NGAAWTO-ƊEE >> ..::|||| FIREFOX ||||::..

Yiylo.....Recherche

.::|| PODCASTS ||::..

Kassataya.com - Haala Yontii

.:|JAKKAA FULƁE|:. Inscription Jakkaa


JAKKAA FULƁE

* Ena waɗɗii








...:::|||SEŊORDE|||:::... Connexion


Huutoro innde maa walla waccoore maa ngam seŋaade e lowre ndee. So a alaa konte, aɗa waawi winnditaade.


Hay gooto seŋaaki

2048 winnditiiɓe
0 Hannde
0 Ndee yontere
133 Nduu lewru
Cakkitiiɗo: elhadj

Widewooji maantaaɗi..


Poular 5
Moyenne:
Clics:3268
Babba Saadu
Moyenne:
Clics:2096
Pulaar film : ESPOIR A DEUX
Moyenne:
Clics:2802
Baba Maal Chante Tara
Moyenne:
Clics:2793

Lowe Fulɓe e geese

Onon dariiɓe dadiiɓe ngam tabitinde pulaar e geese, oɗon njettaa njettoor mo alaa ɗo haaɗi! Ɓeydee darnde, yo Alla hokku-on nguurndam haa kaaɓon!


KOOLOL TABITAL 2008: Weltaare Tabital Pulaaku Beljik. Convertir en PDF Version imprimable Suggérer par mail
Dernière mise à jour : ( 11-09-2008 )
 

Ecrit par Saajo Bah, le 11-09-2008 16:59

Pages vues : 10082    

Publié dans : Les News, Pelle e dente


Image
Hooreejo Ibraahiima Timmbo

E innde Tabital Pulaaku Beljik, Ibraahiima Timmbo wi’ii ko adii fof, himo yetta Geno Joom baawɗe nde O laatinani en Koolol Fulɓe 1ɓol waɗungol rowani ngol e 07-07-07, O laatinani en hikka kadi Koolol Fulɓe 2ɓol waɗungol e 15 & 16 lewru juko (uksatu), Alla waɗi ɗiɗi ɗii kala laatii e dow maloore, jam e kisal, e tawtoreede yiɗuɓe pulaaku buy, fulɓe e ɓe wonaa fulɓe. Yimɓe ɓee nootii e keewal, ɓe nootori guluuje weltiiɓe weltinooɓe.
Refti o wi’i: “Mi yettii denndaangal fulɓe wonuɓe ɗoo e Beljik, dariiɓe dadii haa yoori ken, walli haa golle e njuɓɓudi kooli ɗin ɗiɗi non timminaa e dow welolwelo, weltaare, enɗotiral, wallindiral e dow laaɓotiral.” Himo heertinana weltaare makko Ginenaaɓe, Muritaninaaɓe, Senegaalnaaɓe, Kamarunaaɓe, Burkinaaɓe, Malinaaɓe, Liyonaaɓe e kala holluɗo wonde ƴiiƴam pulaaku, kiram e korsa leñol hino doga e ɗaɗi ɓanndu muuɗum.
O wi’i fahin: “Mi yejjitaali dee laamu Beljik nguu e darnde maggu haa eɓɓoore Tabital Pulaaku Beljik nden laatii no newori, e ɗii kooli ɗoo fow, teeŋtii non koolol 2ɓol ngol. Mi weltanike ngenndi Beljik ndin e balle mum ɗen no ɗe waawi siforeede fof.

“Mi weltanike mi yettii peŋɗe e seteeɓe seeniiɓe, immoriiɓe Senegaal, Caadi, Burkina Faso, Gine, e immoriiɓe Dowlaaji Rennduɗi Amerika, Faransi, Itali, Holannda, Almaanya, Espaanya, Portokeesi, Britani Mawndi e kala immoriiɗo to woɗɗi walla to ɓadii, ngam ara tawtoreede ngol koolol, fulɓe e ɓe wonaa fulɓe.
“Mi heɓii seyo mawngo, woni weltaare mawnde e kawtite fulɓe nootiiɓe men, nootori giɗgol e laaɓal ɓernde, woni non ko ɗe cate Tabital Pulaaku Winndere walla ɗe wonaa ɗum, mi yettii ɗe denndaangal, ko aldaa e keerol.
“Mi weltanike annduɓe men seeniiɓe walliri gannde mumen tedduɗe, ɓe yankinii e golle ɗee, ɓe gollidi e annduɓe men wonɓe ɗoo, ɓe gollani yiɗuɓe janngugol geloo, annda. Mi heertinana weltaare am Dr. Hamme Watt, Dr. Iisaa Jallo, Sonna Hinndu Umaru, mi heertinanii ɓe foppet jaaroore immoriinde e danka ɓernde am. Mi yejjitaali ɗoo Dr. Daawuuda Jah, gooto e annduɓe men wiɗtoowo ɗoo e Beljik, dariiɗo ardii jeewte batu ngun, yiili ɗumen haa timmi tis, refti o darii kadi e yiilugol jonndeeji  (ataliyeeji) fiɓaaɗi ɗin foppet, haa no ɗi hommbiraa non e hoore jam e moƴƴere. Mi yettii mo mi weltanike mo, kanko e kala wallidiiɓe makko, mi yettii ɓe sanne. Awa, jannguɓe men yiɗi senndodaade gannde mumen e renndooji men, ɓe fof ɓe jaaraama fota, ko aldaa e keerol.”

Image
Saajo Bah

O ɓeydi wonde : “No gasa e nder mooɓotiral men ngal, e nder ɗen balɗe ɗiɗi weltinooje, malla ko adii ɗen balɗe ɗiɗi yottaade, maaɗum ɓaawo ɗe feƴƴude, no waawi wonde men weltinaali woɗɓe no ɓe haaniri weltinireede non, walla men buɓɓike e nder golle amen ɗen yoga e yimɓe tawtoraaɓe, maaɗum men mettinanii yoga e woɗɓe hara men anndaali, men tewaaki. Awa kala mo men falji e muuɗum, walla ko men falji e mum, mi torike on yaafuyee e innde Tabital Pulaaku Beljik. Kadi, kala ko men falji e golle gollaaɗe ɗee hedde yuɓɓingol koolol ngol, no ngol diidori non, men torike on sellinangol en, sabu golle ɗee fof ko kafuuji meeɗen, en ɓurdaali heen hay seeɗa.”
Ɓaawo hollude weltaare makko o wi’i : “Jooni non fiikala (hay so tawii) ko catal Tabital Pulaaku Beljik woni ko yuɓɓini ɗii kooli ɗiɗi kala, fiikala ko Tabital Pulaaku Beljik darii darodi e fulɓe wonuɓe Beljik haa njuɓɓudi majji laatii, jojjinaa e nder ɗii duuɓi ɗoo ɗiɗi non, ɓe darori kaalisi maɓɓe e lakkere maɓɓe e tawtude ballal ngenndi Beljik, haa ko gollaa heen koo fof gollaa haa  timmi, awa yo gooto fow anndu wonde, ko gollaa kon fofof, ko e innde fulɓe foppet gollaa, hay so tawii ko Tabital Pulaaku Beljik hikkanii en yeeso e muuɗum.
“Eɓɓooji lelnaaɗi ɗii, woni fotnugol Fulfulde, ɓamtaare rewɓe, straatijii wiltino-jawdi, fampagol rajoo Fulfulde e ceekol (kanal) Fulfulde, ɗii ɗoo eɓɓooji (projeeji) fofof ko ɗi kafuuji meeɗen enen fulɓe denndaagal. Wota on accir Tabital Pulaaku Beljik tun ɗii eɓɓooji, enen fof dardoɗen e hoore wallindiral e laaɓondiral, gooto kala wallira ittiri mbaawdi muuɗum, no jojjiniren faandaare men nden, sabuna ko si gooto e men kala ronndike seeɗa e donngal ngal, si ngal hayfana en ngal hoya, ngal newoo ronndaade e hoore doy.”
O inni : “E innde Tabital Pulaaku Beljik, miɗo weltanoo ɗoo mawɓe amen jaɓuɓe darodaade e sukaaɓe mumen e ɗee golle, semmbina ɓe haa ñalnde ɗe hurmunoo, miɗo heertinana Alhajji Sanusi, Alhajji Abuubakar Leelumaa, Mawɗo Jinnji, Alhajji Mammadu Alfaa (Alhajji Chemie), miɗo heertinana ɓe foppete weltaare amen nde aldaa e keerol.
“Yettoore e weltaare amen timmataano, si  mi rawnoraaki heertinande Hooreejo Tabital Pulaaku Winndere, Alhajji Alfaa Aamadu Jallo, sabu darnde makko nde o daranii leñol ngol, gila ko neeɓi, ko adii o ardaade ngal kawtital fulɓe teddungal, woni Tabital Pulaaku Winndere. Awa on fow on weltanaama, on yettaama sanne.”
Yo Geno reenu ayna, daɗnda fulɓe, Fulfulde e Pulaaku, ɓeydana en fiira e feere haa cay.
Tasko: Ndee winndannde winndaama e yamiroore Ibraahiima Timmbo, Hooreejo Tabital Pulaaku Beljik, ñalnde 06-09-08, to galle makko Briksel.

 Kuɗol : Saajo Bah


   
Citer cet article sur votre site
Favoris
Imprimer
Envoyer à un ami
Articles similaires
Enregistrer sur del.icio.us

Commentaires utilisateurs  Fil RSS des commentaires
 

Evaluation utilisateurs

   (0 vote)

 

Affiche 3 de 3 commentaires

Golle mon njeeɓaama

Ecrit par: Geelel (Invit ) le 21-09-2008 23:13

So tawii ko goonga ngenndiyaŋkooɓe ŋanaa en nana ɗo belsik ɗoo ngoni, ngam ɓamtaare leñol amin njeeɓa golle mon njooɗɗe ɗe ngolloton ngam ɓamtaare krñol, on ɓuuɓnii ɓerɗe fulɓe,ngam yiɗde ɓamtaare leñol

 

» Signaler ce commentaire l'administrateur

jaarnoore!

Ecrit par: gaynaako (Invit ) le 24-09-2008 12:50

fulbe e yidbe mum'en fow jaaraama e dee golle mawde de meedaali wadde. 
yo alla reenu en, ayana dannda. 
on jaaraama.

 

» Signaler ce commentaire l'administrateur

weltaare

Ecrit par: aamadu bookar sih mo jowol (Invit ) le 29-09-2008 13:53

YOO ALLA WADE MON BARKE ONON E NGENNDIYANKOOBE LENOL  
TEENTII E DARANIIBE MOMTUDE GONDI LENOL 
YOO WUUR BAMTOO BIBBE FULBE E YIDBE MUM KALA 
MI SALMINII DUDAL BILBASI MO SAHRE WAJJUBE NDEENI 
MAA DUM MBIYEN JOWOL KO MUSIIDDO MON ALMUDEL LENOL MON HONO  
AAMADU BOOKAR SIH JEYAADO JOWOL GONDO HANNDE TO LEYDI ITALIA FALLATEERE MEN KO TAANDIINE@YAHOO.IT 
ON NJAARAAMA

 

» Signaler ce commentaire l'administrateur

Affiche 3 de 3 commentaires



Ajouter votre commentaire
Nom
E-mail
Titre  
 
Commentaire
 
Caractres restant: 2000
   m'avertir par mail si ce commentaire est suivi
  Veuillez rpondre la question:
W42         T8H      
9      4      T   4P9
KCA   62Y   OG2      
C S    X      J   KXO
J8A         HJJ      
   
   



mXcomment 1.0.7 © 2007-2017 - visualclinic.fr
License Creative Commons - Some rights reserved
< Précédent   Suivant >

FACEBOOKNAAƁE ♥ ♥ ♥ YIƊƁE ♥ ♥ ♥ ♥PULAAGU.COM♥