NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


RENNDO: Hol ko woni ngenndiyaŋke Pullo? Convertir en PDF Version imprimable Suggérer par mail
Dernière mise à jour : ( 16-08-2009 )
 

Ecrit par KATANTE LEÑOL KAN, le 16-08-2009 20:20

Pages vues : 22572    

Publié dans : Les News, Renndo


Image
Katante Leñol Kan

Mi salminii ngenndiyaŋkooɓe leñol Fulɓe winndere. Neɗɗo so wiyii haaltatah ko haalanoo, famɗat ko o haali. Heewɓe noon so kaalii huunde wootere, ena hollira ko ɗum joltuɗum ƴeeweede walla ƴeewteede. Njiɗ-mi feeñnin’de he ndee winndannde ko yiyannde am he ɓamtaare leñol Fulɓe nde ɓesngu mum daranii hannde fotde duuɓi limtinɗi he kala nokku.
Mi innirii winndannde ndee NGENNDIYAŊKE mbele mbaawen sarde miijtanɗe men he no neɗɗo wayata haa noddiree walla nootoroo ndee innde. Mi miijtike he ndee innde ko heewi kadi mi yeewtidii e heewɓe mbele ko janngude, janngin’de, yimde, amade, fiɓnde, ngonka, yarlitaare jawdi mum walla doole e ganndal mum waɗata neɗɗo ngenndiyaŋke walla ko holi ɗuum?

 

Ceerno Murtuɗo Joob wiyii: Innde ngenndi ndee ena joganaa fotde firooji 500, kono ɓuri heen teeŋtude ko: Diine, Ɗemngal, Pinal e leydi. O hollitii ko daraniiɗo wuurnude ɗee jaale tawa ana wuurdi heen nuunɗal woni ngenndiyaŋke jonɗo. Ceerno Saydu Mbac wiyii: Ngenndiyaŋke e lonngereyaŋke ngonah gootum. Ngenndiyaŋke ko naŋtiiɗo he ko mum haa tiiɗi, woppi ko jananɓe haa laaɓi, o jaɓi nuunɗude he ko o renndaa. Ceerno Kaaliidu Kah hollitii: haanaani tan kala binnduɗo hay so yimre wootere wiyee ko ngenndiyaŋke mawɗo. O jokki heen so tawii nootortooɓe ndee innde ɓee fof ngenndiyaŋkaagal mum en ena selli, ena haawi mo holi ko haɗi leñol ngol diwa ɗo yahrata ɗoo. Mbiyen tan ndee innde yaajii he men kono aɗen kaani ƴeewtaade mbele wonah inɗe 3 njiiɓondiri he jili (hakkillaaji) men. Ɗeen ngoni Lonngereyaŋke, Enndiyaŋke e Ngenndiyaŋke.
Mi fira mbele ɓeydoo laaɓde: Lonngereyaŋke ko darodiiɗo e ummaniiɓe ɓamtaare Pulaagu tawa fayndaare mum suuɗiinde ko yiylaade nafoore mum heeriinde. Enndiyaŋke ko meeɗnooɗo daraade haa teskaa, o saayiri huunde wodnde. Golle makko ndartii kono o jaɓaani laaɓnan’de renndo makko, o jokki tan he nootoraade ndeen innde. Ngenndiyaŋke so ngonka mum ɓetaama ena tolnondira e biyateeɗo
“ MUHSINU ” woni moƴƴinɗo to senngo Islaam.
So en etiima yernude darnde men ndee e Islaam, maa en njiy toon won’de yimɓe peccii ko pecce 6:
1-Keefeero (jedduɗo goodal Geno e caliiɗo rewde mo)
2-Magɗo ( tagɗo) huunde mum, o waɗti ɗum deweteeɗo
3-Jom deftere, woni dewnooɗo Annibi ɓennuɗo, o salii rewde e jontaaɗo
4-Puuyɗo, woni doŋkuɗo faamde hakkunde jiyanɗe ɗee, o felliti joñaade
5-Juulɗo, dewindiiɗo ñaawooje Geno, o daranii siynude ɗum en fotde baawal
6-Baɗoowo golle juulɗo tawa ana suuɗi yeddere Geno e golle bonɗe
So en ndebboyii he tewru ngoo maayo, maa en njiytu toon no neɗɗo wayata haa o haan’da e innde ngenndiyaŋke ndee. Kala renndo woni heen ko yahooɓe e ɗoftooɓe, ko neɗɗo tan anndi to nder mum holi heen to jeyaa. Ɓamtaare leñol waɗi ko doge keewɗe, gooto kala ana haani laaɓnude bannge heedi, mbele ko yonti kala ngannden potɗo laaɓndeede. Ɓesngu men heɓii hannde inɗe keewɗe tawa ɗe njoofantoo en ko teskin’gol daragol joom en majje. Ndokken yeru: Murtuɗo , Gelongal Fuuta, Gelongal Bah, Boobo ngenndi, Hoore haaloore, Maccuɗo pulaar, Lek, Ngatamaare, Ganniyaniiɗo Peewal gannde, Hoodere Pulaar, Ɓiyngel Yumma, Feetere jayngol, Daande leñol, Daande boolumbal, Welnere, Fuɗnaange looti, Ndillaan, Tinndinoore fuuta, Lasli Fuuta, Jibinannde Fuuta e Katante leñol…
Mi limtidaani inɗe ngenndiyaŋkooɓe, Naalaŋkooɓe e pelle keewɗe ganndaaɗe he weeyo ɓamtaare Pulaar, kono banndiraaɓe mbele ɗee inɗe kala ana njokki gollaade ko saabinoo haa ɗe ngoodaa. So tawii jabawol mum ko eey, mbele njeñcudi darnde ndee fuɗɗiima faweede gite? So tawii jaabawol ngol ko alaa, holi ko ngannduɗen walla cikkuɗen ko haɗi ɗum e holi safaara mum hannde?
Ɗemngal Pulaar woniino he yooro ngam caɗeele ceergol alkule, leñol jumpii he anndude innde mum heeriinde, pelle leyɗe Fulɓe e ɗanniiɓe luutondiriino jiyɗe e dawrugol, celluka jannguɓe Aarabere e jannguɓe Farayseere ndoŋki hawrude he mbaydi ngootiri haa miijo Tbital Pulaaku winndere siynaa he yoga to Fulɓe jeyaa e to ɗannii, ɗuum kadi jibini ŋuttu-ŋuttu to nder leylɗe haa boowal.

Enɗe taƴii he nokkuuje keewɗe, kareeli limtinii hakkunde pelle dentunooɗe. mbiyen kadi mbele ngaal dental waɗii ko sosiranoo walla alaa. Jaabawol ngol so eey, kaalen ko waɗaa, nde waɗaa e holi to ɗuum waɗaa? so tawii jaabawol ngol ko alaa, mbele ŋakkannde ndee woni ko he ardiiɓe ɓee walla ko ardaaɓe ɓee e kori wonah payndale woon he yimɓe heeriiɓe ngaddi higgu e niɓɓere haa bompilo goonga e nuunɗal huurii he gite ɓeen ɓe ngoƴa leñol ngol wonani no ƴiiƴam ndogojam he ɓadli mum en kala tuma, nokku e ngonka?
Ɓesngu pulaagu sariima he laamuuji Afri haa he leyɗe uujo, annduɓe men ndoondiima gannde e humpito haa teddi, seernaaɓe men moɗii “mudawwan”Naalaŋkooɓe men njeewtii dingire winndere, mbiruuji men keelnii to bawɗi, yontaaɓe men tuddinii he teeruuji, ngenndiyaŋkooɓe heewɓe ngabbiima jawdi, rewɓe men naatii he kesam hesaagu aduna, alɗuɓe men cukkinii mahateeri gure teeru, yelotooɓe men loggii ɗemɗe, borjoŋeeɓe men lohiima janane, awluɓe men ngabbiima uujo haa njooɗorii, ñeeñɓe men ngontii ndooyolɓe he gollorɗi tuubakooɓe, kono aɗen njananaa hay so konu nguu ñaaɗii, en mbaasaani haaltooɓe. Won ɓe ŋoŋaani, njammaani, kodaaki tawi ko fellitanɓe darnde he dow nuunɗal e yarlitaare nde ŋakkaani. En naatii kadi yonta gannde kese: Noddirɗe, cinnde, ayaawo, ngaadiyaŋke, kaalirɗe, jaayɗe, jahdigel naange, haatumeere hitaande, bifireɗe, itorɗe, fitirlaaji, leppi keɗki, leppi ayaawo, laaɗe diwooje, laaɗe nder lesɗe, laaɗe gurbuɗe maaje e tuddunde yiiryiirnde  (Enternet).
Annduɓe e haralleeɓe men mbaɗanii en kaalirɗe e jeewte guurɗe to seneweb e to lowe “ SITUUJI ” ko wayi no Dingiral Fulɓe, Pulaagu.com, Yaakaare.com, Mbiimi.com, FƁP Muritani, Kawtal janngooɓe pulaar keer, Peeral.com, FPU-Georqia, Ɓantal pulaar ostaraliy, Jam tan, Tabital pulaaku.fr, Foutaweb.com, ARGA USA, Haal-pulaar.com, Fulfulde.com, Dental pulaar, Baabaaɓe looti, Pulaar-soeakng Association, Tufnde pulaar Haymedaat, Kawtal janngooɓe Pulaar, Dental Fulɓe kanadaa.com…
Ɗee lowe e Blogaaji ɗi godɗi ɗi  en limtaani ɗii kala ko ɓesngu men lattini ɗum en he kolangal humpito adunayaŋkeewo.

Mi arta kadi he wiyde mbele jooni ko fari gollorɗe e gollooɓe ngon’duɗen. So alaa, holi ko haɗi en diwtude ɗo yahratee ɗoo, so eey, mbele ɓee dariiɓe won ko soomii he darɗe mum en ko en nganndah? En ceernaani he woytaade rafi dental ɓesngu Pulaagu, kono mbele en njaw ko rentaa koo walla rentuɓe ɓee ko ko ngoorti jaɓɓal mum en gonnongal ngooroonde ngootaagu men.
Caggal nde njumpu mi he ɗii beeli, pete e ceeweele nguurndam men, maa mi eto tottirde miijo am raɓɓo ngo njooɗtorii mi ena waawa waɗdeede e ɗi mon haa njottoɗen fayndaare men ko leelaani:
Yontii nde kala pellitɗo hollirta hoore mum, o woodnira golloraade nuunɗal, o waatira hodo to nder e boowal ɓamtaare leñol Fulɓe. Kala gollanoowo leñol ngol, yo o yiɗan hono makko ko o yiɗani hoore makko koo to wune, teddungal, innde, ngalu faayiida e kisal. Kala nannduɓe golle, yoo mbaɗtondir hakkillaaji, gooto kala goongɗina darnde keddiiɗo , tawa omo wostondiree peeje e miijooji ɓamtooji.
Gooto kala yoo yaltin baawal mum he senngo ngo yahri, o nuunɗana heddiiɓe he ko Geno feccani ɗum en to bannge ganndal e geɗal. Hoto njawen hay gooto, kadi hoto mawnikinoɗen hakkundunde men walla e leƴƴi ɗi koɗduɗen tawi mbonnanaani en.Pelliten he ko ngonɗe, cuusen, ngollen hay so aɗen mbaasa heen ko njiɗnoɗen he giɗli keeriiɗi walla nafooje.
Hoto njawen golle dariiɓe ɓee, haa noddiren leñol men ngonka ɓe ndaraaki, cemmbinɓe gollooɓe, njokken he noddude jattiniiɓe men.
Hoto golle hoɗdiiɓe keew gite men haa cewen jeese he ngenndiije men.
Banndiraaɓe, ngaddee jiyɗe mon, njaaboɗon laaɓnde ɗee, mbele so nafoore ena heen, kuwtoroɗen. Ngaccanon mi hakke, nganndon ko enen ndenndi ngoƴa, etee gooto kala addata heen ko hakke hakkille mum. On njaaraama

Kuɗol Katante leñol Kan mo Aañam Yeroyaaɓe

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 18 de 18 commentaires

NJETTOOR

Ecrit par: JIBI S KEBE (Invit ) le 17-08-2009 00:59

en njettii ceerno men mawɗo men, katante leñol, e winndande maa wannde faayiida,tawii waynii ko hoore hiss nde,yoo alla 6eydu baɗe e baawɗe, njokkee golle

 

» Signaler ce commentaire l'administrateur

haala ka ene wadi faayiide

Ecrit par: bassoum (Invit ) le 17-08-2009 13:14

caggal yettude alla e juulde e nelaadu allah s a w m) emin njetta on eminjaarnoo on emin biya yon jokku golle so duum yaw ti ko faati eko hadi pulaar diwde do miindey mbi yammi ko allah hadi pulaagu diwde do sabu kantee6e tinniima kaaddi tinnaare googa noon wonko magki kono hayi duumne ko alla de wonno kagko alla kagko woni baawdo timminde kala huude enen noon en mbaawa en nge toto tan ko al muudo mon souleymane r... bassoum to thilogne gondo dakar oo saha wossalaam

 

» Signaler ce commentaire l'administrateur

katante yoo alla sellin doole maa

Ecrit par: abuu jaan (Invit ) le 18-08-2009 01:49

katante lenyol ko adii fof mbodo salmin maa salmi naandu ndu nukkumi do 6uri woddudi nder fittaandu am faade maa an katante lenyol e golle maa edarnde maa eko faatee lenyol ngol yoo alla rekke yim6e 6ee paama ko njiddaa halde koo sabu min hoore am cikkumi winndan nde ko enen halpulaar en enen wiyoo6e kenngenndi yankoo enen poti tiin naade enen poti yew tiddi enen poti walla ndirdi enen poti yurmi ndirdi katante lenyol nii yoo jokku woto wayru min min njidaa mbayraa min yoo jamwaala so waali yoo jallu so nyalli yoo hir

 

» Signaler ce commentaire l'administrateur

hol ko woni ngenndiyaŋke Pullo ?

Ecrit par: Abdul Amadu Kelli (Invit ) le 18-08-2009 12:08

Ko adii fof,ko duwawuuji men teeŋtuɗi,kuuɓtodinɗi,feewd e e Jom ɗee Lowe e wanngiyaŋkooɓe majje tedduɓe!ko noon kadi ndeldirten duwaaw keeriiɗo,feewde e Musiɗɗo men,Ceerno Katante Leñol ngol,eɗen ñaagoo yoo Geno ɓeydu baawal ngal,huɓɓa pooye ɗee ko juuti! Ceerno Katante!anndu kam ko ngaanumma ɓeydanɗaa min!sabu a woppanaani min hay seeɗa ɗo min miijorii,fof a addii,wiɗto ngoo timmii,miijo ngoo yettiima,alah ko ŋakki heen so wonah :ko min ɓooro,min naŋtoo e ɗii jikkuuji kaalaaɗi ɗoo,ngam wallitde e mahngo ngo ngonɗon e dow mum ngoo,ene anndaa noon geɗel gootel,ne ŋakkiri en,ngeel woni:mbaadidental en cuwaa tawo waawde ɗum,kadi ne Neɗɗo waawaa sellinde Ngenndiyaŋkaagal mum,tawa o wonaa ñootiyaŋke,Ngenndiyaŋke ko ñootoowo patareeje Leñol,waɗta ɗum en suddaare ɓesngu mum,firti ko njooɓaari makko mawndi,foti wonde ko muñal,e maslude,tawa noon yiɗde hoyre mum ne heedataa caggal,sabu mo yiɗaani hoyre mum,waawaa yiɗande Leñol mum!tee mo yiɗaa hoore mum,yiɗaani Leñol mum, wonataa NGenndiyaŋke,sabu nde Neɗɗo waawata daranaade Ngenndi,ko maa waawana Leñol,tee nde Neɗɗo waawata daranaade Leñol,ko maa wawa daranaade Hoyre mum,ndeke noon,ardii e ndee Innde ko yiɗde hoyre mum,yiɗana Leñol mum,nde waawa naatande e roondaade Ngenndi mum!miin nii e miijo am raɓɓo,miɗo haawaa hol no Neɗɗo teeɗanortoo roondaade Ngenndi,tawa ene yejjiti hoyre mum e Leñol mum. 
Musiɗɗo Katante waɗii gollal mawngal,o udditanii en damal jaajngal,ɗo moni kala waawi fuybaade,lummoo,haa hortoo tawa joofoyaani...heddii tan ko eɗen ñaagoo Geno jom baɗe e baawɗe oo,yoo waɗ en nanooɓe,nangol jaɓde,gollirooɓe ko nanikoo,no ene moƴƴira!.mi yettii Saarel e karallaagal ngal,yoo juut ɓooya!.

 

» Signaler ce commentaire l'administrateur

jaarnaade

Ecrit par: muaze aaw (Invit ) le 18-08-2009 18:58

andu weltaare am xo tolnii xoo eko layxaa xoo ko ko miin tan e ALLA gandi xum kono tan haa wonve les saha e saha e saha fof amin katojina e hono xiixoo hallullaaji amin cokli xeexoo binndanxe e kala saha yoo balxe njuut battande moyya ko almudel mon aaw muaze bookaar to kaay leydi maali

 

» Signaler ce commentaire l'administrateur

Miijo ngenndi

Ecrit par: ALIW KONTE (Invit ) le 19-08-2009 13:28

A jaaraama kan,A jaaraama saar,mbido wiya katante leñol,padanoodo e lummbulugal,so yettiima yoo laana duñ,mbido sikki a faamii,jaabaade naamnde maa de mbeebaani,addude miijo,e dow miijo ma kadi weebaani,kono kadi ina moyyi,so ganndo haalii jaabe, ko naamndidaa e ngenndiyaŋke ko,haal pulaar en,ina keewi huutoraade konngol yaŋke,ko buri heewde e golle mumen,yeru haali yaŋke,winndi yaŋke,yimi yaŋke,danni yaŋke, ekn,dee gede,e ko wonaa dee,ko maa woodaniibe dum,nde ndokkee ndee innde,ngenndi kodo yimbe ndenndi,jogii njubbudi memen timmundi,woni demngal,e aadaaji moyyu,e laawol dewirteengol alla (diine)e daartol,e gure tabitde,ekn,so dee gede timmi,nokku o wonii ngenndi, dariido e dee gede,no timmiri,no bamtorii,no yaariri yeeso,jarlitiido doole mum,yiiyam mum,warñeende mum,ganndal mum,ina nodda ina nootee,so noddaama ina nooto,e bamtaare dee gede,jom muñal timmungal,e sikkam ko baadonii woni ngenndi yaŋke, ko nafata ngenndi yaŋke booya e darnde mum,ko yimbebe ngannda,dum jeyaa koy golle makko burde teeŋtude,omo foti wuurde heen,o wada heen galle,soo ñawii o safroo heen,kalado hiirde wadaa,so omo tawaa,wooda koo tottaa heen,soo winndii defte,yoo yeeye njeeygu moyyu,wooda koo dañi heen,soo wadii leppi haala,so jimdi mum,walla daari mum,walla jeewte mum,yoo feewne haa feewa, yeeyee,waasa wadeede faltifiyee, inde daraniibe leñol ngol,eey habe njokki gollaade,kadi golle mabbe peeñi, nafoore mum yiyaama,woni yimoobebe,e wadoobe magooji be,kambe fof,darnde mabbe yoodii, ko muusimi heen tan,ko leñol ngol wallaanibe,sabu yiidemi e leydee leydeele,de ngommi e danngal,so be mbadii kasetaaji ngarii ina yeeye,wooda e yimbe he, ngara cooda kaset gooto,mbattoyaa ko buri 100 kaset,yee dum coggu maayngu,tawa baddo kaset o dañataa heen,kasetaaji mabbe di,natta soodeede,be waasa dañde heen haydara,in usta softeende joomum njogiino,leñol ngol foti ko saalaade duum,-

 

» Signaler ce commentaire l'administrateur

Miijo ngenndi

Ecrit par: ALIW KONTE (Invit ) le 20-08-2009 00:31

dum wadanee hadde,e habanaade dum,mbele golle mabbe de,ina njaara yeeso, sabu golle mabbe de,so maŋkii e leñol,ko heewi majjat,wontaa yiite,ko kammbe njogii pinal ngal,ko kambe njaaññata demngal ngal,e nder Aduna he, ndeen nafoore en njii dum, Tabital pulaagu,mbele ngal dental wadii ko sosirano,ngal wadaani tawo,mbele ko rafi golloobe,e gollorde hadi en yahde,waasde en gollorde ina jeyaa heen,sabu gila leñol ngol, fuddii gollaade faade jooni,alaa fof do tinmi,do leñol ngol jogii galle mahaado, kala ko leñol ngol ina sokla,tawa inay e nder maakko,ko wayno masiŋaaji muulooji defte,e kamaraaji pilmooji ko yaadata hannde e aduna o,teleeji e rajooji,caaktooji kabaruuji men,e demngal pulaar tawa ina nder,nate mawbe men,e defte ceerembe men,e fetelaaji jaambareeebe men,eko sukaabe njogotono sahaa nde yonti pijirlooji men,tawa ina nder,demngal e pinal so ina golle, moyyi ko yaltinee,e teleeji e rajooji,Aduna o yiya naftoroo,leñol anndee, bamtoo e dow duum,saa yeewii hannde,won e leydeele men,fotde yontere tawa njiyata ko naalaŋke gooto walla dido,haal pulaar ina yalti e tele,mi haalaani daarol,mi haali faggudu,mi haalani jukku,mi haalaani aada,mi haalaani pinal,dum kay meedaani yaltude e tele,dum so maŋkii e leñol ko rafi mawdo,a naamndiima,mbele bee dariibe,wonko soomii e darnde mabbe, ko en nganndaa,eden nganndi kay,soomii e darnde mabbe,ko waasdebe nanondirde,e winndannde maa he,a haalii heen pelbondiral Alkulle, janngube Arab e janngube farayse,ngaal pelbondiral nan doon jooni,sabu mbinndiin o ina maŋki won'de gootum,nde tabital pulaagu sosote,pelbungu muudum ina heddii haajooni,to leydi france,to ngondaa too,kawtal wadi ko pecce didi,wadi yahbe,wadi heddiibe,haa jooni on kawraani,pelle senegaal ko noon,muritani ko noon,mali e hoore mum ko noon,wondo kaaldaa e binndande ma,mbiidaa nde murtudo naati france,kaalda konngol fulbe,o mummi o wii omo fiimaa hello, ko waasde on nanondirde addi dum,so anndu be leñol nano ndiraani,leñol yaawataa bamtaade,mbaaccode koye mon, e non

 

» Signaler ce commentaire l'administrateur

ngenndiyanke

Ecrit par: Aamadu Deh (Boobo Ngenndi) (Invit ) le 20-08-2009 09:10

ko ŋdii fof Gorko YEROYAAƁE a yettaama kadi he ndee winndannde, 
mi hokkiino heen miijo am juutngo gila ñande ndee winndannde kono waɗii caɗeelɗ seeɗa miijo ngoo jolaani, hannde mi yaajaaka kono m etoo reftude heen seeɗa, e no njyrumi ngenndiyaŋkaagal ina ommbondiri e islaamiyaŋkaagal, 
yeru; ko waɗata neɗɗo diiniyaŋke koo, ko ɗuum waɗata ɗum ngenndiyaŋke 
sabu a waawataa wonde diiniyaŋke timmuɗo taw won juulɗo mo ngañɗaa he nder ɓernde maa, ko noon kadi a waawa wonde ngenndiyaŋke taw won ngenndiyaŋke mo ngañɗaa he ɓernde maa, heddii noon hannde e ñalawma ngonɗen kaa innde ngenndiyaŋke ndee won he seŋngo nde jogii ko yeru innde jontaaɗo e kaa sahaa, sabi ɓoorniiɗo paasaaɗi wiyete ko jontaaɗo, joom naage ko noon, noppi mon hay nobaaɗo rewɓe noddirtee ko jontaaɗo, heddii noon to baŋngal inɗe ɓaasiiɗe e ngenndiyaŋkaagal ɗee, won heen ko joom mum en nginniri ko'e mum en, won heen kadi ko woɗɓe nginniriɓe ɗe, 
mbele noon inniraaɓe ɗe ɓee, e innirɓe koye mum en ɓee mo kala ina etii jogaade mbaydi nootaade indde mum ngaal naamndal jaabowol mumu ko yowre, 
 
welii kam noon naamndal maa holko woni rafi men. so yaajeende woodii ma en eto tummbitde ndee lowre. seydi Kan yoo Geno sellin doole

 

» Signaler ce commentaire l'administrateur

binndoowo

Ecrit par: Sayku Umar BAH (Invit ) le 20-08-2009 14:04

Sehil am Katante Lenyol nan ɗoo jolnami e tufnde, nde welaani jolde, sabu anndude mi won'de hannde won naftooɓe ngenndiyankaagal e naftortooɓe ngenndiyankaagal. Heddii tan ko e miijo am ɓe Ceerno Ibraahiima limti ɗoo ɓee fof, e miijo am ko ngenndiyankooɓe. heddoo noon, joomum womtana ɗum, walla waasa wumtan'de ɗum. Kono, hay innde fedde won'de e Pulaar ko e hare jeyaa. Enen ngenndyankooɓe, kala ko mbaawno ɗen en mbaɗii. Hootortooɓe Pulaar ɓee ne kala ko ngollunoɗen, kuutoriima ɗum. Nattiima defte men njeeyii, piiltiima leppi men, njeeyii nyaami. Kono ɓeen na mbaawi yaafeede, sabu, hay so tawwii no haaju maɓɓe ko kaalis, ɓe caranii en miijooji men. Kadi ko baasal addatanta neɗɗo waɗde ɗum. Wonni ɓe nafaani Pulaar kay, ko dawriyankooɓe men, arooɓe e men, njetta Pulaar, Ndumtoo en Nenna Pulaar.  
Dawriyankooɓe men, ɓe kaɓantaake ko minyi men Aliw konte haali, yoo" pine men, daarti men, ganni men e mogooji men njoltu e rajo, njalta e tele.  
Dawriyankooɓe men yahooɓe haa gure men kaalda e men e ɗemɗe goɗɗe, fof tan ngam reende poostooji mum en, ɗi ngalaa ko nafi lenyol. Banndiraaɓe, baawɗo fof yoo haɓoroɓe bannge. Kala mo nataani lenyol ngol, woto wootane.  
Jaasi kay ko ɓe mbaɗantaa lenyol hay dara, tee ko bonnitooɓe kala haɓateeɓe ɗum. Jontaaɗo ko baɗɗɗo huunde teskinnde e yonta mum, wonaa wutte jooɗɗo.  
So joomiraaɗo fodi, maa en njaajnoyo heen e ko arata. Katante Lenyol Jaaraama e udditan'de en ngal damal

 

» Signaler ce commentaire l'administrateur

Miijo ngenndi

Ecrit par: ALIW KONTE (Invit ) le 21-08-2009 00:12

haajooni ko Aliw konte jokki miijo mum,sabu roŋkude en, yoo hejju e winndannde wootere,mbadden binndande tati,ngam yidde jaabaade,e fotde ko paamden,e miijo oo ganndo,woni katanet leñol,A wiy en ceeraani e woyde, mbele en njaw ko rentaa ko,walla rentubebe mbaylu jabbal,Alaa en njawaani darnde rentube,wadi en woyde,ko anndude en,ko ganndo e galo e laamdo,poti wallo ndirde e leñol,demngal yaawa bamtaade,hannde njiiden tan ko won e anndube,heddiibe en njiyaani,en njiyaani aldube e darnde leñol ngol,en njiyaani laambe,e darnde leñol ngol,hay onon hatanteebe dariibebe,kala e mon,dañyo palasel to bannge laamu,nattii yiyeede, e darnde leñol ngol,etee won e laambe leydeele men,ndarii koy yidde njifde demngal ngal,sobe njiyi dariido e ina daranii leñol ngol,be njidata ko fuuntude dum,be ndokka dum palasel,be mbiya dum deyyu hoto haal,tijjaani aan woyaniino duum leñol ngol,o wiy maataw joomum wiyata so haali palaas muudum ina bona,bojji men, ko haajooni, won be paamaani,nafoore janngude demngal leñol muudum,ina ngoppi ko mumen,ina paarnorii ko wodbe,ina ngoppi mbiimi e wiimaani,ina naŋtii,e yahni,e kuwaa,e mane,e sigi,ina yurmini,ina hersinii,kadi ina woynii,holno potden wadde,haa bura do njahreten do,podden ko beydude noddondirde e nootondirde e fewjidde e nanondirde e janngude e jannginde demngal pulaar,podden ko renndinde kaalisaaji,mbele mbaawen dañje kabirde,baawooje newnan'de en,e golle he,galleji moyyi ndañee,tawa kala ko leñol ngol sokli so yiilaama ina yiitee toon,ngonen yarlitaniibe leñol ngol e kalakala meeden,ngoppen miin miin,mawnikinaare waasa rewde e men,njidondiren koolondire njurmondiren mballondiren e bamtaare leñol men,gardinen anniya,ndewnen heen pellital,mballitoroden muñal timmungal,tawa ina won'di e nehdi,e nuundal kuubtidinngal neddaagu fof, so eden ngardina yeewen ganndo nuundudo, baawdo ardaade,ardoo en,njaben heedde caggal muudum,soo yontii iwde,yoo itte,goddo lomtoomo,ñaago den heen Alla ballal timmungal,yeewen hoto yolnde yaabebe feeñ e leñol he

 

» Signaler ce commentaire l'administrateur

banndiraa6e teddu6e on njaaraama

Ecrit par: kulibali hammadi tahara (Invit ) le 21-08-2009 22:17

ceerno katante lenyol miin mbeltinimaama nofeewi he ngoo miijo sikke ala soko ceerno katante lenyol weddiima ngoo miijo ina poti zum la66an de sabu pulaar wi'ii ko tawaazo wolde la6aa jangu wadde so ceerno oo winndii ko feewti he ngenndiyankoo6e ina poti zun la66annde ceerno katante lenyol ezen ganndi hono makko we6aani he ngenndiyankoo6e 6ur6e daranaade pulaar 6ee o mo heen jeyaa yoo geno hebbin hono makko en on njaaraama kuzol hammadi zahara kulibali mo hoorenyiiwa mali

 

» Signaler ce commentaire l'administrateur

aawdi fuuta

Ecrit par: koundio (Invit ) le 25-08-2009 12:46

Caggal yettude geno e juulde e burnaado winndere muhammadu yoo jam e kisal Won e makko. 
Mbodo yetta hatanteebe lenol dariibe jamma e nalawma ,ubbidde e wirnidde birniidi lenol ngol. 
Tawi kadi ko gollude golle de majjata maayata ; deen golle ngoni binndol 
ina boni e gite ina muusi e keeci tawi kadi tampere nde haalaaka. 
Mbodo naago kala wittiyanke nde duwanto bee do winndoobe ngal do demngal ngam hebbitaade ngol do lenol . 
Miin mi naagiima jeydo en yoo o juunnu ngardam o wadana mojjere kala golloowo ; haa teegti e golla noowo lenol fulbe. 
 
Ceerno - kunnjo: 
On njaaraama.

 

» Signaler ce commentaire l'administrateur

katante Leñol, mi saddii ma laafa barke

Ecrit par: almuudo.ngay (Membre ) le 28-08-2009 20:51

kuzol maa yoozii, golle zee kaantii, alaa fof ko wattetee heen so wonaa alhamdu lillaahi... wollaahi feewii 
Almuudo Ngay (alaa teew saka xiixam; lappotaako woppotaako)

 

» Signaler ce commentaire l'administrateur

la'al yiitii mbedu mum:

Ecrit par: Mouhamadou FADEL (Invit ) le 30-08-2009 10:08

Demngal kudol Mouhamadou FADEL gollotoodo he radio CMC KOUNGHEUL 92.1 FM.Faade he Katante leñol o haalii haalakaa te o haaldiika heddiidoo tan ko yimbe tabintina ngetoo si'nu ji'ande mum de sbu ko'o jiidudo ellaaji dii te mido sikki innde o rokki ndee ngenndiyannke hayhuunde memtetaake heen. 
Sabu hay Jbi S KEBE KO DUM O HOLLITI 
onnjaaraama .

 

» Signaler ce commentaire l'administrateur

bamtaare leñol :

Ecrit par: Mouhamadou FADEL (Invit ) le 30-08-2009 10:19

jibi s kebe ko o wi'i koo ngaadi katante leñol ina selli ko goonga celludo mbo yeddotaako! 
ko dum njidnoomi heen beydidde 
On- njaaaaaaaaaaaaaaaaaaaaaaaaRaaa aaaaaaaaaaaaaaaaaaama. 
Mouhamadou FADEL ANIMATEUR RADIO KOUNGHEUL.

 

» Signaler ce commentaire l'administrateur

Mbanndam en on njaaraama

Ecrit par: Aminata Dia (Invit ) le 30-08-2009 15:04

A jaaraama katante leñol a haali ngoonga baawɗo fiyata ko e ɗuure so woofii dajjita laalaaɗe hoore ɗum ne anndu haala maa ka ina waɗi faayiida no feewi e tuugnaade e konngol ngol kuutoriɗa e winndande he hono Ngenndiyanke wonde ngenndiyanke ko huunde satunnde no feewi; nde wonnoo ngenndiyankaangal feɗɗata ko e ɓernde saroo e ƴiiƴam tabita e golle e balle joomum. 
Ngendiyanke ko mo ɓamtaare leñol ɓurani kala huunde ko ngenndiyanke hollata leniol ɗo rewata , ɗo darotoo ; ko kam siftinta ko ɓenni kadi waajotoo e sahaa gonaaɗo jeetinta ko fayi arde  
Haa hannde miɗo jogii njettoor fayde e ngenndiyankooɗe leniol ngol nde wonnoo sabu wondeɓe nanngitiiɓe e neɗɗaangal haa tiiɗi ɓe ngoynaani kornaani pulaagu jogiiɓe ngoƴa e no ngenndi men ɓamtortoo gila to bannge dimaagu ɗemngal pinal e faggudu haa to diine  
E huccotinde e banndiraaɓe am ɓe ndenndumi ngoƴa nde ndaratoo mballa ngenndiyankooɓe men mbele miijooji maɓɓe ɓi ina njumta nafrotee e nder aduno he fof , ɗuum ina noddi nde joomum en mballetee e miijooji moƴƴi e ngalu haa e cemmbingol golle maɓɓe  
Kadi ina haani kolliten ngenndiyankooɓe men ballal men e yiɗde men gila e nguurndam hade maayde jolde wonan en nimsa sabu nguurndam ko ndonngal koko rootetee. 
On njaaraama miɗo ñaagiima yaafuyo e kala pargitte. 
Yo Alla wallu en e jottinde faaydaare men yaa barke Alla e nulaaɗo mum S A W S.

 

» Signaler ce commentaire l'administrateur

Njettoor.

Ecrit par: Usmaan Bah (Invit ) le 01-09-2009 18:19

On njaaraama caggal zuum ko hollude tan so seernaa6e 6ee ina mbazana yim6e 6ee ze jeewte; alaa ko 6uri zum!

 

» Signaler ce commentaire l'administrateur

koonigke lenol burdo lollide hammaat jah

Ecrit par: hammaat (Invit ) le 28-08-2010 23:01

ceerno am ko gido ma hammaat jah to cilon dudal ceerno yaayaa kamara mbodo yidi njokkondiren no feewi yoo wuur pulaar bamto fulfulde

 

» Signaler ce commentaire l'administrateur

Affiche 18 de 18 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
HFE         BTA      
  A    4    5 H   WGB
WRL   XA1   9JI      
I      T      P   LX8
SLS         J9G      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥