NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


GAACI MEN: "Boolumbal" (Maalik Jah) heboo yaltinde lefol CD keso "Futa Blues" Convertir en PDF Version imprimable Suggérer par mail
Dernière mise à jour : ( 31-05-2009 )
 

Ecrit par IBRAAHIIMA SAAR, le 24-04-2009 17:36

Pages vues : 17036    

Publié dans : Les News, Pinal e Ñeeñal


Image
Lefol ngol yaltata ko 22 Seeɗto

Maalick Jah jeya ko wuro men Fuuta-Tooro ena wiyee Kayhaydi, diiwaan Gorgol to leydi Muritani. Ko kaŋko woni puɗɗo diɗɗal Boolumbal e ballondiral Nikolaa Leboo, gooto e haralleeɓe e seŋngo gaaci e leppi. Pulaagu.com yeewtidii e Maalik balɗe tan hade CD oo yaltude. Ko adii, o hollii weltaare makko e ko o jokkondiri lowre men sabu nde jeyaa ko e carooje e tammbittooɗe ñeeñal men. O fuɗɗiima gollaade e ngol lefol gila ko neeɓi seeɗa, kono ko jooni ɓe ngortii golle ɗee. Omo loggodoo e Nikolaa Leboo, faraysenaajo jiɗɗo pinal fulɓe no feewi haa teeŋti e gaaci ɗii. Alaa ko ɓuri-mo yooɗeede njimri e fiyngo fulɓe, haa teeŋti e daande e segene Maalik Jah, piyoowo gitaar ŋanaajo! Kaŋko Nikolaa, ko o biɗtoowo ganndal gaaci bayɗi hono Blues, Jazz ekn. Ko giɗli ɗeen duƴƴe mbaɗi-mo yiɗde ruttaade to iwdi majje, Afrik, sabu ɓaleeɓe dahanooɓe Amerik nawori toon ɗee duƴƴe ɗe meeɗaa majjude. Ko ɗoon o fuɗɗii hatojinde e gollondirde e naalaŋkooɓe Afriknaaɓe. Ɗum waɗi hannde golle  Boolumbal ngufti e lefol "Fouta Blues".

Image
Nikolaa e Maalik

Maalik Jah adii yaltinde ko kaset to Senagaal e hitaande 1995 e ballondiral Mammadu Kontee. Lefol ngol woni "Caali MBayla"! Alaa mo nanaani "caalel mbayla weli jooɗaade, sukki ɓuuɓri yiyataa naange, suwaa yonntu ɗoo min mbaalatnoo"!! Ngol leeɓol ena ɓamtaa e CD keso oo, kono ngol ɓeydii kadi ko jirwineede! Buubaaji ena ñikla teppe amooɓe, ena ndurna ɓerɗe kala mawnuɗo hakkunde waŋngo e rippoo!
Ko goonga gaaci ɗii njahdi ko e njimri e ɗemngal Pulaar, kono hay gooto horotaako weltaade e majji sabu ɗi ndenndini ko fuutaŋkaagal, duƴƴe Jazz, Blues e Folk. Ɗeen duƴƴe ngoni ko naatnaa e gaaci pulaar ɗii e ballondiral Nokolaa. To baŋnge jime, kala ko Boolumbal yimi, winndaa ko e Pulaar laaɓɗo pos! Woni winndiyaŋke makko ko Abdul Asiis Bah mo o jeydaa to Kay-Dimmbee-Jooroo, Sammee-Naayoo! Kala koŋngol keɗti-ɗaa e CD oo ena uura Maayo, e yeeweende Fuuta Kummba Yumma men. Kadi, daaɗe ɗee ena mbeli no maayo njuumri sabu ɗe kaalata ko ngonka e cosaan men, daari e tinndi men.

Image
Gitaar woni ko Maalik...

Lefol ngol ena waɗi leeɓi 13, heen gootol kala ɓuri goɗngol welde heɗtaade! Kono so nawii laaɗe kayii hakkunde majje kañje kala, hay heen gootol debbataa, kno ena waɗi heen ngol memataa ndiyam: ko leeɓol "Waalata". Maalik ena haamtoo heen lepte ɗe jaambareeɓe men leptaa e geƴƴelle Muritani: ɓeen ngoni Teen Yuusuf Gey en, Jigo Tafsiiru en, e kamɓe waraaɓe ɓee kala. Gite men mbaɗii kadi beeli e miijaade golle tiiɗɗe ɗe ɓe mbaɗi ngam kisen, ngam añɓe otta, kalfaandi natta!
Maalik ena jogori doorde e diŋiral mawngal gonngal Pari (Zèbre de Belleville) ñalnde 29 Duujal (25 mai) e ñalnde 26 Korse (26 juin) 2009! Hoto mo hay gooto luute sabu ko ɗum woni semmbinde naalaŋkooɓe men, ɗum woni mawninde pulaagu e pine men.

Kuɗol Ibraahiima Saar

Image
So ɓe ndoorii, hoto mo luutaa!

Image
Diɗɗal maɓɓe, wonndude e Nikolaa

Image
Maayo men...

Image
Ngaree e keewal Pari

* * * * *Reentino e tummbitagol binndanɗe jaltooje e lowre Pulaagu.com * * * * *

no_copying_sm.jpgJeyi ndee windande ko Pulaagu.com. Nokkude nde walla eggin'de nde e lowre wonnde caggal yamiroore winndaande Pulaagu.com ena haɗaa. Kala cokluɗo ɓamtude binndanɗe amen e jaaynde, lowre walla rajo ena foti jokkondirde e Pulaagu.com ɗaɓɓude yamiroore. Kala ɗo winndannde Pulaagu.com ɓamtaa, ena waɗɗii joom mum siifde innde e ñiiɓirde lowre ndee kañum e innde binnduɗo oo. Waasde ɗooftaade ɗee-ɗoo kuule ko tooñaŋngee e waasde teddinde gollantooɓe pulaar. Oɗon toraa faamamuuya.


HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!

HELLO AMEN E FACEBOOK - Yantu e yiɗɓe Pulaagu.com to Facebook!

Niiwto ngol-ɗoo dokkol QR ngam yahde to hello Pulaagu e FACEOOK!
Scannez le code QR ci-dessous pour aller sur notre page FACEBOOK!


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Tags : Malick Dia, Nicolas Lebaut, Boolumbal, Fouta Blues, musique pulaar, kaédi, Mauritanie


Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 1 de 1 commentaires

Binndoowo Pulaar

Ecrit par: Sayku Umar BAH (Invit ) le 29-04-2009 09:02

Ibraahiima SAAR, a yaɓɓii kam e ɗemngal. Banndiraaɓe, ko hooynantenoo, so saamii hoccete. Diɗɗal Boolumbal ko ronki e men fof, fotaani ronkude e men tawtoreede ndee ɗoo hiirde, ngal ɗoo diɗɗal jeyaa ko e diɗɗe men ɓurɗe haɓaade keeɓal e aduna he. Kadi, so ɓe peri, ɓe njaltii Moritani, ko salaadi won'dude e toonyannge.Kadi jaambareeɓe men, ɓe ɓe njimata ɓe, e caɗeele men ɗe ɓe ubbitaɗe, na kolla en ko ɓe naalakooɓe firtooɓe fenaande, haɓantooɓe goonga. Njiɗmi nyaagaade banndiraaɓe ɓe ko yoo tiiɗno tawtoree hiirde maɓɓe nde e keewal. Ɗuum tan ko ballal.Maalik e abdul Njaaraama.Coodon lefol maɓɓe

 

» Signaler ce commentaire l'administrateur

Affiche 1 de 1 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
X7P         D7E      
  H    7    U T   JJ2
PL8   X5S   WRF      
  8    I    O C   CON
A6F         ODS      
   
   



mXcomment 1.0.7 © 2007-2018 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥