 Lewlewal- 09/02/2009 Haa jooni hay dara laaɓaani e suɓngooji baɗɗi to e leydi Gaboŋ. Gila Al Hajji Umaar Boŋngoo ruttii e lewru Juin, ko jooni leydi Gaboŋ huccani woteeji mum. Fodde yimɓe sappo e njeetato (18) pooɗondirii lefol laamu Gaboŋ. Jooni ko tati keddii heen, mo woni kala wiyii ko kañum nawi raay: Aali Bonngo, Andere Mbaa Obame e Pieer Maambounndu…
Suɓjooji mbaɗaama ñande Alet 30 lewru juko 2009 e leydi Gaboŋ caggal nde hooreejo leydi ndii, hono, Al Hajji Umaar Bonngoo, ruttii e joom mum e lewru Juin 2009.Gila Alet haa jooni hay gooto anndaa nawɗo raay. Mo woni kala nana fiytoo ɓecce…kono tato e kandidaaji ɗii mbiyii ko kañum en nawi raay. Ɓeen ngoni: Aali Bonngo, Andere Mbaa Obame e Pieer Maambounndu…
Hay dara ñaawirdu leydi ndii haalaani heen tawo kono mo woni kala tupí hoore mum lefol laamu. Pieer Maambunndu hollirii nde Gaboŋ yontata waylude sawru mbaggu mum. Ko e saanga waktuuji 22h jemma ñannde Alet, o haaldi e jaayndiyaŋkooɓe ngam feññin’de nawde makko raay. Faustin Bukubi, koolaaɗo kuuɓal lannda « Parti Democratique mo Gaboŋ », PDG e les njiimaandi Aali Boŋngo, ɓiyi mum Umaar Boŋngo, saaktii to bannge mum won’de ko Aali foti laamaade sabu ko kanko butti ɗii suɓngooji. O haali ɗum ko waktuuji 3 caggal nde Piere saakti hawngo mum. Keddii ɗo oo, hono André Mba Obame, kañum ne ko e oon sahaa o holliri anniya makko jooɗaade e jappeere nde sabu mum gooŋɗin’de ko kañum suɓaa. E wiyde makko, ko kaŋko nawi raay e nder wuro laamorgo leydi Gaboŋ, ko foti no 40 %, temedere kala karte capanɗe nay. Haala maɓɓe : Andere Mbaa Obaam, gonnooɗo, jaagorgal kalfinaangal geɗe nder-nderiiji« E ko min keɓi ko e kabaruuji e ko min ndenndini e seedamfaagu, ko minen ndaɗi to woɗɗi. Waɗde ena laaɓi… » Piyeer Maambunndu, mo lannda « Union du peuple gabonais » (UPG) : « Bawɗi kesi tunngii, kesam-kesamaangu arii e leydi men… » Aali Ben Boŋngo, mo lannda PDG : « Hannde, ko kabaruuji laaɓɗi pos min keɓi e diiwanuuji Gaboŋ e caggal leydi ; ɗuum hollirii poolgu amen”Aali Boŋngo kaali ɗum ko e dow tawtoreede gardiiɗo jaagorɗe e dow kadi jaagorɗe keewɗe. Ko ɗoon o holliri ko kanko suɓaa hooreejo leydi. Ko e oo Alarba goonga oo jogori anndeede, kono e oo sahaa, Gaboŋ woni ko e faayre e so Allah waɗaani heen sutura mum, maa mettu, jibina fitina… Kuɗol Usmaan (Makka) Lih www.lewlewal.com
* * * * *Reentino e tummbitagol binndanɗe jaltooje e lowre Pulaagu.com * * * * *
 Jeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.
HELLO AMEN E FACEBOOK - Yantu e yiɗɓe Pulaagu.com to Facebook!
Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!
.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..
Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...
ON NJAARAAMA FULƁE...
|
|
|
(0 vote)
© 2001-2012 PULAAGU.COM - Tous droits réservés -
Jokkondiral: Tel: +33 977 218 258 - Fax: +33 981 706 575 - contact(at)pulaagu.com - Skype: PULAAGU.COM - PULAAGU.COM e Facebook