NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
133 Nduu lewru
Cakkitiiɗo: elhadj

Widewooji maantaaɗi..



Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


JIBINANNDE FARAYSE: Hiirde Fedde "Yiɗde Leñol" Disapora Peulh" to Pari Convertir en PDF Version imprimable Suggérer par mail
Dernière mise à jour : ( 27-06-2009 )
 

Ecrit par IBRAHIMA SARR, le 27-06-2009 13:05

Pages vues : 12098    

Publié dans : Les News, Pelle e dente


ImageHol biy-ɗo jibinannde Farayse tiiɗaaka iwdi mum e pinal mum? Miin deh mi alaa e ɓeen sabu am jokkondirde e maɓɓe no feewi. Hannde, won ko ɓe pewjani renndo Farayse ko meeɗaa yiyeede. Hiirde mawnde ena jogori yuɓɓineede ñalnde Hoore-Biir 4 Morso 2009 sahnga w22 haa salaatu to Bonneuil sur Marne, diiwaan Pari.

Hiirde ndee teddiniraa ko PULAAGU. Welo-welo e sooboyoobo 100% PULAAGU ena jogori weltinde piɗtaali kala arɓe tawtoreede. Ko ndee woni hiirde adannde nde fedde ndee yuɓɓinta, hoto mo luutaa oo jamma.

 

Njuɓɓudi hiirde ndee ko nih lelorii:

HIIRDE MAWNDE PULAAGU "ELEGANCE PEULH"

AL ANDALOUS
5, ROUTE DE L'OUEST
94380 BONNEUIL SUR MARNE

Hoore-Biir 4 Morso 2009

22:30


NAALAŊKOOƁE GANNI:
Kanel JOOP
Usmaan GANŊNGE
Daawuuda Sammba JEEY

NJALNIIKA
Tombolaa
Prince

DUƳƳO RAP
S Korpa
Yonntannde Men
Daande Maayo


NGAMRI
Diɗɗal MARSA

 

ƳAKKURU: Njeeygu pastel, beñe, follere, jiñnjeer, ekn...

Hiirde ndee ena fewji ƴaaƴo mawngo ɓoorneteeri e kawgel hakkunde diɗɗe amooɓe. Fuutaŋkaagal ko 100% haa weeta: hoɗdu, waŋngo, yelaa, mbalax; yanti heen Dance Hall, Zouk, RNB ekn.

ÑAANTUNGAL PULLO ENA WAƊƊII KALA GAROOWO!

Image

Naatirgu: 15 euro (20 euros ñalnde hiirde ndee). Biyeeji ena keɓoo to FNAC, CARREFOUR.

Jokkondiral / Kumpial:
Diiwaan Pari: 06 29 43 74 10
Diiwanuuji goɗɗi06 28 60 35 41


* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

.::| GIƊO PULAAR - WALLU PULAAGU/ DONATE TO PULAAGU / AIDEZ NOUS! ||::..

Aidez-nous à mieux défendre le Pulaar en faisant un don...Mballee-min e koppore ngam ƴellitde Pulaar...






ON NJAARAAMA FULƁE...


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : élégance peulh, dispora peulh, yidde leñol, pulaagu, pulaar,


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 12 de 12 commentaires

weltare

Ecrit par: amadou guisse (Invit ) le 27-06-2009 14:08

c vraiment genial

 

» Signaler ce commentaire l'administrateur

Ndaw ko haani

Ecrit par: Oumar Bassoum (Invit ) le 28-06-2009 07:30

Ndaw ko haani, so jibinannde Farayse yuvvin'de hiirde nde ina hollira Pulaagu mum e nder leydi Farayse e hoyre mum. Nde tawnoo Farayse ko leydi ganndal e pinal, kadi Pulaar ko zemngal winndereyankeewal zuum noon so vivve Fulve nguuri e nder Farayse nguurni heen Pulaagu mumen mbazi ko ko haani. Ina jari siftin'de hono ceerno men Amadu maalik gay e wondiive mum nguuriino e nder leydi Farayse kadi nguurni heen Pulaagu mumen

 

» Signaler ce commentaire l'administrateur

españ gizo pular

Ecrit par: abou (Invit ) le 28-06-2009 12:24

yo alla wallu walla kala bazonoma yidde ko woni mi weltima e kala ndarowo pulaagu com ene welti so tawino hande welalno kam tawa meza wawi hawrude hen fedde pular wonde franse de meza yizi yidude mon so alla jabi

 

» Signaler ce commentaire l'administrateur

weltaare

Ecrit par: ALIW KONTE (Invit ) le 28-06-2009 18:43

nde njiimi e ngaandiijo enternet,bibbe fulbe jibinaabe e ndiidoo leydi france, kirii ñemmbii,ndariima ndadiima,haa nganndii ko mumen ko, ko huunde mawnde fotaani welsindeede,sabu be njanngii demngal mabbe,be nganndii pinal mabbe, be paamii daartol leñol mabbe ngol,wonaa kersinoongol,be peellitii addude ballal mabbe timmungal e ngool doon leñol haal pulaar en,so jamma yeewtere, e noddude kola biyoo mbiimi,nootoden heygooto hoto heddo,mbido weltii no feewi, e ngoodoo noddango,yoo geno won ballo, Aliw mamadu konte

 

» Signaler ce commentaire l'administrateur

KOYƊOL YIYAAMA

Ecrit par: KATANTE LEÑOL KAN (Invit ) le 29-06-2009 14:56

Nde sagataaɓe Fulɓe ndenti Bordoo hitaande 1981 ngam aafde dental pulaagu winndere he mbaydi jaŋde, pinal e woodtoɗin'de ngaddinaaji Fulɓe, ko ɗum ɗoo ɓe koyɗunoo he ngaan saanga. Ko ɓeen sagataaɓe ngonti hannde jiɗnaaɓe e maamiraaɓe ɓee sukaaɓe umminɓe hannde ngal gollal. Yontii nde mbaɗaten he hakkillaaji men Farayse ko ko jeytaa he leyɗe Fulɓe. Gure leydi ndii kala ena mbaɗi Fulɓe, kala dental pullo ena heen.Won he men heɓɓe ɗereeji jeytaare(nasonaalitee farayse)won he sukaaɓe men jibinaaɓe ɗoo haa njibini, ndeke en potii faamde koɗaagu men ko ko gasi. Heddii ko kolliren iwdi men e pinal leñol men tawa en njaɓɓaani doosɗe e laabi leydi ndi ngonɗen ndii.So en njooɗnii pulaagu men he farayse, kala kootɗo he men o majjondirtah e leñol men. Kala kadi Pullo tawɗo ɗoo golle men, o haaytii majjude e saayrude aranaagu.Ɓiɓɓe rimɓe wayɓe no Huley Dem en so njeyaama he ɗee golle; ɓernde am ena tiiɗa ngati amin nganndi to o ummii he Fuuta men e enɗam neɗɗaagu e hakkillaaji jaajɗi ɗi o roni gila cuuɗi men Hoorefoonde. So ɓesngu noddii, maa min nooto, min ngaddora kala ko min mbaawi. Onon so on ndentirii golle e jaŋde e enɗam pulaagu; ɓerɗe am en ɓuuɓii. Ɓernde noon so ɓuuɓii, duwaaw ardii. Njokkee golle haa ndee darnde huuɓna farayse fof tawa kadi oɗon njokkondiri e pelle daraniiɗe leñol ngol he farayse e leyɗe men mbele Tabital Pulaaku winndere ena jogoo sagataaɓe darodtooɓe hannde e mawɓe, ndonta janngo golle ɗee haa pulaagu fof heɓe sago mum he winndere. Yoo Geno won ballo. On njaaraama

 

» Signaler ce commentaire l'administrateur

Ma en ngartu e fedde ndee...

Ecrit par: Ibraahiima Saar (Membre ) le 29-06-2009 16:50

Musidɓe, Ceerno Tokara, onon kala on kollii weltaare mon e ko sukaaɓe ɓee ngummini koo. Kono haa jooni on njiyaani tawo hay huunde sabu golle ɗee nuɓɓintee ke ñalnde 4 Morso, kono dental ngal fuɗɗiima ko ɓooyi. Hakke 2500 (ujunnaaji ɗiɗ e teemedde joyi suka ena jeyaa e fedde ndee. Ko gooto e sukaaɓe men fuɗɗi golle ɗee e huutoraade geese sabu ko e geese jokkondiral maɓɓe ɓuri weeɓde! 
Huley Dem noon, jeyaa ko e almuɓɓe ɓe njaŋngin-mi pulaar ɗoo e wuro ngoo (Le Havre). So omo daranii ndee darne, won mo haawata ko wonaa miin sabu o jaŋngii gila omo famɗi. Ko kaŋko haalani fedde ndee yooo jokkondir e am. Ndeen ɓe noddii-kam, mbiy-mi ɓe alaa ɗo dawol pulaar dawantee mi heddoo wuro. Gila ndeen ko e gollondiral min ngoni. So alla jaɓii kadi ma mi tawtore hiirde ndee. oɗon ñaagaa nde tintinton sukaaɓe wonɓe e palɗe ɗe koɗ-ɗon ɗee ngam ena naata e mayre. 
On njaaraama 
So Alla jaɓii maPulaagu.com artan renndo ngoo e baɗte ndee fedde haa ɓeydoo anndeede holi ɓee sukaaɓe, paydaale maɓɓe e eɓɓoji maɓɓe. On njaaraama

 

» Signaler ce commentaire l'administrateur

Mo yidaa Hoore mum hay gooto yidataa dum

Ecrit par: usmaan kan (Invit ) le 30-06-2009 20:30

Miin mbiyan mi tan ko jullaare mooyi e maayo kala wontataa Norwa ( nooro ) 
Hannde sikka alaa mo woni kala ruttiima e ko jeyi sabu midi sikki alaa ko buri Martinique walla gouadeloupe wontikinaade Faraysenaabe kono be paami ko Faraysenaabe ngoni e dow mum.miin ko Almaan njannganmi kono ebe teddinimi kaaddi teddungal sabu midi faarnorii ko ngonmi koo wondemi Juuldo e pullo. 
On njaaraama

 

» Signaler ce commentaire l'administrateur

on njaraama njokke pulaagu

Ecrit par: njaay umar (Invit ) le 01-07-2009 23:10

mi salmini on mbido yetta on e jeewte men yo allah boynu dum hokka en cellal e softeende yo pulaar yaaru yeeso

 

» Signaler ce commentaire l'administrateur

weltinde

Ecrit par: yayaba (Invit ) le 02-07-2009 17:09

koadifof.misalminion nofewi hamanaseda jokegolle nofewi

 

» Signaler ce commentaire l'administrateur

Oɗon cokla e ngal dingiral

Ecrit par: Sih Muusaa Demmba (Invit ) le 02-07-2009 21:15

Mi yetti Allah e sabbabuuji gaddanɗi on renndude haa mbaɗɗon fedde, njogiɗon miijo noddude yimɓe e dow innde ɗemngal mon, e raɓɓikinaade miɗo 
wasiyoo on nde tiiɗnondirton e ko'e mon, tiinnoɗo e pulaar njaŋngon ngal, 
mbinndon ngal, kaalon ngal, on njaaraama yo Alla yettin faandaare 
Sih muusaa demmba gorko mo Cali.

 

» Signaler ce commentaire l'administrateur

re

Ecrit par: MAMADOU KONTE (Invit ) le 03-07-2009 16:59

min calmini banndiraabe amin mbismo kalla mbiyoowo biimi e mbiimaami mawnam aliw kone min beltiima e winndannde ma he amin mbiima bisimilla ma e hirde nde wosalam

 

» Signaler ce commentaire l'administrateur

eskey fuuta taare fuuta

Ecrit par: CHEIKH SAMBOU (Invit ) le 27-07-2009 23:10

al hamdu lillaahi rabbil aalamiina.Jettoode ngoodanii ALLAH.So tawii hono huley Deme en ene lutti jibineede e Farayse walla do waawi wonde e aduna he kala pulaar e futankaagal majjataa maayata.Mbodo naagi joomam joom baawde mum no bedoo sukaabe ngumminiri pulaagu ngu ni yoo Allah umminirbe noon.YOO ALLAH HOKKU EN BAMTAARE e kisal e sutura ADUNA E LAKARA.

 

» Signaler ce commentaire l'administrateur

Affiche 12 de 12 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
7           CYI      
E 6    I      3   41K
JYE   OF3   PTQ      
  U    P      U   ACQ
  5         RXB      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥