NGAAWTO-ƊEE >> ..::|||| FIREFOX ||||::..

Yiylo.....Recherche

.::|| KABARUUJI ||::. Informations

Dawrugol [Politique]
Renndo [Société]
Faggudu [Economie]
Taariindi [Environnement]
Gannde kese [NTIC]
Diina [Religion]
Coñce/Ñeeñal [Arts/lettres]
Cellal [Santé]
Coftal Ɓalli [Sports]
Caaci men (Musique)
Pelle [Associations]
Jime e jimɗi [Poésie]
Jeewtitte [Interviews]
Coftal Ngaanndi Pije [Jeux]
Ɓunndu Ganndal [Rubrique]
Ɗemngal Pulaar [Le Peul]
Jaŋde [Education]

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii







...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


Tappirde Pulaar e Windows Convertir en PDF Version imprimable Suggérer par mail
Dernière mise à jour : ( 26-03-2014 )
 

Ecrit par IBRAAHIIMA MALAL SAAR, le 15-08-2007 22:13

Pages vues : 27610    

Publié dans : Les News, Langue et linguistique Pulaar

Image Musiɗɓe Fulɓe geeseyaŋkooɓe, calminaali amen fayde e denndaagal tawtooɓe min kala sahaa e lowre men Pulaagu.com. Min ngartii kadi e diŋiral binndi e jaŋde etee min ngaddaani juuɗe ɓole! Ko min nafii koo ko bibje jogorɗe diwnude pinal e ɗemngal men fayde e kuwtorgol Geese Enternet e Pulaar.

Miɗo teeŋtina kadi ko mbiynoo-mi gila hannde araani, alkule men njaltirta e ngaanndi ko no alkule aduna ɗee kala nih. Ganndal noon, miɗo heewi wiyde, ko ngesa faataato! Ena waawi irde haa heewa, kono so a asaani a muuɗataa! Ñaw men ɓooyɗo wonnoo ko wiyde iraani saka ngasen! Añde asde wonndanoo! Jooni, raɓɓiɗi ko mbiyen: mbinnden Pulaar e geese, imeel, e kala fannu gannde kese, sabu eɗen njogii kaɓirɗe mum.

Hol ko woni Tappirde Pulaar?

Gila Microsoft yaltini Windows, ɗemɗe keewɗe njantinaama e loowde PeeSeeji (PC tawa wonaa MACIntosh). Waɗi noon, ko ɗeen ɗemɗe towi ɗum'en ko laamuuji leyɗeele ɗo ɗe kaaletee. Yeru, ko wayi no Aarabeere dañii Windows mum baŋnge sabu ko leyɗeele Aarabeeɓe ena ndaranii ɓamtaare ɗemngal mum'en. Kadi, ena anndaa mawɗo amantaa meere: Microsoft yiɗi naatnude tampere mum, ganndal mum e jawdi mum ko e ɗemɗe ngaddooje njeñcudi. Ɗum waɗi ɗemɗe keewɗe naatnaake a Windows kono, ɓe uddaani damal ngal. Eɓe ndokki kala jogiiɗo ganndal, ɓeydande hoore mum ɗemngal mum e Winndows mbele ena waawa tappude binndi mum e ngaanndi.Topirde huutoraande ndee wiyetee ko MSKLC mo Microsoft.

Ɗemngal men Pulaar/Fulfulde allaa tappirde (clavier) nde mbaaw-ɗaa soodde, ceŋaa a masiŋ maa. Ɗum noon, min njuɓɓini  ko prograam looweteeɗo e nder Winndows, naatnee heen haa tappirde jogaande ndee waɗta nootaanaade alkule pulaar! 

Hol no loowretee e Winndows?

Ko a dii kala keɓee tappirde ndee ɗoo: NGAAWTO-ƊEE TAPPIRDE NDEE . Tesko-ɗee to ndanndu-ɗon sake (fisiyee) oo. O tiɗɗiraa (compressé) ko mbaydi "zip", wonande annduɓe ngaanndi.  So on keɓii-mo e biro mon Windows, omo foti tiɗɗiteede mbele oɗon ngaaftoo geɗe jeenay (9) ngonɗe nder fisiyee oo. Hol no tiɗɗitirtee (décompresser)? Min mbaawaa famminde on sabu ena juuti, kono Windows ena waawi tiɗɗitde fisiyeeji "zip" walla njogo-ɗaa logisiyel biyetee-ɗo Winzip

Fisiyee  Winzipko nih mantoore mum wayi 
file icon
So a Tiɗɗitii fisiyee oo, aɗa heɓe ɗee geɗe:
Image
Caggal a heɓii ɗoo, eɗen mbaawi fulɗɗaa loowde prograam oo e ngaanndi hee: Yiylo fisiyee biyeteeɗo "Install.exe" oo, dobomo ɗimme (double click), o fuɗɗoo loowde! So o gaynii, o addaa ndee fallanteere:
Image
O gaynii, dobo "close" uddaa-nde.
Jooni, a haljitii loowde tappirde ndee. Heddii ko ƴeewto-ɗen so loowgol ngol jaggii e Windows. Njahen to "Panneau de Configuration" (Control Panel e ɗemngal engele)
Image
Udditen "Options Régioanles" (REgional Settings e engele)
Image 
On njiyat baafal ena winndaa "langues" (Languages e engele). Udditee ngal, ɗum holla on ngoo-ɗoo yeeso:
Image
Dobo e uwre "Détails" ndee, o uddita yeeso wonngo:
Image
So a ndaarii dogol ɗemɗe ɗee, maa a yiy "fulfulde-pulaar" ena limtaa e less ɗemnal "français). so a yiyi, anndu loowgol men jagii, so a yiyaani, won caɗeele njolani en, kono en poolaaka tawo!!!
 
Jooni, en loowii prograam men Tappirde Pulaar e Windows! Heddii ko kolliren hol no cuɓorto-ɗen tappirde pulaar-fulfulde ndee? Ko a dii kala maa njaltinen palel ɗemɗe ɗee (barre des langue/language bar) haa nde yiyooe palel golle ngel (Barre des taches/taskbar. Ko nih waɗietee!
Image
Caggal ɗum, kurminaa "Afficher la Barre de langues sur le bureau" (activer), mbaɗaa "OK".
 Image
Jooni, yah to Biro too (Desktop), yuurno mbele aɗa yiya palel ɗemɗe ngel (barre des langues)
Image 
 so a dobiima "FR", maa yiy ɗoon "fulfulde-pulaar". So a yiɗii tappude pulaar, uddit WordPad (Write), walla Bloc Notes (NotePad) haa udditoo, njahaa to palel ɗemɗe too, labo-aa tappirde pulaar ndee. So a tappii:
v = ɓ  - x = ƴ - q = ŋ - z = ɗ

ƁƳŊƊ kadi ko noon!!

Tesko-ɗee: Kala mo jogaako Word tuggi 2000 fayi dow, maa addoya fisiyee Arial Unicode MS to jangde.pulaagu.com!

Musidɓe tedduɓe, miɗo ñaagoo yaafuya e kala ko ndoŋku-ɗon faamde, mi haaɗ-na ɗoo haa sahaa goɗɗo.

On njaaraama

Ibrahhiima SAAR 


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : Le Monde Peul, Pulaar-Fulfulde, Tappirde Pulaar e Winndowspulaar, alkule, clavier pulaar, clavier fulfulde, tappirde

Commentaires utilisateurs  Fil RSS des commentaires
 

Evaluation utilisateurs

   (0 vote)

  

Affiche 10 de 10 commentaires

Njettoor

Ecrit par: Tuure Samba (Invit ) le 09-10-2007 18:16

Yoo Geno veydu mbaawka ka mbaawan zon leñol ngol. Yo' o hokku on sagooji mon he leñol ngol. 
Yoo Geno hebbin hono mon, ve ina vamta ngal zemngal. 
Mi waawaa hollude no weltaare am foti he golle ma ze.  
A jaaraam, aan Ibrahiima Saar e gollodiive ma. 
Sammba Tuure

 

» Signaler ce commentaire l'administrateur

weltaari

Ecrit par: soh (Invit ) le 29-10-2007 21:31

Mbodo salmina on no feewi, ko hankki njiimi site pulaagu.com. Yoo geno wuur palaagu e kal halpulaar. 
On njaaraama

 

» Signaler ce commentaire l'administrateur

yettoore

Ecrit par: aboubakry (Invit ) le 11-12-2007 21:51

on jaaraama mi andaa to on paaman ko mbi'anmi... Handee mi anndi site wa ngaa,mi weltinori e aadaaji maaga ngam nga tilimnga e nga tilmini fulfulde. 
Mi yidhi mi annda noy wattam amin kamerun en ngam peerootirki  
maanaaji boolle men? 
on jaaraama.

 

» Signaler ce commentaire l'administrateur

A jaɓɓaama moodi Abuubakri

Ecrit par: Ibraahiima SAAR (Invit ) le 12-12-2007 12:24

Miɗen mbeltii no feewi e ɓataake maa sabu jokkondiral e Fulɓe Kamerun ena yiɗaa ɗoo e lowre-geese men. Amin nodda Kamerunnaaɓe yoo ngar mbaloondira e men ngam fulɓe fof mbaawa wonde neɗɗo gooto, nawa leñol men yeeso. Amin njiɗi anndude so oɗon njogii pelle pinal, walla jaŋde, walla dawrugol. Amin njiɗi anndude kala fannuuji nguurndam fulɓe to leydi Kamerun. 
Oɗon mbaawi winndude min kala sahaa, min njaaboo so Alla jaɓii. 
On njaaraama

 

» Signaler ce commentaire l'administrateur

Ko mawni yoo yahru yeeso

Ecrit par: Samba Dioule Sow (Invit ) le 17-03-2008 15:55

aan ibrahiima saar a jaaraama sanne 
yoo geno hebbin hono mon en e oo.aduna 
ngam kala ko sadnoo e pulaar newiima hannde 
tidno dee. kadi mo ina dadanoo lenyol yoo taw 
dadungal mum ina tiidi haa wooroo..a jaaraama 
ko sammba juulde soh to itali

 

» Signaler ce commentaire l'administrateur

Darnde men, darnde yoo jokku...

Ecrit par: Ibraahiima SAAR (Membre ) le 17-03-2008 17:33

Jettoor ruttiima e maa musidɗo caggal nde kaal-ɗaa weltaare maa e darnde meeɗen. Ko yeeso tan fayaa ko heddii koo sabu en njulii laabi e ɓalal niɓɓere darinoongo e laawol ɓamtaare men. Onon kadi Italinaaɓe, miɗo yetta-on e darnde mon. Miɗo yiɗi neldon-min kabaruuji dille mon (fedde Fulɓe), min njaltina e pulaagu.com. amin njiɗi kadi ndokkon-min noddirɗe mon mbele jokkondiral ena wona hakkunde men. 
Lowre men ndee woni lowre hannde ɓurnde yuɓɓude wonande lemɗe ngenndiije. Ɗul noon ko enen tiiɗnotoo mbele kala ko pullo waɗi walla no wuurdi tawa pullo banndum ena tina, gila Muritani haa Caad.

 

» Signaler ce commentaire l'administrateur

tappirdende

Ecrit par: jamenaa (Invit ) le 16-05-2008 16:22

tappirde nde nattii hevaade ko aane itti walla ko yiriindende jogii cazeele

 

» Signaler ce commentaire l'administrateur

Tappirde feewtii...

Ecrit par: Ibraahiima Saar (Membre ) le 16-05-2008 17:29

A jaaraama no feewi musidɗo, 
Mi yaawaani tintude caɗeele ɗee. Kono mi yiytii ko addi-ɗum. Tappirde ndee artii ɗo wonnoo. Enternet ena heewi ñoŋkoto naatoowo e lowe ena bonna. Ko e hare wonaa jamma e ñalawma ngam haɗde bonannde e bonnooɓe bonnude golle men. "Hakkooɓe" ena caɓa jamma e ñalawma ngam bonnude ko woɗɓe ngollata. Njokken ndeenka... 
A jaaraama

 

» Signaler ce commentaire l'administrateur

remerciements

Ecrit par: daouda watt (Invit ) le 24-04-2009 05:05

ko adi fof ɓeɗa yettu ma an ibraahima saar ɓéda duwanoma ɗé allaa diunata balɗé ma sabu dardé ma gam ɓamtaré leñol ƴol y'a longtemps ŋue je voulais avoir ce logiciel ou cette option pour pouvoir perfectionner ma langue poulaar que que reve de tout mon à pouvoir ecrire. merci encore une fois de plus

 

» Signaler ce commentaire l'administrateur

Tappirde Windows 8.1

Ecrit par: Abdou BA (Invit ) le 02-12-2015 21:49

Alla wad e mon barke, golle mon ko nafoore mehre, 
Mina yid'i anndude mbela na woodi Tappirde Windows 8.1 , so tawii na woodi mballe min heen ko yaawi, sabu mi etiima jippinde tappirde nde njogii-mi kono d'uum newaaki, njogii-mi ko windows 8.1 
On njaaraam no feewi

 

» Signaler ce commentaire l'administrateur

Affiche 10 de 10 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
519         4UT      
  4    N    P B   SO8
  3   TDY   QY8      
  G    C    J 2   RTK
  3         2OE
   
   



mXcomment 1.0.7 © 2007-2019 - visualclinic.fr
License Creative Commons - Some rights reserved
< Précédent   Suivant >
[ Retour ]

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥


PULAAGU.COM Portail N°1 en langue pulaar/fulfulde