

 

» Signaler ce commentaire l'administrateur

weltaare

Ecrit par: rougui sow (Invit ) le 06-10-2009 20:38

en calmini denndangaal renndo ngo ha teŋti e nalaŋke jontaaɗo jiɗɗo leñol mum jiɗɗo pina tawa mum hiirde nde waɗi fayiiɗa denndagaal fulfulde nde fof notitiima e kewal en mbeltaniima demmba njaay ndillan e golle makko joɗɗe ɗe oo waɗi e hiirde nde oon jaraama

 

» Signaler ce commentaire l'administrateur

a jaama e golle maa

Ecrit par: abuu jaan woromadiw (Invit ) le 07-10-2009 14:17

demmba njaay ajaaraama 6ayde ko hawru noo ton kala weltiima min mbiyat tan jokku golle s

 

» Signaler ce commentaire l'administrateur

MO WUURI VURA !

Ecrit par: MAMMADU SAYDU WOON MO LUGSEYBA (Invit ) le 07-10-2009 21:10

Sikke alaa NDILLAAN jeyaa hannde ko e naalankoove men vurden hevtinde.Fawaade e darnde mumen e faamde dumen gollal ngal kuufi ngal.Dum noon hayso en kevaani tawtoreede nyalawma oo sabu nyuvvireede nyalnde heen,eden mbiyamo yoo en mbattunii mo-wuuri e dow cellal ,vamtaare,e jaarugol yeeso lenyol ngol kala e kala dariido e nafoore maggol.

 

» Signaler ce commentaire l'administrateur

weltaare

Ecrit par: mammadu jah (Invit ) le 16-10-2009 16:49

yo Genno junnu mbalde,oto nganno ndagn sagomum e meeden.

 

» Signaler ce commentaire l'administrateur

weltaare

Ecrit par: ALIW KONTE (Invit ) le 21-10-2009 12:40

En mbeltiima no feewi e ndeedo hiirde wadnde faayiida,sabu demmba njaay ndillaandi ko naalaŋke mawdo e nder leñol fulbe,kadi onon banndirabe dañbe tawtoreede be,on njaaraama,ko dum woni ko nafata naalaŋke nawra dum yeeso,so yimbe nootaade hiirde mum,e soodde leppi mum.A jaaraama Ibiraahiima saar.

 

» Signaler ce commentaire l'administrateur

weltaare

Ecrit par: DIALLO (Invit ) le 01-11-2009 22:58

mi weltiima e hiirde Demmba njaay ndillaan he no feewi sanne mi tawtaraaka kono tawaabe cimtiniikam no yahri ;sabu paamen banndiraabe Demmba njaay ko ngenndiyanke,ko naalenke dariido potdo walleede haa no feewi sanne ;paamen ko hoodre e nder koode lenol men ,sabu fulbe mbiy nde pittataa galle janana ,fittu galle maa tawo,Demmbo yoo Geno nawruma yeeso rokku maa balde juutde e battande moyye aamiin yaa Rabbi

 

» Signaler ce commentaire l'administrateur

GENO KAM WAWI

Ecrit par: barry balobbo (Invit ) le 15-12-2009 20:36

fulbe ana gara lagni di fof paman ko fulbe ko genno hokkibe adouna e lahara min ko nawatakam ko fulbe senegal pechi , halpular toukoler peul toum fof ko politik pollo ko poullotan

 

» Signaler ce commentaire l'administrateur

ndillaan

Ecrit par: sileye ndongo kayhaydi (Invit ) le 25-12-2009 18:20

mi weltiima no feewi kono mi wayriima sehilam noddam

 

» Signaler ce commentaire l'administrateur

Affiche 9 de 9 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
YMX         GIW      
  8    3      W   1ND
EIC   1YE   XU5      
2      1      X   THU
WGD         RNY      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥