NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


DD AMERIK - AFRIK: Hol ko waɗi Obamaa suɓii Ganaa e go'o njillu mum e leyɗeele ɓaleeɓe? Convertir en PDF Version imprimable Suggérer par mail
Dernière mise à jour : ( 15-07-2009 )
 

Ecrit par IBRAHIMA SARR, le 15-07-2009 08:52

Pages vues : 6279    

Publié dans : Les News, Dawrugol


ImageMbaylaari ndi Barak Obamaa addaninoo Ameriknaaɓe e aduna oo kala fuɗɗiima yiyeede. Caggal nde George Bush woppidi-mo e uube mawɗe, jayɗi kuɓɓaaɗi ɗi ñifaaka, fitinaaji gulɗi caakiiɗi baŋ-yoo-baŋ, Barak Obama, laamɗo Dowlaaji Dentuɗi Amerik woni ko e artirde dawrugol leydi mum e sunna jotondiral hakkunde leyɗeele. Wolaandu makko to Keer e lewru Korse hurminii jotondiral kesal hakkunde Amerik e leyɗeele Aarabeeɓe. Kono ko fadanoo ɗii lebbi kala ko njillu makko e Afrik ɓaleeɓe.

Ko Ganaa labaa yoo won go'o leydi njaɓɓotoondi Obamaa e nder leyɗeele men ɗee. Ena sikkanoo, e lebbi ɓennuɗi ɗii ko Keñaa Obamaa adotoo yillaade sabu baaba makko jeyeede toon. Kono Obamaa waɗi ko njillu dawrugol sabu makko saɓaade leydi ɓurndi hannde ɗooftaade demokaraasii e ɓurndi deeƴde e leyɗeele Afrik. yanti heen kadi Ganaa ko leydi ngolliindi e fannu faggudu haa ena wiyee ndi foti ko ñembeede. Ko ɓooyaani koo, toɗɗe laamɗoyaŋkooje njuɓɓinaama e dow deeƴre e keelɗal. Toɗɗe ɗee mbaɗtii hoolaare fayde e John Atta Mills e dow lannda John Kufuor, gonɗo e laamu ɗii duuɓi jeenay. Hannde, toɗɗe ɓennii, laamɗo keso oo fayii e golle, faggudu leydi ndii ena ɓamtii haa naatnooɓe kopporeere ena njogii cuusal aawtude jawɗeele mum'en e faggudu leydi ndii.
Obamaa hollitii wonde Ganaa woni finnde "demokaraasii ena waawi ñiiɓde e leyɗeele Afrik". Ɗum ena luurdi e hohooɓe Orop heewɓe arde e Afrik ena mbiya demokaraasii wonaa ko men, en ciwaa tawo ɓenndande ɗum. O wiyi njillu makko ko wostondirde e Gana kañum e Afrik fof ngam yiytude laabi ɓamtaare duunde men ndee. O eeriima Afriknaaɓe nde caakata demokaraasii e duunde ndee kala sabu ko ɗum tan waawi addude deeƴre e ɓamtaare e leyɗeele men. E yiyde makko, Ganaa ena waawi wonde ñembeteedi sabu Ganaanaaɓe kollii haalde ɗemɗe keewɗe e jogaade leƴƴi keewɗi haɗataa leydi ñiiɓnude potal e hakkeedi ɓiyɓe leydi kala.
Obama haalaani tan haala dawrugol. O yillii ko ngootiri e leyɗeele ɗo ɓaleeɓe heewɓe ndahanoo, kaɓɓaa geƴƴelle ngam wuuroyde e macungaagu to Amerik. Kaŋko e jom suudu makko Michele Obama, e sukaaɓe makko ɗiɗo rewɓe, ɓe njillliima tata (fort) mawɗo ɗo tuubakooɓe ndenndintunoo ɓaaleeɓe no baali ngam yeeyoyde ɗum'en Amerik. Ko goonga kaŋko Obama o iwaani e ndonu macungaagu sabu Baaba makko ummii ko Keñaa, neene makko ko tuubaako. Kono ɓernde makko ena duri e ko ɓaleeɓe Amerik leptaa e teemedanɗe ɓennuɗe ɗee. Michele kañum ko taanum dahanooɓe. Kaŋko e sukaaɓe makko, ɓe ndewii e laabi ɗi ngalaa gartol; ɗo dahanooɓe ndewnetee naatnee e laaɗe. Obama e hoore mum wiyi wontaa yejjitde nde sukaaɓe makko ndewi e gol laawol, no njaatiraaɓe maɓɓe nih, kono kamɓe ɓe ndeftii e maggol ɓe ngarti, fartaŋŋe mo njaatiraaɓe maɓɓe keɓaano.

Kuɗol Ibraahiima Saar

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : obama, ghana, afrique, françafrique, john atta mills, gold coast


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 3 de 3 commentaires

alioukonte@hotmail.fr

Ecrit par: ALIW KONTE (Invit ) le 15-07-2009 11:26

barak oboma jaaraama e njulli mum afirik,en mbeltiima e oo sabaabu mo adorii, yahde e leydi gana,woni leydi burndi jogaade potal bibbe leydi e nder leydi mum,ko yaako raademo maa wonan afirik tinndol e ñeemtinde gana e ngaal potal bibbe leydi,kono haal pulaar en mbiy, mowi ina bamta gada faamru tampa acca e leydi toowaani,laambe afirik ina njanngi,ina njogii gannde, ina nganndi nafoore potal bibbe leydi, ender leydi mumen,woni kobe nganndaa ko hakke neddo no fotiri e nder leydi mum,sabu won e mabbe ina cikka laami ko liddi gondi e maayo, walla kulle jahooje ladde,waday bernde mum no mbelaami fof yomi wadir,won e mabbe jooni mbadtii miijaade,somi tampii,walla mi maayi,jappeere laamu mi dalda biyam,walla laamaniimi ko hooram,e leñol am,heddiibe mi haajaako,so odon mbelaa ko nii, odon mettaa ko nii, wuurdude nii e nder leydi mum,cikkumi hay maayde buri buri dum, oboma a jaaraama, Afirik yoo weddo gite mum ndaara leydeele gonde yeeso mum

 

» Signaler ce commentaire l'administrateur

ENAWONA!

Ecrit par: KATANTE LEÑOL KAN (Invit ) le 15-07-2009 13:34

Ena wona wontanii en wowlaandu malnordu hee he ƴame laamuuji yiɗɓe goonga. 
Obamaa waɗii ko yooɗi, etee ko nii tan o haani waɗde ngati ko jiyanɗe moƴƴe e hakilantaagal woni ko aduna fof sooyninoo he makko. Ko goonga Obamaa ko ɓiɗɗo leydi Amerik pecciiɗo he ƴiiƴam Afrik, ndeke no Geno rokkiri mo geɗal to Amerik nii, aɗen ɗaminii maa hono ɗuum feeñ he Afrik.Njokken yawde, kono ngannden won ko fuɗɗaa heɓeede he Afrik: Karte puɗɗiima joɗɗin'de laamɗo, baatuuji gure mbaɗtii ñaagondirde konnguɗi, woon he galleeji haa he kinɗe mbaɗtii ardaade pelle e ko nanndi heen. Hannde kadi aɗen nganndi yontaaɓe men njeyaama he ñamal laamu Muritani, wodɓe ndikkiima laamu Senegaal, won kadi mbiruuji mawɗi ngoni he geewanaade lammbaaji garoyooji to senegaal e leyɗe godɗe etee aɗen nganndi ko hono Obamaa en ngoni dariiɓe hannde ɓee. 
Hoto njammen, hoto njoomen, so Geno haajii; kono toɓi jeeri koo iloyta waalo. 
Obamaa noon jaaraama yoo Geno rooku mo yottin'de payndale ɗee he jam haa winndere ndee kala waɗta ñemmbude ɗum. Tokara Saar, a jaaraama

 

» Signaler ce commentaire l'administrateur

Reenen mbinndudi pular fottanaandi ndin

Ecrit par: Oumar Bah (Invit ) le 16-07-2009 00:24

Moodi Saar, a jaaraama e ndee winndannde maa, kono miɗo faala teeŋtinde mbinndudi pulaar/fulfulde fottanaande ndin: lomto innde gollaaɗo on haanaa takkeede e gollal ngal, e piide misal a winndii: Bush woppidi-mo. Ko haani winndeede, ko: Bush woppidi mo (ciifel alaa hakkunde gollal ngal e lomto on). 
Umar

 

» Signaler ce commentaire l'administrateur

Affiche 3 de 3 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
 L           9       
J5     H    QG    OIM
 W    XEF    M       
 W     I     F    FWD
SUG         O9T      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥