Lewlewal- 02/09/2009 E ñalawma Alet ɓennuɗo oo, Ndakaaru finiri ko fitina. E leegule keewɗe ko wayi no Ñaari Tali, Benne Tali, HLM, Kastoor, ekn, yimɓe njaltii e laabi ngam hollude mette mum en e ŋakkugol kuuraŋ e galleji mum en, tawo ndewaandi (joɓndi) maɓɓe meeɗaani ustaade… 

Maa won jooni lebbi limtinɗi, jayngol seeraani e ŋakkude e ndeer galleeji kañum e gollorɗe. Kono ɗuum fof e wayde noon, laamu nguu ƴettaade hay feere wootere ngam waylude ndeen aawaare : jaynge dañetaake, njoɓdi ustotaako.  

Ngam hollirde mette mum en, sukaaɓe, mawɓe, rewɓe e worɓe hoɗɓe e yoga e ɗee leegule njaltii ngam seppude e mbeddaaji. Hono no heewi wayde nih, wonaa majal yitere tawa markaaɓe laamu nguu ngiirtii seppo ngo sabu mum en yiɗde sarde seppooɓe ɓe.  

Polis heɓiino werlaade bommborɗe cuurki paɗɗooyi e ndeer toɓo kaaƴe seppooɓe ɓe. Hollitaama kadi won’de seppooɓe ɓe mbonnii werlaaji Dakaar Dem Dikk ɗiɗi e ndeer fitina mum en. 

Baŋ yoo baŋ, kala ɗo njahɗaa nanataa ko luukaali : « Yonii kuppiraaji kuuraŋ », « min tampii, min maayii ».   Oo ŋirni ŋirna hakkunde laamu e renndo ngoo waɗi ko hakkunde waktuuji 17 kikiiɗe e waktuuji 19 pamɗi hojomaaji seeɗa. Aamadu Joop kotɗo leegal Ñaari Tali e hollirde mette mum, wiyi : « gila koorka darii haa jooni kuuraŋ araani no haaniri nii, ñande kala ko ɓe entuɓe min. Ñameele amen fof mboni, hay ndiyam ɓuuɓu ɗam min mbaawa dañde ». Ko hono noon kadi Aminata Ñaan wiyiri : « min mbaɗaani seppo ngam bonnude, kono Alla e sago min kollira mette amen e ɗee caɗeele. Kuuraŋ arataa, ñaamde yakkiima, ndewaandi lewru fof ustaaki.. »

To leegal Hlm, seppo ngoo ko wooto, kono ko ɓeen ɓuri dartaade e yantude e wonɓe Garaa Dakaar. Gila laawol Ahmadu Bammba haa galleeji dow Hlm, diɗɗal yimɓe ko gootal :  wonaa kaaƴe, wonaa gulaali, wonaa ƴattooje ; mo woni fof kaaɗdi baawɗe mum.  « So ɗuum nattaani, min ndartintaa seppude jemma e ñalawma sabu ko min fellitɓe » e wiyde Al Hajji Bah,  tamɗo kaaƴe ina jiiloo markaaɓe laamu. Ko maa GMI en ngari , fodde sappo, nde seppo ngoo ɓuuɓi.

 E oo sahaa joom en gollorɗe fof nana ngoytoo sabu mum en waasde no liggorii gila e ñootooɓe, yeeyooɓe haa e fitiram gollooɓe, ekn. E kabaaru keɓaaɗo hannde, gardiiɗo jaagorgal kalfinaangal kuuraŋ ekn, hono Samiyel Ahmet Saar, hollirii yiɗde mum doƴƴude waalaare laamu nde (yaltude laamu nguu) kono Abdullaay Wad jaɓaani…Kono ɗuum fof e wayde noon, yimɓe ena e caɗeele kuuraŋ no feewi.  

Kuɗol Usmaan (Makka) Lih www.lewlewal.com

* * * * *Reentino e tummbitagol binndanɗe jaltooje e lowre Pulaagu.com * * * * *

Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...

ON NJAARAAMA FULƁE...

JAKKAA FULƁE

Ñiiɓirde Iimeel:
* Ena waɗɗii

---

Winndito

Momtito

---

Evaluation utilisateurs

   (0 vote)

Affiche 1 de 1 commentaires